أخر الاخبار

رواية عائلات راقية بفسادها 10 الفصل العاشر بقلم اروي طاهر المسلاتي

رواية عائلات راقية بفسادها 10 الفصل العاشر بقلم اروي طاهر المسلاتي 


رؤى:طلعت من غرفة نومها مخلوعه لبست وشاح ع راسها وطلعت
امينه:بسم الله خيرك طالعه بي بجامتك هكي ؟
رؤى:انتبهت على نفسها وتحشمت ....اسفه وربي ما انتبهت مريتيش رعد؟
من امس مروحش مباتش معاي واليوم مروحش منعرفش وين هوا
امينه:اهدي اهدي لوطه يفطر مع امه
رؤى:عقدت حواجبها وتنهدت....مع امه!؟
بس وين كان؟هوا مروحش امس وين رقد!
امينه:تتكلم واضح الكذب في عيونها....ممكن روح متأخر ونزل الصبح وانتي مفقتيش بيه!
رؤى:تحشمت من الموقف يلي نحطت فيه!....اي صح ممكن ...اسفه نفختلك راسك ع الصبح
امينه:ولا يهمك خشي بدلي بسرعه قبل ما يشوفك حد وانزلي للفطور
رؤى:ابتسمت ان شاء الله...وخشت
____________________________________
هبه:مكنتش نعرف حجم الكارثه يلي درتها لين استوعبت اني ضربته كف قدام مدرسه تامه!!!
الساحه بدت هدوء اطيح الابرا تسمعيها
معش قدرت ناخد نفس بعد يلي درته خذيت شنطي وبسرعة البرق خشيت المدرسه نجري وانا نرعش مع بعضي
ركبت لي الدور الاول وانا ريقي جاف من الخوف خشيت لي ارل فصل سكرت ع نفسي كويس وقعدت نشوف من طبقة الروشن !
ردة فعل امير كانت هاديه جدا
كل يلي داره ان لبس نضراته وركب سيارته وطلع
ضربت راسي ع الحيط وقعمزت ع الارض نندب في حضي
شن يلي درته انا بسسسس غبيه غبيه😭🤦🏻‍♀️🤦🏻‍♀️
بس الكلام يلي قاله حاااار💔💔💔يعتبر كأنه طعن في شرفي وانا منقدرش نتحمل شي زي هاذا وربي
_______________________________________
ليلى:معطلني على مشواري علاش !ليك ساعه واقف تكلم
اسلام:هيا بتريس الاولاد يراجو فيا
احسان؛على اساس مداير ثمره في حياتك انت والاود
مصاحبلي كمشه جرابيع كل مره في مكان تتزردو تقول مفرخ عدادي
اسلام:الا صحابي بوي منسمحلكش انا حسين يلي مصاحبه انت يشرب 7مرات شاهي يحسابه ببسي ومعمريش ضحكت عليه قدامك من وراك بس
احسان:سكر فمك سكر
وانت دوتك فارغه ندادك بصغارهم
امير:السلام عليكم ...رقيه وين؟
احسان:كنت نراجي فيك تعالا
امير:استغرب من جمعة خوه وامه ؟؟!
احسان:تمنيت ماريا لو كانت هنايا بس خلاص معش في وقت نراجيها تروح من المدرسه
ليلى:شن في طيحتلي قلبي
احسان:خوي الصديق
امير:عقد حواجبه....شن صاير ؟
احسان:صار بينا كلام امس تصالحنا في كدا حاجه يعني في النهايه هوا خوي ومهما اختلفنا مستحيل الدم يولي اميه
اسلام:ايييي؟؟؟؟؟
امير:المهم ....قررنا نرجعو شراكة المزرعه الارض مني والعمال منه باش يزيد انتاج الخضراء والبيع يزيد
ليلى:بنبره مضايقه مش راضيه .....كويس
امير:يدوم المحبه ربي يعاونكم....وعطاه بضهر بيركب
احسان:الخبر يلي بنحكيه قاعد ماقلتاش
امير:رجع تلفت ....شن هوا؟
ليلى:تراقب بصمت
احسان:خوي وولده حسام وبناته اريج ورزان وامهم بيجو هنايا
ليلى:ضحكت بصدمه....هنايا ؟وين هنايا مفهمتش ؟؟
احسان:حط الاوراق ع الطاوله ......المشروع يلي بنخشو عليه ضخم هلبا وبيزيد معدل انتاجنا
ولازم يكون فيه شخص واقف 24ع 24ع المشروع هاذت وانا عندي قصص وخدمه تانيه لازم نلهى بيها
الملخص خوي الصديق باع حوشه اصلا كان شقه صغيره وخرابه وفلوسه بيحطهم معاي في المشروع
اسلام:غير لحضه بس لحضه ....هوا تمام وربي يديم عليكم احساس الاخوه وبر الوالدين والحب في الله ....سؤالي
شنو معناها بيجو هنايا ؟؟؟وحوشهم باعوه؟!
