رواية عائلات راقية بفسادها 15 الفصل الخامس عشر بقلم اروي طاهر المسلاتي
ماريا:معندك شي تحكككككككيه
جنان:صاحب بوووك يلي مداير معاه العار و حملت منه رحمه يكون بووووووي ...
هبه وموده كانت عيونهم بتطلع من الصدمه 
اما ماريا عقدت حواجبها ودموعها ينزلو ....شن تقولي انتي!
جنان:اهلين بيك في العائلات الرقيه
لكن بي شنو؟؟؟بي الفساد متاعها
ماريا:رجعت خطوات للخلف وهيا تتكلم...مستحيل
لا
وطلعت من الحمام تجري
هبه:لحقتها بسرعه وهيا تنادي عليها
جنان:ربعت يديها وتشوف لي موده،...حلو جدا
منو بينضف العفن هاذا توا!
موده:حطت يدها ع راسها وهيا مش مستوعبه يلي سمعاته
_____________________________________
ارسولان:حط يده على راسه بألم من ذكرياته يلي انهالت عليه كلها فجآه
سحب روحه من بين الحاضرين بيطلع معش تحمل !
بس جي وجها في وجه اسلام
اسلام؛خيرك؟
ارسولان:تحشم هلبا يطلع ويخليهم في وقت زي هاذا !....امير. وين ؟
اسلام:القدام شوي
ارسولان:هز راسه بمعنى تمام وهوا يقرب مع الناس للمقبره وقلبه مقبوض والذكريات يلي تنصب عليه زي المطر
شاف بعيونه كيف ينزلو في رحمه داخل الحفره المضلمه يلي اسمها قبر
سكر عيونه وذكر البنت يلي نزلت فيه وهوا يتخيل في ملامحها تترجى فيه يطلعها من الحفره هاذي
مكانش حد كن الحاضرين منتبه لي ارسولان
لما نزلت من عيونه دمعه ومسحها قبل حتى ما توصل لحيته !
الصديق:يهمس لي ولده....كلم امك قالها تنزل خواتك بلا عار
حسام:علاش هما وين مفهمتش ؟
الصديق:تسحابه رحمه فيها مرض يعدي وماتت منه
متبيش البنات ينزلو يختلطو بي الناس
حسام:حط يديه في جيوبه....صدق من قال ناقصات عقل
الصديق:يشوف لي ارسولان ....هاذا شن وضعه هنايا؟!
حسام:شاف لي ارسولان بحقد....يدحنس عليهم طامع في قرشين
الصديق:واضح من تمثيله ع اساس متأثر
حسام:كان وقفت لعند هكي باهي القرشين نعطيهولا حتى انا ويقلب من عليا
الصديق:امالا في شنو طامع؟!
حسام:ربع يديه وخدي نفس .....علمي علمك والله
الصديق:رد بالك منه الشكال هادا جعان وكان مليشاوي
حسام:ضحك بسخريه ...اي مليشاوي بالله
كان عقاب واحد يخدم في الامن حراسات والدوه الفاضيه هيا
الصديق:المهم دير بالك منبيكش تعلق معاه
حسام:ان شاء الله
__________________________________________
سرور:حضنت ليلى.....اهدي ياقلبي
ليلى:تبكي .....ااااه ياربي حتى وليدي قاعد مافرحش بيها ياسرور قلبي بيتقطع عليه
سرور:الله غالب كلنا ليها الطريق هاذي ربي يعوضه امير ان شاء الله وهيا يرحمها ويستر عليها حتى في موتها ويغفرلها ع يلي دارتته
ليلى:قامت راسها....مش قادره نطلع من داري
مش قادره نواجه حد من الناس يلي تعزي
منبي حد كلميهم منبيش حد يعزيني
سرور:اشششش اسكتي
وين عقلك انتي غلط هادا توا تنزلي وتقبلي العزي من الناس
لا انتي ولا ولدك غالطين بلعكس ولدك بيستر عليها لما عرف والشي هاذا يشرف ويثبت ان ولدك راجل
هيا انزلي معاي مفيش حد يقدر يحكي عليك ولا على عيلتك
ليلى:اقتنعت بي الكلام يلي سندتها بيه سرور 
استعادة شويه من قوتها ونزلت لي الناس
في المطبخ:-
رقيه:كانت تخدم بقلب ورب
تنضف وتلمع وتغسل وتفرق متبيش تخلي منضر اهل امير قدام الناس اخي ابدا
خشت عليها جميله ورقيه ماسكه سفرة فيها طواسي لبن
مشت خطوتين ونكب شوية لبن على جميله يلي كان الغلط منها لان تمشي وعيونها ع الغاز
تكنطت جميله وقلبت السفره كلها ع رقيه يلي طاحت ع الارض وكان اللبن مغطيها
شافت المنشر هاذا خديجه قريبت امير
خديجه:تنوض في رقيه من على الارض ....شنو هاذا يلي اديري فيه
معقوله برا كبيره عاقله زيك ادير هكي !!
