أخر الاخبار

رواية عائلات راقية بفسادها 16 الفصل السادس عشر بقلم اروي طاهر المسلاتي

 رواية عائلات راقية بفسادها 16 الفصل السادس عشر بقلم اروي طاهر المسلاتي 


صدام :قيمي راسك وانا نكلم فيك
جنان:زادت خبطت راسها على الدومان ....علاش ياربي
صدام:فتح الباب....هي انزلي انتي وياها
هبه:مسكت في يد جنان....متخليهمش ينزلوناااا ديري حل
موده:تشوف للموقف بتوتر وخوف اما ماريا كانت لاهيه بي الاوراق يلي في يدها
الشاب:كيف بتتصرف معاها طلعت بنت؟!
صدام:نزبطها الفرخه تقرب لي ارسولان خلاص ارجعو للمقر تو نتصرف
خلي حمو معاي بس
جنان:هاذا اسم بني ادم ولا محل دخان
صدام؛ضرب ع المرش انتي اسكتي تو النوريك التسهويك والتسطريب كيف شكله يامتع الشيكات
حمووو تعالا افتح صندوق السياره وفتشه
جنان:اتكت ع الكرسي وهيا فاشله من التوتر يلي صار
هبه كانت شوي وتموت من الخوف وموده تفكر في الكذبه يلي قالتها لي بوها !
اما ماريا قاعده منغمسه تقرا في الاوراق
صدام:بي اسم منو السياره!؟
جنان:قلبت عيونها .....بوي
صدام:هاتي ورق السياره
جنان:مش عندي
صدام:معش تقلبي عيونك اقسم بالله نقتلك يافرخه الجو يلي اديري فيه ميمشيش عليا
جنان:ربعت يديها وسكتت
هبه:بيقتلونا؟
جنان؛حد فيكم يسكتها خير ما نقتلها بيديا
ماريا:ضمت الاوراق في شنطتها وبدت تستوعب في الموقف يلي نحطو فيه!!
_____________________________________
رعد:شافلها وهوا مصدوم....ك كك كيف!!!؟
رؤى:زي ما سمعت حامل
رعد:سكت دقايق ورؤى تراقب في ملامحه
سكر يده بقبضه وحطها ع فمه
رؤى:ساوت تقعميزتها في السياره عشان تكون مقابلاته ....زي ما توقعت
مفرحتش
رعد لو تبي تخليني احكي انت مش مجبور
لو فهمت توا ان زواجي منك كان مجرد م.......
قاطعها رعد بحضن ❤️
حضن عممممميق يحكي هلبا حاجات متنقالش
رؤى:بعدت من عليه وهيا تشوف لي عيونه ......احكيلي رعد
رعد:مسك خدودها بيديه❤️
وقرب راسه منها.....اشششش خلاص متسألي على شي ولا تحكي شي
خلينا نلهو بي البيبي يلي جاينا❤️
خليني نلهى بيك نحبك ونبيك جنبي هاذا الشي يلي نبيك تعرفيه
والباقي منبيك تعرفي شي ....ومش ضروري تعرفيه اصلا
رؤى:ساكته مردتش عليه
رعد:تمام؟
رؤى:قلبها جاوب بي النيابه عليها
بس كان عقلها رافض توافق بدون ماتعرف شي
وزي اي نهايه ديمه يفوز القلب❤️✅
_______________________________________
ارسولان:زي العاده كان في المخزن بس المره هاذي مقعمز وباله مشغول
ساند راسه بيديه الاثنين وعيونه في الارض يفكر والهم واضح على وجها
امير:فاضي !؟
ارسولان:قام راسه بذعر....ااه! امير؟
اهلا تفضل
امير:خش وسلم على ارسلان وقعمز
ارسولان:وقف وشغل مكينة القهوا.....امتى روحت ؟
وكيف امور صاحبك
امير:بخير الحمد الله احسن
ارسولان:مسك اكواب القهوا الاثنين حط واحد جنب امير والثاني جنبه
امير:كيف الاوضاع معاك؟خدمتك امورك شني
ارسولان:احسن الحمد الله
امير:خدي رشفه من القهوا....قال بوي انك خلاص شريت الحوش رسمي
ارسولان:ابتسم....فكرت لعند امتى بنقعدو في حوش لا هوا ايجار ولا ملك
كنت ناوي نشري حوش برا المنطقه لكن بوي مش قادر يطلع من المزرعه
طول عمره هنايا جنب بوك وتزبط كيف صعب التأقلم برا بدات في ها العمر
امير:فاهم عليك
ولا حني ساهل نقعدو بدونكم ....يلي داير باله ع المزرعه كلها يكون بوك
وفي نفس الوقت العيله تعتمد علي امك في هلبا حاجات
وانت منلقاش خير منك يسكن جنبي محترم ومعندكش على الدوا الفاضيه
ارسولان:ضرب بخفه على رجل امير....الله يعزك
امير:خدي نفس وهوا يستعد يحكي في الموضوع يلي جي عشانه!وارسولان لاحض ان امير في كلام بيحكيه بس مش عارف كيف يبدا!
