recent
روايات مكتبة حواء

رواية عائلات راقية بفسادها 8 الفصل الثامن بقلم اروي طاهر المسلاتي

الصفحة الرئيسية

 رواية عائلات راقية بفسادها 8 الفصل الثامن بقلم اروي طاهر المسلاتي 

من الحصان بس ضربني خبطه ع صدري وكان لابس حديده
حسيتها زي السم وكنت نبي مرايا نشوف بيها الخبطه !
لقيت سياره مدرسه رواشنها مسكرات ومضلمه وقفت ع الروشن وفتحت اول بطمتين من سوريتي نشوف
فجآه ينفتح الروشن
امير:متبيش تبطلي حركاتك الرخيصه هاذي ؟!...
هبه:منصدمتي قعدت واقفه بنفس الحركه
فمي مفتوح ويديا الزوز على سوريتي ومصدومه
حسيت كأن حد كب عليا اميه سخونه تمنيت تنشق الارض وتبلعني
او نتحول لي تراب في لحضه او حتى نتحول لي خنفوسه😭😭
اي شي المهم منكونش في الموقف هاذا وربي 💔
امير:استري روحك وياسرك من يلي اديري فيه
منبيش نحطك في راسي لان عارفك مراهقه والحاجات هيا طبيعي تصير معاكم ....وبدي يسكر في الروشن وهبه واقفه بنفس الوضعيه
اما امير رجع عيونه لي تالفونه وهوا مبتسم بخبث على منضر هبه وهيا واقفه وقاعده مصدومه !
هبه:تلفتت ويديها قاعدين بنفس الحركه ومشت بهدوء تام
لو كان في حد واقف يتفرج راهو ضحك عليها
__________________________________
كان في واحد من رواشن السياره مفتوح فتحه بسيطه
دخلت فيها الذبله لكن حصلت 🤦🏻‍♀️
حاولت وحاولت لين يأست
بس استمريت نحاول اندخلها لين قاطعني صوت
ارسولان:وزياده ع كل صفاتك خنابه؟
ماريا:وقفت وهيا قاعده ماسكه الذبله في يدها مصدومه
ارسولان:خذاها منها ويتأكد من الذبله هل هيا نفسها او لا!!.......جيتي تشوفي في السياره ع امل تلقي خرصه او خاتم مثلا!؟
ماريا:لااااااااا
ارسولان:امالا شنو؟؟!
ماريا:انا هه انا ءءء انا كنت
هذاك اليوم انا م
ارسولان:حط الذبله في يده ومربع يديه ...اها نسمع فيك
ماريا:بلعت ريقها وفجآه كل الكلام راح منها!
رغم ان عندها تبرير وتبرير مقنع زياده بس في لحضه معش عرفت تحكي شي !
ارسولان:مسمومه مش مزبوطه وفوقها خنابه شنو مزال صفات سيئه مش فيك؟
ماريا:طلعت بسرعه وخلاته واقف
بس الجديد والغريب في الموضوع انها كانت تبكي !!
ماريا يلي كانت تستفز في جميع البنات وتبكي فيهم اليوم يبكيها مجرد كلام من شخص متعرفاش كويس!؟
ارسولان:طلعت من جيبه الذبله وهوا يشوفلها ويتفحص فيها وبعدين رجعها لي جيبه
طلع وهوا يشوف لي النجوم وتنهد !!
كأن الذبله هاذي فيها الف حكايه!!
ماريا:سكرت باب غرفتها بقوه وقعمزت وهيا منهاره بي البكي
اتصلت بي هبه يلي كانت حتى هيا مقعمزه على سريها ومصدومه قاعده مستوعبتش يلي صار!
هبه:الو
ماريا:حقيره واطيه قتلك راجيني ولا وينك!
هبه:انا انا
ماريا:انتي وحده كلبه وتافها لو كنت بي حالتك الماديه هاذي وعايشه في حوش مش ليل مستحيل مزال نقدر نواجه الناس
اقلبي وجهك انتي وعيلتك اطلعي من حوشنا ومن حياتنا .....وسكرت وهيا تبكي
ماريا مكانتش متكنطيه من هبه ولا وجودها !
هيا حاولت تعوض النقص يلي صارلها اليوم
تعودت طول حياتها هيا يلي تهزب الناس مش الناس تهزبها وبعد ما ارسولان مسح بيها الارض حاولت تهزب هبه عشان تحس بي الراحه !