شن خليتي لي الصغار
جميله:هيا غبيه وتخدم بلا عقل تتحمل نتائج غبائها
خديجه:لا حول ولا قوة الا بالله ياااربي صبرك بسسس صبرك ....بري سلم بنتي اغسلي وبدلي حوايجك
رقيه:هزت راسها بمعنى حاضر بدون ولا كلمه ومشت للحمام
خديجه:الناس هاذي مش جايه هنايا تخدم من الكساد ياابله
الناس هادي جايه تخدم باش تاكل بي الحلال يعلم ربي انها مسيبه اهلها ع خاطر ها القرشين يلي تاخد فيهم
والله نشوفك تهينيها مره تانيه ولا مكلمتيها تشوفي شي مايعجبك فاااهمه؟!
جميله:قلبت عيونها بملل وطلعت من الخيمه
_________________________________________
هبه:تجري في ممر المدرسه وخايفه لو ماريا ادير شي في نفسها بعد يلي سمعاته
وصلت فم باب الفصل وتلاقت مع ماريا يلي كانت طالعه والشنطه على ضهرها
هبه:لعند وين؟
ماريا:تمسح في دموعها .....بنروح
هبه:وين بتروحي ماريا مزال في امتحان فتره ثانيه لعلمك ره
ماريا:سكرت عيونها ثواني.....ريحيني وبعدي من طريقي
هبه:اهدي واسمعيني ....يلي صار هلبا محد يقدر يكذب عليك لاكن لازم تواجهي مش تهربي
قعمزي احكي مع جنان افهمي منها في النهايه لا انتي ولا هيا ليكم الدخل في العفن يلي صار
جنان:حكت من خلف هبه.....ولازم تكملي معانا الحمامات
ماريا:شافت لي جنان بملامح تاعبه
موده:اي ماريا خليك ....كل شي ينحل
صح ولا هبه؟
هبه:اكيد واحني معاك
ماريا:رجعت شنطتها للمقعد وقعمزت
خشو ال3للفصل وراها وسكرو الباب قعدو يشوفو لبعض ومعرفش منو مفروض يبدا يحكي !
جنان:كان عندي علم بكل شي بس مكنتش نعرف انه بوك
لين جي مره عندنا وحكي بوي لي مرته وقال اسمه الثلاثي وقتها اذكرت اسمك
ماريا:قامت راسها.....علاش بوك دار الخطه الحقيره هاذي وبياخد الولد؟شنو يبي يدير بيه!!
جنان:حطت يديها في جيوبها ولوحت المستكه يلي في فمها
لان معنداش ولاد ...قالت بصوت واطي محدش سمعه
الا واحد بس !
ماريا:شن دخل امير !!؟....علاش يحشو فيه في القصص هادي !حرام عليهم
جنان:ابتسمت ع جنب ....بتقنعيني امير بيرضى بوحده زيها بدون مقابل يعني !
انتي سمعتي بوك شن قال بيعطيه فلوس من يلي بيحصلهم من بوي
ماريا:لاااا....امير خوي نعرفه كويس
مش هكي ولا عمره رح يكون هكي امير متأكده دار هكي عشان .....
جنان:عشان شنو. ؟!
ماريا:بلعت ريقها وهيا تهرب في نضراتها بعيد ....عشان يستر ع بابا قدام الناس
هبه:او ممكن يحبها مثلا
شافو ال3لي هبه
هبه:خيركم 
...قلت شي غلط ؟
...قلت شي غلط ؟جنان:هل تعلمي انك درتيلي القداد بي البرائه والغباء يلي انتي فيه؟؟شكلك متعلميش
هبه:افففف شنو قلت انا
جنان:ضميلي فمك مصحك وجهك من وين يعرفها هوا باش يحبها اصلا
لا ...وعرفها لما فهم انها كانت تهيج مع بوه 
الصبر ياربي الصبررر
هبه:به خلاص سكتت....كان قلب هبه يرقص من الفرح داخل رغم كل المصايب يلي صايره
موده:انا بننزل نجيب فطور لازم تاكلو كويس لان وراكم تنضيف حمامات وخريان
هبه:ضحكت
جنان:شافت لي ماريا يلي كانت مضايقه ....وانتي لعند امتى بنقعدي هكي !