وين بيسكنو في جرادين المدينه؟
احسان:لا يا اسلام عمك وصغاره بيسكنو عندنا لين ناخدو اول الارباح من المشروع هاذا وياخدو حوش
ليلى:لاااااااا طبعااااا
بنختف ع بنتي من ولده وع بناته من ولادي شن تحكي انت كيف يسكنو هنايا وين بنحطهم؟
محمد:بهدوء وابتسامه.....3غرف فاضيات عندنا
لياى:مهما كان مش م..........
احسان:قاطعها وهوا يلم في الاوراق .....القرار خديناه وانتهى ويلي مش عاجبه الباب يفوت جمل!
امير:شاف لي رقيه .....طلعيلي حوايجي متع التمرين
رقيه:شبحتله بعمق ....حاضر❤️
ليلى:يعني بدير يلي في راسك محمد!!؟
احسان:يلم في الاوراق ويشوفلهم...اي
ليلى:خدت شنطتها وهيا مضايقه وطلعت
اسلام:قعدت مقعمز دقايق ساكت يستوعب في يلي صار !...بعدين طلع حتى هوا من الحوش!
امير:كل مره قاعد تاخذ قرار على حسابك سعادة وراحة ناس تانيه واحني ساكتين!
دير بالك تتمادى اكتر من هكي لان بيصير شي غلط يطلع من اب لي بوه!
احسان:ابتسم....احني عيله راقيه!
والعيلات الراقيه ميطلعش منها شي زي هاذا
امير:شافله بنضره فيها هلبا حقد!...وسيبه وطلع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
جنان:دفت ماريا بقووه كبيره .....اهدي وبلا عار قدام البنات متخلوش روحكم حديث المدرسه كلها
ماريا:اطلقيييييييني موده اطلقيني عليها كيف الحقيره هاذي تمد يدها ع خوي احمدي ربك ان خوي ولد ناس ومتربي وميمدش يده ع بنت كنهاذا مسح الارض بيك ياخامره
جنان:ميمدش في يده ع بنت وانتي لما تغلطي قريب يقتلك؟؟؟
وين الربايه انتي!؟...اكيد هوا مداير حاجه اكبر من راسه باش يخلي وحده دلدوله زي هبه تضربه
هبه:شبحتلها....دلدوله؟!
جنان:ضمي فمك انتي التانيه اي دلدوله
وشنو انتم تتفرجو عاجبكم الوضع!!...هيا كل وحده مقعدها تحركو
ماريا:قعمزت هيا وموده وكانت بتتفجر مش عشان خوها لا!
عشان حسام يلي سلم وهدرز ع هبه ومدورهاش!
جنان:شافت لي باقي بنات الفصل...مقااااعدكم قلت
ونسمع وحده تحكي في الموضوع راسها بنعلقه ع باب الفصلللل...كمشه مزيتات
قعمزو البنات خوفاً من جنان عارفينها تقدر ادير اي شي وكانت في نضرهم مش طبيعيه!
الابله:صباح الخير بنات ...هيا بدون نفخ ووجع راس كل مجموعه تفتحلي على بحثها
ماريا وموده تلفتو لي جنان وهبه وهما مصدومين
موده:لهينا في حفلة الخطوبه ونسينا البحث!!
هبه:حطت يدها ع راسها....المدرسه صارمه في قراراتها تخيلي يديرولنا استدعاء!