هبه:مهتمتش بي كلام ماريا ولا حرك فيها شعره لانها شبه خلاص تعودت على ماريا واسلوبها
سكرت تالفونها ورمت نفسها على السرير غمضت عيونها وهيا قريب تموت
كيف بتواجه امير بكرا؟
بعد الحركه يلي صارت كيف بترفع عينها فيه وهوا هكي واخد عليها الفكره هادي؟؟!
___________________________________
ليل طويل مفيش حد رقد وغمضتله عين !💔
ماريا طول الليل تبكي معمرهاش نحطت في موقف زي هاذا !
كأن ربي باعتلها ارسولان عشان يخليها تحس بي كل موقف حطت بنت فيه !
ولا ارسولان رقد وهاذا مش جديد عليه !
هوا تقريبا كل ليله بنفس الوضع !...
حط الذبله قدامه ويبرم فيها على الطاوله
يذكر في حاجات ميبيهاش ترجع لي عقله
كان يتمنى لو ان الذبله ضاعت خلاص مرجعتهاش ماريا
يتمنى لو ضاعت وضاعت معاها كل القصص يلي صارت 💔
كان الردي البودري المخطط بي الابيض مسيطر على ذكرياته 💔
طلع من خيمة الرجاله ومشي لي ابعد مكان في المزرعه
ضلام وخالي من اي ضي
قعد يكسر في الصخور يلي جنبه
لو اي حد شافه في وقت زي هاذا يدير في خدمه فاضيه زي هاذي رح يقول عليه مهبول
مش شخص مجروح هارب من دكريات الليل يحاول يشغل نفسه بي اي شي🤷🏻‍♀️
وحتى رؤى مرقدتش بس الفرق بينهم انها مرقدتش من الفرحه❤️
تتخايل في حياتها مع رعد يلي كان زي العسل معاها❤️
بس في نفس الرقت في شوية خوف مسيطر عليها عشان بنتها
لعند امتى بتقعد مع امها ؟!وهل تتأقلم في حوش رعد؟
خصوصا ان رعد مش في حوش بروحه
لان حسب ما فهمت ساكن مع امه وخوته الاثنين
امير كان شاغله نفس الموضوع كل ليله
حاول هلبا يكون قاسي على نفسه وميذكرش الموقف يلي نحط فيه
بس مقدرش
صورت رحمه قدامه كلام بوه هذيك الليله المشؤمه في وذانه
ضحكاتهم فرحهم همساتهم وحرقت قلبه 💔
كل شي يذكر فيه بس الواقع كان واحد ميتغيرش
ان عرسه قريب💔!!!!
هبه كانت تتململ يمين يسار منزلتش منها دمعه من الصدمه
كل ما تذكر الموقف يلي نحطت فيه قريب تضحك ع نفسها وحتى الضحكه مش راضيه تطلع
بدون شعور وبدون ما تحس اتصلت بي جنان وحكتلها بتفصيل وكانت اجابة جنان وحده!
سكري وارقدي تو غضوا نقولك كيف تتصرفي مع الجاموس هاذا 😂💔
ليلى ضاع النوم من عيونها لما رعد خذي رؤى
يعني ضاعة امالها ان ماريا بنتها تكون الكنه الثالثه والاخيره لي ناجيه 🔥
وزادت اضايقت اكتر كل ما تفكر ان بنتها عاجبها حسام ولد عمها لان كان حاله شبه منتف ومش من طبقتهم !🤷🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه 8ونص الصبح⛅️⛅️⛅️
ماريا:وقفت على مراية المدخل تساوي في وشاحها الابيض
اسلام:فات من جنبها وجبد وشاحها ....صباحخيرررر
ماريا:نقزت من مكانها....ياخراااات ليا ساعه نساوي فيه الوشاح
اسلام:لف من الصالون ورجعلها شفشفلها شعرها ورجع لي سفرة الفطور
ماريت:حيوااااان....وبدت تبكي
نصدمت امها وامير يلي كانو مقعمزين بيفطرو
علاش ماريا تبكي ع سبب تافه زي هاذا؟!!!!