ميطلعش عليهم الزعل اللفعات للعلم بعدين حسستيني انك كنتي ميته فيها مرت خوك
ماريا:نزلت عيونها....كيف بننشى يلي داره بوي؟!
جنان:رح تنسي ....في النهايه كلنا نغلطو وخلاص طلعيه من راسك شي صار وفات متقدري تردي شي ولا تصلحي شي واحسن شي صار انها نتحرت
ماتت ارتاحت وريحت هلبا ناس
موده:خلاااااص سكرو المواضيع هاذي وكولي انتي وياها وراكم تنضيف خريان
ارتسمت ابتسامه على فم ماريا والشي هاذا يوضح انها ارتاحت شوي
كملو البنات ماكلتهم ونزلو حاولو يهربو لكن محاولتهم للاسف فشلت 
فقررو خلاااص يستسلمو ويبدو تنضيف
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيرعد:فتح غرفة المشفى بس انصدم لما ملقاش رؤى!
كان السرير مرتب وكل شي في مكانه كأنه مكانش في حد هنايا!
طلعت يجري يسأل في الممرضات وقالوله ان جي شاب خداها قبل شويه
استغرب رعد من يمكن يروح بيها وهيا حتى اهلها ميعلموش بيها
تنرفز هلبااااا واتصل بيها مردتش
اكتر من 6مكالمات عشان ردت واول مافتحت الخط طاح فيها تكشيخ
رعد:وييييييين انتي ؟؟؟
فهميني وين انتي كيف تطلعي من هنايا بدون علمي ولا اذني !!!
رؤى:جاوبت بهدوء ....في حوش اهلي
اطمن يلي جابني خوي مش حد غريب
رعد:خدي نفس وهدي شويه....علاش روحتي غادي ؟
رؤى:استنيتك الليل كله تكون جنبي ومجيتش !
!رعد:قعمز على كرسي المصحه وحط يده على راسه بتوتر....جيت الصبح لقيتك راقده
رؤى:رقدت لاني طول الليل نراجي فيك!!!!
رعد:معرفش شنو يرد عليها!....اءء انا جايك في الطريق
رؤى:متعبش روحك وتجي
رعد:قام حاجبه وهوا مستغرب....نعم!!
شنو قصدك؟
رؤى:بنرتاح هنايا ومحتاجه نكون بروحي ياريت تخليني ومتجيش رعد
رعد:سكت وهوا مش لاقي كلمات يقولهم
رؤى:سكرت الخط وهيا كامته دموعها بعد ما شافت امها واقفه قدامها
حسنه:قعمزت جنبها على السرير بهدوء....متبيش تقوليلي ؟
رؤى:امي والله مفي حاجه ...حوش غادي دوشه صغار وعزوزتي نفخ عارفتيها ونبي مرتاح شويه هنايه.....
ابتسمت.....ولا مضايقه مني ومتبيش تقولي؟
حسنه:اااااه انا نضايق منك يابنتي ؟
والله انتي وخوك وبنيتك عندي في الدنيا كلها
رؤى:ضحكت....بوي مش محسوب ولا شنو
حسنه:ضحكت وحضنت رؤى....بوك غلاه بروحه
رؤى:يما الحب يما
_______________________________________
رزان:تهمس لي اختها......منضر رحمه كيف ميته مش قادر يطلع من راسي اقسم بالله
اريج:متكيه راسها على يدها.....زيك
رزان:اوكي هيا ماتت وخلاص حني شن دخلنا ليش منمشوش الجامعه ؟
اريج:ماريا يلي مرت خوها مشت ....بالله متحرقيليش دمي وادكريني
موعدي مع حمودي لغيته اليوم عشان العزي العبي هاذا
رزان:زعما امير كم يقعد عشان يتزوج من جديد
اريج:اسبوع تاني وتلقيه يتمعشق وجايبلك وحده مزيته للحوش
حبيبتي الراجل ميصبرش مش زي المرا ...
رزان:تشوف لي الناس يلي جايه تعزي ....خاطري نعرف رحمه من منو كانت حامل؟!
