-->

رواية اذا كان له قلب الفصل الرابع 4 بقلم سمسم

رواية اذا كان له قلب الفصل الرابع 4 بقلم سمسم

    رواية اذا كان له قلب الفصل الرابع 4 بقلم سمسم

    إذا كان له قلب))

    الجزء الرابع
    صبا......وانتى جاية ليه دلوقتى وعايزة ايه
    نهى.....عايزة مليون جنيه
    صبا بدهشة.....بتقولى ايه
    نهى..... بقولك عايزة مليون جنيه وانتى اللى هتجبهملى
    صبا.....دا اللى هو ازاى يعنى
    نهى.....هتجبهملى يا من جدى يا من خالى
    صبا.....انتى مستوعبة بتقولى ايه وخالك هيدهوملى ازاى اذا كان هو عارف كل حاجة دا حتى مش طايق يشوف وشى
    نهى.....امال سايبك ليه لدلوقتى قاعدة فى البيت
    صبا.....هو سابنى علشان جدك ميعرفش الحقيقة ويجراله حاجة وكمان قالى انه مش عايز شوشرة قبل فرح اسيا
    نهى.....الظاهر انك فعلا هبلة
    صبا.....ازاى مش فاهمة
    نهى.....لان من كلامك على خالى الظاهر عليه مش من النوع اللى بيهمه حاجة بس الظاهر كده انك عجباه
    صبا......انتى بتقولى ايه بقولك مش طايق يبص فى وشى
    نهى.....انتى يا صبا يا حبيبتى الظاهر متعرفيش حاجة عن الرجالة ما كان ممكن اوى يخليكى تمشى ويقول لجدى انك معجبتكيش القاعدة هنا ومشيتى بدل الحوارات دى كلها بس الظاهر عليه كده انه وقع فيكى ودى نقطة كويسة
    صبا.....قصدك ايه
    نهى.....يعنى لو هو بيحبك وطلبتى منه الفلوس مقابل انى محبسكيش مثلا هيوافق
    صبا بصدمة.....تحبسينى
    نهى....ايوة يعنى انا لو بلغت البوليس وقولت انك منتحلة شخصيتى وجيتى عيشتى هنا فى البيت علشان تضحكى على جدى وتاخدى فلوس ساعتها انا هبقى الحفيدة المخدوعة اللى صاحبتها استغلت سفرها وجت بدالها علشان تنصب على جدها
    كانت صبا تستمع لكلام نهى وعندها احساس غريبا بالقرف والاشمئزاز من هذه الفتاة التى كانت تظن انها صديقتها
    صبا.....يعنى انتى لعبتى على عواطفى وقولتيلى ان جدك بيموت وانا وافقت اجى علشان خاطرك وعايزة تعملى فيا كده
    نهى.......ماهو لو خالى الغالى بيحبك مش هيرضيه انك تتحبسى وهيدفع الفوس علشان ينقذك اما بقى لو رفض
    صبا......هتعملى ايه
    نهى.....انا اسفة بقى يا صبا مضطرة ابلغ عنك علشان ارجع هنا البيت على انى نهى الحقيقية واخد الفلوس من جدى
    صبا بقرف......انتى ازاى طلعتى زبالة كده يا نهى يعنى استغلتينى فى الاول وكمان عايزة تكملى فيا استغلال
    نهى بسخرية.....ما انتى اللى عايشة فى الدنيا بمبادىء عفا عليها الزمن احنا فى زمن الاخ يقتل اخوه علشان مصلحته مش انى ابيع صاحبتى وبس
    صبا.......بس انا مش هكمل فى اللعبة القذرة
    نهى..... براحتك بقى بس برضو هديكى فرصة تعملى اللى قولتلك عليه انا نازلة فى فندق هنا هسيبلك عنوانه بعد بكرة تيجى وتجيبى الفلوس
    صبا.....قولتلك مش هجيب حاجة وخالك مش هيرضى يدينى حاجة
    نهى......قوليله انتى بس وملكيش دعوة وساعتها هتعرفى غلاوتك عنده
    صبا.....انتى عايزة الفلوس دى ليه يا نهى
    نهى..... هعمل مشروع انتى عارفة انى سيبت شغلى وعايزة اامن مستقبلى وشكل جدى مش ناوى يموت دلوقتى فاخد الفلوس دى محدش ضامن عمره
    سلام بقى ومتتأخريش عليا باى
    خرجت نهى بعد ان قلبت حياة صبا رأسا على عقب ظلت تفكر ماذا ستفعل فمؤيد ربما لا يرضى بدفع الفلوس
    ...........................