ليلى:خيرك؟😧
ماريا:تمسح في دموعها ومتكنطيه....مخيرني شي
وطلعت
احسان :نزل يبطم في سوريته......شن فيه خيركم ع الصبح
اسلام:يصب في الشاهي ....بنتك تبكي ع حاطر بصرت عليها
هاذي من علامات سن اليأس والكبر لانها متزوجتش لتوا
احسان: اختك قاعده شهادة ثانويه سكر فمك ع الصبح
اسلام:هه هذاك زمان يقيسو في الصغر بي صف المدرسه ره
توا وحده ثابثه اعدادي عندها ولد والثاني في الطريق انا لما كنت في عمرها نسحابه الدكتور ميموتش ...يعني بنتك تبي عريس لان بنت جلال مطلقه واهو حصلت رعد
ليلى:خبطاته على رقبته سكر فمك هاذي دوة نساوين مدخلكش فيها
اسلام:احححححيه بلاش مدخلي في حد
احسان:فتح الجريده بدون اهتمام لي كلام اسلام
لكن ليلى اثر فيها هلبا كلام اسلام وفي لحضه فكرت ان ممكن كلام ولدها يكون صح وماريا مضايقه عشان سبب زي هادا
ماريا:طلعت لي سيارة امير....فتحت الباب بس كانت السياره مسكره !
وقفت جنب الباب وهيا مصدومه في نفسها
ميكفيش بكي امس وعيونها المنفوخات؟؟
علاش بكت اليوم ع سبب تافه هكي !!
وفي نص كلامها وعتابها لي نفسها طلع ارسولان من الخيمه متجه للمخزن ولمحها
ماريا:قلبها رعش من داخل !...وحاطه في بالها انها رعشة خوف من كل موقف يصير معاها
طلع امير فتح السياره وركبت بسرعه البرق فيها
امير:وين البنت؟
ماريا:تلبس في حزام الامان ....اي بنت؟....اهااا هبه؟
اي بعتتلي مسج امس الليل متبيش تمشي اليوم قالت مخاطرهاش
امير:انزلي شوفيها
ماريا:شبحتله ....تبصر صح؟
امير:انزلي هاذي شهاده مش لعب قلها خوي مش رح يتحرك من هني لين تطلعي
ماريا:حطت يدها على خد امير ....خيرك وخي ؟مريض
امير:البنت بوها مخليها امانه عندي مش بكيفها المشي
ماريا:بنتأخررررر
امير:انزلي قلت
ماريا:حطت الشنطه بغل....الله يلعنها
ونزلت
________________________________________
رؤى:لبست القوانطي ودرقت الحنه
لبست الوشاح ودرقت شعري المصبوغ بي اللون البني ❤️
خذيت شنطة دخولي وجيت بنطلع وطبعا مخلونيش مطلع بدون ما يسلمو عليا بي الوحده❤️
دموع الفرح اختلطت مع دعاء وضحك ونصايح
وبعدها طلعت لي سيارة ارسولان❤️
ارسولان:مبتسم....صباح الورد
رؤى:صباح الخير
ارسولان:ولع السياره .....شنو ياعروس
رؤى:لا عروس لا عينك حرجانه منك متكلمنيش
ارسولان:قام حاجبه والابتسامه على فمه....وعلاش ان شاء الله؟
رؤى:معقوله اختك حبيبتك لا صورت معاي بي البودري لا سلمت عليا!!
ارسولان:اختفت الضحكه .....منحبش لحضات الوداع هيا
رؤى:وداع شنو يلي يسمع يقول بنموت 😂
ارسولان:تحول فجآه عيونه حمررر وعقد حواجبه .....معش تقولي نموت ضمي فمك
مش كان لبستي بوووودري بتموتي اسكتي
رؤى:نشبحله مصدومه😧!!....تعابير وجها واسلوب العنف يلي كان يحكي بيه !!!
كيف انفجر فيها هكي ويحكي بجديه
ارسولان:سكت وهوا مصدوم من نفسه كيف مقدرش يتمالك نفسه قدام اخته !!.....ابتسم بصعوبه
نبصر خيرك خفتي
رؤى:ضحكت بصدمه.....خلعتني ع الصبح وين نعلم
ارسولان:سكر الباب وهوا يحكي ....حقك عليا اليوم نصور معاك
رؤى:اكيد❤️.....سكتت تشوف لي الطريق وهيا فاهمه كويس ان ارسولان مكانش يبصر
لان خوها وتعرفه في حياته مابصر عليها في اي موضوع !
عرفت ان في قصه
وقصه طويله عريضه بس عشان سلامتها وعشان تباعد على المشاكل فهمت نفسها ان مش لازم تبحث في الموضوع!
