رواية منورة يا حماتي (حماتي ملاك) الفصل السادس 6 بقلم هايدي محمد
سامح : لو سمحتى يا آنسة ممكن كلمة على انفراد
همسة : خير يا أستاذ
سامح : هو حضرتك مرتبطة
همسة : ماتتلم يا عم انت هو انت جاى تشقط من هنا ولا إيه
سامح : لا لا انتى فهمتى غلط ... انا عاوز أرتبط بيكي
همسة : تانى ياعم انت انا الغلطانة انى بحترمك وانت انسان مهزأ
سامح : ياستى احترمى نفسك بقي أنا عاوز أتجوزك انتى ايه لسانك دة
همسة وشها يحمر وتنزله الأرض
سامح : مانتى بتتكسفي أهو زى البنات
همسة : بعد إذنك
سامح : خدى بس عاوز رقم بابا
همسة وقفت متلخبطه جدا ومش عارفه تتصرف ازاى
طلعت تليفونها
همسة : اهو 011 ...
وملته الرقم
سامح بيغمز بعينه : ماشي يا عروستي
همسة بتترنح شمال ويمين لحد مامشيت من قدامه
سامح : هبلة أقسم بالله بس فيها براءه وحاجه كدا شدانى ليها معرفش ايه السبب
....
أم رتيبة : يوووووه يادى النيلة نسيت أكلم مندوح يجيب اللى ماتتسمي بدرى يلا مش مشكلة الساعه لسة 8.5 الصبح
أتصل بيه بقي
مسكت الفون واتصلت
ممدوح : آلوو ازيك يا ماما
ام رتيبة : ازيك يا ضنايا بقي كدا متسألش على أمك هونت عليك
ممدوح : معلش ياما انتى عارفه الشغل بقي
ام رتيبة : الشغل بارضوا ولا اللى ماتتسمي
ممدوح : لا والله ياماما
أم رتيبة : طيب بقولك ايه خليها تجيلي دلوقتى عشان نتغدي كلنا أختك وجوزها جايين ومش هقدر اطبخ لوحدى انت عارف أنا تعبانه
ممدوح : هكلمها اشوفها صاحيه ولا نايمة
ام رتيبة : يا لهوى يا واد يا مندوح لسه نايمة لحد دلوقتى .. تمصمص وتلوى شفايفها
على رأى المثل ( اللى تنام ليله وضحاها .. العيشة أرحم بلاها )
ممدوح : ياما العيال تاعبنها
أم رتيبة : عيني عليا وانا عندى 16 سنة اتجوزت وجبتكوا في رجليا .. واصحى من النجمه احضر فطار واغسل واحمى واروح لحماتى .. المهم هتجبها ولا عارفاك دلدول وهتمشي كلامها عليك
ممدوح : ليه كدا بس ياماما دى ريحانه كويسه
أم رتيبة : اه منا عارفه طيب يلا يا أخويا شوف الهانم بتاعتك وعرفنى سلام
قفلت مع ممدوح
.....
بعد نص ساعه
أم رتيبة تتصل بريحانه
ريحانه بنوم : الووو
ام رتيبة : الوو انتى لسه نايمة ياختي
ريحانه : لا ياطنط بس بفطر وجايه
أم رتيبة : اممممممممممم واحنا معدناش فطار ولا إيه نسيت اننا مش قد المقام
ريحانه بعصبية : انا هنزل أهو يا طنط يللا سلام
أم رتيبة : سلام يا أختي
أم رتيبة : قليلة الأصل فاكرة ان معندناش أكل صحيح ماهى واكلة الولد في كرشها حر ونار في جتتها أتعب واشقي عليهم وفى الآخر تيجي تاخده على الجاهز
صحيح ربي يا خايبة للغايبة
أم عدلات من تحت البلكونة بصوت عالى
يا ام رتيبة .... يا أام رتيبة
أم رتيبة تبص عليها من البلكونه : أيوه يا حبيبتي اطلعى
أم عدلات : ماتنزلى هنا يا حبيبتي نقعد شوية
أم رتيبة : لا اطلعيلي انتى نشرب القهوة مع بعض
أم عدلات : ماشي
ام رتيبة : ادخلى يا حبيبتي ادخلى بيتك ومطرحك اما اخش أعمل القهوة قبل ما اللى تتسمى مرات مندوح تيجي
أم عدلات : يوه يوه يوه مرات ممدوح جايه ليه خير
ام رتيبة : أصل البنت رتيبه جايه ونفسها تشوف أخوها قلت أخليه يجيب الزفتة دى تساعدنى
أم عدلات : يوه يوه يوه ماقلتيش ليه كنت جيت ساعدتك أنا ... والله يا أم رتيبة مش عارفه الواد ممدوح بيحبها على ايه .. دى رافعه مناخيرها سابع سما وتبقي ماشيه تقول مافيش غيري
أم رتيبة : عارفه ياختى ياكش تولع .. دى واكلا الواد ياحبة عين امه خس وبقي زى عصاية الغلية تقوليش انها بتاكل أكله وبتعملش حسابه .. ماعلينا طالما هو راضي ومبسوط
المهم عدلات عامله ايه مع جوزها
أم عدلات : اسكتى ياختى جوزها وحماتها منهم لله
أم رتيبة : ليه كدا بس مالهم
أم عدلات : الواد بتاع أمه وهى اللى ممشياه
أم رتيبة : تخبط على صدرها قطيعه هو لسه في رجالة كدا الأيام دى على كدا احنا مش حموات
يقطع كلامهم خبط الباب
أم رتيبة بصوت واطى : تلاقيها المخفية الهى تتخفي
ام عدلات : قومي ياختى دى هتكسر الباب
أم رتيبه : أيوا جايه يوه اطرشيت أنا جايه أهو
وتفتح الباب أهلا بحبايب ستهم
ريحانه : ازيك يا طنط
أم رتيبة من تحت الدرس : أهلا ياريحة
ريحانه : اسمى ريحانه
ام رتيبة : ياختى كلها روايح ادخلى وسلمى على خالتك أم عدلات
ريحانه لنفسها : أفففففففف كملت ...
ودخلت ازيك يا طنط
أم عدلات : ازيك يا حبيبتي لسه بشكر فيكي حالا حتى اسألى حماتك
ريحانه : أنا عارفه هتقوليلي ناسيه انى عاشرتكوا سبع سنين
أم رتيبة : ايه ياختى هتفضلى واقفه هنا بترغي كتير خشي يلاع المطبخ أنا جبت كرومبه وبتنجان وكوسة ... اعملى مرونه بشاميل وبطة وفرختين معاهم
يللا على ما اقور انا وخالتك ام عدلات البتنجان تكونى عملتيلنا كبايتين شاي
ريحانه لنفسها : خالتى مين بس ... أوووووف على دى عيله زبالة
دخلت ريحانه المطبخ
أم رتيبه بتكلمها من برة
أم رتيبة : ياريحه اعملى جلاش وصينية بسبوسه حلو مع أى عصير عشان رتيبه وجوزها
ريحانه : يقطع ريحة على اليوم الاسود اللى عرفتكوا فيه
أم عدلات وهى قاعده بره بتكلم أم رتيبة بصوت واطى
أم عدلات : شوفيها بتسلم من غير نفس ازاى زى ماتكون مش عاوزه تيجي
أم رتيبة : استنى عليا بس والله لأنكد عليها
