رواية ملتزمة تزوجت رجل اعمال الفصل الخامس 5
خديجه روحت البيت. السلام عليكم يابشر انا جعااانه.
مرات اخوها. هههههههه. ايه يامفجوعه. عمرك ماقلتي انا شبعانه ابدا. طول عمرك جعانه ياريت بيبان عليكي.
خديجه. هو انا باكل غير سبع مرات بس في اليوم. اكلتي ضعيفه. وعماله تقري عليا. امال لو باكل كده عشر ولا عشرين مره كنتي عملتي ايه. عيله بخيله.
مرات اخوها بصدمه. عشرين ايه
خديجه. طب انا هروح اكل تكوني. استوعبتي
ام خديجه. ياشيخه. غيري الاول. ايه لازم تسلمي علي المطبخ.
خديجه. ده روحي روحي يعني. ده انا ابوظ والمطبخ لا.
ام.خديجه. ههههه
خديجه. يلا بقا عطلتوني اريد الطعام. هروح اغير شوال الفحم وارجع ليك يامطبخي ياحلو انت
راحت خديجه. غيرت هدومها. ولبست. عبايه بيتي الواني. وفضلت بشعرها. وراحت المطبخ. تتطمن طبخين ايه.
مني رنت علي خديجه. خديجه طبعا اخدت الغالي معاها المطبخ
خديجة. السلام عليكم ياام العيال
مني بضحك وعليكم السلام ورحمة الله. وصلتي البيت ولا لسه.
خديجه. لاوصلت المطبخ. لسه هستكشف البيت بعدين.
مني. ههه ايه ياشيخه امال لو مش واكله اربع مرات في الكليه.
خديجه. ايه ياجدعان مالكو بتبصو في اللقمه ليه كده
مني. ههه كلي ياختي. يارب يظهر عليكي بس
خديجه. مع السلامه يامني خليني اكل سديتي نفسي عن الحياه.
نلتقي السبت الجاي بأذن الله (طبعا درسات العليا يومين بس. )
خديجه. طبعا. بقيت الاسبوع. لاما بتذاكر او بتدي درس للاطفال. للقرود معني اصح. او بتسجل ريكورد علي الواتس. لانها بتشتغل في الدعوه علي الواتس اب.
وجه يوم السبت. وقامت خديجه تصلي قيام الليل وطبعا هي عارفه فضل قيام الليل
وان ربنا جل جلاله بيتنزل في السماء الدنيا كل يوم وينادي هل من سائل يسئل هل من مستدفع لضر فادفعه عنه. هل مريض فاشفيه. وربنا بينزل كل ليله. في الثلث الاخير من الليل. وهي بتقوم تقف بين ايديه وتصلي وتدعيله.
خديجه. ببكاء. اللهم اجعلني جند من جنودك في الارض. يارب استعملني في نصرة دينك ولا تستبدلني. يارب ارزقني بالزوج الصالح اللي يعني واعينه علي طاعة الله وارزق بنات المسلمين كلهم بالهدايه وبالزوج الصالح. والذريه الصالحه.
وخلصت خديجه من الصلاة وصلت ركعتين السنه اللي قبل الفجر. لانها عارفه انهم خير من الدنيا ومافيها انتهت من الصلاه وقرات اذكار الصلاه. وراحت لبست. وبصت علي نفسها في المرايه. ياتري الملائكه هتدعيلي وانا لابسه حجاب امهات المؤمنين.
خديجه راحت قبلت ايد ابوها وامها. واخدت المصروف وشالت شنتطها وهوووووب جري. عشان تلحق القطر
وصلت لقت مني مستنياها وركبو. ووصلو الكليه. ولكن اتفجأت بصوت راجل بينادي عليها باسمها. ياتري عايز منها ايه ومين ده اصلا.
باسم. بينادي علي خديجه.
ياخديجه.
خديجه وقفت مصدومه. ياتري مين عرفني هنا
وبينادي عليا.
باسم وصل عندها وقال. عايز اتكلم معاكي شويه.
خديجه. افتكرت صوته. وهو ابو طويله. مش راضيه ترفع راسها. وتشوف شكله لانها مأمورة بغض البصر.
خديجه. حاطه عنيها في الارض. نعم حضرتك.
باسم مش عارف يقول ايه. ساكت.
خديجه. بحده حضرتك بتنادي عليا ليه
باسم. عادي. يعني. هكون موقفك ليه. اكيد عشان اطمن عليكي. بعد اللي حصل.
خديجة بغيظ. جزاك الله خيرا. بعد اذنك. وسابته ومشيت. لان غلط وقفتها معاه وهو غريب عنها.
هو فضل واقف مصدوم.مش عارف يقول ايه ولا يعمل ايه. راح راكب عربيته بعصبيه ومشي. راح علي شركته.
خديجه. قلبي كان هيقف. انا قلت هو جاي يضربني ولا يعمل ايه وياتري عرف اسمي منين. تلاقيه سمعه من حد انا اشهر من النار علي العلم.
مني فاقت من صدمتها الاخ ده كان عايز منك ايه.
خديجه. انتي هبله يابت. انتي مش كنتي واقفه معانا.
مني ببلاهه لا ماانا كنت عماله افكر وعملت كذا مسلسل هندي في دماغي ومفيش واحد راكب علي اخوه
خديجه بصدمه. وانتي من امتي بتفكري ياازكي اخواتك هههههههه
مني. بغيظ بطلي ضحك وقولي كان بيقلك ايه
خديجه. فاكرة الاخ اللي كنت عايزه اديله قلمين. اهو هو ده بقا.
مني بصدمه. ده مووز يخربيتك. قلمين ايه.
خديجه. بحده. انتي نظرتي ليه. وانا بقالي سنة اتكلم عن غض البصر. مكنشي العشم. ورقتك هتوصلك علي بيت ابوكي ياهانم
مني بضحك. هههه ورقة ايه.
خديجه. ورقة. يانصيب. اي حاجه يعني.
نروح لباسم.
باسم بيكلم نفسه. بقي انا بتقلي عايز ايه حضرتك. وايه. جزاك الله خيرا وسابتني واقف. منظري كان زباله.
ماجد دخل لاقي باسم بيكلم نفسه. بيسالو وهو بيضحك بنت مين دي
باسم. البت اللي كلها اسود في اسود دي.
ماجد باستغراب. مين دي.
باسم. انتبه. وانت مالك انت روح علي مكتبك. انا مش طايق نفسي الساعه دي.
ماجد وهو ماشي يتمتم
هو امتي بيطيق نفسه ده ال24ساعه متعصب ومطلعه علي دماغ اهلي انا. يارب تقع وانت ماشي ياباسم ياابن ام باسم.
نرجع لخديجه. بنت واقفه. ونادت علي خديجه. ياتري عايزه من خديجه ايه. وباسم. هيخطب خديجه ازاي