موده:واحني يلي كذبنا وقعدنا لعند المغرب برا ع اساس نكتبو 🤦🏻‍♀️
حسام :السلام عليكم
الابله:اهلين حسام
حسام:رحب بي الابله بي ابتسامه وسألها على احوالها وكانت ماريا تراقب فيه بعيون مهتمه وواضح ع وجها ملامح التوتر
البنات يتهامسو عليه وكلهم عارفين ان حسام ولد عمها وفي اشاعات تقول انهم على علاقه وطبعا ماريا مكذبت الاشاعات هاذي !
جنان:الحمد الله يلي خش وجه الشنترو هاذا ع الاقل تنسى
هبه:بلعت ريقها بخوف....مفهمتش انا شن مدايره تحت ربي باش يسلط عليا ناس هكي بس
جنان:انتي دلدوله ومتعرفيش تتصرفي
هبه:ونبي اسكتي انتي التانيه متزيدينيش
الابله؛خلاص تمام بي اذن الله
حسام:ابتسملها.....نبي هبه محمد
ماريا:سكرت يدها ع شكل قبضه من الغللل
حسام:ونبي ماريا حتى هيا والطالبه فدوى احمد
ماريا:ارتاح قلبها شوي يعني حسام مش شادها ورا هبه وبس!
هبه:اسفه على السؤال بس علاش تبينا الثلاثه!
حسام:ابتسم...عندكم شوية اوراق ناقصه ولازم تنفاهمو مع المدير لوطه ....هيا بسرعه انزلو
______________________________________
رعد:الحمد الله دايمه
ناجيه:وانت راكب نادي مرتك تجي تفطر
رعد:ان شاء الله
اسراء:وينها اليوم مشفتهاش !
امينه:تلاقيت معاها الصبح ادور في رعد قالت نزل بدون ما يكلمها
ناجيه:وشنو يعني تبيه 24ساعه لاصق فيها؟؟
اسراء وامينه سكتو ❌
رعد:ابتسم....صباح الخير
رؤى:صباح النور .....وينك اليوم؟!
رعد:لقيتك راقده محبيتش انوضك نزلت فطرت مع امي
رؤى:وامس ؟وين رقدت
رعد:انا طالع حبيبتي ❤️...انزلي افطري والغدي وتي روحك بنتغدا برا انا وياك تمام؟
رؤى:ساكته وهيا مصدومه كيف تجاهل سؤالها!
رعد:باسها بين عيونها وطلع
____________________________________
امير:ثاني مره نوافق على موعد ونجيك بسيف
ان شاء الله يكون يستحق بس لاني سيبت تمريني وجيت
رحمه:خديت قرار يخصنا
امير:قرار يخصنا؟!يلي هوا شنو؟بتفسخي الخطبه وتريحيني من القرف متعك؟
رحمه:لا!....حني قبل متفقين نتزوجو شهرين ويتم الطلاق صح ؟
امير:ربع يديه في بعض وقام حاجبه
رحمه:بلعت ريقها.....منقدرش نواجه اهلي بي الطلاق لان احتمال يردوني غصب عليا او حتى نعيش في جحيم
امير:ساكت ويشوفلها
رحمه:خدت نفس......الاقامه متع دراستي قاعده شغاله عندي
نبي نسافر من ثالث يوم زواج
امير:خدي رشفه من القهوا.....تمام موافق
خلاص معش عندك شي تاني تقوليه؟!
رحمه:ادوي معاي بي احترام امير وبطل استفزاز مهما كان انا مش مستواي تحكي معاي بطريقه هاااااذي تسمع فيااا خلاص وصلتها حدها
امير:وقف وحط يديه ع الطاوله وهوا مبتسم بي استفزاز......اكيد
انتي مستواك مع الناس الكبيره بس
رحمه:امير لو سمحتتتتت!!!
امير:الكبيره زي بوي وصاحبه يصرفو عليك ويهيجو بيك
بس تعرفي شنو الشي المقزز في الموضوع!؟
رحمه:خدت شنطتها بحقد
امير:انهم يزردو بيك !
