رواية اغتصاب مدبر الفصل السادس 6 بقلم القلم الذهبي
لجزء السادس
** اغتصاب مدبر **
_ مراد قاطع الخناقه اللي بين عايده وجوزها فريد وفضلوا ساكتين وعايزين يسمعوا مراد هيقول اي ،
_ عايده حاطه ايدها علي خدها ومبحلقه ناحية مراد ومش علي بعضها !!
عايده // ما تتكلم يا بني فيه ايه انا ورايا اكل بالمطبخ عايزه اخلصه قول وخلصنا يا مراد..
مراد // باختصار كدا يا جماعه انا بحب واحده وعايز اجوزها
( عايده بتبص علي فريد ومقهوره منه )
عايده // طيب مين هيا وبنت مين شوفتها فين خلصنا قول ؟
مراد // هدير بنت خالي صلاح يا ماما
( قبل ما يكمل مراد كلامه . وقفت عايده واحمر وشها وتقلب اللوان . وصرخت في وش مراد )
عايده // انت اتجننت والا كبرت وبقيت تخرف هدير مين وزفت اللي عايز تجوزها انتي جرالك حاجه بعقلك يا مراد والا يكونش ضحكة عليك بنت سميره الراقصه
( مراد قاطع كلامها ))
مراد// يا ماما انا مش صغير عشان حد يضحك عليا . انا بحبها وعايز اجوزها
( عايده بغضب )
عايده // لا صغير لما تعرف اني مش بكلم صلاح ولا بطيقهم وعايز تجوز بنتهم يبقي صغير وانضحك عليك . ومتقوليش حب ولا زفت . انا مش هسمحلك بالجوازه دي ابداا
( عايده بصت لفريد وكشرت في وشه وقبل ما تدخل المطبخ )
عايده// انا داخله اعمل الاكل ومش عايزه اسمع سيرة الموضوع دي تاني . عقل ابنك يا فريد وعلمه ازاي يسمع الكلام ...
( وقف فريد من مكانه وقرب من مراد وخبط بايده علي كتف مراد )
فريد بصوت هادي// اهدي يا بني ومتاخدش علي كلامها والا عايزه انت هو الا هيكون.
( مراد بعد شوي عن فريد وعليه علامات الحزن والزعل وبصوت مليان غضب )
مراد // اسمعوا انتوا الاتنين انا خلاص قولت اللي عندي ومش هجوز غير هدير سوا رضيتوا والا لا ودي اخر كلام عندي.
( مراد خلص كلامه وطلع بره الشقه وخبط الباب بشده وراه )
_ عايده طلعت تجري من المطبخ مفزوعه بعد ما خرج مراد . وبصت لفريد وكشرت !!
عايده // انت ازاي يا راجل تسيبه يخرج كدا . انت ايه مبتحسش
( قاطع كلامها فريد )
فريد // وانتي عايزاني اعمل ايه معاه. امسك فيه مثلا انتي خلاص اجننتي ومبقاش فيكي عقل واتعميتي ومبقتيش تشوفي من الغل والقهر اللي جواكي ناحية اخوكي يا هانم . واسمعي اما اقولك .
انتي خسرتي اخوكي بعنادك وقلنا ماشي بس دي مش اخوكي دي ابنك اللي كبر قدام عنيك وبقي موظف كبير وبيعرف يعتمد علي نفسه بس حقدك وغلك اللي معشش جواكي مخلاكيش شايفه قدام وزي ما خسرتي اخوكي اوعدك انك هتخسري ابنك كمان بطريقتك دي .
عايده // انت بتقول اي يا فريد انت اللي خرفت ومش قادر تسيطر علي الواد
فريد بزهق // اسمعي انا تعبت من المناهده معاكي كل يوم ومفيش فايده بدماغك دي ابدا. انا هسيبك تخبطي بدماغك وتجنني اكثر ورايح انام وارتاح منك ..
عايده بغضب// يلا غور نام اللهي لا تصحي ولا توعي راجل نكد ومفيش منك رجئ..
( دخل اوضته فريد وقفل الباب وراه وساب عايده متغاظه وعماله ترغي مع نفسها )
عايده // وبعدهالك يا صلاح دمرت حياتي ودلوقتي جاي تخطف ابني مني يعني بعد الا عملتوا فيك دي كلوا ولسه زي ما انت متغيرتش وبعدت عني. بس لا انا وانت والزمن طويل يا صلاح...
________________________________
في شقه رشدي
___________
__ احمد جوه اوضته بيدور علي حاجه ضايعه منه ومتوتر ومش علي بعضه وبيبص شمال ويمين وقالب اوضته عاليها واطيها وعمال يتمتم بالكلام مع نفسه __
احمد // مش معقول راحت فين بس يكونش الاوضه مسكونه وانا معرفش انا دورت في كل مكان ومسبتش مكان الا ما دورت فيه اي الغلب دي يا ربي دي لو ابره كنت لاقيتها مش معقول كدا. مفيش غير ان اسال امي عليها امكن لقيتها هي وبتنظف الاوضه وخبتها في مكان !!!
( احمد فتح باب اوضته وبصوت عالي ))
احمد // يما انتي فين ؟
__ زينب طلعت من المطبخ تجري
زينب // خير يا احمد مالك يا بني في ايه
احمد بحماس // مشفتيش الساعه بتاعتي كنت حططها جمب السرير ومش لقيها قلبت عليها الاوضه كلها
زينب // لا يا بني والله ما شفت كل يوم بنظف اوضتك لكن الساعه اللي بتكلم عنها مشفتهاش خالص
احمد بقلق// اووف بقي ادخل ادور تاني
( دخل اوضته وقفل علي نفسه احمد .وشويه ودخل رشدي الشقه وشايف زينب قدام اوضة احمد واقفه ))
رشدي // هو ماله احمد صوته جايب اخر الشارع كدا في حاجه ضايعه منه!!
زينب // ايوه يا سيدي في ساعه بيقول ضايعه مني ومش لاقيها.
رشدي // طب يدور براحه وهو يلقيها مش لازم الزعيق دي .
زينب // هو احمد كدا انت تايه عنه كل حاجه عايزها باستعجال كدا !!
رشدي // انا مش عجبني احمد خالص الاجازاه دي حاسه متغير عن كل مره بيجي فيها هنا وقلبي متغوغوش عليه وحاسه في حاجه مش طبيعيه معاه .
( رشدي لاحظ سكوت زينب هو وبيتكلم معاها ))
رشدي// زينب انتي يا زينب
زينب بخضه // نعم يا رشدي معاك اهو
رشدي // معايا اي بس انتي سرحتي فيه اي مالك واي قلب كيانك كدا .
( قاطعهم خروج احمد من اوضته ومستعجل عايز يخرج بره )
احمد // معلش يا ولدي انا خارج مشوار بسرعه وراجع .
( سابهم وخرج احمد ورشدي وزينب واقفين بيبصوا لبعض في زهول وحيره من توتر احمد وقلقه )
رشدي // شوفتي مش بقولك في حاجه غريبه حاصله واحنا مش عارفينها
زينب بتمتمه// بصراحه انا عايزه اتكلم معاك في موضوع وحاسه ان الموضوع دي هو سبب توتر احمد والا هو فيه ..
تتبع ......
