رواية خرساء كاملة بقلم مريم سمير
بسم الله الجزء الاول
الخرساء_خارسة اتجوز واحدة خارسه لى!
كان عريس جايلى وكان بابا وماما وصاحبه ماما الانتيم من وهى صغيرة وابنها قاعدين، احمد مستحملش الكلمة وقام مسكه من جاكتته وطلعه برا
_انا اسف، بس ابنك قليل الادب يمدام، ولما يجى يتقدم لواحدة يعرف هى تبقي تبع مين وأهلها مين، وانا اسف لحضرتك مرة تانيه، انتى زى والدتى بس كان لازم تعرفيه عشان ميقولش كلام مرضتش أحاسبه عليه
مامت العريس مشيت وهى محروجة وأنا دخلت على اوضتى وحضنت المخدة وانا قاعدة وفضلت اعيط لغايه مسمعت صوت خبط في الباب
_كنت عارف انك هتعيطى
=..
_ينفع يعنى واحدة تعيط وهى قمر كده، وبعدين انتى مش خايفه زى البنات يطلعلك هالات سودا ميت مرة اقولك لو عوزتى تعيطى ابقي حطى فوزلين يمريم قبلها..
ضحكت وبصتله وابتسمت، أنا لو مدينة لحد ف هيبقي أحمد، هو الى وقف جمبي دايما في الأوقات إلى ملقتش حتى صاحبه، حتى بعد مفقدت النطق نتيجة صدمة في حادثه كنت عملتها، وبتعالج دلوقتي، بس هو اكتر واحد مشجعنى واكتر واحد نفسه يسمع صوتى، واول كلمة نفسي انطقها اسمه، صاحبي الوحيد وملجأى اللطيف
مسح دموعي واتعدل على السرير
_انتى مفيش فيكى حاجة انتى تمم وهتبقي تمم اتفقنا!
هزيت راسي بمعنى اتفقنا
وقف وفتح فونه وفي نفس الثانيه جتلى مسدج على الواتس، كانت منه، يبقي حاجة مش عاوز يقولها فبيكتبها
_انتى حلوة جامد النهارده بالفستان ده، اه واضحكى على طول
ابتسمت وكتبتله
=شكرا انك موجود دايما في الوقت المناسب
اتكلم ساعتها وقال
_تعرفي احلى حاجة حصلت النهارده اى؟
هرشت في راسي واستغربت ورفعت حاجبي وهزيت راسي بمعنى لاء
_ان العريس جايب جاتوه، خلصانة هاكل إلى بالشوكولاته
محاولاته الكتيره عشان اضحك، هزاره وكلامه ودعمه وابتسامته ونظرته ودعواته ليا دايما في الصلاة، انتوا لى معندكوش واحد زيه يجماعة معلش!
طلعنا وكلنا جاتوه وفضل يضحكنى وانا نسيت إلى حصل اصلا عريس مين بس إلى افكر فيه واحمد بيتكلم!!
_كلنا والبلونة اتملت
هزيت راسي وضحكت
_نلعب بق
بصيت قدامى على التليفزيون وجبت من جمبه الكوتشينة
_انتى هتقعدي، قومى اعملى شاى يستا
معايا نوت صغير بكتب فيها إلى انا عاوزة اقوله بس النوت دى لأحمد وبس عشان هو كمان بيرد عليا بالكتابه عمره محسسنى انى فعلا مش تمم!
_والأستاذ هيشغلنى عنده، متدخل اعمل يبنى انت شويه وهتسكن عندنا اصلا
خد النوت وضحك
=وانا لما اعمل شاى انتى هتعملى اى معلش!
_هلعب كوتشينة اى الذكاء دا يربي
=بس يجدع، طب قدامى على المطبخ
دخلت معاه المطبخ وانا بضحك عشان مش بيعرف يعمل لنفسه حاجة اصلا
_الشاى فين
كتبت=جمب السكر يفالح
_مريم مفيش جمبي حاجة!
=لا يا احمد بقولك جمب السكر مش جمب البيض
_انا انطفيت..
عملنا الشاى وكان ما شاء الله جميل جدا، وانا مش بقلس خالص اطلاقا، لعبنا شويه وشربنا الشاى
_اى رايك في الشاى ب أمانة
=لو بأمانة فكان الله في عون إلى هتتجوزك
ابتسم وخد النوت منى وكتب فيها وقفلها
_خدى بقي عشان مروح، سلام يحلوة
استغربت هو قفل النوت لى، فتحتها لقيته كاتب
(متيجى نتجوز عشان مفيش غيرك هيرضي يشرب الشاى بتاعى)
تلقائي ابتسمت، ثوانى هو فعلا ممكن يجى اليوم إلى اكون انا واحمد متجوزين، بس احنا صحاب، صحاب جامد
لقيت رسالة بعدها جت منه على الواتس
_احمريتى!
=لا خالص
_كنت حاسس
=هه، بتعمل اى
_بكلم بنات
=احمد انت محدش عارفك الا انا ومامتك ومامتى!
_ههه، كنت عاوز اقولك حاجة مهمة معرفتش اقولهالك وش ل وش
=ارغي
_ماما اختارتلى عروسه ورايحين نشوفها بكرة
=ايه!!!!
