رواية عائلات راقية بفسادها 14 الفصل الرابع عشر بقلم اروي طاهر المسلاتي
كان مشهد بشع!
متوصفاش كتيبه
متوصفاش كتيبهالحوش انقلب وسط عياط ليلى وهيا تحاول تفيق رحمه يلي بعد دقايق بسيطه روحها غادرت جسمها وخلاص معش في شي غير جثتها الهامده
رزان واريج واقفين بعيد شويه مصدومات
كيف صار الشي هاذا !
معمرهمش شايفين بني ادم يموت قدامهم في دقايق
لهدرجه الموت ساهله وقريبه من اي حد!!
اما ليلى فقدت شعورها وهيا تخبط على وجها مش مستوعبه يلي صاير !
كان عندها امل يرفعوها للمشفى وينقدوها
متبيش تتقبل انها خلاص توفت
جميله خدت بناتها وركبتهم لي الدور الثاني بسرعه
الله اعلم علاش تصرفت بي الطريقه هاذي وشنو كان قصدها !!
___________________________________
حسنه:كان سخر ربي نبي بنتك هبه لي ولدي ارسولان
تلفتت هبه عشان تشوف تعابير الصدمه يلي ع وجه ماريا
ماريا:تهز في راسها بمعنى لااااا وهيا مصدومه
هبه:بلعت ريقها...مكنتش نعلم
اقسم بالله منعرف بي الموضوع ....وقربت منها
ماريا:بعدتها بقووووه ....ثاني شي تاخدي فيه مني
هبه؛لا ماريا مش ......
ماريا:طلعت تجري للحوش وقلبها واجعها ومليان حقد على هبه
قهرتها
كانت هبه خاطفه الانضار ليها رغم ان ماريا مش ناقصها شي
جميله ونفس سنها ومن عيله معروفه
حاولت ماريا تكون قويه ومتنزلش دموعها
علاش بتبكي ؟
لان ارسولان كان غالي عليها بطريقه رهيبه
كانت ميته في شخصيته لان حرفيا في وقت زي هاذا صعب تلاقي زيه
مستعده ادير اي شي وتحاول زياده عشان تلفت انتباها
وصلت ماريا للحوش بعد جريها وتعثرها في الطريق عشان تقابلها صدمه اكبر !
مكانتش فاهمه شي تشوف في امها طايحه ع الارض تبكي وتخبط ورقيه تحاول تهديها
شبحات مرت عمها جميله يلي كانت غريبه
مش مصدومه بس كانت حتى خايفه !!
____________________________________
مدوري شي اصلا عادي للسياره مصفحه الامور طيبه
مد يده .....صدام
ارسولان:نزل من السياره....شن صاير؟
جنان:شافت لي ارسولان ...كملت
شافت لي يد صدام يلي كان مادها وابتسمت بي استفزاز.....اسفه منسلمش ع الرجاله
صدام:سكر يده ونزلها.....به ياستي براحتك
توا بدبري انتي ضاربه سيارت الدوله بتخلصي
ارسولان:قرن حواجبه وهوا يشوف لي جنان يحاول يدكر وين شافها قبل!؟
جنان:فهماته واختصرت عليه الطريق ....جنان صاحبت ماريا
صدام :شاف لي ارسولان ....منو ماريا؟
من ورانا هكي !!
ارسولان:اهااا تمام كملي طريقك
جنان:جايه بتسكر المرش لكن صدام حط يده....لااااا وين تكمل طريقها يابرنس
وحق الخلعه والضربه !
جنان:قلبت عيونها بملل وفتحت قجر السياره
طلعت دفتر شيكات وشافت لي صدام ....كم تبي
صدام وارسولان نصدمو!!....بنت في العمر هاذا بسيارته قويه زي هاذي وتسوق اوكي ممكن
بس اطلع دفتر شيكات وتسأل كم يبي فلوس هاذا شي مش طبيعي حسب المنطق
صدام:ضحك....رجعي دفتر شيكات بابا ياحلوه نبصر عليك
جنان:قامت حاجبها ....كم تبي!
