أخر الاخبار

رواية منورة يا حماتي (حماتي ملاك) الفصل السابع عشر 17 بقلم هايدي محمد

رواية منورة يا حماتي (حماتي ملاك) الفصل السابع عشر 17 بقلم هايدي محمد

 سامح : ان شاء الله كتب الكتاب والفرح آخر الشهر ده

أم رتيبة : ليه كدا يابنى دبسوهالك بالسرعه دى
أم همسة : أفندم تدبيس إيه
همسة : إيه يا طنطش خايفه منى آجى أقعد معاكى بالسرعه دى ولا إيه ههههههه
سامح يبرق لأمه تخاف
أم رتيبة : لا أقفصد تدبيس فى الشغل بتاع الفرح وكدا هنلحق نخلص
سامح ر: من بكره همسة هتنزل تنقى العفش وهاجيبلها ممدوح أخويا يدهن الشقة بالألوان اللى هى عاوزاها
رتيبة : إذا كان كدا أنا كمان هاجى معاكوا أختار
سامح : معلش يا ؤتيبة هى اللى هتقعد فى الشقة سيبيها تختار براحتها
رتيبة : بس ده بارضوا بيت أمى وأبويا وليا فيه
عم رتيبة الكبير : لو عاوزه نصيبك فى البيت نديهولك وبلاش لسان الضفدعه اللى عندك دة ومخليكي تصطادى كل غلطة
رتيبة : بس يا عمى
همسة : معلش ياعمى أصلها صعبان عليها إنها بقت صفر عالشمال هناك فى البيت بتاعى أنا وسامح هههههههههه معذورة
محمد جوز رتيبة : لمى تعابينك واقعدى على جنب احنا مش في بيتنا
سامح : حصل خير المهم ياجماعه أنا من بكره هعدى عشان آخد همسة وعيلتها عشان ننقى الفرش ونظبط الأداء
خلصت قعدة الاتفاق ومشي الكل وبقت همسة وميادة دخلوا جوه قعدوا فى أوضة همسة
ميادة : بررررررررريه منها الست دى صعبه
همسة .. فعلا المهم خليكي بايته معايا الليلة عاوزاكى معانا بكرة
ميادة رفعت راسها فوق وغمضت عينيها ومدت إيدها لهمسة وقالت : بووووووووسش
همسة : ياروح طنط ماما اقفلى الباب بالترباس معندناش حد يخرج من البيت الليلة أنا خطفت الموزه دى من الشارع النهاردة وهاخدها معايه السرير
همسة شالت ميادة اللى اتفاجأت بالحركة وقعد تصرخ
سيبني يا مجرم سيبني يا مجرم سيبني يامجرم
ورمتها على السرير
همسة نطت فوقيها وقالت بدأت المعركة
أم همسة : جت من بره دخلت الأوضه اتفاجأت بالمنظر همسة نايمه فوق ميادة والأخيرة بتضحك
أم همسة : ايه ده يالهوى
همسة : ايه فى حاجه ياحجه
قالتها وهى مبرقه ليها بهزار
أم همسة : لا مافيش enjoy it وقفلت عليهم باب الأوضه
صوت أم همسة من بره بضحك : يارب بس سامح يخليكي تبطلى اغتصاب البنات دة
ميادة بضحك : يوه بالراحه بشويش
تخلص الليلة دى
وتانى يوم الصبح
همسة تقوم من النوم تلاقي مياده نايمه جنبها ماصحيتش
همسة تقرب منها بالراحه ... تحط إيدها على بق ميادة بشويش تقرب بقها من ودان ميادة بهدوء
همسة : مياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااده
مياده تقوم مفزوعه من النوم وهمسة تمسك بطنها مش قادرة من كتر الضحك
ميادة تمسك المخدة ترميها عليها
ميادة : والله لأربيكي
وقامت هجمت على همسه تزغزها وهمسة تضحك
دخلت أم ميادة الأوضة : يالهوى ايه ده انتوا مابتزهقوش
