رواية عائلات راقية بفسادها 9 الفصل التاسع بقلم اروي طاهر المسلاتي
جنان:وقفت....هاذا الحوش تفضلو
هبه:شافت لي ماريا وموده بصدمه !!يلي كانو هما اصلا مصدومين زيها
موده:طلقت ضحكه عميقه....فوق من صفاتك المنتفه طلعتي غبيه؟
هبه:موده اسكتي
موده:انتي يلي اسكتي .....جايبتنا قدام شركه فخمه متع مش عارف شنو وزحمه وتقول هاذا حوشي ؟؟
ماريا:ضحكت
جنان:لوحت المستكه من فمها وتحكي بي استفزاز....انتي جيتي زي الكلبه هنايا ومعش تقدري تولي لانك معندكش مكان تمشيله لي وقت زي هاذا
لانك او قعدتلي تلودي الوقت بيضيع عليك
هل بتخشي ولا بتقلبي وجهك وطبعا هاذا اريحلي!!
هبه:اكيد في تفسير ......هيا يابنات خلاص مدام قالت انها تعيش هنايا اوكي
ماريا:هبلتي انتي؟؟
3بنات صغار خاشيين لي شركه زي هاذي يطردونا بي رجليهم
جنان:خليكم واقفين مش رح نحاول معاكم لاني جعانه ....عطتهم بضهر وخشت
خشت وراها هبه بسرعه
موده:شافت لي ماريا.....شنو !؟
ماريا:امشي خلينا نشوفو اخرتها مع الهبل هاذا
______________________________________
رؤى:لبست فستان طويل من الحرير الناعم 
لونه ابيض وفيه ورد كبير بي الاصفر مع اكسسوار دهبي بسيط
محبتش تكتر مكياج رغم انها عروسه بس نزلت بي مكياج خفيف مع وشاح على كتافها
في الدروج وهيا نازله
رؤى:مسكت يد رعد.....شوف يدي كيف ترعش
متوتره كيف بنتعرف على امك ونساوين خوك
رعد:ابتسم وباس راسها.....اهدي تو يحبوك زي ما حبيتك
.....اهدي تو يحبوك زي ما حبيتك رؤى:ابتسمت وكلام رعد ريحها
رعد:طلق يدها....عيب هكي قدامهم نتحشم مهما كان
رؤى:شبكت يديها في بعض ....اي اسفه
رعد:هي خشي
رؤى:خدت نفس عميق وخشت بهدوء لي الصاله ....السلام عليكم
ناجيه:شافت لي رعد ...صباح الخير تعال افطر
رؤى:اختفت الابتسامه من على وجها لانها لاحضت نفسها كأنها مش موجوده!!
اسراء:حطت كوب القهوا....اهلين بي العروسه تفضلي
رؤى:رجعت ابتسمت.....اهلا بيك
امينه:وقفت سلمت عليها....امينه سلفتك الكبيره
رؤى:تشرفنا
اسراء:وانا اسراء سلفتك بعد امينه
رؤى:اهلين بيك
رعد:هي نخليكم انااا
ناجيه:على وين؟
رعد:عندي كم حاجه بنديرها وراجع ديرو بالكم عليها منوصيكمش
رؤى:ابتسمتله متحشمه
اسراء:اكيد
رعد:طلع وسيبهم
رؤى:بلعت ريقها بتوتر وشافت لي ام رعد.....صباح الخير عمتي
ناجيه:صح النوم من اول ماخشيتي مقعمزه انا
رؤى:بتوتر....اسفه لهيت نتعرف بي البنات
ناجيه:مردتش عليها وكملت تفطر
اسراء:لاحضت ان الجو تكهرب حاولت تغيره.....تفضلي حبيبتي متتحشميش
رؤى:زايد فضلك
امينه:اللطف شنو بتتحشم هاذي خلاص بتبدا تاكل وتشرب معانا
رؤى:ابتسمت بهدوء وهيا تاكل
اسراء:عندك بنت صح ؟
رؤى:اي بيسان
اسراء:وينها ماجبتيهاش ؟؟
رؤى:لا الاحسن تقعد عند ماما ها الفتره اصلا هيا متعلقه بيها اكتر مني
امينه:وهل بنتك جميله زيك هكي ؟
رؤى:ضحكت....عيونك الحلوه حبيبتي ربي يخليك
ناجيه:افطرو بدون صوت راسي يوجعني مش ناقصه
اسراء:قامت حاجبها وشافت لي امينه ....همست بصوت واطي سمعاته رؤى
قتلك من البدايه بيصير هكي !!!