صدام:اوكي اكتبي رقمك تو نتفاهمو في المقر
ارسولان:بنبره حاده.....بطل وخليها تمشي
جنان:سكرت المرش وكملت طريقها مخليا صدام ينادي عليها وهيا تسوق وتشوفله في المرايا....فاضيه نقعد نراجي في حضرتك تدوي وانا مستعجله
خبطت ع الدومان ....علااااش ياربي علاااااش نتلاقى مع ناس خراوات وبسسسس
(للوهله الاولى تشوفي لي جنان ان وهم!....لان بي العقل مفيش بنت ليبيه في العمر هاذا عندها مبالغ زي هاذي!
سياره حساب في البنك ايفون اكس لي صاحبتها بسهوله ...بس متحكميش لين تفهمي قصتها
ممكن واخده راحتها في فلوس بوها ...وممكن شي تاني
)
)_______________________________________
رؤى:فتحت عيونها وهيا حاسه بألم رهيب في يدها وراسها
شافت يمين يسار واول شخص شفاته مفعمز جنبها كان رعد 
كان رعد مقعمز ويديه شابكهم في بعض وعيونه على الارض
منضره يوحي انه متعصب
رؤى:رعد!
رعد:قام عيونه فيها وتكلم بجفاف...انتي بخير !
رؤى:اي
شافت لي يدها...ااااه مكسوره؟
رعد:اي
رؤى:حست ان في شي غلط تكلمت بهدوء معاه...جربت نركب ع الخيل سفهني
مكنتش نعرف انه صعب هكي م......
رعد:قاطعها.....معش تحاولي !
رؤى؛قرنت حواجبها مش فاهمه...على شني؟
رعد:قام عيونه ويشوفلها بنضره حاده....معش تحاولي تكوني زيها
كلامك لبسك شعرك نشاطاتك في الحوش معش تحاولي تقلديها
وقف وهوا يحكي ....بعمرك مارح تكوني زيهاااا
خلي ذكرتها تقعد نفس ماهيا
وخليك بشخصيتك انتي
لان صعب هلبا ومستحيل تكوني زيها....وطلع
الكلام حرفياً نزل على قلب رؤى زي السم
كل حرف طلعه رعد من فمه وجعهاااا
اذكرت كلام ليلى اول ما خطبها رعد
ليلى:لو كنت مكانك نهرب وننفذ بجلدي
رؤى:انتي حتى الحلال مش عاجبك؟
كلمني وحبني درتيلي فيها حلال وحوام ولما خطبني تقوليلي اهربي
ليلى:ابتسمت....تو لما توصلي عنده تفهمي
رؤى:سكرت عيونها ونزلو دموعه
توا فهمت كويس ليلى شنو كانت تقصد
رعد قاعيش عايش على ذكرى مرته ومش قادر ينسى شي!!
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيهبه:ماشيه جايه بتوتر وكل شويه تخبط
احلام:وترتيني معاك شن صاير فهميني ؟؟
هبه:خدت نفس....شن رديتي عليها ياماما
احلام:للمره الالف قلتك
قتلها بنتي صغيره مش مفكره نعطيها لكن يلي فيها خيره يقدمها ربي
هبه:ووووه عليا ووووه خيرة شنو منبيهاش الخيره
يا امي منبيشي
احلام:ع اساس بنعطيك ليه المنتف هاذا لا طبعا
انا نبيلك نصيب معببببي معبي عنده فلوس يقيمك ويقيم بوك وخو بي فلوسه حد من صغار خوالك هكي ولا حد زي امير
هبه:سمعت اسمه تفركست وبلعت ريقها....امير شنو متزوج ره شن تحكي ياماما
احلام:عارفاته قلت زيه زيه....ااااااه بس كانك فالحه راهو انتي جبتيه لي الطريق وخدااك
لكن مدقنه مافيك ثمره زي عماتك بزبط
هبه:قعمزت ولوت راسها...تو مش كنتي تقولي عليا صغيره وتبيني نكمل قرايتي
احلام:لا ياماما هادي سبله نرفض بيها العرسان المنتفين ....حطت يدها ع خدها
زعما ميطلعش عنده هلبا فلوس وداسهم؟؟؟
هبه؛من وينله؟
احلام:هاذا كان مليشاوي
هبه:في الامن ياماما في الامنننن
احلام:حاسه هكي لان توا شري الحوش يلي ساكنين فيه من بوه امير ودارو الاوراق
ع دكر الشري الحمد الله ياربي
هبه:على شنو !