_______________________________________
احلام:اهلا حبيبتي صباح الورد
ماريا:اهلين خالتي ممكن تنوضي هبه نبيها
احلام:قالت مش ماشيه للمدرسه اليوم
ماريا:اي نعرف طلع في شي ضروري ولازم نكلمها
احلام:تمام لحضه هي
ماريا:تبتسمتلها ابتسامه صفرا وشافت لي خوها
امير:دارلها لايك بيده من بعيد👍🏻
ماريا:قلبت عيونها وهيا متكنطيه منه
هبه:تحك في عيونها ....صباح الخير
ماريا:صباح الزفت.....عارفه شي غريب بس قالك امير مش متحرك من هنايا لين تطلعي للمدرسه
هبه؛نعم!؟
ماريا:متعطليناش مش ناقصه هزايب من دراه الكبد متع الكيمياء
هبه:مش ع كيفه قلت منبيش نمشي مليشي اي علاقه فيا
ماريا:والله الاحسن انك متعصبيش خوي لانك شفتيه لما هادي وكيوت بس !
ومدام بوك موصيه عليك بتسمعي الكلام غصب عليك لان صدقيني بتندمي
هبه:طلعت راسها من الباب جت عينها في عين امير وخرت بسرعه لين ضربها الباب ع راسها ....ايييي
ماريا:ربعت يديها.....غبيه
سرعي روحك هيا
هبه:افففففف به ....وخشت بسرعه
ماريا:رجعت لي السياره
امير:شن صار؟
ماريا:تلبس في ساعتها....جايه قالت
درس ارسولان جنب سيارة امير وماريا قلبها وقف
امير:صباح الخير ياغالي
ارسولان:صباح النور كيف الحال
امير:الحمد الله تمام وين بيها
ارسولان:مشوار للعيله وجاي
امير:باهي ع الخير مستحق شي ؟
ارسولان:منور يبارك فيك
امير:ولا يهمك تعال امتى ما تبي
ارسولان:ابتسم ودار كلاكس ....هي سلام
امير:اشرله بيده بمعنى سلام
ماريا:ومن امتى غالي النفاق ؟
امير:كويس الولد راجل راجل مش راجل ونص
ماريا:امممم
هبه؛طلعت تجري وهيا ماسكه السبيدرو في يدها ومنضرها متبهدل
ركبت السياره وماريا تشوفلها بي اشمئزاز
امير:ابتسم بنصر ❤️....وولع السياره وطلع
______________________________________
جنان:شافت لي موده بي استغراب ....خير ؟
موده:شنو الحاجه الغريبه يعني ؟وكان قعمزت جنبك
جنان:مردتش عليها وطلعت من شنطتها حكة سردين
موده:جديات جايبه معاك سردينه معلبه ؟؟؟؟!
تبصري انتي والسردينه يلي جايبتيها؟؟؟
جنان:فتحت الحكه .....هاذم منضر حوتات يبصرو؟
شوفيهم كيف مسكرات عيونهم
موده:اعععع يا ربي صبح
جنان:طلعت فردة خبزه وبدت تاكل .....الطاقيه يلي لابستيها تهبل
موده:عارفه🙂
جنان:خساره لابسها راس غبي زيك والله
موده:مش رح نرد عليك بعد ما شفت الحاله النفسيه يلي انتي فيها وخلاتك تاكلي سردينه ع الصبح ......ااااه اخيرا ماريا جت
هبه:صباح الخير ...ولوحت شنطتها وقعمزت
موده:ميمو حياتي
ماريا:نحي من عليا موده مش طايقه حد
جنان:تاكل.....بسم الله شكلك شربتي امية قرآن وبديتي معش اطيقي في الشياطين 😂
موده:قلبت عيونها
هبه:ركزت في عيون ماريا.....كنتي تبكي!؟
موده:خيرككك؟؟؟
ماريا:تعبو عيونها دموع
جنان:بطريقه مستفزه .....بالك الكورنفلكس تم من حوشهم ومفطرتش
هبه:بعصبيه....جنان مش وقتك وربي
احكي ماريا شن في
ماريا:بدت تحكي وتمسح في دموعها
_______________________________________
جلال:وصلت اختك !؟
ارسولان:اي تمام ...وعطاه بضهر
جلال:تعالا نبيك مدام مفيش حد هنايا
ارسولان:فتح عيونه على وسعهم !....تلفتت بيطئ
جلال:هما كلمتين بنحكيهم
تبي رضاي عليك تاخدهم
متبيش انت وضميرك واحوالك مع ربي بعدين
ارسولان:ابتسم ع جنب بملامح متوتره....شن في!؟
جلال:الحرب وخلاص تمت ......موقفتش في طريقك لانك راجل ونعرفك متغلطش ومفيش يوم وكلتكم قرش حرام
سيارة الدوله يلي عندك هاذي تمشي تعطيها لي صحابها
وتطلع من القصص يلي انت فيها ودورلك خدمه نضيفه
ارسولان:وحتى خدمتي هاذي نضيفه!