واخذين منك اشرف شي ربي عطاه للبنت وعطوك حصله عايشه في بطنك ومتقدريش تواجهي بيها حد🔥
رحمه:وقفت....انغريت اي وعجبني الدلال والفلوس
قربت منه....بس هاذا الشي ميقدرش يغير انه بوك واطي وحقير
انكم عيله راقيه قدام الناس بس من الداخل افسد عيله في التاريخ وابداها من بوك الحقير
كف!!!!
قاطع كلامها لين الدم طلع من فمها
بس مكانش في ردة فعل غير انها خذت شنطتها وقالت كلمتين قبل ما تطلع (المهم حكيتلك يلي بنديره)
____________________________________
الصديق:وهكي تمام يابنت خوي معش تعطلي بس مره تانيه ديمه تأكدي من وراقيك
ماريا:ابتسمت وهيا تشوف لي حسام يشبحلها....ان شاء الله عمي ❤️
الصديق:نزل نضراته....معش مزال حد؟
ماريا:طلعت وركبت صفها
حسام:كان عارف ان هبه واقفه تراجي ....لالا خلاص كملو
الصديق:بنطلع عندي مشوار شويه وراجع
حسام:خود راحتك
الصديق:طلع وهوا ولاهي في مفاتيحه
وهبه:سمعت صوت ينادي فيها داخل الاداره خشت بهدوء
حسام:تفضلي قعمزي
هبه:لا عادي مرتاحه
حسام:عندكم اوراق ناقصه في ملفك ياهبه!
هبه:عارفه اي رح نكلم بابا يجيبهم ان شاء الله
حسام:قعمزي نهدرزو شوي
هبه:في حاجه غير الاوراق!!؟
حسام:اي فيه
هبه:عقدت حواجبها....شنو!
حسام:ابتسم.....اممممم
يلي صاير انك حلوه
وهاذا الشي مخالف لي قوانين المدرسه
هبه:كانت مستغربه من كلامه!!....انا بنركب الحصه بتفوت علياا
حسام:اسف لو ضايقتك كل يلي صاير اني قتلك الحق بس🤷🏻‍♀️
هبه:ابتسمت ابتسامه صفراء...من ذوقك عن اذنك....وصلت اعند الباب بس وقفت لما سمعت كلام حسام!!
حسام:المدرسه كلها تحكي ع الكف يلي كلاه امير
هبه:وقفت في مكانها ومقدرتش تتلفت
حسام:انا منعرفش السبب
بس يلي نعرفه انك بنت شاطره مينضحكش عليك ومدام عطيتيه كف زي هاذا معناها يستاهله!
هبه:سيباته وطلعت بسرعه للفصل
طريقة كلام حسام وتغزله فيها ابدا مكانتش مريحتها!
__________________________________________
الساعه 1الضهر :—-
هبه:كملو الحصص وانا سارحه في كل شي
منو بيروح بيا ؟!
كيف مزال بنتقابل مع امير بعد الكف يلي صار 🤦🏻‍♀️
وقفت فم الباب نشوف امير مدرس 💔
عليك موقف حقير نحطيت فيه وبدات مضايقات البنات وين منمشي يحكو في نفس الموضوع
جنان:الابله كملت عليها الحصه اليوم وين بديرو البحث ؟
موده:عندك
ماريا:اي احسن
جنان:لا منقدرش
هبه:علاش!؟
جنان:انا اليوم عند امي مش بوي وصعب نستقبل حد
البنات شافو لبعضهم
جنان:شنو خيركم مستغربين هكي عادي يعني منفصلين مش شايفين قبل اثنين منفصلين ولا كيف !!
هبه:لا عادي بس مفهمناش في البدايه
ماريا:خلاص تعالو عندي مع ال5 العشيه
جنان:منعرفش حوشك وين
موده:اخطمس عليا وننعتك
جنان:تم هي باي
ماريا:سيبتهم وركبت مع امير
اما هبه قعدت واقفه وهيا حايره تمشي او لا؟!