رؤى:مفهمتش معنى كلامهم ولا حاولت تفهم ...كملت
_____________________________________
خشو البنات لي الشركه
وطول الوقت كانو منبهرين بي الاثاث والارضيه الرخاميه والزحمه
وشكل الموضفين ولبسهم يلي كان واضح عليهم التأنق
خشو ال4للمصعد بدون اي كلمه :-
جنان:ضغط على الطابق رقم 12 ووقفت وهيا تحاول تتجاهل نضرات البنات المصدومين
فتح باب المصعد وطلعو
فات من جنبهم راجل لابس قرواطه وماسك في يده ملفات ....اهلين انسه جنان
جنان:هزت براسها بمعنى اهلا
وبعد شوي فاتت موضفه واضح عليها مش ليبيه وعطتها تحيه وردتها جنان
جنان:وقفت قدام باب كبير وتلفتت وكان منضر البنات يضحككك كيف مصدومين
جنان:قلبت عيونها بملل لان توقعت هاذا كله يصير !....اففف خلاص عاد
هاذا مكتب بابا واشرت ع يدها اليمين
وهاذا الجناح متعي عارفه حاجه غريبه ان نسكن هنايا بس هاذا يلي صاير
هبه:بلعت ريقها.....اوكي خلاص عادي 
وكان تسكني هنايا يعني
جنان:فتحت شنطتها وطلعت بطاقه فتحت بيها الباب
كانت الغرفه كلها ضلااااام
خشو البنات وجنان فتحت الضي وزادت صدمتهم صدمتين
كانت الغرفه تجننن من افخم الغرف يلي شافوها قبل
ديكورها حديث ولونها على الابيض الناصع
حمام وجنبه غرفه صغيره متع ملابس من غير الخلفيه المرش يلي اطل على منضر يهبل
هبه:تشوف للغرفه وحطت شنطتها....تجنن الدار
موده:تنقز من مكان لي مكان.....عندها مارية الضي
عندها غرفة ملابس مرش شوووووفي
عندها جاكوزي وووووه علياااا
ماريا:قعمزت ع الصالون يلي كان موجود قريب ليها....عاديه جدا وين الواو في الموضوع يعني !
بلعكس فكره عبيطه تسكني في شركه
جنان:فتحت الثلاجه الصغيره وطلعت عصير بارد ومدت لي هبه وموده ....مفيش حد قادر يختار وين يسكن
ماريا:بحقد وين امك وعيلتك؟
يعني حتى هما يسكنو هنايا مش معقوله مجانين انتم عيله تسكن في شركه
جنان:موضوع يخصني ...يلي مش مزبوطه انتي
ماريا:وقفت ....بطلييييي وربي نروح ره
جنان:ضحكت...ع اساس تقدري تطلعي من الشركه بروحك صدقيني بدوخي الف مره وبينتهي بيك الطريق في الحمامات 
موده:اسكتي ماريا منبيش نطلع مكياجي بيجي يجنن ع الضي متع المرايا
هبه:شافت ماريا مضايقه وواضح انه على شوي وبتبدا مشكله....هي يابنات خلاص وقت لو بتوتو روحكم الحفله
ماريا:وقفت وبدت اطلع في ملابسها هيا وموده وهبه
وجنان مقعمزه ع الكنبه تشرب في العصير وتقلب في النت مش هامها مكياج ولا لبس ولا شعر 
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيحسنه:شرفتوني وانستو والله
ليلى:الله يأنسك ....وين خواتك ؟
حسنه:روحو الصبح خلاص عاد امس الحفله كل واحد خدي صغاره وروح عارفين مشاغل الدنيا
احلام:اي والله مشاغل الدنيا متكملش
حسنه:شنو صار هبه وماريا ولو صحاب ولا مزال؟