احلام؛خلاص بوك قرر يشري الحوش هاذا لين نرتبو وضعنا بعدين نبيعو ونشوفو فيلا زي الناس
هبه:نصدمت....لااااا علاش بيشريه
احلام:نقعدو هنايا بي رزقنا يافالحه باش ست ليلى ومفرخها ميتجملوش علينا ويقولو نازحين ومسكنينهم بدون حتى ايجار
بوك ها الايام ام شوية فلوس وبياخد قرض من البنك وبنتمو فيه
هبه:مستحيل مزال نطلعو من هنايا
طق طق طق طق
هبه:ناضت وهيا مضايقه من الخبر يلي سمعاته وفتحت الباب
جنان:اهلين ....وخشت
كيف حالك ياخاله ....وخشت لي غرفة هبه
احلام:قامت حواجبها....غبر فيها هادي خاشه تقول حوشها
هبه:ضحكت...سكرت الباب ومشت ورا جنان
___________________________________
ارسولان:الناس هيا مش لينا طلعها من راسك
صدام:قعمز ع الكرسي من اي ناحيه يعني ؟
ارسولان:يصلح في جهاز اللاسلكي يلي كان قدامه....انت مش شايف ان البنت طالعه شعرها عريان؟
وتسوق !....وحني الشروط هيا متمشيش معانا
صدام:شن المشكله؟من قالك بناخدها انا ياراجل هيا شوية هياجه وخلاص
ارسولان:صورت ماريا جت بين عيونه....فوته الموضوع
....فوته الموضوع البنت صغيره متوسخهاش
صدام:تي وسخ شنو حسستني بنقتلها انا م.....
ارسولان:خبط ع الطاوله بحركه عنيفه وعيط عليه....فووووتها قلتتتت
صدام:انصدم من ردة فعل ارسولان ...به به به
خيرك مقلت شي
ارسولان:خدي نفس وكمل تصليح بدون صوت
صدام؛وقف....لو نفهم شن صار معاك في الحرب بس!
مشي معاك الف واحد نعرفه ورجعو
مفيش واحد تغير زيك
ارسولان:مفي شي تغير
صدام:لا فييييي وفيه هلبا زياده
اعصاب مش متحمل كلمه معش عرف حد كيف يخش فيك ويهدرز عليك كلمتين
بديت تقول نتعامل مع الغام مش نهدرز عليك نخاف تتفجر في اي لحضه
راجع روحك ارسولان في النهايه انا صاحبك مهما صار نتحملك لكن غيري لا
لو بتقعد هكي بتخسر هلبا ناس ....وطلع وهوا متنرفز
اما ارسولان لوح الكتشافيتي ع طول يده وسكر عيونه بغللل
______________________________________
انتشر الخبر في كل مكان ...كانت صدمه للكل
للبعيد والقريب
للعيله والبراني
كلهم نصدمو ....
رحمه قاعده عروسه ومتعانيش من اي مرض ولا فيها حاجه
موتها فجآه طبيعي بيصدم الكل
نصبو الخيمه النساوين قدام حوش المزرعه
وخيمة الرجاله ورا حوش هبه لان الميه قريب عليهم
وبدت الزحمه والناس خاشه طالعه
وتعلت المزرعه بي السيارات وناس جايه من الشرق والغرب
رجال الاعمال والناس البسيطه
نساوين ورجاله
احلام وحسنه كانو اول الحاضرين ودارو واجبهم گ جيران
هبه:صدمتها كبيره ...مرت امير توفت!