قعد امير واقف وعرفت انه يراجي فيها
خلت روحها طبيعيه وركبت السياره عادي جدا
في الطريق:-
ماريا:تبصرررررر جديات بيسكنو عندنا!؟
امير:اي
ماريا:لعند امتى به؟
امير:مش عارف
ماريا:قعمزت وتشوف لي الروشن وغارقه في احلامها
يعني هكي بتكون اقرب لي حسام❤️
امير:شاف للمرايا كانت هبه منزله راسها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رؤى:شافت لي نفسها في المرايا للمره الاخيره❤️
كانت لابسه عبايه بيج❤️
مع شاربه نازكه هلبا من دار الحجاب ع اللون العنابي
وشنطه نفس اللون ومكياج بسيط بكل
بخت البارفان عليها وطلعت من الدار هيا ورعد نزلو لي الطابق الارضي
رعد:عندك مكان معين نتغدو فيه؟
رؤى:ماسكه في يده....اي مكان المهم معاك❤️
رعد:ابتسملها وحط يده على مقبض الباب بيفتحه بس يلي وقفه كلام امه
ناجيه:رعد!!
على وين؟؟
رعد:تلفتلها،...بنغدي العروسه برا
ناجيه:لا ميصيرش اليوم
رؤى:عقدت حواجبها وهيا تشوف لي رعد
رعد:علاش شن في؟
ناجيه:عازمه خالاتك وشويه من صاحباتي للغدي اليوم وغلط تكون العروسه مش موجوده
رعد:به خلي نتغدو ع السريع وانتي نتغدي معاهم براحتك بعدين نجيبهولك
ناجيه:بنبره حاده....قلت اليوم لا
ارفعها بكرا
رعد:شاف لي رؤى وهوا مش عارف شنو يقلها
رؤى:فهمت نضراته كويس...خلاص حبيبي عادي مدام امك تبيني نقعد معاها نعوضوها في يوم تاني
ارجع لي خدمتك ❤️
رعد:راضيه!؟
رؤى:واحلا رضا❤️
رعد:تحشم يمسك يدها او حتى يعطيها بوسه قدام امه
اكتفى بي ابتسامه وطلع
اما رؤى في طريقها لي الدروج وقفت على كلام ناجيه
ناجيه:البسي حاجه تستر وقيميلي شعرك بي تسريحه مناسبه منبيش ضيوفي يلاحضو الفرق بين نجمه وبينك
رؤى:ردت عليها بي ابتسامه.....حاضر
____________________________________
هبه:نزلت من سيارة امير لي حوشهم جرررري بدون حتى ما تتلفت وراها
حطت يدها ع الباب بي اطق بس كان مفتوح !
استغربت وخشت بسرعه وسكرت الباب وهيا تنادي ع امها مره واثنين وعشره بس مفيش رد!
لقت ورقه ملصقه في الثلاجه كان مكتوب فيها
احلام:حبيبتي طلعت انا وبوك بنعاينو وخيك يزون مريض الغدي تلقيه في المايكرويف سخني وكولي وديري بالك ع نفسك لين نروحو ان شاء الله منعطلوش
هبه:رجعت الورقه مكانها ونحت وشاحها بتعب
بدت تسخن في الغدي سمعت الباب يطق ابتسمت لما شافت ان امها متأخرتش
هبه:منو؟!
طق طق طق
هبه:فتحت الباب ولما شافت وجه امير ماتت من الخوف ....بابا مش هنايا
وقبل ما تسكر الباب بسرعه امير حط رجله وهبه حاولت تسكر الباب بس مقدرتش
سيبت الباب بسرعه وانطلقت لي غرفتها وامير وراها يجري لين مسكها من قميص بدلة الثانوي وطاحت
امير:قامها وهوا ماسكها من فمها
كانت ملامح هبه ادل على ان دقايق وممكن تموت من الخوف يلي هيا فيه
امير:ماسكها من فمها.....خايفه ؟؟
هبه:مدارتش اي ردة فعل غير انها تشبحله وتتنفس بسرعه من الخوف
امير:زاد ضغط ع فمها.....خااااايفه؟؟؟؟؟؟
هبه:هزت راسها بمعنى اي
امير:وين كان الخوف هاذا الصبح ؟!