احلام:ضحكت.....مدامهم الزوز نفس العمر اكيد ان شاء الله بيكونو احلا صحاب
ليلى:تجاهلت كلام احلام في تكبر ....كيف حال ولدك ارسولان
حسنه:كويس الحمد الله بوه الايام هاذي مغصب عليه يفوت خدمته
ليلى:قامت حاجبها....بس هوا يخدم في الامن وين الغلط فيها خدمته!؟
حسنه:تنهدت.....مفيهاش غلط بس انتي عارفه ولدي الوحيد والبلاد قاعده مش صافيه خايفين من اي شي يصير ....قتله الله غالب سيب وارجع لي خدمتك الاولى
احلام:ليش شنو كان يشتغل قبل؟
حسنه:كان يخدم في حفر الابيار مع بوه
احلام:ابتسمت....مشاء الله هاذا باش جهامته هكي
حسنه:ضحكت ....اي الحمد الله
ليلى:خدت رشفه من فنجان القهوه....شنو قاعده تخدمي في الحلاوات؟
احلام:قاطعتها....مشاء الله تخدمي فيهم؟
حسنه:اي نخدم في طلبيات بس توا وفقت ع خاطر عرس رؤى.....شنو امتى نفرحو بي امير وندير حلاوات عرسه
ليلى:قريب ان شاء الله خلاص معش مزال هلبا
حسنه:ربي يسخر الحال
______________________________________
رؤى:خدت فنجان القهوه وبدت تهدرز مع سلفاتها
اسراء:يعني معندكش خوات؟
رؤى:لا نحنا بنت وولد بس
امينه:ربي يحفضكم خوك متزوج ولا لا!
رؤى:مزال ربي يفرحني بيه
امينه:ان شاء الله يارب
ناجيه:اسراء اسرااااء
اسراء:نعم ياعمتي في الصاله مقعمزين
ناجيه:نقلتي حوايج رعد كلهم من الدار الاولى؟
اسراء:اي
ناجيه:سيبتهم وطلعت
امينه:نخصت اسراء
اسراء:اسمعي يا رؤى مهما صار ومهمت دارت ام رعد متواخديهاش لانها كانت متعلقه بي مرته الاولى هلبا وتحبها
واعتقد واضح عندك انها مش متقبلاتك قاعده
رؤى:اي حاسه
امينه:بس اكيد في النهايه بتتقبلك لانك الوحيده يلي خليتي رعد يطلع من حالة الاكتئاب يلي عاشها
رؤى:ان شاء الله ...مهتميتش بي كلامهم هاذا ومركزتش عليه لانه دماغي كان مركز على شي تاني
امه قالت داره الاولى !!
يعني غرفة النوم يلي انا فيها توا مش نفسها يلي جاب فيها مرته الاولى؟!
______________________________________
موده:خلاص كملت انا
ماريا:لفت وشاحها وتبخ في البارفان
هبه:وكان تصير قصه وربي نموت المره هيا
ماريا:اسكتي هبه لان صوتك بروحه ينرفز فيا
جنان:الله يكسر ايديه ياموده ع العفن يلي درتيه في وجهي
هبه:بس تهبلي تغيرتي
ماريا:منبوش فضايح وشبها البسي وشاح
جنان:معنديش
موده:اهوا البسيه
جنان:مش بسيف الحكايه منعرفش حتى كيف نحطه
موده:وقفت تلبس في جنان....منبوش نلقو روحنا في قضيه تانيه ريحينا ....اها حلو هكي
جنان:شافت لي نفسها في المرايا....طالعه تقول طرف براك
هبه:هههههههه
جنان:فتحت الباب وطلعو من الغرفه
تقدم جيهتهم راجل كبير في السن لابس رسمي وواضح من ملامحه يلي تشبه جنان انه بوها
جمعه:اهلا اهلا اخيرا جبتي صاحباتك وشفناهم
جنان:شن تبي!؟
نصدمو البنات من كلام جنام لي بوها لدرجة انهم للحضه شكو ان هاذا ميكونش بوها!!