لحقت امها عزتهم ولما قربت من ماريا بتعزيها
ماريا مقبلتهاش
خلت يد هبه ممدوده مشت وسيبتها !
وسلمت على موده وجنان عادي يلي من اول ما سمعو بي الموته جو بسرعه
________________________________________
الساعه 11في الليل:-
الحوش قاعد معبي 
طبيعي بيكون في هلبا ناس بايتين اول يوم للموته
خصوصا ان رحمه مدفنوهات
لين يشوفها الطبيب الشرعي ولين النيابه توقعلهم على التقرير عشان يتم الدفن
اجلو الدفن لعند ثاني يوم الضهر
ماريا:كانت واقفه ع الروشن زي العاده
بس المره هاذي قلبها واجعها
موت رحمه وخطبت ارسولان من هبه يلي سمعت بيها
لمحت خوها امير خش للمربوعه وهيا عارفه كويس ان المربوعه مفيها حد لان الرجاله كلهم بعيد في الخيمه ورا حوش هبه
نزلت بسرعه عشان تحضن خوها
ممكن تخفف عليه وجعه شويه (زي ما كانت متخيله)
نزلت تجري وحاسه بنفسها مخنوقه وبتبكي
وقفت عند باب المربوعه ومقدرتش تخش لما سمعت النقاش !
امير:يخبط ع صدره وهوا معصب وعيونه يلمعو.....مش غبببببي انا
.....مش غبببببي انا مش عيييييييييييييل
الولد يلي في بطنها مش منك ولو كان منك راك قتلتهااااا
نعرف
نعرف ان الولد من صاحبك وهوا يلي عرض عليك تزوجهولي لين تجيب الولد وياخده وهيا يسفرهاااا
هاذا كله مقابل شنو؟؟
فلوس
مقابل وسخ دنيا خليتني نعيش ونتزوج وحده كلبة فلوس ونجسه زيك انت وصاحبك
احسان:بلع ريقه وشاف بنضره جامده.....كويس مدامك عرفت الخطه مزبوط !
اعتقد ان رحمه حكتلك قبل متموت انها بتسافر برا
شن بتخسر يعني انت بلعكس گ جزاك ليك كنت بناخدلك المعرض يلي قداش ليك خاطرك فيه
امير:حط يده عراسها وهوا يتنفس بسرعه
كان قلبه محروق ومش قادر يتكلم !
فقد الامل في بوه ومعش قادر يحكي ...خبط يده ع الباب بقووووه
وطلع
ماريا:حسن بخوها جاي من بعيد هربت بسرعه داخل
وقفت قدام الدروج ويدها ع فمها مصدومه من يلي سمعاته
اول مره تشوف امير يعلي صوته على بوه هكي !!
والكلام يلي نقال!!
رحمه حامل من صاحب بوها؟؟
بوها؟؟؟
راسها وقف كل شي تخلط عليها وجي في مره
ركبت غرفتها وحست للمره الاولى ان مفيش حد جنبها
بكت بكت بكت وبكت ساعات مش دقايق زي قبل
تخيلي في لحضه تكتشفي سر زي هاذا على بوك ويطيح من عينك
وانتي مش قادره تشكي لي حد!!
في اللحضه هاذي شرين تالفونها :-
كانت المتصله هبه
ترددت ماريا في البدايه بس بعدين خذت نفس عشان يبين صوتها عادي وردت ....شن تبي؟
هبه:بلعت ريقها....زعلانه مني ؟
ماريا:احكي شن تبي بنسكر
هبه:ماريا بكرا اول يوم امتحانات وامك وصتني نخبرك ان رغم الضرف لازم تمشي حتى او مقريتي شي المهم تحضري!
