رواية طفلة عدوي الفصل الرابع 4 بقلم رنا سليمان
حلقه الرابعه
بسم الله الرحمن الرحيمطه اخد حور من ايديها وخرج من اوضه كمال
بص عليها لاقاها بتعيط
نزل على ركبه علشان يبقي في مستواها
طه: ممكن اعرف انتي بتعيطي ليه
حور: والله يا طه انا معملتش حاجه انا كنت عايزه اقعد معاك ومكانش قصدي اني ازعله
طه:عارف يا حبيبتي
بس هو عمو زعلان شويه بس ومكانش قصده أنه يزعلك متزعليش بقي
حور شورت ب راسها ب ماشي
طه:طيب يلا بقي علشان تنامي علشان عندك مدرسه الصبح
حور: حاضر
تصبح على خير
طه: وانتي من اهله
طه دخل حور الاوضه علشان تنام وقفل باب الاوضه عليها
عند كمال وفرحه
بعد ما طه وحور خرجوا من الاوضة
فرحه:في اي يا كمال مالك
كمال:في اني ولا طايق البت دي ولا طايق اشوفها
فرحه: واطي صوتك هتسمعنا عيب كده
كمال:تسمع بقي ولا متسمعش دا شئ ميخصنيش المهم اني مشوفش وشها نهائي
كمال قعد على السرير
فرحه:ولما انت مش طايقاها اوي كده جيبتها ليه
كمال:للاسف ملك هي ال طلبت مني كده
فرحه:وهي ملك قالتلك خليها تعيش معاكم بس زعقلها واضربها
كمال سكت ومبصلهاش
فرحه: بقولك ايه يا كمال
حور ملهاش علاقه ب ال عملوه ابوها
حور عيله صغيره مش فاهمه حاجه
ولو انت مش عايز تفهم كده يبقي انت ملكش وجود هنا
كمال بصالها: يعني ايه
انتي بتطرديني علشان البت ال برا دي
فرحه:اومال عايزني اطرد عيله ملهاش حد في الدنيا
واوديها عند الخدامه والمربيه ال كانوا بيسيبوا ابوها يضربها والله اعلم هما كانوا بيعملوا فيها اي
انما انت راجل كبير تقدر تتصرف طالما مش عايز تفهم انها معاملتش حاجه
دا اخر كلام عندي يا كمال يا تعقل وتعرف ان ال انت بتعمله دا غلط يا تمشي من هنا ومترجعش تاني
فرحه سابته ومشيت وهو مكانش عارف يعمل ايه
اخد علبه السجاير واخد سجاره وولعها ورماه العلبه بعصبية
تاني يوم الصبح
فرحه دخلت اوضه حور علشان تصحيها قربت من السرير وقعدت جمبها وبدأت تصحيها
فرحه:حور
حور يا حبيبتي قومي علشان المدرسة
حور اتخضيت وقامت من مكانها بسرعه وبعدت عن فرحه
فرحه: بسم الله الرحمن الرحيم
مالك يا بنتي في ايه
حور فضلت ساكته متكلميتش وبدأت تعيط
فرحه: اهدي يا حبيبتي مفيش حاجه
فرحه اخدتها في حضنها
فرحه:اهدي يا حبيبتي
فرحه قعدت تقرالها قرآن
حور بدات تهدأ وتبطل عياط
عينيها راحت في النوم
وفرحه سابتها وخرجت من الاوضه وكانت زعلانه عليها
فرحه خرجت من الاوضة لاقيت طه واقف
طه:مصحتيش حور ليه يا امي
فرحه:تعبانه شويه ومش هينفع تروح
طه:مالها في ايه
فرحه بزعل عليها:تعبانه شويه يا طه واول ما صحيتها اتخضيت وخافت انا مش عا
طه: ماشي
فرحه:ادخل صحي اخوك علشان يفطر
طه:بس كمال مش في الاوضة
انتي مشوفتهوش وهو نازل ولا اي
فرحه بصتله وبعدين بصيت قدامها:لا مشوفتهوش
طه: غريبه
عمره ما نزل من غير ما يفطر
فرحه:ومش هيرجع تاني
طه ب استغراب:يعني ايه
فرحه: يعني اخوك ساب البيت ومش هيرجع تاني
طه:يعني ايه
انا مش فاهم حاجه
فرحه: اخوك كان مفكر أنه لما يأذي بنت غلبانه ملهاش غيرنا دلوقتي ييقي كده بيعمل حاجه صح وانا قولتله لو مش هيعدل طريقته معاها يمشي من هنا وهو اختار انه يمشي
سابته ومشيت وطه كان واقف مش فاهم حاجه ولا عارف يعمل ايه
عند يوسف وصل القسم وطلب من العسكري يجيبله قهوه وفتح باب المكتب ودخل ولاقي كمال نايم على الكنبه
يوسف:وايه دا كمان على الصبح
قرب منه وفضل يصحي فيه
يوسف:كمال
انت يعم اصحي
كمال:ايه في ايه
يوسف:ايه ال منيامك هنا
كمال اتعدل في قعدته:مفيش اصلي سيبت البيت
يوسف:سيبت البيت؟!
ليه
كمال: بعدين بقي يا يوسف
مش وقته الكلام دا
احنا ورانا شغل كتير
العسكري دخل بالقهوه بتاعت يوسف
كمال قام وقف:هاتلي ال اسمه ممدوح دا من الحبس
رايكم
تفتكروا كمال هيرجع
حور خوفها ممكن يروح مع الوقت
وحياتها هتبقي طبيعية ولا في حاجة هتحصل ليها