امن وحراسات لا نخنب في رزق حد ولا قتلت حد
جلال:سكت وهوا يشوف لي عيونه
ارسولان:نزل عيونه وهوا يشوف للارض بتوتر
جلال:لو كنت متأكد انها هاذي الخدمه يلي تليق بيك
راهو عيونك منزلوش للارض وانا قدامك
دور على الطريق يلي تناسبك وخلي القصص هاذي لي ناسها
ارسولان:ان شاء الله حاضر
جلال:طبطب على كتف ارسولان .....هاذا الكلام يلي نبي نسمعه ❤️
__________________________________________
موده:هاذا خيره عليك الحقير هااااا!!!!
متقوليليش شن فيه شادها جرتك ؟
جنان:شن دخله الراجل كان هيا خنبت الذبله من سيارته ؟
ماريا:دفت جنان بقوووه.....قتلك مخنبتتتتتش باش تفهمي
جنان: انتي خذيتي حاجه من سيارته بدون علمه صح ولا لا
ماريا:اي هكي
جنان:خلاص هاذي خنبه متحجبه🤷🏻‍♀️
هبه:متعدليش عليها....خلاص موقف وصار وفات ع خير انتي طلعيه من راسك
وبعدين طز فيه يفهمك غلط او صح شن مستفيده منه انتي!؟
ماريا:بملامح مقتنعه.....اي صح شنو مستفيده منه
لبنى:هاي بنات
موده:اهلا لولو
جنان:شافت لي البنات يلي جنب لبنى...بسم الله شنو جابك عندنا انتي والعنزتين يلي معاك
لبنى:انا منعرفش السبب والمعجزه يلي خلت وحده جربه زيك تجي لي مدرسه غاليه زي هاذي ....قلبت عيونها وتحكي بدلع
عموما كلامي لي الناس يلي من الطبقه الراقيه
معزومين بكرا على خطوبتي بنديرها في قصر الملكه
خديت فستاني من دار الفهد في السياحيه
جنان؛والعريس من وين؟من الحايس؟
لبنى:ولد خالي.....تفضلي
ماريا:خذت بطاقة الدعوه.....مكتوب لي 4اشخاص
لبنى:اي للاسف
قررت نعزم بي المجموعات نفس ما قسمتهم الابله
يعني كرت لي كل مجموعه وبتجيني شكالات غير لائقه بس يالله نربح فيهم اجر نوكلهم
جنان:والله مفي واحد رابح اجر غير يلي خذاك بيوكل كلبه ويشربها صبح وليل بيخش الجنه من اوسع ابوابها
لبنى :هاذي سكتيها احسن ما نقتلها وربي
موده:ضمي فمك جناانن....متهتميش حبيبتي ولا يهمك جايين
لبنى:تمام ....ومشت
ماريا:مسحت خشمها.....ع منو تكذبي!؟
مستحيل يخلوني خوتي نمشي لي صاله بروحي
هبه:ولا انا
موده:ولا انا!....بس فكري شويه
بكرا بنديرو بحث في حوش الخرا هيا...واشرت ع جنان
يعني من صبح لعند الليل باش نكملو ولا؟
ماريا:اي؟؟؟؟
موده:الحفله مكتوب تبدا الساعه 2الضهر
جنان:هاذي حفلة خطوبه ولا شوية ناس تبي تقيل؟
هبه:ههههههههه😂😂😂😂😂
موده:اسكتي جنااااان....الحفله تكمل الساعه 6العصر
يعني نرفعو مكياجنا وكل شي معانا لي حوش ام السردينه هاذي نوتو روحنا غادي
نطلعو من حوشها نروحو مع الساعه5من الحفله لي حوشها من جديد نكتبو البحث على السريع وكل وحده لي حوشها
هبه:مستحيل....انتي مشعفتيش من اخر مره طلعنا فيها؟؟؟
ماريا:صح لا مستحيل
موده:ماريا فكري شويه
قداش ليك نبي حفله تجمع بنات المدرسه لااااازم نمشو وجايه اسماء سليم مكتوب مستحيللل اضيعي الفرصه
جنان:تشرب في البتري ....منو اسماء هيا ؟طباخه!