ماريا:منبيش نمشي ...تصبحي
هبه:ماريا استنننني ...اسمعيني
ماريا:شنو
هبه:ارسولان معنداش علم بي ان امه بتخطبله
ولا عنده علم حتى ان امه جتنا اصلا وانا وماما رافضين القصه هاذي من الاساس
ماريا:ساكته
هبه؛خلينا نمشو بكرا عارفه ثاني يوم للعزي ومش وقته بس حتى هاذا مستقبلك وامتحان لازم تحضري
ماريا:تمام
هبه:مسألتينيش منو بيرفعنا؟
ماريا:قامت حاجبها ومتكلمتش
هبه:ابتسمت....امير حكي مع ارسولان
لان خوك اسلام وبابا بكرا ماشيين مع بوك عشان اجرائات الدفن
وقال امير لي بابا ان ارسولان الوحيد يلي واثق فيه كويس وهكي
ماريا:حطت يدها ع فمها تمنع صوت بكاها يطلع لما سمعت اسم خوها
هبه:تمام؟
ماريا:استجمعت قوتها...اوكي
وسكرت بسرعه وهيا منهاره من البكي
______________________________________
رؤى:كانت طول الليل في المشفى مش مسموح ليها تروح
لازم تقعد24ساعه في الملاحضه عشان يتأكدو ان مفيش نزيف داخلي او شي!!
طول الليل رعد مش معاها!!
ولا حتى امها
لان ببساطه كانت متعلمش !
وكانت لاهيه في الموته وتحاول توقف مع ليلى
كملت رؤى ليلتها في المشفى شبيها من ليلة ماريا
الاثنين دموعهم موقفوش
صح كل واحد ليه سبب مختلف بس تقريبا نفس حرقة القلب حاسين بيها
_______________________________________
ارسولان وامير كانو مفرشين جنب بعض في الخيمه
ساكتين ويشوفو لي النجوم بهدوء بعد ماالناس يلي جنبهم كلهم رقدو
ارسولان حاس بنفسه مخنوق!
مش قادر يتحمل ريحة الموت حواليه ولا يشوف مراسم دفن
امير نفسيته مدمره تماماً
تخيل الاب يلي مفروض يكون قدوه وسند تشوفه بي المنضر هاذا!
الاثنين ساكتين ويشوفو لي نفس المكان بس عيونهم تقول الف حاجه !
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيثاني يوم الساعه 8:30الصبح
:-
:-ليلى:وجها شااااحب وواضح عليها طول الليل مرقدتش
ناضت بصعوبه بعد ما شافت ماريا نازله من الدروج
ماريا:عيونها متورمه من البكي....صباح الخير
ليلى:حضنتها وبدت تبكي
ادخلت بينها عمتها ...
خديجه:خلاص ياليلى صلي ع النبي حرام عليك البنيه تبكي فيها قبل امتحانها
ليلى:بعدت من قدامها شويه....متروحيش هنايا
بري عند موده ولا هبه
ماريا:لا بنجي هنايا
ليلى:اسمعي الكلام مش ناقصه يعلم ربي بحالي
امتحاناتك لازم تركزي فيهم
ديري بالك ع روحك ولد حسنه بيرصلكم
ماريا:ان شاء الله.....وطلعت من الحوش
هبه:واقفه قدام الحوش تراجي في ماريا تطلع وعيونها على ارسولان يلي يسخن في السياره
تسإل في نفسها تو هاذا مناسب لي ماريا الدلوعه؟!
شافت امير جاي جيهتها وقلبها طاح!!
امير:مطلعتش ماريا؟
هبه:بلعت ريقها...لا
امير:بيمشي بس وقف لما سمع هبه
هبه:سس س سلامة راسك
ربي يرحمها ان شاء الله و ....
و... و وان شاء الله هادي اخر الاحزان يارب
امير:تلفتلها وشاف في عيونها ...هز راسها بمعنى تمام
وخش للحوش
فهمت هبه من عيونه المتورمات التاعبات انه بكي هلبا ع مرته ومش قادر يحكي من الصدمه
يعني يحب مرته!