ميادة وهى بتبرق لأم همسة : فى حاجه ياطنط
أم همسة : مجانين السيدة قوموا يللا على تنضيف الشقة كفاياكوا الليل مش لازم النهار كمان
خرج التلاته كل واحد منهم ينضف حاجة وبدأوا يجهزو مستنيين سامح ييجي عشان يبدأوا يومهم الطويل
...........
..........
سامح يتصل بممدوح عشان يتفق معاه على إنه ييجي يدهن الشقه
ممدوح فى الحمام وريحانة ترد مكانه
سامح : الوووووو
ريحانه : ازيك يا عريس
سامح : أخبارك إيه يا أم أحمد
ريحانه : عارف لو حد تانى قاللى أم أحمد دى غيرك كنت كنت علقته من صفارة مناخيره
سامح : ياواد انت ياخطر
ريحانه : هههههههههه كنت عاوزه رقم همسة أباركلها
سامح : ماشي يا ستى رغن إنى واخد على خاطرى منك ازاى ماتيجيش امبارح
ريحانه : كانت قعدة رجاله انت عارف وممدوح ماخلانيش آجى
سامح : مش عارف اتجوزتيه ازاى مين كان يصدق إن واحده معاها بكالوريوس إدارة أعمال من الجامعة الأمريكية تتجوز ممدوح النقاش
كان لازم جدتك اللى فى القاهرة تموت فى الوقت ده
ريحانة : أعمل إيه بس قسمتى ونصيبي بعد وفاة جدتى رجعت البلد ماكانش يصح أقعد لوحدى وبما إنى كان عمرى 22 سنة يعنى عانس فى نظر أهالى البلد أهلى جوزونى أول حد ييجي والسلام
سامح بزعل : هاتتعدل تقلقيش
ريحانة : أديني عايشة خلاص
سامح : اكتبي رقم همسة عندك 010
ملاها الرقم
سامح : ممدوح عندك
ريحانه : هو فى الحمام .. ايه خرج أهو خد أهو معاك
ممدوح : ايه ياعريس عامل إيه
سامح : الحمد لله كنت عاوزك تيجي تقف مع همسة عشان تدهن البيت وتوريها الألوان اللى عندك وكدا
ممددوح : حاضر عونيا أفطر بس وأشرب الشاى واجيلك خلاص
......
فطر ممدوح وريحانه نضفت البيت بعد الفطار واتصلت بهمسة
ريحانه : السلام عليكم
همسة : عليكم السلام مين
ريحانه : أنا ريحانه مرات ممدوح
همسة : أهلا أهلا أهلا ازيك يا سلفتى ولا تحبي أقولك أم أحمد
ريحانة بضحك : هانبتديها من أولها
همسة : انا واخده على خاطرى من كازاى ماتيجيش
ريحانة : آسفه والله كانت قعدة رجالة مايصحش انتى عارفه
همسة : اه عارفه طبعا بس احنا مش بقينا اصحاب ولا إيه وكنتى تيجي بصفتك صاحبتي مش لازم سلفتى
ريحانه : هههههههههه معلش بقي حقك عليا أنا آسفه
همسة : خلاص مستنياكي ياريحانه النهارده تيجي تنقى معايا ألوان الشقة
ريحانة : مايصحش ده بيتك وانتى اللى هتقعدى و ...
همسة : بس يابت عليا النعمه أخبطك فى نافوخك ايه اللى بتقوليه ده احنا مش صحاب ولا إيه
ريحانه بفرح : أكيد طبعا شرف ليا ده أنا حتى من يوم ماجيت هنا ماليش أى اصحاب ولا أى حد خالص
همسة : لا لا لا ده احنا لازم نقعد نرغي ونشوف الموضوع ده بقي مستنياكي خلاص كمان ساعه بالكتير
ريحانة : ماشي ياقمر عاوزه حاجه
همسة : بوسيلي أحمد الصغير
ريحانه : يوصل يللا باى
همسة : باي

تعليقات



حجم الخط
+
16
-
تباعد السطور
+
2
-
close