اريج:منعرفش ...مرات من امير وغلطت معاه قبل زواجهم
رزان:تخيللللي
اريج:توقعي كل شي في الدنيا
رزان:سكتت وهيا تفكر في كلام اختها ....معقوله امير العاقل الرزين يطلع منه هكي !؟
____________________________________
طلعو البنات ال4كل وحده خذت شنطتها وطلعو مع زحمة البنات متع المرواح زي المعتاد
ماريا:خلااااص قرفت وانا تعبانه امس مرقدتش
جنان:تقول واكلين شمالات عطيهم حصره
هبه:هههههههه
ههههههههموده:متت صدقتي
جنان:عيونها على سيارة الكتيبه يلي خاشه....شييت
هاذا كأنه ارسولان !
بتروحو في السياره هاذي ؟؟؟
هبه:مستحيل
جنان:طلقتها ضحكه.....هههههه ووه جنابي بتروحو فيها تقول واخدينكم اسرى
موده:متت
جنان:مفهمتش قداش تموتي مره في اليوم
ماريا:تنرفزت كيف بتركب في سياره زي هادي قدام البنات !
هبه:ارسولان يشبحلنا ماريا ....هيا
ماريا:خدت نفس ونزلت عيونها ....هيا
جنان:تضحك وتتسهوك بشويه....لااععع مترفعوهمش ارجووكم لا الله يفك اسركم الله يرجعكم سالمين
موده:تضحك من قلبها......متت وربي
جنان:اقلبي وجهك روحي وانتي ثالث مره تموتي اليوم
موده:حضنت جنان....نحححححبك ديما تغيري في جوي احلا صاحبه
جنان:مش صاحبت حددد انا
ارسولان:ولع وطلع بي السياره ...طول الطريق ساكتين مفيش حد تكلم
هبه:تحكي مع ماريا بصوت واطي....بتروحي معاي صح؟
ماريا:مش ضروري
هبه:بطلي عناد امك هكي قالت وعندها حق كيف بتقري في زحمه زي هاذي !!
ماريا:سكتت واستمرت تشوف لي الطريق
قاطعهم صوت ارسولان يلي هز قلوبهم الزوز
ارسولان:اسف جيت بي السياره هاذي
قريب نسيتكم طلعت من العمل بسرعه وخديت اول سياره قابلتني
ماريا:متفرقش مهم سياره نروحو بيها وخلاص
ارسولان:لاحض وجه ماريا يلي كان شاحب
درس السياره وشافلهم في المرايا ....عندي امانه بننزل ناخدها من الولد دقايق ونجي
ماريا:ساكته
هبه:تمام خود راحتك
ارسولان:نزل وسكر الباب
هبه:نخصتها ....ردي عليه لما يتكلم
ماريا:من قال انه يحكي معاي هبه بطلي وهم وراس امك مش ضروري اديري هكي باش تنسيني ان امه تبي تخطبك
هبه:لو كانت جنان هنايا راهو قتلك هاذا تفكيرك هكي لانك لفعه 
ماريا:تلفتت لي الروشن عشان هبه متشوفش ابتسامتها
ركب ارسولان السياره فتح القجر وحط فيه كيسه كحله بعدين تلفتلهم
ماريا وهبه قلبهم طاح لما تلفت وبدو يبلعو في ريقهم
ارسولان مدلهم كيسه وكانت عيونه على ماريا يلي خلت نضراته تمد يدها وتاخدها
هبه:شنو هاذي؟
ارسولان:شوية شكلاته من السوبر ماركت متع صاحبي عيب نخشله ومنجيبلكم شي منه
ماريا:شكرا
هبه:كلك ذوق.....وطبست لي ودن ماريا
.....وطبست لي ودن ماريا نحلف60مره انها ليك
ماريا:هاك خودي واسكتي من عليا
هبه:فيا السكر ومحافضه
ماريا:نسيت
هبه:باش تعرفي انها ليك
ماريا:خلاااص عاد
ضحكت هبه وكملت تتفرج على الطريق وارسولان يسوق ومانع عيونه يشوف للمرايا حتى لو بي الغلط
اما ماريا كانت متبيش تحلق بي احلامها فوق وتشوف روحها قدام هبه ويصدمها ارسولان قدامها زي ماصدمها بوها
___________________________________
حسنه:رؤى....رؤى افتحي الباب لي خوك سلم بنتي في الحمام انا
رؤى:ناضت بصعوبه وهيا مستنده على الحيط
فتحت الباب وقعدت واقفه مش عارفه كيف تتصرف !
