recent
روايات مكتبة حواء

رواية اغتصاب مدبر الفصل السابع 7 بقلم القلم الذهبي

الصفحة الرئيسية

رواية اغتصاب مدبر الفصل السابع 7 بقلم القلم الذهبي 

 في شقة صلاح منار وهدير في الاوضه منار بتهزر مع هدير وبتحاول تخرجها من المود اللي هيا فيها. وبتحاول تقومها من علي السرير ،

منار بمزحه// وبعدين يا دودي يا حبيبتي انتي هتسوقي فيها بقي . مهو اللي يلاقي الطبطبه والدلع لازم يعمل كدا يلا قوومي بقي ساعديني في المطبخ وبعدين انا اللي كنت بساعد وانتي اللي عليكي المطبخ. قومي يلا يا ست هانم . بقيتي زي الحصان اهو كفايه دلع قومي
هدير بضحكه// بطلي رخامتك دي مش وقتها انا لسه خارجه من المستشفي ماليش يومين اهمدي بقي
منار // الله بقي انا رخمه يا دودي . طب ماشي وطلما انا رخمه بقي يبقي لازم تقومي معايا حالا اهو يلا مش هسيبك
( منار بتحاول تشدها بهزار وضحكه وفجاه قاطع هزارهم رنين هاتف هدير . هدير مسكت التليفون وبصت فيه ، وبصت ناحية منار واتلخبطت وتوترت اووي ووشها جاب الوان وبسرعه البرق قفلت الرنه وخبت التليفون جمبها. لاحظت منار لخبطت هدير ووشها اللي بسرعه بقي اللوان )
_ منار لاحظت توتر هدير وعملت نفسها مش واخده بالها
منار// وبعدين يا دودي ما تقومي يلا .
هدير بتبلع ريقها بصعوبه !!
هدير // خلاص يا منار بقي حاضر شويه وهقوم معاكي روحي اعمليلي قهوه دلوقت عشان اصحصح واقوم معاكي نعمل الاكل سوا
منار // هتقومي والا هتضحكي عليا
هدير بضحكه مصطنعه// هقوم يا رخمه يلا بقي روحي
( فجاه قاطع كلامهم خبطت علي الباب. طلعت منار تفتح باب الشقه سبقها صلاح قدام الباب . )
_ صلاح بيفتح الباب لقي قدامه مراد. لحظات سكوت واستغراب من صلاح لما شاف مراد ابن عايده قدامه . قطع سكوت مراد )
مراد // اي يا خالي مفيش اتفضل واللي هتسبني واقف قدام الباب
صلاح بهدوء// اتفضل يا بني الشقه شقتك
( دخل مراد وقعد في الصاله. سميره بتكلم صلاح وطالعه من المطبخ لسه متعرفش مين معاه )
سميره // مين يا صلاح اللي كان بيخبط علي الباب
صلاح // تعالي يا سميره سلمي علي مراد ابن عايده اختي
سميره دخلت ورحبت بمراد وخرجت تعمل حاجه يشربوها صلاح )
_ مراد بص لخاله صلاح
مراد // طبعا انا عارف كويس اي بيدور في دماغك يا خالي وكمان ممكن تفكر ان انا جاي من طرف ماما. صح كدا والا انا غلطان
= صلاح هز راسه
صلاح // طبعا يا بني وسامحني في الكلام .من يوم ما انقطعت علاقتي بيكم وانا معرفش حاجه عنكم
مراد // طبعا يا خالي وسامحني انا الا كنت مقصر بس ظروف شغلي هيا السبب مش حاجه تاني
صلاح // وليهمك يا بني ربنا يقويك علي الا انت فيه
مراد // خالي انا جايلك وعشمان فيك بموضوع وياريت متكسر بخاطري.
صلاح باستغراب // خير يا مراد اتكلم يابني سامعك.
مراد // خير ان شاء اللة يا خالي . انا دلوقتي عندي وظيفتي الحمد لله وراتبي كويس وقدرت اشتري شقه وفرشتها وكل حاجه فيها تمام والحمد لله.
==صلاح مقاطع كلامه
صلاح // برافوا عليك الحمد لله قدرت تعمل نفسك بنفسك
مراد// الحمد لله يا خالي . بس ناقص حاجه بالشقه عشان تكمل وكدا هبقي مبسوط قووي والحاجه دي عندك يا خالي
صلاح بزهول// عندي انا ؟
مراد // ايوه يا خالي . انا جاي وطالب منك ايد هدير علي سنه الله .انا من زمان ونفسي اناسبك وكمان معجب بهدير
( كلمات مراد نزلت علي صلاح كالصعقه ووضحت عليه علامات الزهول من مفاجاة مراد ليه )
