recent
روايات مكتبة حواء

رواية منورة يا حماتي (حماتي ملاك) الفصل السادس عشر 16 بقلم هايدي محمد

رواية منورة يا حماتي (حماتي ملاك) الفصل السادس عشر 16 بقلم هايدي محمد


 همسة : مبدئيا كدا مش هعرف اقعد مع مامتك فى بيت واحد انت شوفت بتتعامل معايا ازاى هى طبعا على عيني وراسي بس عشان لا في يوم تيجي عليا ولا عليها

سامح : بس انتى عارفه هى كبيرة وانا اللى بيصرف عليها وكمان ماقدرش اسيبها قاعدة لوحدها وبعدين ليه آجى عليكي ولا عليها
همسة : احنا لسه على البر وأنا مش حابه أظلم نفسي ولا أظلمك وبعدين هى مودة ورحمة فى الآخر فلازم نحافظ عليهم ونبعد عن المشاكل وزى ما ربنا قال بر الوالدين
قال بارضوا (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) )
سامح : بس أحب أفهمك انى عمرى ماهجى عليكي ولا عليها بارضوا
همسة : بس عمرك ماهتكذب والدتك مهما قالت
سامح سكت مش عارف يرد
همسة : شفت يا سامح افهمنى العمر بييجي مرة واحده بس واحنا كدا كدا عايشينه يبقي ليه نعيشه فى نكد ومشاكل لما نقدر نبعد عنها
سامح : طيب فيش حل تانى
همسة : هو فى بس مش عارفه هتوافق ولا لأ
سامح : قولى ونشوف
همسة : اللى بحصل ما بينى وبين مامتك مالكش دعوه بيه مهما يكون
سامح : مش فاهم
همسة : انا هتعامل بما يرضي الله طبعا معاها لكن لو تعاملت معايا بالطريقة اللى شفتها يبقي منى ليها وبرضوا بالأدب بس مالكش دعوة
سامح : بس
همسة : قبل أى حاجه انا هوصلها لنقطة انى فعلا زى بنتها وفعلا هتشوف منها اختلاف وبالنسبة لرتيبه هعرفها اننا ولاد ناس بارضوا يعنى لازم يبقي فى احترام مابينا بس عاوزاك تسيبني منى ليهم بس
سامح : لوجيتي على والدتى فى يوم ...
همسة : لو مش واثق فيا احنا لسه على البر
سامح : واثق فيكي طبعا رغم ان لسانك عاوز يتقص منه حتى قد ميدان لبنان بس هعمل ايه بقي بحبك
همسة : وشها يحمر : اتفقنا
سامح بغمزة : هو أنا أقدر أقول حاجه بعدك
همسة : فى حاجة كمان
سامح : احم احم كدا كتير بس قولى
همسة : فيش حاجة اسمها والدتك تتدخل فى حياتي
سامح : على فكرة أنا راجل وافضل أمى على حياتى لكن بيتي ومراتى أنا اللى همشيهم على مزاجى
همسة :اممم تمام والصلاه والصوم وحفظ القرآن
سامح : مالهم دول
همسة : تعينني عليهم وأعينك عايزين حياتنا تبقي فى طاعة الرحمن
سامح : إن شاء الله فى حاجه تانى ولا ايه الناس قلبو سمك مخلل جوه
همسة بضحك : لا لسه يابيه هاتلى حتت سمكاية من عندك يابرنس
سامح : صبرني يارب على أم اربعه واربعين لسان اللى بحبها دى اعمل ايه
ابو همسة : ها يابنى قرايب همسة وصلوا
سامح : خلاص ياعمى
وخرج سامح
أبو همسة يقرب لبنته : هاه يابنتى
همسة بكسوف : خلاص يابابا
ابو همسة : اقول للناس خلاص فيش نصيب
همسة بسرعه : لا يابابا موافقه
أبو همسة : ههههههه مبروك يابنتى
ويحضنها قبل ماتدخل جوة
خرج أبو همسه قعد مع الرجالة
نسبهم ونروح للستات
خرجت همسة ودخلت المطبخ لميادة
مياده : ها حصل ايه
همسة حضنتها : وافق على اللى انا عاوزاه فرحانه جدا أنا