رعد:شافلها فتره طويله بدون ما يحكي ...شنو بتخليني واقف ؟؟
...شنو بتخليني واقف ؟؟رؤى:نزلت عيونها بتوتر ....تفضل
رعد:خش وقعمز ع الصالون يستنى في رؤى
قربت رؤى وقعمزت وهيا تتجنب في عيونه
حسنه:ااه؟رعد؟
كيف حالك
رعد:وقف سلم عليها واطمنو على بعض
حسنه:هي نستأدن انا بنرجع للعزي
رعد:اذنك معاك
طلعت حسنه وسكرت الباب والحوش قعد هااادي مفيش صوت
رعد:لعند امتى بتقعدي هنايا؟
رؤى:منعرفش
رعد:شن المشكله احكيلي
رؤى:مفيش مشكله ....ممكن المشكله فيا انا زي ما قلت
مفروض اني مقلدتهاش
مستحيل نجي زيها على قولتك!
رعد:بلع ريقها وهوا يحاول يرد.....اهدي اول شي
انسي يلي قلته وروحي معاي اليوم
رؤى:لا ....خليني رعد ارجوك
خليني المرا هاذي
رعد:يشوف لي عيونها....متأكده؟
رؤى:نزلت عيونها وشافت للارض....اي
رعد:وقف....تمام تمام
براحتك
امتى نجي ناخدك؟
رؤى:يومين وتعاله
رعد:طلع وكان معاه قلب رؤى
وصل لعند الباب ورجعلها ....عطاها بوسه على راسها وحط يدده على خدها فترررره وهوا يشوف لي عيونها
بعدين سيبها وطلع
كان قلب رؤى كل مره يحس بشي !
مره تحس انه يحبها ومش قادر يقعد بلاها !
ومره تحس انه واخدها بدون سبب وقلبه مع مرته المتوفيه
صراع كبير داخلها
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيبعد مرور شهر.....
شهر!....يعني 30يوم
يعني ال30يوم هاذم قادرين يغيرو هلبا حاجات واولها تكمل زحمة العزي وتبدا قصة رحمه تتلاشى
هاذا حال الدنيا سيروه الميت ينسوه
طول فترة الامتحانات كانت ماريا عند هبه
وهبه مقصرتش كانت شايله ماريا على كفوف الراحه عشان متحسش انها غريبه
طول فترة الامتحانات كان اسلام واب هبه هما يلي يرفعو فيهم ويجيبو لين كملو الامتحانات وبدت العطله !
الفتره هاذي كلها هبه معش تقابلت مع امير !
ولا ماريا تلاقت مع ارسولان رغم انها كانت تراقب فيه من روشن دارها
فترة الامتحانات رغم انها مفروض تمر على ماريا اصعب فتره بسبب الشي يلي عرفاته على بوها بس حرفيا كانت اكتر فتره ضحكت فيها على جو جنان وموده وغباء هبه
رؤى نقهرت واليومين صارو شهر كامل في حوش بوها حتى يدها فكت الجبس ومروحتش
واليومين صارو شهر كامل في حوش بوها حتى يدها فكت الجبس ومروحتش علاش؟!
ببساطه لان بعد اليومين يلي كانو متفقين عليهم رعد سافر مع صاحبه يلي بيدير عمليه على بطنه
ومشي معاه امير
_________________________________
ماريا:جيبيلي من الكيكه يلي امس ونسكافي ركبيهالي فوق
رقيه:حاضر
حسام:خش للمطبخ....بالله اسعفني انا قبل بي كوب قهوا
رقيه:شافت لي ماريا
ماريا:اوكي تمام عطيه هوا قبل
حسام:قعمز هلى الطاوله يراجي في قهوته وعيونه في التالفون
ماريا:حلو الجاكيت يلي لابسه....ماركت بريشكا صح؟
حسام:قام عيونه فيها وابتسم بسخريه....كبرتي وبديتي تعرفي الماركات؟
ماريا:متحملتش الاهانه وردت عليه...ع اساس انت كنت تعرفهم قبل ما تجي تسكن عندنا ؟
حسام:مش رح نرد عليك لانك عيله
ماريا:كرهاته بسبب فعايله وكلامه في حياتها ابدا مكانتش تتوقع انه هكي
ركبت لي داها وطلعت صندوق قديم عندها
طلعت كل الرسايل والورق يلي كانت تكتب فيهم عليهم وتوصف في تخيلاتها معاه
جمعتهم كلهم ونزلت وهيا بتتفجر عشان تحرقهم
بس اول ما وصلت لي الصاله وقفها صوت بوها لما ينادي عليها
قلبها طاح لو يشوف الاوراق يلي في يدها
شافت لي اقرب شي جنبها كان موجوده شنطه كحله حطت فيها الورق بسرعه
احسان:شن اديري ؟
ماريا:ولا شي ...ع علاش ؟
احسان:خيرك متغيره ها الايام؟
لاعاد تقعمزي جنبي ولا تهدرزي عليا زي قبل خيرها بنتي ؟
ماريا:سكتت...معرفتش شنو ترد عليه ؟
شن تقوله مثلا معش قادره نشوفلك بعد يلي عرفته!
