رواية سأظل عذراء كاملة بقلم احمد سيراج
روايه سأظل عذراء :
البارت الاول :
بقلم احمد سيراج ... كاتب روائي .
فى إحدى البيوت المصريه بالتحديد فى جنوب القاهره فى مدينه حلوان تعيش اسره مصريه متوسطه الحال مكونه من الاب ممدوح يعمل فى مصنع حلوان للحديد والصلب ، والام ليلى تعمل ربه منزل ودعاء طالبه فى كليه التربيه جامعه عين شمس ، وليد الاخ الأصغر الوحيد لدعاء فى السنه السادسه من المرحله الابتدائيه ..
ليلى ماما دعاء:
انتى بتعملى ايه كل ده يا دعاء لسه مخلصتيش لبس ولا عملتى ميكب ولا عملتى شعرك العريس جاى فى الطريق يا بنتى ومعاه أهله.
دعاء: يا ماما انا مش عاوزه العريس ده.
ليلى: ليه هو انتى شوفتيه يا بنتى .
دعاء: لا يا ماما ومش عاوزه اشوفه انا لسه بدرس ونفسى اخلص دراستى واشتغل وأثبت ذاتى وبعدين احب واتحب زى بقيت البنات"
ليلى :حب ايه وكلام فارغ ايه يا دعاء قومى يلا بلاش دلع باباكى اتفق مع الناس واداهم كلمه انا هقوم اجهز شويه حاجات كدا يكون انتى عملتى شعرك ولبستى .
دعاء: بتكلم صاحبتها أسماء فى الفون الحقينى يا اسماء انا مش عارفه اعمل ايه جايلى عريس دلوقتى وماما مبهدلانى وبقولها مش عاوزاه ولا عاوزه اتجوز دلوقتى وهى طبعا مش مقتنعه بكلامى قوليلى اعمل يا اسماء .
اسماء : طب ما تلبسى يا دعاء وتشوفيه وتقعدى معاه جايز يكون راجل كويس .
دعاء : يا اسماء انتى كمان مش عاوزه تفهمينى انا مش بفكر فى الجواز دلوقتى انا عاوزه اخلص دراستى واشتغل وأثبت ذاتى وعلوزه احب واتحب زى بقيت البنات انا مش عاوزه اتجوز جواز صالونات .
اسماء :طب أهدى بس كدا يا دعاء يا حبيبتي قومى بس اسمعى كلام مامتك واقعدى مع العريس لما يجى عشان خاطر اهلك ولما يمشى يا ستى كلمينى وطمنينى ايه اللى حصل ونبقى نشوف حل وخير باذن الله .
دعاء :حاضر يا اسماء انا هقوم البس اهو ربنا يستر يارب معجبوش .
اسماء: هههههههههههه لا يا ختى هتعجبيه ده انتى زى القمر والف راجل يتمناكى بس حطى ميكب خفيف كدا والبسى دريس حلو .
دعاء : شوف البت اسماء بتقولى ايه بقولك مش عاوزه اتجوز وبدعى انى معجبوش وانتى تقوليلى حطى ميكب والبسى دريس حلو يلا اققفلى دلوقتى بقى عشان سامعه صوت برا تقريبا وصلوا.
اسماء :اوك وابقى طمنينى يا دعاء .
دعاء: اوك يا اسماء .
ليلى : يلا يا دعاء العريس وصل ومعاه باباه ومامته واخته ده عريس زى القمر يا دعاء وكمان موظف فى الضرائب يارب يا بنتى يبقى من نصيبك .
دعاء : خلاص يا ماما انا بلبس وخارجه اهو.
ليلى :ماشى يا دعاء بس متتأخريش الناس قاعدين برا.
دعاء :حاضر يا ماما سبينى البس بقى.
ليلى :ما شاء الله زى القمر يا حبيبتي يلا بقى ادخلى قدمى الحاجه الساقعه لعريسك.
دعاء: ماما من فضلك متقوليش عريس .
ليلى :طب يلا قومى بس قدمى حاجه للضيوف .
دعاء :ماشى قايمه اهو.
ام العريس: ما شاء الله تعالى اقعدى جمبى يا عروسه ابنى .
احمد العريس : بص بصه انبهار لدعاء .
