رواية القدر والنصيب تحت سقف الحب كاملة بقلم برنسس
في احد الأحياء السكنية نقدر نقول الطبقه المتوسطة او اقل قليلاً منزل بسيط جداً من المنازل ذات الايجار القديم الساعة السابعه صباحاً صوت سيده كبيره في اواخر الاربعين تدعي كوثر
كوثر بصوت عالي : اومي قامت قيامتك منك ليها ايه مفيش دم و لا احساس
كانت تيقظ بنات زوجها استيقظت الكبيره و جلست سريعاً اما الصغيره وضعت الوسادة علي رأسها تكلمت البنت الكبيره و تدعي مهره ٢٥ سنه جميله جداً ذات شعر بندقي طويل و عيون زرقاء تعمل سكرتيره في شركه صغيره هادية حساسة جدا حسنت النية جداً جداً تقوم بعملها بضمير
مهره بهدوء : صباح الخير يا طنط كوثر ايه بس اللي مزعلك علي الصبح
كوثر بغضب : يا برودك يا شيخة قومي فزي من مكانك حضري الاكل و خالصي شغل البيت قبل ما تروحي الشغل اخلصي عايزه اروح لابوكي المستشفى و صحي البلوه دي تساعدك كاتكم القرف في صباحكم اللي زي وشكم
البنت الثانية تدعي همسه رفعت الوساده من علي راسها
همسه بمرح : يبقي صباح زي القمر يا طنط هو في اجمل من كده وش العيون زرقاء الخدود تفاح الشعر حرير و الشفايف هههه فراولة
كوثر بغيض : الشكل مش كل حاجه يا مدلعه الرك علي الاخلاق
همسة بجدية : ومالها اخلاقنا يا مرات بابا الحمد لله معروفين في العمارة كلها بالادب و الاحترام و لا ليكي راي تاني
لوت كوثر فمها بغيض و رحلت
مهره بنزعاج من شقيقتها : ايه الكلام ده علي الصبح
همسة : ياختي اتوكسي الوليه مسكاكي غسيل و مكواه و انتي زي الطوبة و لا بتردي عليها و سكتلها ليه
مهره : احترام يا همسة دي من سن ماما الله يرحمها يلا قومي نحضر اكل بابا و نخلص شغل البيت
همسة بحب : حاضر يا قلب اختك ربنا يسعدك يا مهره و يرزقك ب ابن الحلال
مهره بحزن : و يسبني و يسافر ولا يعبرني زي كمال قومي قومي بلا جواز بلا هم
#برنسسN
همسه بجديه : انسي يا حببتي ده واحد واطي و انتي بيتقدملك كتير احسن منه
مهره : اه فعلاً بس منين الجهاز اللي بيتقدم عايز فرش و جهاز و انتي شايفه يادوب اللي جاي علي قد اللي رايح
همسه بابتسامة : معلش بكره ربنا يعدلها اتخرج بس و اشتغل وانا اجبلك اللي نفسك فيه
وقفت مهره و ذهبت وضمت اختها : ربنا يخاليكي ليه يا همسه
بعد كلام و حب بين الاختين ذهبوا لأداء مهام المنزل حتي لا تغضب زوجة الاب
لتعريف همسه ٢٠ سنه جميله مثل اختها ذات عيون زرقاء و لكن شعرها اسود مختلط ببعض البني قوية الشخصيه عصبية عنيده ذكيه مرحه قليلاً
في مكان اخر بتحديد في قريه بمدينة الدقهلية تجلس سيده يظهر عليها الاحترام و الالتزام هذه نرجس
ارملت كبير عائله الالفي توفي زوجها و بعد خمس سنوات توفي اولادها الاثنين و زوجاتهم في حادث تبلغ من العمر ما يقارب اواخر السبعين و لكن تتمتع بصحه و عقل جيدون فالعقل السليم في الجسم السليم توفي اولدها و تركوا لها اربع احفاد عاملتهم بود وحب كبير الاحفاد يفضلون العيش في القاهره كانت تذهب إلى القاهرة اربع ايام في الأسبوع لاجل احفادها و مباشرت اعمال زوجها و أبنائها بعد وفتهم الي ان تخرج احفادها الشباب تركت لهم العمل و ذهبت للعيش في منزلها بالقرية و تركت الاحفاد في القاهره و لكن دائماً يذهبون لها فهي علي علاقه جيده ببنات أبنائها لديها اربع احفاد