احسان:الووو؟؟
وين مشيتي؟!
ماريا:اءء كنت امتحانات وفترة العزي وهكي معش فضيت
احسان:به تحركي لي جلال ولا ارسولان قوليله قالك بوي عطيني المنشار الصغيره
ماريا:به...وقعدت واقفه مش قادره تتحرك
احسان:تحركي امشي
ماريت:بلعت ريقها ومشت وعيونها على الشنطه تحاول تجري وتسرع خطواتها عشان ترجع وتاخد الورق
_______________________________________
طق طق طق
هبه:فتحت الباب وقامت حواجبها من الصدمه
امير:اهلين
هبه:فاتحه عيونها وساكته تشوفله
امير:بوك موجود؟
هبه:هزت راسها بمعنى لا
امير:امك؟!اي حد
هبه:خدت نفس وبلعت ريقها اءء ...ط ط طالعين كلهم
امير:خش وهبه تراجعت خطواتها
سكر الباب وهوا يشوفلها....وعلاش قاعده بروحك
هبه:قلبها طاح...كك ك ك ككك كنت كنت راقده
امير:حط يديه في جيوبه وهوا ساكت يشوفلها
هبه:اءء ا اءء انت كنت مسافر صح؟!
امتى روحت ....اءءء بابا بيروح المغرب لو تبيه تعالا المغرب
عيونها ع الباب مش فاهمه علاش سكره امير
امير:اي مزبوط مسافر جيت من المطار هنايا طول
هبه:وين هنايا ؟
امير:عندك
هبه:مصدومه ومش فاهمه سبب جيته
امير:حبيت نشوفك ونعطيك نصيحه صغيره
هبه:بملامح استغراب...ش شش شنو؟!
امير:قرب عليها وهبه سكرت عيونها وتحكي داخلها
حلم هاذا اكيد نحلم زي المره يلي فاتت متأكده
لين قاطع كلامها يد امير على خدها
هبه:فتحت عين وحده وهيا مش مصدقه يلي صاير مش حلم!!!!
امير:النصيحه انك تردي بالك ياهبه
هبه:من شنو ؟
امير:انك تواففي ع ارسولان او غيره او غيره لان مفيش حد مناسب ليك
صدقيني مفيش حد مناسب ومتخاطريش وتوافقي
هبه:ساكته ومركزه فيه
الف سؤال داخلها بس مش قادره تنطق !
امير :ابتسملها....حكيت معاك بي اسلوب هادي ممكن يجيب نتيجه معاك اكتر من العياط
اسمعي الكلام ومتخلينيش نوريك الوجه الثاني تمام؟!
هبه:بكل غباء وخوف هزت راسها بمعنى تمام
امير:شاطره....زاد قرب خطوتين
كانت يديه وعقله مش ناويين ع خير
منع نفسه ووخر ...فتح الباب وطلع
هبه:طاحت ع الارض وهيا تضرب في وجها عشان تتأكد انها متحلمش !!
جرت لي دارها تنقز على السرير زي الهبله وتخبط في روحها
الف سؤال في بالها لكن مش مهم !
المهم كمية السعاده الصغيره يلي كانت تحس بيها
______________________________________
ماريا:عطت المنشار لي بوها وخشت تجري عشان تاخد الاوراق يلي حطتهم في الشنطه الكحله
واول ما خشت يلي كانت خايفه منه صار
الشنطه مهناش
قلب ماريا بيطلع
يلي مكتوب في الاوراق عاااار وفضايح
قلبت الدنيا لين شافتها رقيه
رقيه:نساعدك في شي ؟؟ادوري في حاجه؟
ماريا:ككك كانت في شنطه كحله هنايا وين مشت ؟
رقيه:على الصالون فيها خط بي الازرق
ماريا:بزززبط هيا هادي وينها؟؟؟
رقيه:شنطة حسام خداها وكيف طلع
ماريا:طاحت ع الارض ويدها ع راسها....انتهيت
_____________________________________
في السياره :-
رؤى:مكلفتش روحك تنصل بيا!
شهر كامل رعد حبك وين اختفى بعد الزواج!