جمعه:ابتسم وهوا متحشم قدام البنات....وين على خير مقلتيش بتطلعي
جنان؛اهو عرفت
جمعه؛الله يبارك شوفي الحجاب كيف طلع عليك الباين انهم كويسات وليهم تأثير حلو عليك صاحباتك
موده:تسلم عمي 
جنان:انت شكلك ماعندك مدير وتعطل فينا ع الفاضي واحنا ورانا حفلة خطوبه
جمعه:عندكم حد يوصلكم!؟
جنان:البنت تراجي فينا لوطه منبي منك شي
ارجع لي مكتبك وخليك في الاوراق يلي انت فيها وبس ....هيا انتي وياها
طلعت جنان ووراها البنات وكانو ال3مصدومات كيف جنان تعامل في بوها بطريقه الحقيره هاذي؟
لا وزياده هوا ساكتلها !
ركبو مع البنت يلي كانت تسوق وترجوها عشان ترفعهم وطبعا هيا فرحت لان ماريا وموده فلوس ممكن تطلع معاهم بي شي !
_________________________________
حياة:سمعت انك بتسيب خدمتك في الامن !
ارسولان:مشاء الله الاخبار كلها عندك
حياة:اكيد
ارسولان:كويس
حياة:سكتت شويه.....منو البنت يلي كانت راكبه معاك في السياره من يومين فاتو؟
ارسولان:قام حاجبه.....بنت!!؟
حياة:اي .....صغيره تقرا في الثانوي
روحت بيها لي حوشكم
ارسولان:سرح شويه وادكر اليوم يلي روح بي ماريا...وعلاش السؤال !
حياة:سألتك جاوبني
ارسولان:تعصب وتكلم بنبره حاده....الاسلوب هوا معش تكلميني بيه فاهمه!!!
....الاسلوب هوا معش تكلميني بيه فاهمه!!!مليكش دخل منو ركب معاي ومنو جي عندي يلي كان يربطنا اختفى
تبخررررر
حياة:كمتت دموعها .....ارسولان
ارسولان:مش نااقص !....يكفي الايام يلي فاتو عليا !
بعدين علاش طلبتي تشوفيني اليوم اصلا
حياة:خدت نفس ومدتله كيسه....فيها صندوق بكل الهدايا يلي منك ليها
ارسولان:منبيشي
حياة؛ولا انا نبيه ....برا لوحه في البحر ولا ادفنه يكون احسن
تغيرت هلبا بعد الحرب تغيرت بشكل كبير لو نسكر عيوني ونحكي معاك مستحيل نعرف انك ارسولان نفسه!
ارسولان:ولع دخانه ويشوف للمنضر يلي كان جنبه
شارع وسيارات وبحر
حياة:انا ماشيه ولو تبيني تعرف كيف تحصلني ...وطلعت
ارسولان:دفع حساب الكافي وطلع وراها
____________________________________
رؤى:كانت تتمشى في الحوش عشان تتعرف عليه
لفت انتباها مكتبه مرش
كانت معبيه ميداليات منها دهبيه ومنها فضيه قربت تتفرج وقاطعها صوت
ناجيه:عجباتك؟
رؤى:ابتسمت.....اي مشاء الله منو عندكم متحصل عليهم !؟
ناجيه:نجمه
رؤى:بي استغراب ....نجمه؟
بس على حسب منعرف معندكش بنات صح!؟
رؤى:نجمه مرت رعد الله يرحمها
قداش كانت متفوقه في حياتها ميداليات وشهادات ماليين الحوش
رؤى:بلعت ريقها بتوتر....الميداليات هاذي تبع مسابقات شنو!
ناجيه:مسابقة خيل....كانت لما تركب فرس مفيش حد يقدر ينزل عيونه من عليها
فرس راكبه فرس
كانت متفوقه في قرايتها وواخده اكتر من شهاده
محاميه قد الدنيا
وقاريه صيدله وعلم نفس
تنهدت.....ااااااه قداش كانت معجزه مستحيل تتكرر
رؤى:تأثرت هلبا لما سمعت الكلام يلي انحكي على مرت رعد الاولى (نجمه)
يعني كانت انسانه ناجحه!
كيف ماتت!!
وكيف خلت ناجيه المرا القاسيه والجافه تحبها هلبا هكي !
قاطعها سؤال ناجيه
ناجيه:سمعت انك تخدمي !....شنو كانت خدمتك ؟
رؤى:كوافيره
ناجيه:بعدت عيونها من على رؤى لي ميداليات نجمه كأنها تقارن بينهم!