هبه:فنانه ليبيه
جنان:هاذي تغني خويا ياخويا؟
هبه:جنان ونبي اسكتي 😂😂😂❤️
موده:ها شنو قلتي ؟؟؟
ماريا:منو بيرفعنا؟
موده:ابتهال تسوق وتموت من الفرح لو كلمتيها وطلبتي منها شي
هيا ماريا الطلعه مضمونه
ماريا:موافقه
هبه:صورولي الحفله عشان نتفرج😊
موده:بتمشي معانا🙂
هبه:لا طبعا م........
موده:بتمشي لانك غبيه مستحيل نخلوك بروحك تفضحينا
هبه:انا ممممم.....
الابله:هيااااااا انتي وياهاااااا كل وحده فصلها الجرس ضرب
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه8ونص في الليل🌙
رؤى:الابتسامه مش مفارقه فمها وهيا تشوف لي شوية الناس المعزومه عندها❤️
حفله بسيطه ڤيلو بسيط بحكم انه ثاني عرس ليها
بنتها مقعمزه جنبها فرحانه بي امها عروسه ❤️
اما حسنه كانت ع نار ومتوتره
زي اي ام تدعي ربي ان العرس يفوت على الف خير
احلام ام هبه وليلى ام ماريا كانو من ضمن المعازيم
اما ماريا وهبه زي العاده كل وحده في دارها!!🤷🏻‍♀️
_______________________________
هبه:فتحت الروشن وكان الجو برا يجنن❤️
زالعاب ناريه وريح بارده المزرعه كلها ضي ❤️
خدت جاكيت خفيف ووشاح وطلعت
بعدت على الحوش والدوشه وقعمزت جنب اسطبل الخير
لبست سماعات البلوثوث وبدت تحكي
جنان:وهاذا كله ومقلتيش لي اخته اللفعه ؟
هبه:بالله شنو بنقول؟!
اهلين ماريا والله خوك شافني شبه عريانه من فوق بدون قصد ويسحابني نتلصق عليه
جنان:وانتي كيف ساكتيله فهميني ؟؟
هبه:شنو بنقوله !!
اهلا امير طز فيك ميهمنيش كيف تفكر فيا اصلا مش هاااااامني وطز فيك مره تانيه
امير:متأكده مش هامك ؟؟؟!
هبه:قلبها طاح....ناضت بسرعه وقفت وتلفتت ....هاا
امير:قرب منها....كان ميهمكش رايئي ليش محروقه هكي ؟
جنان:كانت تسمع في امير وفهمت ان كبس عليها بدت تحكي بصوت واااطي....عاودي يلي نقوله
هبه:عيونها بيطلعو من الصدمه
امير:مفيش اجابه !
جنان:اي طز فيك انا حرقني الكلام لانه ميمثلنيش 1في الميه بي تفكيرك الساقط هاذا
هبه: اي طز فيك انا حرقني الكلام لانه ميمثلنيش 1في الميه بي تفكيرك الساقط هاذا
امير:طلعلك لسان ؟؟
جنان:قوليله من زمان عندي لسان بس بي وقاحتك مش مخليلي مجال ندوي
هبه:استعادت شوية ثقه ......من زمان عندي لسان بس بي وقاحتك مش مخليلي مجال ندوي
امير:قرب منها وحط يده على خدها ويشوفلها بنضرات جريئه!،،..لي شنو تبيه المجال بزبط!!؟
هبه:استنت جنان تقول شي بس جنان مكانتش شايفه امير شنو يدير🤦🏻‍♀️ولا سمعاته شن قال
جنان:نحبك وانتي تفهمي ع الطاير (تقصد ع هبه)
هبه:نحبك وانت تفهم ع الطاير ....وحطت يدها ع فمها لما فهمت انها قالت شي غلللللللللط ورح يفهمها غلط من جديد🤦🏻‍♀️
امير:ضحك ع جنب ونزل يده .....عمري ما شفت بنت بي الوقاحه هيا بس براڤو بدون اي قناع جايتيني فقش هكي.....وعطاها بضهره ورجع
جنان:شنو يخرف هاذا؟؟الووووو شن صار
هبه:طاحت ع التراب ......انا انتهيتتتتتتت
______________________________________
رؤى:طلعت من حوش بوي للمره الثانيه❤️
ركبت مع رعد وكان ماسك يدي طول الطريق بقوه
خلاص حسيت بي الامان لما شفته هكي
كل الخوف راح تقريبا
وصلت لي حوش كبيررررر نفتحت بوابته
عرفت ان هاذا الحوش يلي عايشين فيه عيله و زوز كناين وانا رح نكون الثالثه !❤️
نزلت من السياره وخشيت برجلي اليمين
استقبلوني سلفاتي بي اسلوب راقيه
وامه كانت جافه شويه بس ماشي حالها مش سيئه
ركبت طول للجناح متعي ❤️
فرحت ان رعد قعد مع امه شويه عشان يقعدلي وقت نرتب اموري فيه
بدلت الڤيلو وخففت مكياجي واخترت عطري الخفيف ❤️
خش عليا رعد بي ابتسامته يلي ريحتني وحسيت روحي اكتر بنت محضوضه في العالم
صلينا مع بعض .....