صلاح سكت لحظات
مراد // اي يا خالي قولت اي ؟
( صلاح متلخبط مش عارف يتكلم )
صلاح // قولت لا اله الا الله يا بني . انتي بصراحه فجئتني بالموضوع دي
مراد // ونفسي يا خالي تكون احلي مفاجاه وتوافق تجوزني هدير ودي عشمي فيك .
صلاح // مراد يا بني انتي قولت لحد انك جاي هنا !!
مراد // بصراحه لا يا خالي !
صلاح // عشان كدا جيت هنا
مراد// خالي انا فاهم قصدك كويس ومش زعلان ومعاك حق كمان. بس اللي عايزك تعرفه ان انا بقيت راجل وبعتمد علي نفسي مش محتاج حد يقولي ولا يوجهني اروح فين !! ولو كان علي ماما انا ملهاش دخل بيا دي حياتي وانا اللي هعشها لوحدي انا وشريكت حياتي.
صلاح // انا فعلا مبسوط منك ومن كلامك وكمان انت بقيت راجل يعتمد عليه بس !!!
مراد // بس اي يا خالي ارجوك اوعي تقول حاجه تكسر بخاطري بيها .
صلاح // اسمعني يا بني كويس انا لو لفيت الدنيا كلها مش هلاقي في رجولتك وشهامتك حد خالص بس في موضوع حصل ولازم تعرفه. بس قبل ما اتكلم اوعدني محدش يعرف االسر دي غيرك ارجوك .
مراد بحماس // خير يا خالي اتكلم وانا هوعدك محدش هيعرف ابدا بكلامك معايا
صلاح // ماشي يا بني . يبقي اسمعني كويس وانتبه لكلامي .
________________________________________
في شقه رشدي
__________
رشدي مسك ايد زينب وشدها وراه وقعدو بالصاله
رشدي / احكي اي الموضوع اللي مشقلب كيان ابنك كدا مخبيه عني اي يا زينب اتكلمي
زينب / اصبر يا رشدي هتكلم مستعجل ليه كدا !!
رشدي // صبرت اهو اتكلمي
زينب// اليوم اللي حصلت فيه حكاية البنت هدير بنت صلاح . احمد كان راجع من الكليه وانا فتحتله باب الشقه وسلمت عليه واخدت منه الشنطه ودخلتها جوه اوضته ودخلت المطبخ عشان اعمله شاي زي ما طلب مني يدوبك دخلت المطبخ. سمعت صوت خبط الباب . بصيت من شباك المطبخ لقيت احمد طلع فوق في العماره معرفش ليه . وازاي بعمله الشاي يسبني ويطلع كدا بصراحه شكيت في حاجه وفضلت واقفه عند.شباك المطبخ تقريبا ساعه وببص كدا لقيت احمد نازل من فوق بسرعه خبيت نفسي ومن غير ما يشوفني وشايفها بيبص شمال ويمين هو ونازال وحتي لبسه كان بيعدل فيه هو ونازال وكانه كان قالع هدومه وبيلبسها هو ونزال وشويه وخبط باب الشقه وفتحت لقيته هو ولسه هسال رحت فين قالي
احمد/ اسف يا يما طلعت السطح العماره من غير ما قولك افتكرت الزرع اللي انا حاطه بالسطح قولت اشوفه بسرعه وارجع محتاج ميه او لا
رشدي / كملي واي حصل
زينب // انا بصراحه شفته متوتر ومش علي بعضه اختصرت معاه الكلام . دخل اوضته طلع غيار ودخل يستحمي. ودخلت انا اوضته بفتح الشنطه بتاعته لقيت فلوس كتير جواها ومعرفش جابها منين وازاي. ودي كل اللي حصل..
رشدي // والفلوس لسه بالشنطة معاه والا عطاهم لحد
زينب / بصراحه لسه موجوده انا كل ما يطلع بره ادخل اوضته واشوفهم.. والا خلاني ساكته مقولتش خوفت علي ابني يا رشدي دي محلتيش غيره
رشدي // الموضوع دي في لغز كبير واي قصة الفلوس . ومعقول يكون احمد ابني ليه علاقه باغتصاب هدير او هو مجرد تخمين وبس
زينب // بصراحه انا مش قادره استوعب ازاي احمد ممكن يعمل كدا. وليه طيب .
رشدي // لا انا مش هسكت انا لازم استناه يجي ولازم يعترف ويتكلم . انا مش هصبر لما ابني يضيع مني لازم نلحقه قبل فوات الاوان يا زينب..
google-playkhamsatmostaqltradent