recent
روايات مكتبة حواء

رواية وفاء كاملة بقلم اية عبده

رواية وفاء كاملة بقلم اية عبده



 روايه وفاء

البارت الاول
تخرج ممرضه من الباب الخلفي لاحدي المستشفيات الحكوميه علي صوت بكاء طفل صغير ،تقترب اكثر الي مصدر الصوت حتي وصلت الي مقلب القمامه ،وفتحت احدي الاكياس السوداء واذ بطفله صغيره بداخله مازال عليها دماء ولادتها وحبلها السري ،اخذتها الممرضه في حضنها لتدفئها بداخل حضنها ودخلت مسرعه الي داخل المسشفي ،
دكتور سليم دكتور سليم
نظر الي خلفه بفزع ايه في ايه يامنال مالك ،وايه ال في حضنك ده ، يفزع ،ايه ده دي طفله مولوده وايه ده دم الولاده نشف عليها بسرعه نظفيه قبل مايتنقل لها اي مكروب
حاضر يادكتور
كشف عليها دكتور سليم واطمئن لحالتها ،منال
نعم يادكتور تبات في الحضانه فين ام الطفله ؟
اصل يادكتور ال حصل سمعت صوت صريخ لطفل فضلت،ماشيه علي حس الصوت،لغايه ماوصلت لمقلب الزباله ال وراء المستشفي بفتح الكيس لقيتها في قلبه ياعيني عليها المسكينه،اخدتها وجبتها لحضرتك
بصدمه ايه !!!!لا حول ولا قوه الا بالله ذنبها ايه بس البنت دي
ذنبها ان امها مجرده من الامومه معندهاش،ذره رحمه في قلبها ،حسبي الله ونعم الوكيل فيها
طيب زي ماقلت اهتمي بها ،وانا هروح ابلغ اداره المستشفي دي مسؤوليه
حاضر يادكتور
**********
ذهب دكتور سليم لمدير المستشفي
دق الباب
اتفضل
ممكن ادخل يادكتور كمال
طبعا ادخل اتفضل ياسليم خير
بقلق لا هو مش خير خالص الصراحه
في ايه ياسليم ماتتكلم قلقتني
الصراحه يادكتور ممرضه هنا دخلت عليا بطفله حديثه الولاده وقالت انها لقتها علي مقلب الزباله ال وراء المستشفي
قام مفزوع من مكانه ودق بيده الاثنين علي مكتبه بقوه ،مين الممرضه دي
استغرب الدكتور سليم من رد فعل الدكتور كمال ، وصمت للحظه في شك داخل عقله ناتج من رد فعل المدير ال مسئلش في امر الطفله واهتم فقط بإسم الممرضه
رد اي الصراحه معرفش اسمها ،هي اول مره اشوفها شكلها بتدرب جديد في الفريق ال ضميته انه يتدرب في المستشفي وسابت الطفله ومشيت بسرعه
والطفله فين ؟
هاا سبتها تحت وروحت ابلغ حضرتك
اتفضل معايا نشوف الطفله دي حكايتها ايه
هاا بقلق اتفضل يادكتور ،اتجه سليم بصحبه مدير المستشفي الي غرفه الكشف ،وظل يتمني ان منال تكون اخذت الطفله الي الحضانه لكي لا يراها الدكتور كمال
دخل الغرفه ظل ينظر في جميع الارجاء
هي فين دي يادكتور سليم
تنفس الدكتور سليم وبلع ريقه باريحيه،ورد
ها هي كانت هنا معرفش راحت فين
متعرفش راحت فين ليه تكنشي قامت مشيت لوحدها ،انت شكلك مطبق من امبارح وده مقصر عليك
لا ابدا يادكتور هي كانت هنا سبتها وجيتلك اقولك
اومال مجبتهاش معاك ليه؟ اكيد بيتهيئلك
بمكر هاا اصلها كانت بتبكي ولما اخدتها في حضي نامت سبتها وجيتلك
يادكتور سليم احنا دكاتره زي بعض واسمع مني انت علشان مطبق هنا بقالك يومين ،بقي بيتهيئ ليك اشياء