يعني كلام جنان كان صح
ماريا:خيرك واقفه هكي
هبه:ش شش شي شي ....علاش يعني
صباح الخير
ماريا:شافتلها من فوق لعند لوطه...صباح النور
قربو الاثنين مع بعض من سيارة ارسولان
هبه ركبت من الخلف
وماريا قربت بتركب من القدام....فتحت الباب
بس ارسولان اشرلها بعيونه بمعنى اركبي من الخلف
ماريا:قربعت الباب بقوه وركبت
ارسولان:كمل مسح المرش وفتح باب السياره بيركب لكن وقفه صوت!
حسام:انزلي انتي وياها تخلي الغريب يوصلك وولد عمك ماد وجها هنايا؟
انزلي
ارسولان:عيونه على حسام بنضره حاده
رص البطمه متع السياره وتسكرو البيبان
كمل وقفته يشوف لي حسام بدون ما يتكلم
حسام:يا اخ ندوي معاككك .....افتح النم خلي البنات ينزلو كيف يركبو مع واحد غريب
هبه:ارسولان تأخرنا ع الامتحان
ارسولان:شبح لي هبه ثواني وركب السياره وطلع
مخلي حسام واقف يشوفلهم ويسب ويلعن داخله!
______________________________________
في مكتب المديره :-
موده:كانت واقفه بي ارتباك متحشمه وحاسه بي الاحراج....يا ابله انا كلمت بابا قالك اصبري عليا شهر بس يكون عندك حق السمستر وربي
....يا ابله انا كلمت بابا قالك اصبري عليا شهر بس يكون عندك حق السمستر وربي المديره:نزلت نضراتها ....حق سيمستر شنو؟
دفعتي حق السنه كلها انتي
موده:لا مكملتش الدفع
المديره:فتحت الدفتر تراجع ....دافعه اهو عاطيين حق باقي السنه كله الخميس يلي فات
موده:نصدمت .....عفوا بنسأل
بابا جي عطاهم؟
المديره:رجعت لبست نضراتها....لا والله بوك باعت شخص ممكن اول مره نشوفه
موده:ابتسمت وقالت بصوت واطي....جنان
المديره:المهم مش هادا ناديتك ع خاطره توا بري لي ابله خيريه جيبي منها اعمال الطالبات المشاريع الصغيره
موده:والابتسامه مرسومه على وجها .....حاضر
________________________________
طول الطريق مفيش صوت !
مفيش ولا كلمه والهدوء كان سيد الموقف ...
مفيش غير صوت القرآن الخفيف يلي كان فاتحه ارسولان
ماريا راسها على الباب وكانت حالتها صاعبه واضح من شكلها
اما هبه طول الطريق تراجع في كتاباتها
وارسولان كل شويه يلاقي نفسه يخطف في نضرات لي ماريا ع المرايا
كأنه القدر تبدل !
توا دور ماريا تحصل نضرات جميله من المرايا وهبه متعلم بشي زي ماريا قبل
موده:طلعت من الاداره جت عينها في عين جنان
جنان:وخرت خطوتين....مش ناقصه مجانين ع الصبح
موده:وووه عليا وربي الا انتي .....ومشت تجررررري وحضنت جنان لين طاحو الزوز في الساحه قدام البنات
جنان:بعدي من خليقتي مرزن دممممك ع الصبح
موده:اقسم بالله انقذتيني من هلبا حاجات شكرا شكرا شكرا شكرا
جنان:اهعععععع خنقتيني
موده:باعدت من عليها وهيا تشبحلها بحب
جنان:تساوي في روحها ....منقدت حد ناقص ننقد وحده خرا زيك
موده:باست جنان .....صحييييتي
جنان؛مسحت البوسه من ع خدها ....صبحححح
موده:ماضت بسرعه من ع الارض ولفت وجها لي هبه وماريا يلي جايين من بعيد
جنان:ابتسمت في الخفاء بعد ماقدرت تفرح موده وتزيل من عليها الحمل....وقالت بصوت واطي
....وقالت بصوت واطي غبيه
خشت ماريا للمدرسه وتزاحمو عليها البنات يعزو فيها ودارو شوشره لين الجرس ضرب وركبو مع بعض
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيجميله:لا ياوخيتي منخليش منياتي ينزلو لا
وكان تطلع رحمه مريضه بي شي معدي وحتى انا انع يت نخاف على بناتي انا
خديجه:صدق من قال العقل نعمه
جميله:تمروح ع نفسها كأنها مش قاعده في موته....رقييييييه
رقيييييييييه
رقيه:جت بسرعه ويديها حمررر من غسل الماعين....نعم
جميله :هاتيلي اميه مصقعه بسرعه
رقيه:حاضر
طلع تحليل الطب الشرعي
واكتشفو انها حامل في الشهر3تقريبا وهيا ليها متزوجه اسبوعين فقط!!
