رواية منورة يا حماتي (حماتي ملاك) الفصل الرابع 4 بقلم هايدي محمد
أم رتيبة : أما أخرج أشوف أم عدلات ... مش عارفه أعمل ايه في الولية دى .. صح البت رتيبة عيانه بقالها يومين أما أتصل أطمن عليها الأول
مسكت التلفون واتصلت على رتيبة
أم رتيبة : ازيك يا عين أمك
رتيبة : ازيك ياما عاملة ايه
ام رتيبة : بخير ياحبيبتي وانتى عامله ايه
رتيبة : الواد تاعبني ليلة امبارح ولسه صاحيه من النوم
أم رتيبة : ياضنايا يابنتى نامى براحتك يا حبيبتى جوزك عامل إيه
رتيبة : الحمد لله اسكتى ده لما شافنى تعبانه قام حضر هو الفطار وقومنى عشان آكل
أم رتيبة : وماله يابنتى مش ده جوزك بارضوا .. اسكت بس انا دمى محروق من الموكوس مندوح
رتيبة : ليه ماله ياما
أم رتيبة : قال إيه مراته تعبانه شوية قام حضرلها هو الفطار وسايبها تنام للظهر
رتيبة بقلبة شفايف : أصل ابنك مش راجل يا أما وانا قلت كدا من زمان .. آه صحيح احنا هنيجي نتغدى عندك بكرة ابقي قولى لممدوح ييجي عشان نتلم كلنا
ام رتيبة : أيوا وهاجيب مراته تعمل الغدا
رتيبة : أيوا ياأما أصل انا تعبانه مش قادرة
أم رتيبة : طيب يللا سلام
تقفل أم رتيبة التلفون وتقول لنفسها : هنكد على مرات مندوح ازاى النهاردة هنك عليها زاى يا ترى
هنكد عليها ازاى
يقطع أفكارها دخول سامح
السلام عليكم
أم رتيبة : عليكم السلام يا روح أمك
سامح : الجميل عامله إيه النهاردة
أم رتيبة : الحمد لله ياضنايا وهبقي كويسه أكتر وأكتر يوم ما أفرح بيك يا آخرة صبرى زى اخواتك
سامح : ان شاء الله يا أمى
أم رتيبة : إيه رأيك يابنى في فتكات بنت خالتك ... عندها شقة وفى وراها ورث من ورا ابوها
سامح : فتكات ايه بس يا أما انتى مش شليفه لبسها عامل ازاى ولا طريقة كلامها
ماتنفعنيش
ام رتيبة : يا واد دى على قدنا وبتحبك
سامح : بس هي مش في دماغي يا ماما انا في وحده تانية في دماغي
ام رتيبة تضرب على صدرها : وتطلع مين دى ياواد
سامح : مش وقته
أم رتيبة : .....