لتعريف : تيم حسن الالفي ٢٩ سنه هو المسؤول عن شركة العائله بتوكيل من جداته هو و ابن عمه تيم ذكي عصبي حساس رومانسي و سيم جداً ذات شعر بني غامق و عيون بنيه لامعه طويل ذات جسد رياضي
لتعريف : تمارا حسن الالفي اخت تيم ٢٠ سنةطالبة بكلية الحقوق جميله جدا ذات عيون بنيه و شعر ناعم بني و بداخله بعض الوان الصغبة ببعض العصريه ذكيه قويه عنيده
لتعريف : نادر عصام الالفي ابن عم تيم و تمارا ٢٨ سنه يعمل في شركه العائلة مع ابن عمه مرح يعشق الرياضه ذات جسد رياضي قوي وسيم حد العنه شعر اسود و عيون خضراء ورثها عن والدته ذكي جداً جداً
لتعريف : ناني عصام الالفي اخت نادر ٢٢ سنه بنت جميله شعر بني و عيون سوداء مصممة ازياء ذكيه رومانسيه تعشق عملها
نعود لروايه في منزل الالفي بالقرية تجلس نرجس بعصبيه مع توفيق صديق اولادها الاسم توفيق الاسيوطي في الخمسينات من العمر يعمل في مجموعه الالفي
تعتبره نرجس ابنها الثالث و تعتمد عليه في كل شئ حتي المسائل الخاصة بالعائلة و الاحفاد
نرجس بغضب : بقي انت مش عارف تيشوفلي عروستين ل تيم و نادر
توفيق : يعني هعمل ايه و بعدين تيم بيحب ميرا
نرجس بعصبيه : بلا ميرا بلا اميره اللي اقول عليه يتنفذ انت اتجنيت يا توفيق
توفيق : حقك عليا يا حجه بس هعمل اية انتي عندك طلبات صعبه
نرجس بسخريه : ازاي يا خويا قول انك مبتعرفش تعمل حاجه و عجزت بدري يا توفيق ايه خلاص مفيش بنات ناس اجوزهم لولاد ولادي ولا ايه
توفيق :حضرتك طالبة بنات متعلمة و كمان متربية متفتحه و محترمه و مش اغنية و يستحسن لو علي قد حالهم اجبهملك منين دول الفقير مبيعلمش بنته لحد الجامعه و اللي بيعلم البنت مهتوفقش علي جوازه زي دي من واحد لا تعرفوا ولا يعرفها و مقدرش اجبلك اي حد و خلاص
#princessN
نرجس : كنت فتحت دماغك ازاي اي حد وخلاص لا فوق و صحصح معايا قدامك سبوع واحد ترجعلي بعروستين زي ما انا عايزه و الا و الله يا توفيق هزفك في البلد علي حمار بالمقلوب يلا غور من قدامي انزل مصر علشان اجتماع الجمعية بتاعت التصدير
وقف توفيق بعصبيه و حيره في امر تلك العجوز العصبيه
توفيق : سلام يا حجه
نرجس بسخريه؛ سلام يا موكوس اسبوع يا توفيق والا انت عارف
غادر توفيق بقلت حيلة فهو يعرف رغم حبه له سوف تنفذ ما قالت
في القاهره في المشفي تجلس مهره و همسه و كوثر مع احمد الاسيوطي زوج كوثر و ابو مهره و همسه احمد رجل طيب يعمل في شركه الالفي موظف بسيط جداً
مهره بابتسامة : حمدلله على السلامه يا بابا
احمد بتعب : الله يسلمك يا مهره عامله ايه يا همسة
همسه بابتسامة : الحمدلله بخير طول ما انت بخير يلا شد حيلك كده البيت وحش من غيرك
احمد بابتسامة : كفايه انتي و اخواتك اومال فين جواد