سبب الوفاة كان تسمم
رجع بو امير واسلام للحوش مع شاب من مكتب التحقيقات فتشو غرفة نوم امير وفعلا كان نفس نوعية السم يلي ماتت بيه موجوده بين ملابسها في الدولاب
وقعو على القضيه انها انتحار بسبب الحمل الغير شرعي
حققو مع امير واعترف انه يعلم بس حب يستر عليها بي الزواج
تسكرت القضيه وبدو يغسلو فيها عشان الدفن!و
_________________________________________
كمل الامتحان وبدت الدوشه في الفصل!
خشو بنتين من سنه ثانيه يدورو بعيونهم كأنهم يبو بنت معينه!
ماريا:لا لعند الان سبب الوفاة مش معروف شنو
موده:به توا خوك امير بيتزوج بعدها ؟
هبه:موده تحشمي شن السؤاله الغبي هاذا المرا ليها يوم واحد بس متوفيه
جنان:صح بطلي وقاحه
قربت وحده من البنتين....هوا انتي تعرفي الوقاحه وتصرفاتك فاتتها غادي ؟!
جنان:نعم!
لبنى:نعمين ياحبيبتي...مدايرتيلي فيها جو البوديقارد هنايا وضاربه صاحبتي بي الشيشه تسحابي في فيلم بالك تسحابي مفيش حد وراها
انتبهو البنات يلي في الفصل كلهم
جنان:انا رح نعتبرك تبصري وصغيره بري العبي مع ندادك
لبنى:ضربت جنان كف لدرجة الفصل كله شهق في مره وحده
جنان:وقفت تقيم في كمامها....لااااا هكي لااا
هبه:جناااااان ردي بالك موقعه تعاهد راهووو
جنان:طز فيه .....وطاحت في البنت ضرب
خشت موده بتحز حصلت خبطات قامت كمامها وبدت تضرب
خشت ماريا ع اساس بتتصرف بي رقي وبتحكي بصوت واطي شحواها شعرها بدت تضرب وهبه مسكينه تتكلم من بعيد بس جبدوها معاهم
الفصل كله خش بعضه وهاذي تضرب في هادي مهداش الوضع لين جنان رقدت البنت يلي عطتها كف واغمى عليها تمااااما
جنان:تمسح في وجها....هل من مناااافس ياخناااافس؟؟؟؟
بس دور البطوله هاذا نهاته الابله في لحضه
ونزلت جنان وماريا وهبه وموده طابور واحد للاداره
_______________________________________
رعد:خش للغرفه يلي فيها رؤى
لقاها راقده في سابع نومه
مينكرش انه حس بي الضمير خلاها ليله كامله تبات بروحها من غير الكلام يلي قاله ليها
كان عارف روحه غالط وتمنى يجي يلقاها نايضه ممكن يصالحه
بس رغم كل شي حط الفطور وخلاها راقده بدون مايقرب منها وطلع عشان يلحق ع الجنازه
_________________________________________
بعد ربع ساعه من الهزايب وال4عيونهم في الارض قررت المديره تعاقبهم بي تنضيف الحمامات
ولي اول مره تجتمع جنان العنايديه القويه
مع هبه الخوافه يلي متحبش المشاكل
مع موده المهبوله يلي متقدرش تشد لسانها
مع ماريا الدلوعه الماديه ....يجتمعو في حاجه تخليهم في نفس المستوى
ماريا:ماشيه جايه ....كلللله منككككك
بسبببك انا مش ناقصه حصلتيني في مشكله وتوا جايه انضف في عفن يلي تسوى ويلي متسواش
جنان:انتي لان مرت خوك اللفعه ميته وانتي لفعه زيها يعني اكيد تحبيها مش رح نحاسبك ولا رح نرد
هبه:راسي ياربي راااااااااسي خلونا نكملو ونطلعو
موده:معش تقولي ربي في الحمام استغفر الله
هي اعود بالله نسيت
جنان:تشوف لي موده....جديات بلطف عليك
ماريت:نهارت بي البكي قدامهم وهنايا بدات حسو ان في شي داخل ماريا اكبر من موت رحمه
هبه:خدت نفس وتكلمت.....باش تبيني نحلفلك ان مكنت نعرف ام ارسولان جايه تخطبني
جنان:تبصرررررررررري
موده:مستحيللللل ....يخطبك؟
هبه:المشكله والله ميعلم الولد
موده:معش تحلفي في الحمام
هبه:موده اسكتتتتتي معش تنرفزيني
ماريا:مش مضايقني موضوع ارسولان
هبه:في شي تاني !