ارسولان:صاير شي؟
امير:لالا
ارسولان:مش قادر يكذب احساسه....تبي شي؟
امير:تنهد.....اي
الحقيقه اي نبي شي
ارسولان:ادوي
امير:نبيك تبعد من عليها نهائي ومتفكرش حتى التفكير فيها
ارسولان:قرن حواجبه وهوا في عقله اسم ماريا وصورتها قدام عيونه
معرفش يرد عليه وحاول يتصنع الغباء....ع مني تحكي؟
امير:حط الكوب ع الطاوله....هبه
بنت محمد سمعت طراطيش دوا انك بتخطبها
ارسولان:ضحك بي ارتياح ....اعتقد ان عندك ام زيني
وانت ولد زيني
وفاهم مليح كيف امك تخطط بروحها وتخطبلك بروحها وانت راقد ع ودانك
امير:شن يعني ؟!
ارسولان:يعني البنت مسكينه حتى شكلها والله منجيبه
ولا حتى مهدرز معاها ....الحاجه هكي منها ليها مشت تكلمت وانا عرفت بصدفه وفهمتها تسكر الموضوع هاذا
امير: كأنه قلبه جمر ونكب عليه اميه بارده ....ااها تمام مدام الموضوع هكي
ارسولان:ضحك على امير وغيرته....الساحه فاضيه يابرو ولايهمك
امير:ضحك وهوا متحشم من نفسه ومن الموضوع يلي فتحه
كملو هدرزه على مختلف الحاجات ومن ضمن الهدرزه جاب امير منضومة سيارته عشان يصلحها ارسولان
وفعلا فكها يصلح فيها وامير مقعمز يتفرج ع المخزن ❤️
ديكوره يجنن رغم انه مجرد مخزن بس ارسولان كان مهتم بيه
كله خشبي واداوات التصليح مرتبه مع صالون بسيط جدا
شرين التالفون وارسولان فتح المايك ورد لان يديه كانو مشغولات
ارسولان:ايوا
صدام:ها يا سس وين ؟
ارسولان:في الحوش شن في!
صدام:النم البنات هما يلي جنبكم علقنا عليهم اليوم
وين اماليهم !؟
امير:لف راسه بصدمه
ارسولان:انصدم....شني؟
اي بنات
صدام:تي الفرخه يلي مش متحجبه ومعاها 3بنات زوز منهم يرفع فيهم ديمه للمدرسه
هوا يلي ساكن قدامكم مش عارف اسمه
ارسولان:سيب يلي في يديه....وين هما ؟؟!
صدام:بو البنت يلي شعرها ع الشارع راس كبير لنم جي رفعهم
امير:قبض يده بغل.....
ارسولان:تمام سكر تو نهدرزو
صدام:كلمهم النم يديرو حل ومعش يجيبو ويلوحو في الشارع
ارسولان:خلاص الزح فهمنا....وسكر الخط
امير :طلع بسرعه ووراه ارسولان
ارسولان؛استتتتنى متمشيش بروحك
امير:ولع السياره وبحركه سريعه ارسولان ركب معاه
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
في السياره:-
ماريا وهبه وموده مقعمزين من الخلف ولاصقين في الروشن يتفرجو
انا جنان مقعمزه من القدام مربعه يديها وقارنه حواجبها
هبه:زعما شنو يقولوله ؟؟
موده:حي عليك ياجنان من بوك كان يضربك
ماريا:جي جي قعمزززي انتي وهيا
جمعه:فتح باب السياره وركب
ولع السياره وطلع وجنان لاويه وجها ع الروشن
جمعه:بدي يسوق وهوا يحكي....مش اول مره تحشمي فيا مع الناس هكي لين حفضو وجهي
متقدريش تسوقي بلاااااش منها السواقه هيا
ونشوفلك سواق ليك
جنان:محدش يسوق بيا انا
جمعه:امالا خلاص اعرفي كيف تسوووقي في الجديد
بعدين كيف طالعه هكي بدون ما تقولي لحد؟
جنان:اموري 😒
جمعه:اااه يارب بس
هبه:تكلمت بصوت يرجف.....ااس اسفه عمي
جنان مدخلها بشي احني كان عندنا مشوار مستعجل وجنان سرعت شوي
جمعه:تنهد....هاذي يابنتي مش اول مره حتى لما تبدا بروحها هكي ...ربي يهديها وخلاص
ماريت:ساكته نشوف لي جمعه بحقد وتسأل داخل عقلها
هاذا صاحب بوي ؟؟!
هاذا يلي لعب ع رحمه وحملت منه!
كملو الطريق ساكتين منبهرين بي دلع جمعه لي بنته جنان وكيف كل شي عندهم عادي !
من غير اسلوب جنان الزفت مع بوها وهوا ولا كأنه
عاشت هبه في وضع مادي فوق الريح من قبل بس كان في حدود لكل شي
وبردو ماريا من عيله فلوس وبوها مدلعها بس في حدود نفس الشي لو تتخطاهم تموت!
وصلو لي حوش كبببببير
انفتح باب السحاب وخش بسيارته
جنان:نزلت وهيا تخبط متبيش تروح هنايا🤷🏻‍♀️
اما البنات نزلو منذهلين بي الحوش يلي خشوله ومش فاهمين هما وين؟
مش جنان كانت عايشه في شركه!!
تررررن ترررن ترررن
ماريا:بنبرة خوف...هاذا امير
موده:ردي وخلي روحك عاديه
ماريا:شافت لي هبه
هبه:اي ردي
ماريا:الو
امير:ماسك اعصابه....شن جو
ماريا:بصوت طبيعي...تمام ماشيه
امير:وين انتي
ماريا:بلعت ريقها ....في حوش صاحبتي
قتلك امي ولا
امير:اي قالت بنروح بيك في حوش هيا يلي اسمها موده ؟
ماريا:لا عند جنان صاحبتي الثانيه
امير:ابعتيلي الموقع ع الواتس
ماريا:اوكي تمام دقايق هي ....وسكرت الخط
موده:شن قال؟
ماريا:شي بيجي يروح بينا ويسأل وين الحوش
جنان:بتقعدو واقفين برا هلبا؟!
هبه:شافت لي ماريا.....هيا
خشو البنات وكانت جنان حريصه انها متتلاقاش مع حد في الحوش ولا تخلي بنت منهم تشوف حد
ركبتهم بسرعه لي الدور الثاني وكان في دار ليها نفس فخامة غرفتها يلي في الشركه
_______________________________________
سكر رعد باب الحوش ..
وخشت رؤى لي الصاله وشافت العيله كلهم مقعمزين
سلمت عليهم بي الواحد وقعمزت❤️
ناجيه:به يلي روحتي
قريب خلاص كنت بندورله على عروس جديده
رؤى:نصدمت من الكلمه....حاولت تلاقي شي ترد عليها بيه بس معرفتش !
اسراء:قاطعت الموقف المحرج هاذا وتكلمت....خليتي مكانك والله وين هاذا كله مفروض قعدتي هنايا لما سافر رعد
ناجيه:هه اضحكي ياكنتي
تسحابوها نجمه الباهيه!!
كل واحد وقدره ومكانه في ها الدنيا ميجيش حد زي حد مهما حاول يكون زيه
رؤى:شافت لي ناجيه بنضرة تحدي في عيونها وابتسمت بي استفزاز....عندي ليكم بشاره ❤️
امينه:بشري ❤️
رؤى:انا حامل❤️
اسراء:الله قووولي والله
رؤى:ابتسمت....والله
ناضو امينه واسراء يحضنو لي رؤى ويباركولها اما ناجيه تغيرت ملامح وجها وبدت في عالم تاني 💔
رؤى:خيرك ياعمتي ؟
مفرحتيش لي ولدك ولا شنو
ناجيه:وقفت والشر ينط من عيونها
شافتلها بحقد وطلعت من الصاله خلت امينه واسراء وحتى رؤى مصدومات من ردة فعلها
هنايا بضبط فهمت رؤى انها تتعامل مع نموذج غريب
نموذج مهووس بي شخص ميت واكيد في سبب للهوس هاذا
ومش قادره تتقبل حد تاني ولا حتى تفرح لي ولدها
والاكتشاف هاذا يخلي رؤى تحط قوانين جديده لتعامل
_______________________________________
موده:تلود في الدار معجبه ومدهوله من العز يلي محاوطها في كل مكان تفتش وتفتح في الدواليب
هبه:راقده ع السرير وهيا حاسه نفسها مش تمام !