استغرب سليم من تأكيد المدير له بأنه بيتهيئله اشياء
يمكن يادكتور فعلا بقالي يومين مطبق ومنمتش خالص
تمام بقي سلم نبطشيتك للدكتور محمد واتوكل علي الله واكيد ياسليم موضوع الطفله ده متجبش سيرته لاي مخلوق مفهوم
نظر سليم للدكتور كمال ،ياترا انت وراك ايه ؟
هاا ماشي ياسليم مبتردش ليه
حاضر حاضر اكيد بيتهيئلي دا حتي الممرضه مش هنا ولا الطفله ،فعلا السهر اثر عليا جدا
تمام همشي بقا انا وانت زي ماقلتلك روح ريح ونام شويه
حاضر متشكر جدا يادكتور
ظل سليم واقف لحين ذهب الدكتور كمال بعيد
ذهب الي الحضانه مسرع ،مناااال
في ايه يادكتور خير مالك؟
بصي ربع ساعه تلفي الطفله في حاجه تدفيها وتخرج بره المستشفي من الباب الوراني
هاااليه
من غير ليه مفيش وقت الطفله في خطر، هسلم نبطشيتي وهمضي وهجيب العربيه من الباب الوراني فهمه اوعي حد يشوفك
برعب حاضر ذهب سليم بهدوء جدا ومضي انصراف واخذ عربيته واتجه الي منال ،اركبي بسرعه
واخدهم وانطلق مسرعا بعربته
هنروح فين بالمسكينه دي هو في ايه يادكتور
مفيش بس لازم البنت تدخل الحضانه فورا ،فكر قليل مفيش غيره اخذ هاتفه ورن علي صديقه الدكتور مازن
الوووو
ايوه يامازن اخبارك
الحمد لله ياسليم فينك
معلش يامازن الاقي مكان عندك دلوقتي فاضي في الحضانه
طيب خمس دقايق وهرد عليك
تمام بس بسرعه
خلاص خليك معايا علي الخط ذهب مازن وتفقد الغرفه ،ورد ايوه في مكان موجود ياسليم
تمام انا مسافه السكه وهكون عندك ،
بقلق ماشي مستنيك
قفل الخط خلاص لاقيت ليها مكان يامنال
ترد منال طب الحمد لله ،ذنبها ايه بس المسكينه دي
***********
في احدي المستشفيات الخاصه
مازن
ايوه ياسليم فين الطفله
اهي ارجوك دخلها بسرعه
طيب ياسليم في ورق لازم يخلص الاول
يامازن اتصرف البنت هتموت
سليم دا قانون لضمان نسب الطفل وده الروتين هنا تملي البيانات فين والد الطفله
هاا مفيش ملهاش معرفش
ايه انت بتقول ايه اومال جبتها منين دي؟
ياعم بقولك البنت هتموت وانت واقف بتسئل
ياسليم محدش هيوافق يدخلها غير بوالدها او والددتها
ينظر الدكتور سليم الي منال
منال فهمت نظرته
لا لا يادكتور ماتورطنيش انا ارمله وام لبنتين وهقول ايه للناس لا لا واهلي لو شمو خبر محدش هيصدقني
يامنال خليكي حنينه عليها مش كفايه الخاينه امها عملت فيها كده
بكت منال بحرقه
يامنال لو كانت بعد الشر عنهم بنت من بناتك كنتي هترضي تترمي كده ،انتي في ايدك تنقذيها وانا بس مش عايز غير انك تكتبيها علي اسمك واوعدك الموضوع بينا وهيفضل سر وهخلصك من الموضوع ده في اسرع وقت
اطمئنت منال وهزت رأسها حاضر يادكتور هملي البيانات
ذهبت منال مع مازن لملئ بيانات الطفله استوقفها اسم الطفله
هتسميها ايه يامنال
شرددت ثانيه هسميها (وفاء)
الله اسم جميل


google-playkhamsatmostaqltradent