رواية سأظل عذراء الفصل الثاني 2 بقلم احمد سيراج
روايه سأظل عذراء .
بقلم / احمد سيراج .
"البارت التانى"
احمد : اول ما شاف دعاء انبهر جدا من شده جمالها ومكنش متخيل انها بالحلاوه دى .
دعاء : كانت بتبص عادى ومش بتتكلم نهائى غير لما حد يوجه ليها كلام وفجأه وهما قاعدين احمد جاله تليفون وأحمد مرضش على الفون رن تانى وأحمد قفل التليفون عشان محدش يرن.
كل ده ودعاء متابعه الفون بس مش باين عليها انها متابعه أو مهتمه.
والد احمد : ايه رأيكوا نسيب العرسان يقعدوا مع بعض شويه يتعرفوا على بعض .
ممدوح : تعالى نروح نصلى العشاء .
ماما دعاء وماما احمد دخلوا هما كمان يصلوا وسابوا احمد ودعاء لوحدهم .
احمد : اذيك يا دعاء عامله ايه.
دعاء : الحمد لله كويسه يا احمد .
احمد : انتى كام سنه يا دعاء .
دعاء : بتبص لاحمد بنظره استغراب كدا وبتقوله ازاى جاى تتقدم ليا ومش عارف انا كام سنه .
احمد : لا يا دعاء طبعا اكيد عارف انك عندك 21 سنه وفى سنه ثالثه كليه تربيه عام قسم لغه فرنسيه .
دعاء : طب ما انت عارف اهو كل حاجه امال ليه بتسأل .
احمد : عادى يا دعاء انا قولت اسمع منك وافتح موضوع نتكلم فيه طالما انتى ساكته .
دعاء : اوك اتكلم انا معاك .
احمد : انتى الجامعه بتاعتك فين يا دعاء .
دعاء : انا فى كليه تربيه جامعه عين شمس .
دعاء : وانتا كام سنه يا احمد .
احمد : انا 32 سنه .
دعاء : معاك كليه ايه .
احمد : انا معايا كليه تجاره .
دعاء : بتشتغل ايه .
احمد : انا شغال محاسب فى مصلحه الضرائب .
دعاء : اوك .
احمد : ممكن يا دعاء اخد فونك عشان نتكلم ونعرف بعض اكتر .
دعاء : لا معلش اسفه مش بدى فونى لحد .
احمد : بس انا مش حد يا دعاء انا جاى اتقدملك رسمى ولازم نعرف بعض .
دعاء : شوفت انتا اهو قولت جاى تتقدم ليا يعنى لسه بابا مش وافق دى مجرد قعده تعارف .
احمد : ماشى يا دعاء اللى تشوفيه .
شويه وبابا دعاء وبابا احمد خلصوا صلاه ودخلوا قعدوا معاهم .
شويه وماما احمد يلا بقى يا ابو احمد ونبقى نيجى مره تانيه .
احمد : وهو قايم بص لدعاء وزى ما يكون عاوز يقولها حاجه بس مقدرش عشان باباه والناس كلها موجوده .
ماما دعاء : ايه رأيك فى العريس يا حبيبتي .
دعاء : يا ماما هو أكبر منى ب 11 سنه فرق كبير .
ليلى : لا مش فرق كبير ولا حاجه وبعدين انا فرق السن بينى وبين باباكى 10 سن يعنى نفس الفرق .
دعاء : ايوه يا ماما بس انتى وبابا كنتوا متجوزين عن حب إنما احمد ده اول مره اشوفه أو اعرفه وكمان انا عاوزه اكمل دراستي .
ليلى : يا دعاء يا حبيبتي انا شايفه أن احمد ده شاب محترم وابن ناس وهيخافظ عليكى وكمان شغال فى الحكومه ومستقبله كويس وبالنسبه للتعليم انتى فاضل ليكى سنه ابقى كمليها عنده أو تأجل الجواز سنه يكون خلصتى دراسه .
دعاء : طب وبالنسبه انى مش عاوزه اتجوز جواز صالونات ده واحد انا معرفوش .
ليلى : يا حبيبتي الحب بيجى بعد الجواز وان شاء الله هتحبيه .
دعاء : وافرضى مجبتوش يا ماما .
ليلى : لا هتحبيه أن شاء الله يلا قومى بقى غيرى هدومك ونامى عشان وراكى كليه بكرا الصبح .
دعاء : دخلت غرفتها وكلمت اسماء فون .
اسماء : ها طمنينى عملتى ايه قوليلى يا بت يا دعاء صحيح العريس حلو مز كدا ولا عادى .
دعاء : والنبى انتى رايقه وفايقه يا اسماء واطمنى يا ختى حلو وطويل .
اسماء : هههههههههههه حلو وطويل كمان يااااا ده حب من اول نظره ده ولا ايه يا دودو .
دعاء : لا ياختى ولا حب ولا نيله عادى يعنى .
اسماء : اسمه ايه يا دعاء .
دعاء : اسمه احمد يا اسماء .
اسماء : عنده كام سنه يا بت يا دعاء .
دعاء : عنده 32 سنه ياختى .
اسماء : ها كملى يا دعاء .
دعاء : اكمل ايه يا بنتى .
اسماء : شغال ايه وكدا .
دعاء : شغال محاسب فى الضرائب يا اسماء .
اسماء : طب مهو شاب كويس اهو يا بنتى موظف وسنه مش كبير قوى وانتى كمان بتقولى أنه طويل وحلو .
دعاء : خلاص اتجوزيه انتى يا اسماء .
اسماء : يا ريت ياختى هههههههههههه.
دعاء : ده انتى بت فقريه يلا بقى انا هنام تصبحى على خير نتقابل في الكليه بكرا الصبح أن شاء الله .
اسماء : اوك وانتى من اهله يا حب .
الصبح اسماء ودعاء مع بعض فى الكليه .
اسماء : قوليلى يا بت يا دعاء مش ملاحظه حاجه على محمود .
دعاء : محمود مين ده يا بت انتى .
اسماء : محمود يا بنتى زميلنا فى الدفعه انا ملاحظه انه دايما بيبص عليكى .
دعاء : بيبص عليا انا ليه ياختى ومين اللى عرفك ما يمكن بيبص عليكى انتى يا اسماء ولا على حد تانى .
اسماء : هههههههههههه اسماء ياريت ياختى لا انا متاكده أنه بيبص عليكى انتى بصى يا بت يا دعاء ده جاي نحايتنا اهو .
محمود : صباح الخير اذيك يا انسه دعاء .
دعاء : بتبص لمحمود باستغراب ومقالتش حاجه .
اسماء : فيه حاجه يا محمود .
محمود : لا مافيش يا اسماء انا محضرتش المحاضره امبارح وعرفت أن دعاء كانت موجوده قولت اخد منها المحاضره .
اسماء : خلاص انا كنت موجوده وهبقى اديهالك .
محمود : لا خلاص يا اسماء انا هبقى أخدها من اى حد .
محمود بعد ما مشى .
اسماء : ايه يا دعاء محمود بيسلم عليكى مافيش حاجه يعنى لو رديتى السلام عليه .
دعاء : وانا ارد عليه ليه انا اعرفه منين .
اسماء : ماشى ياختى مترديش يلا بقى عشان هنتاخر على المحاضره .
وهما خارجين من الكليه دعاء سمعت حد بينده عليها بتبص وراها شافت ..... يتبع
