recent
روايات مكتبة حواء

رواية منورة يا حماتي (حماتي ملاك) الفصل الرابع عشر 14 بقلم هايدي محمد

رواية منورة يا حماتي (حماتي ملاك) الفصل الرابع عشر 14 بقلم هايدي محمد

 رتيبة : يخربيت شيطانك ياخالتى أم عدلات ... حاسبي كويس يا أما وخلى بالك من نفسك لو حد عرف بده الدنيا هتولع ومش بعيد سامح يتبرى مننا خالص

أم رتيبة : ربنا يستر يابنتى خدى بالك من جوزك ياضنايا لحسن مش عاوزين اللى بنعمله يترد فينا
رتيبة : جووووووزى جوزى ايه بس ياما تقدرى تقولى عليه ضيف غريب حد بيجي البيت ينام ويطلع تانى مابقيتش اشوفه خالص
على طول بره البيت وعنده شغل يطلع بطقم ويرجع بطقم تانى أقوله احضرلك أكل يقوللى أكلت بره
أم رتيبة : يوه يوه يوه اوعى يكون بيخونك
رتيسبه تخبط ايدها على صدرها : ياخرابي بيخوننى
أم رتيبة : خدى بالك كويس وقلبي فى جيوبه وفتشي فى حاجته أنا الفار بدأ يلعب فى عبي يابنتى
رتيبة : ربنا يستر يا أما
أم رتيبة :بقولك إيه أنا هقوم أخلص الأكل اللى ورايا أسيبك دلوقتى
رتيبة : ماشي
تقفل رتيبه التليفون وتقول لنفسها : يخوننى الواطى عليا النعمة ل ...
قبل ماتخلص كلامها حماتها تنادى عليها
رتيبه : أيوا ياخالتى
حماتها : خالتك منين ياعينيا انتى نسيتي أصلك ولا إيه ماتفزى تقومى تحضري الأكل ولا مش فاضية غير لأمك طول النهار
رتيبة لنفسها : يوم باين من أوله
رتيبة : أهو نازله أهو وتكمل لنفسها عيني عليكي يارتيبة تعالى شوفى ميلة بخت بنتك ياما
امتى المدعوقة دى تموت ونرتاح
.......
همسة : ماما يا ماما
أم همسة : فى إيه يابت مالك
همسة : يللا انجزى زمان سامح وأهله جايين
أم همسة : حاضر خلاص أهو
همسة : تعرفي يا ماما رغم إنى برد وكدا إلا إنى خايفه أمه شكلها مش سهل خالص
أم همسة : ماقلنالك يابنتى بلاش الجوازة دى من أولها
تسكت همسة وبخجل تبص فى الأرض
أم همسة : هو انتى بتحبيه يابنت
همسة بخجل : بصراحه أيوه يا ماما ... بصي بقولك إيه
أم همسة :قولى
همسة : عاوزه أقعد مع سامح لوحدنا قبل كتب الكتاب عشر دقايق بس
أم همسة : جايه تقولى كدا دلوقتى وأهله كلهم جايين النهاردة
همسة : عشان خاطرى ياما تصرفي
أم همسة : هاقول لأبوكي يارب بس يوافق
تخرج أم همسة من الأوضه وتطلع الصالة عشان تقول لأبوها وتسيب همسة قلقانه فى الأوضة
شوية وترجع أم همسة وأول ماتدخل الأوضه تلاقي هجوم كاسح عليها من بنتها ماسكاها من كتافها
همسة : ايه عملتى إيه هاه عملتى ايه عملتى ايه هاه عملتى ايييييييييييييييييييييييييييييييييييييييييييييييييييييييييييييييييييه
كانت همسة بتقول كدا وهى ماسكه أمها بتهز فيها يمين وشمال وفجأة لقت قلم نازل على قفاها
من أمها : بطلى تتفرجي على كوشي وأرناف سرعتيني أبوكي وافق خلاص
......