انا تمدي عليا يدك قدامهم يا كلبه؟انتي عارفه شن نقدر ندير فيك توا ونطلع
هبه:سكرت عيونها دقايق وفتحتهم
امير:قوليلي انك تمنيتي اليوم هاذا بفارغ الصبر وانك استفزيتيني عشان نكون اليوم معاك بروحنا هنايا
هبه:مصدومه من كلامه
امير:خلاص وصلتي لي الشي يلي تبيه معاي
علاش تحاولي مع حسام!
بطلي اغرائاتك وانك تقعدي معاه في الاداره بروحكم بسبب حجج تافها
هبه:بدو دموع عيونها يتحركو وساد الصمت بينهم دقايق لين امير استوعب ان هبه تبكي
بعد من عليها ويشوفلها
امير:تبكي؟؟؟؟علاش!
هبه:نهارت بي البكي ......لانك وااااااطي
وحقير
جرحتني الف مره بي كلامك انا مش هككككي
حطت يدها على راسه......انا مش زي ما تخيلتتتننني
مش نفس مافي راسك الحجري هاذا ....دفاته بقوه
خليني في حالي وبعد من عليااااا انت والحقير ولد عمك منبي منكم شي ولا نبي نشوفكم لا انت ولا هوا ولا اختك التافها
ضربت وجها بي يديها وهيا تبكي....منبيش فلووووووووووووس معش نبي شي كلكم زي بعض نفس التفكير امك وبوك واختك وانت وحتى امي وبوي خلاص اقلبو وجهكم من حياااااتي ....سيباته واقف وخشت للحمام تبكي وكان صوتها مسموع
واضح ان الموضوع ميتعلقش بي امير او كلامه بس
مستحيل شي زي هكي يخليها تبكي بي الطريقه الرهيبه هاذي
الموضوع يتعلق بي الكتمان!!
اي شخص يكتم في داخله ويتحمل الضروف الصعبه سواء كان في خدمته او مع اهله بيجيه يوم وينهار هكي لانه خلاص معش يقدر يتحمل
______________________________________
ماريا:ترقص من الفرح لين تعبت وطاحت على سريرها
ورقيه واقفه ساكته
ماريا:وشن قالو تاني؟متعرفيش امتى بيجو ويجيبو حاجاتهم؟
رقيه:لا مقالش بوك
ماريا:نزلت من السرير تلف في شعرها وواقفه ع الروشن .....رقيه بنسألك
رقيه:ارسولان؟
ماريا:ضحكت.....كيف عرفتي
رقيه:هزت بي كتافها....واضح لان🤷🏻‍♀️
ماريا:معش نشوف فيه وينه؟!
رقيه:الصبحيه كلها هنايا في المزرعه يخدم
ماريا:شن يخدم؟
رقيه:منعرفش نشوف فيه جنب الشجر
ماريا:اممم....المهم نضفيلي الدار كويس اليوم البنات بيجوني
رقيه:حاضر
_____________________________________
رؤى:مقعمزه بهدوء ❤️...لابسه قفطان شيفون قايمه شعرها بطريقه حلوه مع خصلتين ناعمات نازلات ع خدودها
ومكياج خفيف❤️
طول الهدرزه كانت على نجمه !
كيف كانت كويسه في كل شي !
جمالها شعرها كلامها هواياتها حبها لي الناس !
حطو الغدي وبدو صاحبات ناجيه يتغدو ويهدرزو زي العاده
عبير:مشاء الله الاكل يشهي منو مطيب ؟
ناجيه:المره هاذي مش نجمه مطيبه
شبكت يديها في بعض .....من يوم ماتت بدت الماكله كلها زي التراب معاد فيها بنه
رؤى:كانت محروقه بس كملت ماكله كأنه مفي شي خصوصا ان انضار صاحبات ناجيه كلها عليها
جمانه:سلامة الحيين يا ناجيه ربي يطول في عمرهم
ناجيه:مفيش حد يجي زيها ولا ولدي رح يتقبل ويحب زي ما حبها
رؤى:حطت الكاشيك بهدوء ومسحت فمها بطريقه هاديه جدا.... عن اذنكم
صحتين ان شاء الله ....وطلعت بسرعه من جنبهم
كلهم قعدو يشوفو لي بعض ومفيش حد كان راضي ع الشي يلي دراته ناجيه خصوصا انها كملت ماكلتها عادي جدا
________________________________________
ماريا:اهلا بيكم
موده:او ميقااااااد تصدقي ان جنان تسوق وربي هيا جابتني لما درست قدام الحوش متتت مصدقتش
ماريا:شافت لي جنان....عادي يعني وكنهادا؟!
