رواية كنت هرد عليها بس تليفوني رن برقم غريب وقالي كلام اغرب بقلم ريهام سعيد
بقلم ريهام سعيد
_الانسه إلى ورا دي ايوا انتي الي بتتكلمي اتفضلي برا
=مين انت اصلا علشان تقولي اخرج ولا اقعد وبعدين الدكتوره لسه مجاتش
_كمان قليلة الادب
=بعد اذن حضرتك انا مسمحلكش
_انا الدكتور بدر هدرسلكوا انهرده بدل الدكتوره إيمان لأسباب مرضيه وانتي على برا وعلشان ردك عليا بقلة أدب هنقصك في درجات السلوك
=حضرتك محسسني اننا في مدرسه انا اصلا هخرج من غير مانت تقول
_استنى
=افندم يا دكتور فيه اهانه تانيه
_بعد المحاضره تجيلي مكتبي
=دكتور رخم هحرمك من وجودي المميز في المحاضره
_سمعتك على فكره
=وانا مش خايفه علفكره
خرجت من المحاضره وانا متنرفزه
_بنيادم مغرور أوفف
(اه نسيت اعرفكم بنفسي انا حبيبه محجبه جميلة جدا دا الكلام الي كل الجامعه بتقوله عليا يمكن علشان بيضا وعيوني عسلي وعندي غمازه في خدي الشمال ومحترمه اوي بس لما بقلب على الوش التاني بقلب وببقي واحده تانيه خااالص الأولي على دفعتي سنتين ودي السنه التالته ليا علم نفس اصل انا بحب الدكاتره النفسيين اوي مع ان اهلي بيقولوا ان ملهاش مستقبل بس انا مسمعتش الكلام و مشيت ورا عقلي)
روحت الكفيتيريا بتاعة الجامعه وانا متعصبه من الدكتور المغرور ده ازاي يطردني كدا دانا عمري ما انطردت من محاضره ابدا
=كوباية قهوه مظبوطه يا عم فتحي لو سمحت
_حاضر يا بنتي اتفضلي اهي
اخدت القهوه وقعدت وانا بفكر اروح للدكتور بعد المحاضره ولا لا منكرش انه وسيم اوي بس بردو في الاخر مغرور
فجاءه لقيت آخر حد اتوقعه يقعد جنبي
=اية يا بنتي انتي ايه الي مقعدك هنا انتي مش عندك محاضره
_مفيش يا اسماء بس فيه دكتور بارد بس ايه مز طردي انا حبيبة الأولى على دفعتي سنتين كل المدرسين بيحلفوا بشطارتي ف الاخر انطرد على ايد دكتور متخلف زي ده
=اسمه ايه الدكتور ده يا حبيبة
_هه بدر البدور الأمور واحد مغرور وتنك و....
=حيلك حيلك انتي اتجننتي الدكتور بدر بنفسه نهارك اسود
_ليه يعني مهو بنيادم زي اي بنيادم
=ده بنيادم ده ملاك ده قمر ده+انه عنده مستشفيات كبيره جدا
_طب وسعى بقى علشان قالي عايزك بعد المحاضره هه هينقصني ف درجاتي اصلي ف كيجي وان
(رحتله وانا خايفه شويه اصل الى حكتهولي اسماء مش شويه بردو اخدت نفس عميق وخبطت وسمعت صوته وهو بيقولي اتفضلي ودخلت)
_حضرتك كنت عايزني في حاجه
=ها اه انتي هتنقصي في السلوك علشان علشان.....
(مش لاقي سبب انا ليه اتوترت اول ما شوفت عنيها ايه يا بدر ما تفوق بقى هي طالبه عندك مش اكتر وغلطت ولازم تتعاقب)
_علشان رديت على حضرتك لما انت طردتني من المحاضره من غير سبب صح
=ها اه اه صح
(لقيته بيبصلي بغرابه اوي ومركز في عيوني زياده عن اللزوم انا اتحرجت وقلتله بمنتهى الحده)
_تمام يا دكتور عن اذنك
=رايحه فين انا خلصت كلامي
_همشي بدل ما حضرتك بقالك ساعتين بتبحلق فيا اكني رجل فضائي
(حسيت اني احرجته بس قولت احسن هو احرجي قدام صحابي كلهم خرجت من عنده ورزعت الباب بعصبيه ونرفزه مش عارفه عملت كدا ليه رحت الكفيتيريا تاني علشان كان لسه عندي محاضرات ولقيت اسماء مستنياني ولما حكتلها على إلى حصل ده كان رد فعلها)
=يخربيتك
_ايه هو انا عكيت الدنيا اوي كدا
=اوي اوي دانتي مش بعيد تسقتي
_فال الله ولا فالك تفي من بوقك
=الفاظك خرا
(كنت هرد عليها بس تليفوني رن برقم غريب وقالي كلام أغرب)