رعد:درس السياره ع جنب ...مختفى شي :تنهد .....عطيتك وقت طوووويل تفكري فيه رؤى
رؤى:نفكر فيه؟في شنو ؟
رعد:نزل عيونه...انا هكي يابنت الناس
عارف فيا حجات غلط وتلاحضي في تصرفات غريبه سواء كان في الليل ولا غيره
بس انا عطيتك شهر بحاله تجري الدنيا من غيري لو قدرتي تنسي وتبي تكملي حياتك بدوني ومتقدريش تتحمليني قولي
رؤى:ساكته وتشوف لي الطريق قدامها
رعد:احكي اي شي
رؤى:انا حامل
_______________________________________
هبه:دبريلنا في حللل بتموت من العياط جنبي
جنان:انا شن دخلي فيكم اصلااا مش صاحبت حد
ماريا:خدت التالفون....بمووووت وربي او يقراهم ننتهي ورااااااسك
وراااسك ديري اي شي وراس امممممك
جنان:خدت نفس وهيا تقلب في عيونها بملل....وين مشي هوا؟
ماريا:لي نادي يلعب في كوره ان شاء الله يموووت
ونموت حتى انا
جنان:بعيد الشر عليك ع منو بنضحك بعدين؟
المهم دبري سبله وبري انتي والغبيه يلي جنبك لي حوش موده تو نجيكم وندبرو غادي
ماريا:كيف شن بنقول عشان يرفعوني لي موده!
جنان:دبرررري مش مشكلتي انا مش كل حاجه بنفكر فيها
هبه:تأشرها بمعنى خليها عليا
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيحياة:بنتزوج
ارسولان:يلف في قهوته على الطاوله وسارح....ربي يهنيك
حياة:الفال ليك
ارسولان:شافلها بنضره حاده
حياة:اعتقد اني نقدر نقولها توا ولا لا!؟
ارسولان:مجاوبهاش
حياة:كنت نبي نتسلف منك 4الاف او نعطيك شيك وتسحبلي
اكيد عندك معارف بحكم خدمتك صح!!
ارسولان:تمام
حياة:بلعت ريقها بتوتر ونضراتها تتهرب وهيا تحكي ...نقدر ناخد ذبلتها؟
ارسولان:اي ذبله؟!
حياة:يلي معلقها في رقبتك
ارسولان:رجع السلسله داخل حوايجه وخفاها
مش ذبلتها
حياة:حرام تدفن نفسك بطريقه هاذي !
يلي صار خلاص فات ومعش تقدر ترجع شي
بعدين هاذي اعتبرها هديه منها ليا
من اخت لي اختها
لو كانت معانا مستحيل تمانع يا ارسولان
ارسولان:ساكت بدون كلمه خلع السلسله وشاف نضره اخيره لي الذبله وعطاها لي حياة
هيا مكانتش محتاجه الذبله بس خدتها عشان تساعد ارسولان ينسى حتى شويه
_______________________________________
بعد جهد جهيد والف كذبه والف حلف والف ترجي نزلت ماريا وهبه من سيارة بوها يجرو بسرعه رهيبه لي موده يلي كانت جنان جنبها ويراجو فيهم
استنو لين بو هبه يطلع من الزنقه ونزلو الاربعه لي سيارة جنان
هبه:ممكن نفهم وين ماشيين؟؟!
موده:بندهورو ونغيرو جو ماريا صح؟؟
جنان:ولعت السياره....الميته هاذي شن جااابها
موده:امي بايته في حوش خالتي وقلت لي بوي بنمشي مع البنات لي كورس العطله
جنان:يافرحتك
ماريا:بطلو هدرررررزه ودبرولي
جنان:عندك سنابه؟!
ماريا:اي هاذا خودي
جنان:مش مفعل الموقع هاني رقمه
ماريا:بصدمه.... علاش الرقم
جنان:بتحكي هلبا اننتي؟؟؟
ماريا:خلاص هاك
هبه:لو يعرفو طالعين من وراهم يقتلونا
جنان:انتي بداااااا اسكتي ...احم ايوا السلام عليكم خوي
حسام:وعليكم السلام تفضلي؟
جنان:معاك شركة الجنائن لي تغليف الهدايه وعندك هديه وين مكانك خوي
حسام:والله حاليا في الملعب خليها وقت تاني
جنان:لا والله انا مندوبه مش فاضيه عطيني الموقع هي نجيك
حسام:تمام ....وبدي يوصفلها
سكرت جنان الخط وبدت تجري بسرعة180 وهبه قريب تموت من الخوف وموده تضحك زي الهبله
حسام:فتح الشنطه خدي التيشرت واستغرب من الورق الموجود
قام اول ورقه بيفتحها بس قاطعه صوت المدرب وهوا ينادي عليه
رجع الورقه مكانها وطلع
______________________________________
احسان :ونسيت نقولك
امس نهيت الاوراق مع محمد وخلاص شري الحوش رسمي
امير:ابتسم لما فهم ان خلاص هبه رح نقعد ديمه جنبه
احسان:وارسولان حتى هوا
امير:اختفت ابتسامته ....خيره؟
احسان:شري الحوش لي بوه
امير:قام حاجبه من وينله؟!