خشي انتي وياها خلي نشوف الغبيه الثالثه وين
جنان:نزلت تفك في خيوط سبيدروها
ماريا:اركبي تلقينا فوق اول غرفه
جنان:كملت وحطت سبيدروها ع جنب وخشت
اسلام:يشوف لي جنان من فوق لعند لوطه ......لا اله الا الله هاذا شنو
جنان:تشوفله بنضرات بارده وكملت مشي بس اسلام اعترض طريقها
اسلام:هي هي وين تسحابي روحك كان حلوه تقدري تمشي لي اي حته في البيت هاذا
جنان:واضح انك خوها من ثقل دمك يلي زيها بعد من قدام وجهي
اسلام:يشبحلها بنضرات كأنه شاف الجنه قدامه
جنان:ليا 4دقايق واقفه بعد من طريقي
اسلام:بخصوص الارقام تالفوني فيه مشكله كبيره لنم
جنان:ربعت يديها......يلي هيا!؟
اسلام:مفيشي رقمك 🥺
جنان:دفاته وركبت
هبه:السلام عليكم
اسلام:حال فمه وعليكم السلام
هبه:ركبت بسرعه بدون ما تحكي
________________________________________
كملو البنات بحثهم مع بعض
رغم ان مفيش وحده طايقه الثانيه وكل شويه يهزبو في بعض بس مشت الامور على خير
رؤى محكتش ولا كلمه اي رعد ويلي صارلها اليوم
قررت انها تكتفي بصمت وبس
مش معقوله تشكي من اهله من اول اسبوع ليها!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رجع الوضع بين امير وهبه زي قبل
كأنه مسمع شي منها ولا صار شي هذاك اليوم
يرفع فيها للمدرسه ويروح بيها عادي جدا
اما رؤى كانت تحاول تتأقلم مع سلفاتها وام رعد بكل الطرق بس مفيش فايده ووجه المقارنه ديمه واضح !
بعد مرور اسبوعين من تحضيرات عرس امير يلي صار فجآه بدون مقدمات !
كان حوش احسان زحمه ❤️
اخيرا خوه الصديق وبناته شرفو بيسكنو معاهم من غير باقي العيله البايتين
فرحة ليلى يلي مكانتش فاهمه شي كبيره هلبا!!
كانت كل الامور تمام في حوش امير
امير يلي الليل معش يرقد فيه كويس بسبب هلبا افكار في راسه
__________________________________
الساعه3وربع في الليل:-
ماريا:ناضت من نومها شافت خوات حسام راقدات بتعب من السهر...حست بي الصقع
صح الدنيا صيف بس كانت فيه نسمه قويه بحكم خلاص الشتي على الابواب ❤️
ركبت غرفتها تاخد غطا وبتنزل ......
شافت باب روشنها يخبط ويدير في صوت قوي
مسكت تبي تسكره بس طاحت عينها على ارسولان❤️
يده كانت دم وتنزف بطريقه تخوف!!
كان واقف جنب السياره واضح يدور في اي شي يربط بيه وسكر الباب بقوا وغل لانه ملقاش
ماريا:بدون تفكير فتحت دولاب الاسعافات خدت كل شي ونزلت تجري بس مكانش موجود في نفس المكان
وقفت فتره بعدين قررت ترجع للحوش
عطت بضهر وفجآه اذكرت وين تلقاه
المخزن!؟....طبعا مفيش غيره
_______________________________
كل الهدوء يلي كان في اي عيله طبيعيه الساعه 3في الليل
مكانش موجود عند حوش العروسه!
لانه الساعه3في الليل طلعت عيطه قويه من حوش العرس.......يتبع


تعليقات



حجم الخط
+
16
-
تباعد السطور
+
2
-
close