ميادة : يارب يا قلبي دايما دلوقتى يللا عشان نطلع للحيزبونات اللى برة الله يكون فى عونك عليهم
همسة بضحك : انتى نسيتس أنا مين يابت ولا ايه تعالى واتفرجى على اللى هيحصل دلوقتى
خرجوا وراحو قعدوا مع أم رتيبة ورتيبة
رتيبة : منورة يا عروسة
همسة بابتسامة : ده نورك
رتيبة تسيب الكرسي اللى جنب امها وتروح تقعد جنب همسة
رتيبة : قوليلي ياختى كنتوا بتعملوا ايه فى البلكونه
همسة : ليه
رتيبة : عادى بنرغي
همسة : دى حاجات خاصة يارتيبه
رتيبة : وماله أنا أخته وهبقي عمته
همسة : بما انك أخته يبقي اسأليه هو حابب يقولك يتفضل يقول وبما انك عمتى فاللى بينا احترام وتقدير وبس
رتيبة بلوى شفايف : واضح انك مش بتيجي باللين
همسة بضحك : ولا بالقسوة يارتيبه
أم رتيبه : بتقولوا ايه يا بنات متضحكونا معاكوا
رتيبه بعصبية : مافيش يا ماما
ام رتيبة : الا قوليلي يا أم البنات
همسة : اسمها أم همسة وهى فعلا أم البنات وده مش عيب لإن الرسول (ص) خلفته كان معظمها بنات
أم رتيبة بغيظ : عليه الصلاة والسلام
همسة وقال كمان (ص) : خيركم من بشر بالأنثي صح ولا هنكدب رسولنا .. كمان ربنا عظم الأنثي و..
رتيبه : حلاص يابنتى هو انتى هتدينا درس دين عشان حافظه كلمتين
همسة : والله يارتيبه دول مش كلمتين ده كلام ربنا وكلنا حافظينه ودى أساسيات ديننا الللى أهلى قالوها ليا واحنا صغيرين ولازم تقوليها لأولادك كمان
أم همسة بتحاول تلطف الجو : كنتى هتقولى ايه يا أم رتيبة
أم رتيبة : كنت هقول هتجهزوا منين وانتوا واضح ان حالتكوا معدومة أوى كدا
همسة بغيظ مكتوم : مش بالمظاهر حضرتك ياطنطش وواضح كمان زى ماسامح قال إن حالتنا زى حالتكوا بالضبط ويمكن احنا أحسن عشان بنحمد ربنا يا طنط فدايما عندنا البركة
أم رتيبة : والله إيه وبلوى شفايف ماشي يا ست المؤمنة
همسة : يسمع منك ربنا ويخليني من المؤمنين يا طنطش
أم رتيبة تميل على بنتها : يالهووووووووى هتشل من البنت دى
رتيبة : يارب يحصل أى حاجه وتتفشكل
صوت من بره إيه ياجماعه مش هتسمعونا زغروطه
همسة تقرب من أم رتيبة وتميل عليها : لولوولووللولولولولولولولولولولولولوولولولولوولولولوللووللولولوولولوللووللوولوللوولولولولولوللوولوللولولوولوللولولووللووللووللولولولولولوولولولولولولولولولولولولولولولولولولوولولولولولولوللي
زغروطة طويلة جدا حبست الدم فى أم رتيبة وبنتها
أبو همسة بصوت عالى : نقرا الفاتحه يا جماعه
همسه من جوه : مش هتزغرطى فى فرح أخوكى يارتيبه ولا إيه سامح قاللى انك كنتى خارباها زغاريط فى فرح ممدوح
رتيبة بغيظ لنفسها : الزغروطه الجايه هتبقي على قبرك يابعيده
وتقوم رتيبه تزغرط وهى متغاظة
أم رتيبة : تنشك فى لسانك يا سامح
رتيبة : شكلها مش سهل ياما
أم رتيبه : ياختى دى واللى ماتتسمى التانيه هايجيبوا أجلى خلاص
رتيبة : بعد الشر عنك ياما شالله هما
ييجي سامح من بره
يا ساتر
أم همسة : مستورة اتفضل
سامح : ان شاء الله كتب الكتاب والفرح آخر الشهر ده
أم رتيبة : .........
يتبع

google-playkhamsatmostaqltradent