احسان:مش مهم المهم انه دفع وخلاص
مش احسن من عايشين في بلبلاش ؟!
امير:اضايق من ثاني خبر
رغم ان ارسولان كان غالي عليه هلبا ويوثق فيه بس الخبر يلي سمعه من امه خلاه يفكر الف مره و ويعيد حساباته
_______________________________________
جنان:زادت سرعتها اكتر وطلعت في الاحمر وفاتت البوابه بدون ماتوقف لحضه وسيارة جنان المضلمه كانت مشبوها
طلعو وراهم سياره تبع الكتيبه
موده:يتبعو فيناااا ياجناااااان
جنان:شافت في المرايا ورمت السبيدرو يلي كانت لابساته
زادت السرعه
حاولت سيارة البوابه انهم يوقفوها ويضايقوها عشان ادرس بس مكانش في فايده وكملت تجري بدون اهتمام لين وصلت
جنان:درست قدام النادي ونزلت بيرعه هيا وجنان....خليكم هنايا
هبه:هزت راسها وهيا قاعده مصدومه
_____________________________________
رزان:ابتسمت....امتى روحت!؟
امير:الصبح
رزان:شنو جبتلنا معاك
امير:شافلها بنضره مطوله .....شن بنجيلك؟!
رزان:اي شي بحكم انك مروح من السفر وهكي
امير:حط ورقة20على الصالون....اشري بيها شن تبي
رزان:شافت الفلوس وحستها اهانه ليها
امير:ناض من جنبها وطلع
اريج:حقيرررر
رزان:شفتيه؟
اريج:واطي وربي زي امه
رقيه:هوا كويس بس انتي فهمتيه غلط
اريج:انتي شن دخلك اصلا؟؟؟
خليك في شغلك واسكتي
رقيه:خدت كوب القهوا يلي خلاه امير ورجعت للمطبخ
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيجنان:فتحت باب النادي وتمشي بهدوء
شافت قميص برتقالي معلق متع عامل النضافه لبساته ع السريع وخشت وفي يدها المكنسه
فتحت الغرفه يلي اللاعبين يحطو في شناطيهم فيها وقلبو الدنيا يدور
فجآه خش عليهم راجل كبير في السن
ماريا نزلت تحت الطاوله وجنان تكنس
شافلها الراجل مده طويله وبعدين طلع
كملو تفتيش لين اخيرا لقوها الشنطه
جنان:خلاص اطلعي اقلبي وجهك قبل ميرجع الراجل تو نجيبهم انا الوراقي
ماريا:تمام....وطلعت بسرعه لي السياره وهيا متوتره وقلبها بيطيح
جنان:خدت الاوراق وطلعت بهدوء
رغم انها تلاقت مع الراجل من جديد بس خلت روحها طبيعيه وع اساس انها عاملة نضافه لين وصلت لي السياره
طلعت بنفس السرعه السياره وهبه وموده فرحانات بي الانجاز يلي داروه بنسبه ليهم كبير
طلوع بدون علم اهلهم وصلتهم لي النادي وخنبت الاوراق +الضحك على حسام
موده:بصدمه....لاياربي
هبه:شكلهم بلغو فيك ياجنان نهار اسووود
جنان:اضطرت انها توقف المره هادي بسبب رجالة الامن يلي واقفين قدامها درست السياره
وهيا تسمع في السبان والوعد بي القتل ع التصرف يلي صار
لان ببساطه محدش يعرف ان يلي في السياره بنت مش ولد
افتتتتتح الروشن يا ولد ال&@@@افتتتتح
جنان:ياربي علاش نقابل في ناس هكي في حياتي ياااربي
افتتتتتتتح خير منكسر المرش على خليقتك
جنان :نزلت المرش
صدام:انننتي؟؟!!!!
جنان:خبطت راسها ع الدومان ....علااااش ياربي
الكل كان لاهي بي الاجواء يلي صايره الا ماريا
مصدومه في الاوراق يلي جت بي الغلط مع اوراقها .....يتبع