واللقطه هاذي اثرت على رؤى تأثير كبير
____________________________________
قعمزو البنات الاربعه في طاوله وحده ولي اول مره ينسجمو مع بعض ويضحكو ويهبلو وياكلو ويرقصو
البنات المعزومات كلهم استغربو
كيف ماريا وموده يتأقلمو مع ناس زي هبه وجنان بي الاخص !!!
رجعو البنات لي الطاوله بعد ما رقصو وكانت ماريا تضحك وجوها حلو لي اول مره من وقت طويل
ناضت جنان للحمام
موده:كيف جنان تحكي مع بوها بي الطريقه الواطيه هاذي !؟
ماريا:شن متوقعه من وحده هكي !
هبه:حرام متحكموش عليها....ممكن في شي كبير صاير بينهم
موده:مهما كان هاذا بوها في النهايه
ماريا:صح
هبه:خلاص مدخلناش بيهم ....توا فهموني لازم نرجعو لي شركة جنان ولا كيف بنروحو
ماريا:لا حبيبتي بتخشي الحمام تمسحي يلي في خليقتك وتبدلي حوايجك وابتهال تحط كل وحده في حوشهم
هبه:حوايجي مجبتهمش
موده:انا حطيتهم في شكاره وحده وجبتهم
هبه:حضنت موده....سلمها ياربي صاحبتي
موده:بعدي من عليااا مش صاحبتك
بعدي من عليااا مش صاحبتكهبه:بعدت وهيا تضحك
جنان:ها شنو قرمتوني!؟
موده:تستور تستور
المنشطه:وهي ناخدو راحه لان المغرب يأذن وراجعين بي اذن الله
شافو لي بعض الاربعه بصدمه
ماريا:المغرب؟؟؟كيف فات الوقت هكي ووووه عليا امير بوي
موده:امممممي
هبه:نهاري اسود
جنان:تلقط في حبات الزبيب من الرز
ناضو ال3بسرعه زي الطلقه للحمام يبدلو في حوايجهم ويمسحو في المكياج
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــياسراء:وهاذا راجلي خو رعد
عبد الرحيم :اهلين بيك الف مبروك ان شاء الله
رؤى:سلمت عليه ...الله يبارك فيك شكرا
اسراء:وهاذا سلفي محمود الكبير والكبير الله راجل امينه
محمود:نورتينا يا مرت خوي
رؤى:بنورك الله يخليك
عبد الرحيم:هي فكينا من التعارف هاذا وبرو حطو العشي جعانين
اسراء:ضحكت....من عيوني حاضر هيا رؤى
رؤى:طلعت مع اسراء للمطبخ وكانت فرحانه هلبا ان سلفاتها. مرحبين بيها من اول يوم
امينه:شافت لي رؤى....به يلي جيتي هاك ارفعي لي عمتى الدواء وخليك جنبها لين تشرب
اسراء:لا امينه فوتي الموضوع مش من اول يوم
امينه:خليها تتعود عليها
رؤى:ليش لا مفهمتش!!
اسراء:هاذي كانت عادة نجمه الله يرحمها لو جيتي توا عطيتيها انتي منعرفش كيف تكون رد فعلها
رؤى:نتوكل ع ربي هي هاتي الدواء
___________________________________
احلام:شنو كملتو البحث متعكم ؟
هبه:تتعشى.......اي الحمد الله
محمد:عطلتي لكن قتلك قبل المغرب تكوني هنايا ولا؟
هبه:البحث كان صعب شويه قعدنا فتره نكتبو وناخدو راحه
احلام:ربي يعاونكم
هبه:جاها اشعار ع الواتس.....تمت اضافتك الى مجموعه من قبل موده
كملت اكلها بس تلفونها رن مكالمة فيديو جماعيه
ناضت لي غرفتها وردت وكانو ال4في المكالمه
هبه:ها شن صاير مسرع استاحشتو بعض عشان تتصلو ؟
موده:عينك نبي نقرم لبس البنات في الحفله
ماريا:حطت التالفون ع الطاوله وترتب في المناكير ع يدها.....فوتو هاذا كله حسام بكرا جاي للمدرسه
هبه:من حساب؟
ماريا:ولد عمي ويكون ولد مدير المدرسه
هبه:ووين المشكله؟
ماريا:ونبي ضمي فمك انتي وشافت لي موده ....نبي طريقه يخاف مني بيها
جنان:تعالي بلا مكياج بكرا
ماريا:انتي بدات ضمي فمك مفهمتش علاش ضايفه امها
جنان:
موده:تعالي بكرا في المدرسه وتو نديرو حل
واستمرت المكالمه ضحك وقرمه ونسو شويه من عدائتهم لي بعض لفتره بسيطه طبعا!