سامح : ألف سلامة عليك يا صحبي أخيرا رجعت الشغل بعد حادثة العربية إياها تتخيلش كنا زعلانين عليك قد إيه .. قسم الit كان مضلم من غيرك
الحياه كانت وحشه ن
أيمن وهو بيخبط سامح : بس يا .... الحادثة جت عليك بفايدة وأديك هتكتب كتابك على الممرضه اللى كانت بتعالجنى من وراها
سامح : مخبيش عليك يا أيمن على قد مانا فرحان بالجواز على قد مانا قلقان .... واضح إن أمى مستحلفه للبنت ومش هتسيبها فى حالها أبدا
......
أم عدلات بتزور أم رتيبة الصبح عاوزه تشرب عندها القهوة
أم عدلات : ايه ده ياختى انتى جبتي مفارش سفرة جديدة الله يسهلك
أم رتيبة : دى مرات مندوح جابتهالى فى عيد الأم
أم عدلات : والنبي منصوفه ياحبيبتي ولادك ومرات ابنك تحت رجلك
أم رتيبة : ياختى بلا وكسه حسدوا الأعمى على عينه انتى كمان تعالى شوفى سامح اللى لسه مصمم على اللى ماتتسمي دى
أم عدلات : مصره على اللت والعجن ياختى ماقلنا سايسي أمورك دلوقتى وخليهم يتجوزوا بعدين اعملى اللى قلتلك عليه واكسريها واحده زى دى تلاقيها عامله عمل لابنك وماتيجيش غير كدا
أم رتيبة : خايفه لا تيجي تمسك فى الواد وتتبت بعدين سامح جه نور عونيا ماقدرش اسيبه ليها
ترررررررررررن
جرس باب أم رتيبة بيرن
أم عدلات : يوه تف تف تف تف انتى مستنيه حد
أم رتيبة : أبدا قال ياقعادين يكفيكوا شر الجايين
تفتح أم رتيبة الباب وتلاقي أم عبد الله جايالهم هى كمان
أم رتيبة : ازيك يا حبيبتشي وحشانى
أم عبدالله : لاقيتك ماببتسأليش قلت أسأل أنا
مين هنا أم عدلات كمان ازيك يا حبيبتي
أم عدلات : أهلا أهلا عامله ايه
أم رتيبة : خشي اقعدى على بال ما أحضر القهوة
تدخل أم رتيبة المطبخ وتقعد أم عبد الله مع أم عدلات
أم عدلات : يووه اسكتى شفتى اللى حصل
أم عبدالله : خير
أم عدلات : مش سامح هيخطب
أم عبدالله : يا ألف نهار ابيض مبرووووك
تخرج أم رتيبه من المطبخ وهى شايله القهوة : اسكتى ياختى لحسن هتشل
ام عبد الله : ليه بس كفالله الشر
أم رتيبة بتوزع فناجين القهوة وبتقول : الواد ماشي وراها زى الدلدولة
أم عبد الله : ليه كدا بس
أم رتيبة : حاسه إنها عامله عمل لابني أنا عارفه العالم دى
أم عبدالله : تعرفيهم قبل كدا ؟؟
أم رتيبة : لأ
أم عدلات : مش شايفه الواد ملهوف ازاى ع البنت
أم عبد الله : يا أم رتيبه افرحي لابنك وحبي مراته هترتاحي
يقطع كلامهم دخول سامح
سامح : السلام عليكم
الكل : عليكم السلام
أم عدلات : ولو انى واخده على خاطرى منك كدا بارضوا تروح تجيب واحده منعرفش أصلها ولا فصلها ده اللى ربيتك عليه
سامح بعصبية شويه : لو سمحت ياخالتى مسمحش إن حد يتكلم على الإنسانه اللى هتبقي مراتى كدا فاهمه ولا لأ
يسيبهم سامح ويدخل أوضته وتلحقه أم رتيبة
أم رتيبة : خير يابنى جاى بدرى ليه من شغلك
سامح : عشان الحق أجهز وعشان أعمامى
أم رتيبة : ....
#يتبع
#حماتى_ملاك

google-playkhamsatmostaqltradent