اليوم نخلعت هلبا وخافت هلبا والباين ان السكر مش مزبوط عندها 🤷🏻‍♀️
اما ماريا:كانت تحاول تفهم الكلام والارقام يلي في الورق بس مش فاهمه شي لين خلاص يأست ورجعت لي الشنطه
كان في داخلها خوف لو ان الاوراق يلي جت بي الغلط اوراق عمل مهمه
قاطع كل كلامها اتصال من امير يخبرها ان يراجي فيها قدام الحوش
ماريا:وقفت....هيا هبه
هبه:قعمزت تساوي في وشاحها
موده:بتروحو بيا ره منقدرش نكلم بوي يعدمني
ماريا:تنهدت بملل...انزلي
جنان:طلعت من الحمام وقفت ع المرايا تمسح في عيونها ....جاكم ؟!
هبه:اي خلاص بنروحو بعد الرعاش يلي كليناه بسلامه
جنان:سكرو الباب وراكم
طلعو هبه وموده
اما ماريا وصلت لعند الباب ورجعت...
جنان:حطت الكلينكس ع الزيانه....شن مزال تبي !؟
ماريا:تنهدت....اوكي متوقعتش روحي يجي يوم نقولها لوحده زيك
بس شكرا
جنان:ابتسمت .....واهو قلتيها زي الكلبه
ماريت:خدت شنطتها وطلعت
اما جنان استمرت في الابتسامه كل متذكر تصرفات ماريا يلي بدت تتغير
مسكت جنان تالفونها واتصلت
الشاب:تفضلي
جنان:محل تغليفاتي. ؟!
الشاب:ان شاء الله وخيتي كيف نقدر نساعدك ؟
جنان:نبي نوصي ع هديه لو سمحت اسفه عارفه الوقت متأخر بس نبيها اليوم ضروري
الشاب:سامحيني وخيتي خلاص توا العشي قريب يأدن مع فيها
جنان:نعطيك ضعف المبلغ4مرات واكراميه خاصه ليك
الشاب:سكت دقايق بعدين جبد ورقه وقلم...تفضلي ناخد طلبك؟!
طلعو ال3من الحوش بهدوء بس قلوبهم طاحو لما شافو ارسولان مع امير !
يعني في شي ؟!او سامعين بيلي صار
ركبو ال3وهما يتهامسو بصوت واطي ومش فاهمين يلي يفكرو فيه صح او غلط !؟
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
اريج:انا مفهمتش علاش امك جابتنا هنايا بس
رزان:ملللليت وانا نساير في الجمعه الكئيبه هاذي
ليلي:الله يرحمها ويغفرلها يارب
هناء:تعيشي وتترحمي ....غيرت عيونها على البنات
مشاء الله هاذم بناتك جميله؟
جميله:اي 😌
هناء:تبارك الرحمن ربي يحفضهولك ان شاء الله
جميله :تسلمي ربي يخليك
اريج:نخصت امها.....امتى بنروحو؟
جميله:قريب ...سكري فمك وسايري كان مش بوك مقايل هكي منجيش
اريج:انا مفهمتش نحنا جايين لان بنتها سكرت40يوم يعني !
جميله:ريحيني بسكوتك والهي في تالفونك توت
________________________________________
امير:درس السياره قدام حوشهم بعد ما وصل موده
ماريا:نزلت وهيا تدعي يكون احساسها غلط
وهبه نزلت وراها وكانت واخده اتجاه حوشهم
امير:على وين؟!
هبه:بلعت ريقها....بنروح
ماريا:سمعت امير كلم هبه وهنايا خلاص تأكدت
امير:تحركي داخل مع ماريا
هبه:قلبها طاح....اءء انا بنروح لازم عطلت م
امير:قاطعها ....خخخخخشي قلت
هبه:قربت من ماريا وخشو مع بعض والاثنين يرعشو ميتات من الخوف
ارسولان:رجع لحوشه وكان باله مشغول
مش مطمن لي هدوء امير طول الطريق بس حاط في باله اكيد العيله رح يحزو بينهم لو صار شي خطير
وقف ع الروشن يراقب
حسنه:حطت السفره وهيا مبتسمه....باهي يلي ريناك والله
مش قعدتك هنايا خير من المخزن يلي 24ساعه فيه !
ارسولان:لاحظ شي غريب!
وين سيارة اسلام وبوه مهناش!
حسنه:قعمزت تصب في القهوا ...تنزت وهيا تحكي
ياروحي عليهم ماشيين عيله كامله لي حوش مرت امير
سكرت 40يوم اليوم
تصدق ؟والله ليلى فيها خير رغم الفضيحه يلي صارت بس مع هاذا تواسي في امها
ارسولان:عقد حواجبه وضربت في دماغه!!
الحوش فاضي ؟
امير ومعاه ماريا وسمع كلام صدام يلي كان زي السم!!
يقتلها وربي
قال الكلمه هاذي وطلع يجرررررري
وامه تنادي عليه مش فاهمه شن يلي صاير!!
كفففففف صوته ينسمع في الحوش كله كلاته ماريا من خوها !
مسكها من ملابسها ويخض فيها بعنف ....وين كنتووووو
تكلمي وين كنتو. اقسم بالله نقتلك انتي وياها
هبه:واقفه في تركينه ودموعها ينزلو مش قادره تقرب من ماريا ولا تحكي اي كلمه
ماريا:تبكي مدرنا شي غلط اقسم بالله انا م.....
قاطعها امير بضربه على فمها من جديد خلتها تنزف
امير:منو رفعكم ؟؟!وين مشيتو شن درتو
ماريا:مدرنا شيييييييييي امير اقسم بالله الموضوع مافيه ولاد
امير:مسكها من شعرها ....حركات المفرخ هياااا متمشيش علياااااا
بوك هاذيك الثقه ياكلبه تمشي وتجي على كيفك وبيدي نوصل فيك تخونيني؟؟؟؟؟؟
تخوني الحوش كله وتطلعي من وراي؟؟؟
شن منضري قدام التريس يلي شدوك ياحقيررره مفكرتيش كيف يكون منضر خوك قدامهم!
ماريا:تبكي....اسسسفه 💔😭
اسفه امير والله مدرت حاجه
استمر امير يضرب فيها بي لا وعي 💔
مكانش يشوف في شي قدامه ولايسمع في شي غير كلام صدام يلي يرن في ودنه 💔
كانت ماريا بتموت بين يديه ورقيه واقفه بعيد وعارفه كويس ان مدخلهاش
اما هبه كانت تبي تحز بينهم وتقرب لكن رجليها مش قادره تحركهم
حرفيا كانت ماريا رح تموت بضرب لولا تدخل ارسولان في اخر لحضه
_____________________________________
صدام:راقد في المقر وناض مخلوع لما سمع اسمه برا
طلع يجري
احمد :تعالا في واحد يدور عليك
صدام:مني ؟
مهند:لبس سلاحه...قال توصيل ولا مش عارف المهم فرخ بودري ومداير سلته ع جنب
طلع صدام لي شاب التوصيل خدي منه بوكس هديه مسكر ورجع بيها للمقر وزمايله كلهم يشوفله وقايمينها بيه
ايوا حني صدااام اقوا عليهم ياصدام وين الحاجات القويه هيا
وهوا شايف روحه
حط البوكس ع الطاوله وكلهم تلمو عليه
فتح البوكس ونصدم بي طروف شمالات وكلينكس معطر وزلباحه
نفجرووووو يلي جنبه بي الضحك
قام صدام الروقه وهوا مصدوم يقرا فيها
(سلمك شحشاح يا عيل .....متع الشيكات)
صدام:لوح الورقه....وديني لما نقتلك
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رؤى:لمحت كل الملابس يلي خيطتهم زي نجمه وحطتهم في الكناسه
واخر شي خدت شيشة العطر واتجهت لي غرفة نجمه
فتحت الباب وخشت
حطت شيشة العطر بهدوء وجت بتطلع بس عينها طاحت ع شي تحت السرير
طالع برا جزء منه
قعمزت رؤى ع الارض سحباته
كان عباره على البوم صور ....فتحاته وقلبت الصور
كانت في بيبي
وناجيه !!!!!
قلبت الصور بصدمه وبسرعه لين وصلت في اخر صوره وعلامات الصدمه ع وجها !!!
معقوله يلي فهماته!
______________________________________
ارسولان:جبد امير من كتافه وامير كان داااهش من الضرب ويسب في ماريا ويهين فيها وماريا ع الارض تبكي

ارسولان:ماسك امير بسيف.....خلاص اهداااا
مش هكي تنحل بتقتل اختك ياراجل غلططط
امير:بعد من عليااااااااا
انا اختي عقاب الوقت يقولو عليها هكي !!!!
بعد وربي لما نقتلها ونشرب من دمها
ارسولان:اطللللع لين تهدا بعدين افهم

تعليقات



حجم الخط
+
16
-
تباعد السطور
+
2
-
close