    كانت تنتظره فى الصالة تفرك يديها من شدة توترها تريد اخباره بما حدث من ابنة اخته
    مؤيد..... مالك قاعدة ليه كده
    صبا.....عايزة اتكلم معاك
    مؤيد.....تعالى على المكتب
    دخلت صبا المكتب بقدمان ترتجفان من الخوف فطيبتها اوقعتها فى مصيبة
    مؤيد.....خير فى ايه
    صبا.....نهى جت النهاردة
    مؤيد.....وعايزة ايه
    صبا.....عايزة مليون جنية
    مؤيد.....تعمل بيهم ايه
    صبا.....بتقول هتعمل مشروع وهتتجوز وعايزة الفلوس بسرعة
    مؤيد.....ومين قالك انى هدفعلها حاجة
    صبا.....بتقول لو مخدتش الفلوس هتبلغ عنى
    مؤيد......تبلغ عنك ليه
    صبا.....هتقول انى انتحلت شخصيتها وهى مسافرة وجيت هنا علشان انصب عليكم
    مؤيد.....ومش هى دى الخقيقة
    صبا بعصبية......لاء طبعا هى قالتلى ان جدها عايز يشوفها ضرورى وهو تعبان فخافت يجراله حاجة قبل ما ترجع من السفر علشان كده جيت
    مؤيد.....مش بقولك قلبك رهيف اوى يا صبا
    صبا.....مش وقت تريقة انا عايزة اعرف انت هتعمل ايه
    مؤيد.....فلوس انا مش هدفع
    صبا.....يعنى هتسيبها تحبسنى
    مؤيد.....ولا هخليها تحبسك
    صبا......ازاى مش فاهمة
    مؤيد.....هى نهى فين دلوقتى
    صبا....نازلة فى فندق هنا وسابتلى عنوانه وعيزانى اروحلها بعد بكرة ومعايا الفلوس
    مؤيد......خلاص هنروح نقابلها سوا واشوف حل
    صبا......انت متأكد انك هتعرف تتصرف مع نهى
    مؤيد..... عندك شك ياريت انتى بس اللى تكونى عرفتى نهى على حقيقتها
    صبا.....انا مش مصدقة ان دى نهى صاحبتى
    مؤيد.....اللى زى نهى فى حياتك تبقى مش محتاجة اعداء خلاص كفاية كده علشان عايز انام
    صبا.....والله انت بارد
    مؤيد.....روحى نامى يا صبا مش ناقص وجع دماغ
    صبا بدون وعى.......كاتك وجع فى قلبك يا شيخ انت وبنت اختك
    مؤيد بابتسامة......ماجالى الوجع فى قلبى يلا امشى من هنا
    خرجت صبا من غرقة المكتب وهى تشعر انها تريد ان تقتله حتى ترتاح منه ومن عذاب قلبها
    .........................
    كانت صبا جالسة شاردة تفكر كيف سيصلح مؤيد الموقف فهو لا يبدو عليه التأثر بما سيحدث
    اسيا.....مالك يا نهى فى ايه
    صبا.....لا ابدا مفيش حاجة
    اسيا.....امال مالك من ساعة ماجت صاحبتك دى وانتى مش على بعضك
    صبا.....لاء مفيش حاجة
    رياض.....هى قالتلك حاجة تضايقك يا حبيبتى
    صبا.....لا مقالتش حاجة بس انا بس شكلى تعبانة شوية
    روفان.....نهى هتحكيلى حدوتة تانى قبل ما انام
    صبا.....اه يا حبيبتى هحكيلك حدوتة حلوة
    روفان..... طب يلا نطلع ننام وتحكيلى الحدوتة
    صبا....ماشى عن اذنكم وتصبحوا على خير
    اسيا ورياض..... وانتى من اهله
    ........................
    فى غرفة روفان
    نامت الصغيرة بعد ان انتهى صبا من اخبارها القصة الجديدة رأت باب الغرفة يفتح وكان مؤيد واقفا على عتبة الباب وعندما رأته اعتدلت فى جلستها
    مؤيد......هى روفان نامت
    صبا.....اه حكيتلها حدوتة ونامت
    مؤيد.... حدوتة ايه صبا الساذجة
    صبا.....بطل اهانة فيا بقى انت ايه
    مؤيد....هى مش دى الحقيقة
    صبا......مش لازم كل شوية تفكرنى بكده انا فعلا ساذجة انى اتخدعت فى اقرب صديقة ليا بس اوعدك المشكلة دى تنحل ومش هتشوف وشى ولا تسمع اسمى تانى مرة
