رواية طفلة عدوي كاملة بقلم رنا سليمان
الحلقه_الاولي
بسم الله الرحمن الرحيم
قاعده على كرسي ايديها ورجلها مربوطين في اوضه ضلمه مفيش غير اشعاع نور بسيط جدا داخل من الشباك مش عارفه تتكلم بسبب اللزقه ال علي بوقها
بتحاول تفك ايديها مش عارفه
فجاه الباب اتفتح بصيت على الباب بخوف
لاقيت واحد بيقرب منها
ملامحه بدات تظهر
اول ما شافته اتصدمت وفضلت باصه عليه ومش مصدقه ال هي شايفاه
ممدوح:اخيرا عرفت اوصلك
كنتي فين كل دا يا ملك
بقي كده بردو متساليش على عمك حبيبك
قعد على الكرسي ال قدامها
ممدوح:لا زعلان خالص منك
ملك بصتله ومكانتش عارفه تتكلم
ممدوح:ااه صح معلش نسيت
ممدوح شد اللازقه ال علي بوقها جامد
ملك اتوجعت جامد بس مهتمتش وبصاتله:انت عايز مني ايه
مش كفايه ال انت عمالته في ابويا وامي زمان وقتلتهم عايز ايه تاني اكتر من كده
ممدوح:ال عمالته في ابوكي وامك
حلو وفرتي عليا كلام كتير كنت هقوله
بصي بقي يا ملك انا ااه قتلت ابوكي وامك زمان
ومعنديش مانع اني اقتل شخص تالت دلوقتي
م كده كده الجريمه عاقبها واحد
سواء قتلت واحد أو اتنين أو حتي عشره انا كده كده هتعدم
بس لو انا اتعدمت لازم اكون مأمن حياة حور بنتي ولا انتي عايزاها تعيش في الشارع يا لوكا يا حبيبتي
ملك:ااه قول كده بقي انت عايز تاخد فلوس ابويا مني وترميني انا في الشارع
ممدوح قام من على الكرسي ال كان قاعد عليه ولف يفك الرباط ال ربطلها بيه ايديها:بيعجبني فيكي ذكائك يا لوكا
انتي بقي زي الشاطره كده هتمضيلي على تنازل علي كل املاكك ليا
ملك:انا لو اخر نفس في عمري مش همضي على الورق دا
ممدوح مسكها من شعرها جامد
ملك:اااه
ممدوح:مهو هيبقي اخر نفس ليكي فعلا
امضي احسنلك
ملك وهي بتحاول تبعد ايده عن شعرها: قولتلك مش همضي
وال عندك اعمله
ممدوح:انتي حره
بس صدقيني انا مكنتش عايز اعمل كده بس انتي ال اضطرتيني
ممدوح زقها جامد وقعت على الارض
طلع مسدس من جيبه ووجه ناحيتها
ممدوح:هتمضي ولا تروحي ل اهلك وبردو انا هاخد الفلوس كلها
ملك بدات تعيط:انت عايز مني ايه كفايه بقي
احنا عملنالك ايه علشان تعمل فينا كده ابويا طول عمره كان بيساعدك وبيحبك ليه قتلته وليه عايز ترميني في الشارع
ممدوح: علشان ابوكي طول عمره احسن مني
حتي واحنا صغيرين ابويا كان بيحبه اكتر مني وكان دايما بيعمله ال هو عايزه وانا لا
حتي لما كبرنا بقي هو بيشتغل ومعاه فلوس كتير وانا لا
كنت بحسه بيعطف عليا ب الفلوس ال هو بيدهالي دي
حتي الحب اخد مني الانسانه الوحيده ال كنت بحبها
انا كرهي ليه كان أكبر من أي حاجة في الدنيا
علشان كده قررت اني هاخد منه كل حاجه ليه بيحبها
بدات ب امك وبعدين اخدت روحه
هو ودلوقتي هاخد فلوسه كلها وبعدين اخد روحك انتي كمان
ملك:انت اكيد مجنون
جدو عمره ما فرق بينك بينه انا كنت بشوف معاملته ليكم
يمكن انت كنت بتغلط وهو بيعاقبك بس اكيد عمره ما كرهك
وبعدين ماما كانت بتحب بابا وهو كمان بيحبها الحب مش سباق لازم حد يكسب فيه محدش ليه على قلبه سلطان علشان يقوله حب مين ومتحبش مين
ممدوح رفع المسدس ل فوق وضرب طلقه في الهواء:باااس
ملك خافت و سكتت
ممدوح بزعيق:انا مش عايز اسمع حاجه
وجه المسدس تاني عليها:هتمضي ولا الطلقه الجايه هتكون في دماغك
ملك بخوف وعياط: حاضر حاضر همضي
ممدوح نزل على الأرض وشدها وماسكها القلم:امضي
ملك شاورت براسها ب حاضر ومسكت القلم وهي بتعيط ومضيت
ممدوح زقها تاني:حلو اوي
سمع صوت عربيات بوليس
ممدوح اتصدم ومكانش عارف يعمل ايه
اخد الورق بسرعة من على الارض :انا كده اخدت ال انا عايزه متنسيش بقي تسلميلي على اخويا يا بنت اخويا
رفع المسدس ووجه ناحيتها وضربها بالنار طلقتين وبعدين هرب
من الشباك
رايكم
تفتكرو البوليس هيقبض عليه
اكمل؟!