ماريا:تبكي وهزت راسها بمعنى اي
سندت ماريا نفسها ع الحيط وقربو عليها وبدت تحكيلهم !
كأنهم صحاب قلبها وتبيهم يشاركوها همومها رغم التباعد الكبير وعدم التوافق يلي بينهم
_______________________________________
اذن الضهر
وطلعت الجنازه وهما لافين الثابوت بي ردي بودري لانها ماتت عروسة اسبوعين
الكل كان حاضر والجنازه زحمممه
نفضحت بين الناس ومقدروش يخلو سر الحمل بينهم
(ربي مستحيل بفضح انسان من لا شي ربي يحب يسترنا حتى وقت نديرو في المعصيه !
لكن رحمه مكانتش انسانه كويسه في حياتها ابدا
وقت كان النفس يخش ويطلع وقلبها يدق كانت مسخره نفسها عشان تفضح بنت عمها وبنت خالها وبنت جيرانهم
مش ضروري تفضحهم بكلام حقيقي صاير مرات حتى كذب عادي المهم تشوه السمعه
غرتها الدنيا وغلطة غلطة عمرها وربي فضحها قدام الناس كلها) حساب الدنيا فيها
كانت الدنيا تمام لين ارسولان شاف الثابوت مغلف بي البودري
في اللحضه هاذي مر عليه نفس المشهد
عرس سيارات مروحه من الحمام زغاريط ونوبه وفجآه
هوا واقف بين الناس في جنازه زي هاذي
انهاااااار ارسولان ومعش قدر!
_______________________________________
يشوفولها البنات بصدمه بعد ما كملت ماريا كلامها
جنان:مفيش حل
ماريا:شافتلها ...كيف!
جنان:ديري روحك مسمعتيش ....بوك واطي والشي هاذا حقيقي
خليك طبيعيه وبس وانسي يلي سمعتيه
ماريا:في غلط وبابا مش هكي انا متأكده بابا معنداش صحاب هكي ممكن انا فهمت غلط
جنان:ابتسمت بي استفزاز....واطي والدليل كل حوف سمعتيه منه
ماريا:تعصبت وبدت تعيط على جنان
مش وااااااااطي انتي يلي واطيه
لان معندكش اب كووويس تسحابي الناس كلها زيك
واضح ان بوك الحقير من معاملتك ليه وهوا ساكت يهز في ودانه
هبه:حطت يديها ع فمها
جنان:معش قدرت تتحمل ......حقير وواطي وحيوان
معش تقيمي خشمك ع حد لانك بنت واحد حقير نفس بوي اي نفسه
مش مصدقه؟!
كذبتي ودانك ياقلبي؟
نصدمك تبيني نحكي
ماريا:معندك شي تحكككككككيه
جنان:صاحب بوووك يلي مداير معاه العار و حملت منه رحمه يكون بووووووي ....يتبع