كوثر : نايم انت عارف ثانوية عامة مبينمش طول الليل
احمد بحب : ربنا معه و ينجحه هو واخوته و كل اللي زيه
الجميع : اللهم امين يارب
وقفت مهره : استاذن منك بقي هتاخر علي الشغل
وقفت همسه : وانا كمان يادوب الحق الاتوبيس علشان الجامعه
احمد : ربنا يحفظكم خالوا بالكم من نفسكم
ذهبت الفتاتين و قبلوا والدهم و و بعد كلام و سلام رحلت الجميلاتان
في شركه الالفي لاستيراد و تصدير المواد الغذائية يدخل أبناء العم احفاد الالفي يقف لهم جميع الموظفين باحترام داخلا الشابين بهيبه و وقار و واسمتهم خطفت قلوب الفتيات
داخلوا مكتب تيم
نارد: قولي يا كبير هنعمل ايه في جدتك دي طلبنا اخر الاسبوع
تيم : فكك زي كل مره هتطلبنا و ترجع البنات متعجبهاش هي
نادر : ههه علي رايك بتجيب عرايس هي مش مقتنعه بيه
تيم : انا نفسي اقولها علي ميرا بس خايف
نادر : ههه اوعي دي مش طايقه ميرا علي انها صاحبة ناني اختي هتقبل ازي تبقي مرات حفيدها
تيم : مش عارف بس اكيد مش هتجوز و احده من اللي بتجبهم دول
نادر : انا علي جوستي انا اجوز كده مستحيل كل مره بدعي ربنا يستر حاسس في الاخر هتجبلي عروسه زي اللي في الفيلم بتاع عريس يا بوي عريس ههه ههه
تيم : هههه مش بعيد ههه دي تبقي فضيحه بقي انا تيم الالفي بعد ما عرفت اجمل بنات الجامعة و علي علاقة ب ميرا اشهر مودل في مصر اتجوز واحده تقولي اومر يا سي تيم اجبلك العشاء و تشط الميه تغسل رجلك لا و كمان ممكن تضربلك ملوخيه و باميه قبل ما تنام
نادر؛ هههه اوعا السحابه الزرقاء دا احنا هنتفخ توم و بصل لا و كمان تحمل تقولك بتوحم علي فسيخ يا سي تيم معلش ياخويا حبله بقي ههههه
تيم؛ هههه الا حبله دي بس هنعمل ايه في جدتك بالنسبه لها ده عادي
هنا طرق توفيق الباب اذن تيم له بدخول
توفيق بابتسامة : صباح الخير
نادر : ههه صباح الخير يا راجل يا طيب كنت عند جدتي قبل ما تيجي صح
تيم : ههه اكيد بدل كلمتني الصبح و طلبتني يبقي عمك توفيق جيبلنا عرايس اخرتك معايا وحشه يا عم توفيق
جلس توفيق : هههه وانا مالي ما تقول لجدتك و ترحمني منها دي حالفه لو مجبتلكوش العرايس اخر الاسبوع هاتزفني علي الحمار بالمقلوب
ضحك تيم و نادر بشده 
نادر : هههه و الله جدتي دي ست قويه
تيم : ههه اتوكس اخرتك هتبقي ابو منصور و تشد جاموسه و تسرح الغيط هههه
توفيق : هههه و انت وراه ان شاء الله ههههه
#برنسسN
نادر : هههه لا انا بقول تزف علي الحمار يا عم توفيق احنا زي ولادك ضحي عشان خاطرنا
تيم؛ ههه ايوا ينوبك ثواب يا عم توفيق اتزف و خلصنا
توفيق : ههه يا سلام ما هي هتزفني علي الحمار و بعد كده تطلب عرايس ليكم بردوا ههه
ضرب تيم و نارد على و جههم بياس 
توفيق يضحك طرقت السكرتيره الباب اذن تيم لها بدخول
السكرتيره : استاذ توفيق حضرتك طلبت مني افكرك تروح للاستاذ احمد المستشفي
توفيق : كتر خيرك يا بنتي اتفضلي انتي
خرجت السكرتيره
تيم : احمد مين يا عم توفيق
توفيق : ابن عمي و شغال هنا في الحسابات تعبان و هروح اطمن عليه ملوش حد غيري