______________________________________
رؤى:كملت العشي وركبت جناحي
كانت اسوء تقعميزه عشاء مرت عليا!!!
كل الهدرزه على نجمه مرت رعد كيف كانو يحبو بعض وكيف كان مدللها كيف كانت ناجحه في حياته كيف كانت الناس تحبها!!
صح مفروض منغارش من وحده ميته بس منقدرش!!
مسحت دموعي وخديت دوش خفيف
لبست بيجامة النوم وقعدت نراجي في رعد
ساعه واثنين وثلاثه واربعه ومعش نعلم بروحي لين عيوني تسكرو !
_____________________________________
طق طق طق طق
امير:نحى السماعات من على ودانه ...مني!
رقيه:فتحت الباب ....اهلين
امير:استغرب.....شن في؟
رقيه:تشوفله بنضرات غريبه.....ولا شي
امير:شن تبي؟؟
رقيه:بتوتر.....منبي شي بس جيت نسألك لو انت محتاج حاجه
امير:اهااا....سلامتك منبي شي
ومعش تقربي جيهة داري الا لو انا طلبتك مفهوم ؟؟
رقيه:ابتسمت.....مفهوم
امير:سكري الباب وراك
رقيه:سكرت الباب وهيا تشوف لي امير بنضرات مش مفهومه
______________________________________
ثاني يوم الساعه 8ونص:-
درس امير سيارته
امير:هي بسرعه انزلي انتي وياها وقت
حسام:قرب ع السياره....هبه؟
ماريا:نصدمت !...كانت بتنزل بس رجعت
هبه:خافت .....اي
حسام:اووو امير كيف الحال
امير:يشوف لي هبه في المرايا ...الحمد الله
حسام:كيف حالك هبه بعد هذيك الطيحه !
هبه:احسن الحمد الله
حسام:بعد ما طلعت هذاك اليوم قالولي سألت عليك في المصحه
هبه:ريقها جف....اءء انا
حسام:جاك امير روح بيك ولا بوك؟
امير:يحكي وتعابير وجها تخوف....انا روحت بيها
والموضوع فات عليه هلبا مفيش داعي ينحكى فيه ولا؟
حسام:ضحك....عادي يعني هدرزه لا اكتر
هي نتلاقو
امير:نتلاقو
ماريا:نزلت من السياره وهيا مصدومه !....حسام كلم هبه وسأل عليها وهيا كأنها مش موجوده!!!
نزلت هبه من السياره وهيا تلعن في نفسها علاش صار الموقف هاذا قدام ماريا يعني بتفكر في الف حاجه
قاطعها صوت ينادي فيها ولما تلفتت شفاته امير !
هبه؛قربت منه وهيا متوتره من عيون بنات المدرسه يلي كانو مركزين معاها
هبه:نعم!
امير:ملقيتيش مني فايده شفتي ولد عمي !؟
هبه:سألت عليه لان حضرتك هذاك اليوم عطلت عليا
وانا سكتلك هلبا كل موقف تفهم فيه غلط مني مش ميته ع وجهك ولا ع حد شخصيته تافها زيك لو الامر بيدي كنت مستحيل نركب معاك
امير:خشي لي مدرستك
وحاولي تغريه باش يطيح لان ولد عمي حشيشته النوع الرخيص النوع يلي يعري في روحه عادي !
هبه:محستش بي نفسها الا ويدها ضرباته كف قدام الساحه كلها !!!!!!
___________________________________
نضت من نومي ورعد مروحش !
توقعت ان بايت برا او خداه النوم لوطه او صاير معاه اي شي خوفني.
بس متوقعتش يصير شي تاني من ثاني يوم معاه....يتبع
....يتبع