ومنبيش نقول الباقي بعدين تقولو اروى تحكيلنا في حاجات عيب امشي انتي وياها امشييي😂😂
_______________________________________
ماريا:نضت من النوم لقيت الضي هارب والمولد فسد من اسلام الله يعطيه قصه في يديه مستحيل يخلي شي في حاله
درجة الحراره مرتفعه .....وقفت نحيت بيجامتي قعدت في كناتيره
بليت نفسيه بي شوية اميه وفتحت الروشن !
اول مافتحت الروشن جت عيني في عين ارسولان وووووه عليا سكرت الروشن في لحضه
شافني بي كناتيرا 💔
رح يقول انها كانت قاصده!!!
بيتأكد اني مش مزبوطه .....ورجعت نعيط في سريري من جديد🤦🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم الساعه 13الضهر⛅️⛅️
في السياره :-
موده:السلام عليكم
ماريا:وعليكم السلام
هبه:وعليكم السلام
محمد:يسوق......تو يا بنتي اليوم جمعه مفروض راحه علاش خترتو اليوم هاذا
هبه:يابابا مفيش غيره نديروه ونتريحو
موده:نخصت هبه من تحت الكرسي .....جبتي قفطان؟
هبه:اي اسكتي
محمد:كمل سواقته في صمت
موده:ان شاء الله غير عندها الخريه مرايا في حوشهم
ماريا:اكيد عندها شن تسحابيها تسكن في المريخ
موده:شن عرفني انا !
محمد:هي بنتي اتصلي بيها هادي الزنقه
________________________________________
رؤى:فتحت عيوني وبعد دقايق رجعتلي الذاكره اني في حوش رعد❤️❤️
نضت من سريري شفت جنبي مفيش حد !!
كنت متحمسه ننزل نتعرف عليهم العيله وعلى سلفاتي يلي مشفتهمش الا امس بس !
رعد:طلع من الحمام....صباح الورد
رؤى:صباح الفل ❤️
رعد:باسها على راسها.....بسرعه نضمي امورك فطورنا لوطه
رؤى:هزت راسها وهيا مبتسمه
رعده:سيبها وطلع من الدار عشان تاخد راحتها
اما رؤى انطلقت بسرعه للحمام وهيا فرحانه
متعلمش شنو يستنى فيها!!!
__________________________________

هبه:اي قدام الزنقه بزبط
جنان:متوتره ....اوكي خليه ينزلكم انا جايه
هبه:تمام.....خلاص بابا نزلنا هنايا هيا تو تجي عشان نمشو الحوش مع بعض
محمد:كيف نحطكم في الشارع هكي
هبه:يابابا حوشها قريب م.....اهيا جت
محمد :ديري بالك ع روحك
هبه:حاضر هيا بنات
نزلو ال3من السياره
موده:وين الحوش ولا في براكه
جنان:متخافيش حتى لو براكه مش خامره زي عقلك
كملت جنان مشي بخطوات متوتره وكأنها متحشمه من شي ووراها البنات
جنان:وقفت....هاذا الحوش تفضلو
هبه:شافت لي ماريا وموده بصدمه !!يلي كانو هما اصلا مصدومين زيها......يتبع

google-playkhamsatmostaqltradent