نادر : طيب مش محتاج اي حاجه لو عايز فلوس خد من الحسابات
توفيق : كتر خيرك جدتك قايمة بالواجب و زياده من ساعة ما داخل المستشفي متاخرتش الحق يتقال يلا بعد اذنكم يا عرسان
ذهب توفيق و ضحك الشابين علي كلامه ثم ذهبوا لعملهم
في المشفي يجلس توفيق مع احمد و كوثر
كوثر : كتر خيرك يا استاذ توفيق مش عارفين من غيرك انت والحاجه نرجس كنا هنعمل ايه
توفيق :ما تقوليش كده يا مرات ابن عمي دي اصول و واجب حتى لو مش شغال في الشركه عمر الحاجه نرجس ماكانت هتتاخر ابدا دي مبتسبش اي حد من البلد في ضيقه خالص
احمد بمتنان : كتر خيرها ربنا يديله الصحه ويبارك لها في احفادها يا رب
كوثر : اللهم امين يا رب انت عامل ايه يا استاذ توفيق والمدام و ليلى بنتك عامله ايه و الست والدتك من زمان ما جناش البلد و ما شفناهمش امانه عليك توصل لهم سلامي
توفيق : يوصل ان شاء الله ما انتم ولا بتيجو ولا بتسالو ده انا بقالي سنين ما شفتش مهره ولا همسه ولا جواد بقوا عاملين ايه دلوقتي شكلهم بقى عامل ايه خلاصوا كلياتهم ولا لسه
احمد بابتسامه : كبروا مهره دلوقتي بتشتغل سكرتيره في شركه وهمسه في اخر سنه في كليه تجاره وجواد ربنا معاه في ثالثه ثانوي عام السنه دي
توفيق : ما شاء الله ربنا يحفظهم اومال يا خويا لا عزمتني علي خطوبه ولا فرح ولا حتي قراءة فاتحه
#برنسسN
احمد بحزن : ازاي بس يا توفيق ما انت عارف البير وغطاه وانا حكيتلك قبل كده مهره اتخطبت لواحد ابن حرام فضل خطيبها يجي سنه وبعد كده سابها وسافر وادي وش الضيف ولا نعرف عنه اي حاجه وكل عريس بيجي يا اخويا عايز مننا نجيب المطبخ و السجاد ايه والستائر ولبس البنت والصباحيه وانا هاجيب كل ده منين اهي البنت بتشتغل اللي انا بجيبه من الشركه على اللي هي بتجيبه يادوبك بيقضي اكل وشرب بالعافيه احنا حتى الشقة ايجار قديم انا عارف لو كنا ساكنين في شقه من بتوع اليومين دول كنا هنعمل ايه كنت هاترمي في الشارع انا و مراتي وجوز البنات و العيل
شرد توفيق لعدت دقائق ثم تكلم
توفيق : عندي لك عريسين ومش عايزين منك حاجه وعلى اخلاق بناتك اللي انا عرفها كويس انت ازاي مربي بناتك و علي وتعلمهم وجمالهم انا متاكد هيتقلوا بناتك بالذهب ذهب ايه بالالماظ
كوثر بسخريه : هههه و دول هياخدوهم علي ايه ان كان علي الجمال فالجمال كتير
احمد بجديه : اسكتي انت يا كوثر فهمني كده يا ابن عمي بالراحه مين العرسان دول وبعدين حتى اشمعنى عريسين انا مش عايز غير عريس واحد للبنت مهره همسه لسه قدامها كليه و لسه هتشتغل وتشوف مستقبلها
توفيق بجديه : لا الاثنين وفي ليله واحده وفي بيت واحد و من عيله واحده عجبك على كده عجبك مش عاجبك مع السلامه و الخطوبه والفرح اخر الاسبوع
يا ترا رد فعل احمد ايه و هل ده كلام مقنع ازاي هيجوز بناته في اسبوع من عرسان ولا يعرفوهم و شفهوهم البنات هتوفق الله اعلم رأيكم يهمني جداً تحياتي #برنسسN
__ 
القدر و النصيب تحت سقف الحب _