    مؤيد..... بكرة احنا هنروح لنهى الفندق
    صبا.....ياريت المشكلة دى تنحل بسرعة لانى خلاص مبقتش قادرة استحمل اهانة اكتر من كده
    شعر بها انها ربما ستبكى ولا يعرف لماذا شعر بوجع فى قلبه عندما رأها تتكلم بهذه الطريقة
    ...........................
    فى الفندق
    صعدت صبا ومؤيد الى غرفة نهى لمقابلتها وحل هذه المشكلة
    نهى.......اهلا وسهلا منورين
    مؤيد.....دا نورك يا بنت اختى
    نهى....ايه ده مؤيد البكرى خالى العزيز جايلى بنفسه
    صبا.....والله ده مش وقت التعارف انا عايزة اخلص من الموضوع ده
    نهى .....ها جبتوا الفلوس
    مؤيد........ومين قالك انى هديكى الفلوس
    نهى......كده بقى متزعلوش من اللى هعمله
    مؤيد.....هتعملى ايه يعنى
    نهى.....هقول لجدى كل حاجة واقوله انك كنت عارف انها مش نهى وهبلغ عنها انها انتحلت شخصيتى
    صبا.....انتى هتعملى فيا كده يا نهى
    نهى......ده مش وقت العواطف
    مؤيد.....انا مش هديكى الفلوس واعلى ما فى خيلك اركبيه يا بنت اختى وان كان على صبا مش هتقدرى تعملى حاجة
    نهى.....طيب بقى ابقى جهز عيش وحلاوة علشان تبقى تزورها فى السجن
    مؤيد.....صحيح طلعتى بنت ابوكى يا بنت رأفت المنيرى
    نهى....احنا مش هنبتدى الغلط بقى يا خالو ماشى
    مؤيد....عايزة تلعبى معايا وانا موافق يا بنت اختى
    ..........................
    خرجت صبا من الفندق تلعن حظها الذى اوقعها فى يد هؤلاء الناس فمن كانت تظن انها صديقتها اتضح ان العدو لديه اخلاق عنها بعكس مؤيد الذى لا يبدو عليه انه متأثر بشىء كانه خلق من حجر لايشعر بأحد
    صبا بدموع......وانا هعمل ايه دلوقتى
    مؤيد.....قولتلك متخافيش مش هتقدر تعمل حاجة
    صبا....لاء هتعمل انت مش شايف مصممة ازاى
    مؤيد.....خلاص تعالى معايا وانا هعرف اوقفها عند حدها
    صبا.....هنروح فين
    مؤيد.......دلوقتى هتعرفى
    ..............................
    قامت نهى بابلاغ الشرطة ان فتاة اخرى منتحلة شخصيتها وتعيش ببيت جدها حتى تستولى على امواله بحجة انها حفيدته
    ذهبت نهى الى المنزل ومعها ضابط شرطة للقبض على صبا بتهمة انتحال شخصية
    اخبرت الخادمة مؤيد ان فتاة ومعها ضابط تريد مقابلته ومن حسن الحظ ان لايوجد احد بالبيت سوى مؤيد وصبا فوالده وآسيا قد ذهبوا الى الطبيب وابنته بغرفتها فحمد الله ان لا احد يوجد فى المنزل فى هذا الوقت
    مؤيد.....ايوه حضرتك فى ايه
    الضابط....فى ان البنت دى منتحلة شخصية الانسة نهى وعايشة معاكم هنا
    نهى....ايوة دى تبقى صبا وانا نهى الحقيقية
    مؤيد.....طب ما انا عارف انك نهى ودى تبقى صبا
    الضابط.....يعنى حضرتك معترف ان دى نصابة
    مؤيد.....مين قال كده
    نهى... امال هى بتعمل ايه عنا
    مؤيد....دا بيتها وقاعدة فيه
    الضابط.....بيتها ازاى يعنى انسة صبا قاعدة هنا دلوقتى بصفتها ايه
    مؤيد بهدوء.... بصفتها مراتى دى تبقى مدام صبا مؤيد البكرى
    نهى بصدمة.....بتقول ايه مراتك
    مؤيد......ايوة مراتى هى حاجة غريبة انها تبقى مراتى
    نهى..... ده بيكذب علشان انت متقبضش عليها
    الضابط.....ايه الاثبات على انها مراتك
    مؤيد...................................

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .