رواية اذا كان له قلب الفصل الخامس 5 بقلم سمسم
إذا كان له قلب))
الجزء الخامسالضابط......ايه الاثبات على انها مراتك
مؤيد ......اتفضل حضرتك دى قسيمة جوازنا
اخذ الضابط القسيمة ووجد فعلا ان صبا زوجة مؤيد واصبحت صبا الان زوجته ولا يستطيع توجيه اى تهمة لها
الضابط......القسيمة سليمة يا انسة هى فعلا مراته
نهى بغيظ..... يعنى ايه
الضابط......يعنى هى دلوقتى مراته مقدرش اوجهلها تهمة الاحتيال والنصب عن اذنكم
خرج الضابط وظلت نهى تنظر اليهم نظرات غيظ عكس مؤيد كان على وجهه نظرة شماتة انه استطاع احباط مخطط نهى فى ايذاء صبا
مؤيد بابتسامة مكر .....ايه رأيك يابنت اختى
نهى.....ملعوبة منك يا خالو برافو عليك
مؤيد.....علشان تعرفى ان مش اى حد يلعب مع مؤيد البكرى واللى ابوكى عمله زمان مش هخليكى تعمليه دلوقتى يا بنت رأفت المنيرى
نهى......ماشى يا خالو مبروك عليك الجواز مبروك يا مرات خالو مش انتى بقيتى مرات خالو يا صبا والله طلعتى انصح منى عرفتى تطلعى كسبانة
صبا......قصدك ايه
نهى... هو خالو ميعرفش الاتفاق اللى كان بينا
مؤيد.....اتفاق ايه
نهى.....ايه ده انت بجد متعرفش يا خالو
مؤيد.....انجزى وقولى فى ايه
نهى.... عروستك المصون كانت متفقة معايا انها تيجى هنا مقابل انى لما اورث من جدى هديها فلوس تعمل حضانة خاصة بيها يعنى هى مجتش تطوع يعنى
عندما سمع مؤيد ذلك شعر بغليان الدم فى عروقه هل ما حدثته به كان كذبا وانها على اتفاق مع نهى لاخذ مال منها مقابل ان تأتى لهذا المنزل
مؤيد......الكلام ده بجد يا صبا
صبا.....لاء والله هى اللى قالتلى كده انا بس جيت علشان صعبت عليا لما قالتلى ان جدها تعبان وعايز يشوفها
نهى.....خلاص بقى يا صبا ما انتى دلوقتى حطيتى ايدك على كنز عيلة البكرى خدتى الوريث الوحيد للعيلة دى شطورة يا صبا
صبا.....بطلى بقى يا نهى بطلى تشوهى صورتى بقى انتى زبالة وحقيرة منك لله
نهى.....بلاش وش البراءة ده بقى
صبا......انا الصراحة مش لاقية كلام اوصفك بيه
خرجت نهى من المنزل بعد ان قامت بتشكيك مؤيد فى نوايا صبا بانها انسانة انتهازية
مؤيد بقرف......يعنى انتى فعلا جيتى مقابل انك تاخدى فلوس
صبا......لا والله هى بتكذب دا هى اللى عرضت عليا بس انا وافقت علشان خاطر باباك
مؤيد.....قلبك كبير يا صبا
صبا.....عايز تصدقنى براحتك مش عايز انت حر
مؤيد .....انا بس اخلص من المشكلة دى وهشوف شغلى معاكى يا صبا
صبا.....قصدك ايه
مؤيد......يعنى ممكن نستفيد من اللى حصل ده
صبا.....يعنى ايه
مؤيد ......يعنى كده
صاح فيها مؤيد وشدها نحوه وعانقها بشوق وقسوة كأنه ينتقم منها حاولت الافلات منه بصعوبة
صبا.....مؤيد مؤيد متعملش كده سيبنى
مؤيد.....ليه معملش كده انتى مش بقيتى مراتى يبقى لازم اخد منك اللى انا عاوزه
استمر فى عناقها وحاولت صبا ابعاده عنها لكن من دون جدوى ثم فكرت بان مؤيد لا يحبها الم يبين لها مدى احتقاره لها هل تريد ان يحتقرها اكثر ابعدته عنها ونظرت اليه
صبا......خلاص بقى ابعد عنى
كان تعبير مؤيد محيرا لكنها اعتقدت انها رأت نظرة احتقار فى عينيه ثم تركته وصعدت الى غرفتها تبكى على حالها
..............................
فى غرفة صبا
كانت تقوم بمسح دموعها وتتذكر معاملته لها وكأنها بضاعة رخيصة يريد الاستفادة منها وتذكرت كيف تزوجته بعد خروجهم من عند نهى من الفندق
فلاش باك
صبا......هنروح فين
مؤيد.....دلوقتى تعرفى
صبا.....انا عايزة افهم احنا رايحين فين
مؤيد....رايحين للمأذون هنتجوز
صبا.....بتقول ايه
مؤيد.....هو ده الحل الوحيد ساعتها نهى مش هتعرف تعمل معاكى حاجة لانك هتبقى مراتى ومش هتقدر توجه ليكى اى تهمة
صبا.....انت بتتكلم بجد
مؤيد بنفاذ صبر......انتى شيفانى بهزر دلوقتى اخلصى يا صبا ماهو يا نتجوز يا اما نهى ممكن تحبسك
ذهبت صبا معه الى المأذون وهى لا تستوعب ما يحدث هل ما يحدث حقيقة هل ستصبح زوجته فعلا لم تفيق صبا من افكارها الا على صوت المأذون
المأذون.....بارك الله لكما وبارك عليكما وجمع بينكما في خير مبروك
مؤيد.....مبروك يا عروسة
صبا............................
مؤيد.....مالك فى ايه
صبا.....هو اللى حصل ده بجد ولا انا بحلم
مؤيد.....لاء بجد ودلوقتى بقيتى مراتى بس ما تخافيش نخلص من الموضوع ده وهنطلق
عندما سمعت كلمة الطلاق شعرت بوخز فى قلبها على الرغم انها حتى الان لم تستوعب كيف اصبحت زوجته ولكنها عندما سمعت كلمة الطلاق تضايقت
انتهاء الفلاش باك
صبا بدموع.......انا ايه اللى عملته فى نفسى ده منك لله يا نهى ضحكتى عليا ودمرتى حياتى حتى الانسان اللى حبيته كل مشاعره ناحيتى كلها احتقار يعنى دخلت هنا وخارجة بقلب مكسور
..............................
حضر حازم ومعه طارق ورزان الى المنزل وجلسوا جميعا فى الجنينة لا احد يعلم ان صبا اصبحت زوجة مؤيد
طارق......ازيك يا انسة نهى
صبا........الحمد لله تمام
حازم بهمس......وحشتينى اوى
اسيا..... لم نفسك يا حازم
حازم .....اكتر من كده حرام عليكى يا شيخة
اسيا.... خلاص هانت كلها كام يوم وخلاص
حازم..... دا انا بعد الدقايق والله
اسيا بابتسامة.....للدرجة دى
حازم......دا انتى هتشوفى مصايب
اسيا بخجل.....بس يا قليل الادب
حازم......مش احسن ما اقل ادبى مع حد غريب
اسيا.....ابقى اعملها كده وانا مش هخليهم يعرفوا يلموا جثتك منين ولا منين هقطعك حتت كده كده يا حازم
حازم.......وترمينى للقطط
اسيا.....انا بتكلم جد
حازم.....يا خرابى على القمر اللى بيغير يا ناس
كانت عين صبا تراقب مؤيد فى كل شىء يفعله وهو جالس مع رزان فكم من مرة شعرت بانها تريد ان تصرخ فى وجهه عندما يبتسم تلك الابتسامة الجذابة ولاتنال منه هى سوى السخرية والاحتقار كأنه يتفنن فى تعذيب قلبها قلبها الذى من حظه السىء لم يقع الا فى حب رجل اقل ما يقال عنه انه بلاقلب
رزان.......انت مش شايف يا مؤيد ان طارق منسجم اوى مع نهى
مؤيد بضيق......لاء مش شايف
رزان.....ليه هو طارق وحش ولا ايه دا اى بنت تتمناه
مؤيد.....مش وقته الكلام ده يا رزان
رزان.......انت فى حاجة مضيقاك
مؤيد.....لاء بس انتى عارفة فرح اسيا قرب ودا فرح حفيدة رياض البكرى لازم يبقى حاجة على مستوى
رزان.....وانت مش ناوى تتجوز انت كمان
عندما سمع ذلك وجد نفسه ينظر الى صبا فكم هى جميلة ولكن ما ينرفزه منها طيبتها الزائدة وانها تنخدع بسرعة
مؤيد بدون وعى.......ما خلاص لاقتها ومش هسيبها تفلت من ايدى تانى
رزان ......انت بتقول ايه
مؤيد....ها ولا حاجة
شعرت انها لا تستطيع ان تتحمل اكثر من ذلك فيجب ان تذهب من هذا المنزل ففكرت انها ربما تستطيع الهرب من المنزل بدون ان يلاحظ احد ذلك وتعود الى القاهرة وبعد ذلك سيطلقها مؤيد
.............................
فى غرفة صبا
قامت بلم بعد اغراضها فى حقيبة صغيرة ولبست ملابسها وتأكدت ان جميع من فى المنزل نائمون تسللت من الغرفة بهدوء حتى وصلت الى الجنينة ظلت تلتفت يمينا ويسارا حتى تتأكد ان لا احد يراها واثناء التفاتها للخلف اصطتدم بشخص وعندما نظرت اليه نشف الدم من عروقها وظلت تبتلع ريقها مرة تلو الأخرى
صبا......انت
مؤيد.....راحة على فين كده
صبا بتلعثم......انا انا
مؤيد.....انتى ايه انتى كنتى هربانة يا صبا
صبا بتوسل.....ارجوك سيبنى امشى من هنا كفاية كده
مؤيد.....لاء مش هتمشى من هنا يا صبا
اخذها من يدها اوصلها الى غرفتها كانت دموعها تنساب على وجنتيها كالسيل
كاد صوتها يختفى واضطرت الى ان تشيح بوجهها وتنفست بعمق محاولة ان تهدا فلديها ما يكفيها للبكاء عندما يغادر كل الوقت الى الأبد
مؤيد......انتى كنتى هربانة ليه
صبا.....لانى زهقت من معاملتك ليا
مؤيد.....لو انتى بجد نفسك تفتحى حضانة انا ممكن افتحالك انا
صبا.....ليه عايز تعمل كده
مؤيد.....عارف انك قضيتى وقت صعب هنا ويمكن ده تعويض على اى حاجة حصلت
صبا.....لاء شكرا مش عايزة منك حاجة
مؤيد......متخافيش انا مش هطلب منك مقابل
صبا.....لاء الاحسن ما اخدش حاجة وخصوصا منك انت بالذات
مؤيد......لاء ليه
امسك مؤيد بها من كتفيها وهزها قليلا
مؤيد.....ياربى انا عارف انى اتعاملت معاكى باسلوب مش كويس وجرحت شعورك بس كنت فاكر انك بتتأمرى علينا وكمان كنت بكره المشاعر اللى انتى بتحييها فيا
صبا......قصدك ايه
مؤيد......انا عارف ان ليكى حق تكرهينى بس انا بحاول اصلح الامور
صبا...... الاحسن مقعدش هنا تانى احسن حاجة لينا احنا الاتنين انى امشى من هنا دلوقتى مش كده احسن؟
مؤيد.....لا مش احسن مش كويس خالص
ارتجفت عضلة قرب فم مؤيد واخذت اصابعه التى امسكت بكتفيها تؤلمها
صبا بتعب......انا تعبانة عايزة ارتاح ارجوك سيبنى امشى
مؤيد....اااه يا صبا متكونيش قاسية كده انا مش عايز اسيبك انا بحبك
صبا بدهشة.......مؤيد
قالت بعدم ثبات ثم عانقها وساد الصمت فى الغرفة واخيرا ابتعدت صبا عنه قليلا تنظر اليه واصابعها تداعب شعره
صبا.....مؤيد انت قولت ايه
لاطف مؤيد خدها وهمس وهو يجذبها اليه
مؤيد.....سمعتينى وانتى عارفة انى مش بقول اى كلام كده وخلاص انا بحبك يا صبا
صبا......بتحبنى بجد امال كنت بتعاملنى ليه كده
مؤيد.....سامحينى بس كنت فاكر انك متفقة مع نهى علشان تعملى كده
صبا......صدقنى هى لعبت بمشاعرى
مؤيد.....عارف وانتى فعلا طيبتك الزيادة دى هتوديكى فى داهية
صبا......طالما انت معايا يبقى انا هبقى فى امان
مؤيد.....انتى هتبقى فى قلبى بحبك
صبا......وانا كمان بحبك اوى يا مؤيد
لمعت عينا صبا واقتربت منه تعانقه اكثر ثم سألته همسا
صبا.....بس هنعمل ايه وهنقول لباباك ازاى
مؤيد ......اظن بابا لما يعرف مش هيزعل هو بيحبك وكمان روفان بتحبك واظن بابا هيبقى مبسوط انك هتفضلى هنا على طول
حضنته صبا فى نعومة وبدا ان مؤيد استسلم لهذا الحنان الذى ابتدأ الآن
اثناء عناقهم لم يشعروا بباب الغرفة يفتح ووقفت اسيا على الباب مصدومة من المشهد الذى تراه
اسيا بصدمة......ايه اللى انتوا بتعملوه ده
مؤيد......متفهميش غلط يا اسيا
لم تتمالك اسيا نفسها من الصدمة فاغمى عليها
صبا..... يا خبر اسيا اسيا اصحى
مؤيد.....هو ايه اللى جرالها
صبا......انت ناسى انها مفكرة انى بنت عمتها يعنى هى مفكرة ان احنا بنعمل حاجة حرام
حاول مؤيد وصبا افاقة اسيا وبعد محاولات افاقت اسيا ولكنها ابتعدت عنهم مرتعبة
اسيا.....انت ياعمو تعمل كده طب ليه ما فى ستات كتير اوى نفسها تتجوزك ملقتش غير بنت اختك
صبا....اسيا افهمى الموضوع مش زى ما انتى فاهمة
اسيا.....فاهمة ايه الخال وبنت اخته ايه القرف ده
مؤيد.....اسيا دى مش بنت عمتك دى صبا مراتى
اسيا.....انت بتقول ايه
صبا.... فعلا يا اسيا انا مش بنت عمتك وانا فعلا مراته
اسيا.....انا مش فاهمة حاجة طب ازاى
شرح مؤيد وصبا لاسيا كل شىء منذ البداية منذ مجىء صبا البيت بصفتها نهى الى زواجها من مؤيد
مؤيد..... فهمتى يا اسيا
صبا....وده الورق اللى يثبت كلامنا
شاهدت اسيا بطاقة صبا وايضا قسيمة زواجها من مؤيد
اسيا.....دا ايه شغل الافلام ده
مؤيد.....لاء دى فقرة الحرام اللى انتى عملتيها يا اسيا لا يعلى عليها
اسيا......يعنى خليك مكانى لما تفكر ان خال وبنت اخته يعملوا كده هيبقى موقفك ايه
صبا.....اديكى عرفتى الحقيقة اتمنى متغيريش رأيك فيا
اسيا.... هو انا حبيتك من ساعة ما شوفتك ودلوقتى بقيتى مرات عمى بدل بنت عمتى شوية كده وهتأقلم
مؤيد.....كويس انك عرفتى لانى نويت اقول لبابا كمان لانى هعلن جوازى من صبا
اسيا......على العموم مبروك
................................
اخبر مؤيد صبا انه سيخبر والده بالحقيقة لانه يريد ان يعيش معها كزوج وزوجة فهو يحبها وكم كان سعادتها كبيرة عند علمت بحب مؤيد لها ولكنها خشيت على والده من صدمته بمعرفة الحقيقة
دخل مؤيد غرفة والده يريد اخباره بكل شىء
مؤيد.....بابا فى حاجة عايز اقولهالك
رياض... خير فى ايه
مؤيد.... حاجة بخصوص نهى
رياض.....مالها نهى فى ايه
مؤيد.....نهى تبقى تبقى
رياض.....مالك فى ايه ما تقول على طول
مؤيد.....نهى تبقى
رياض ...... عايز تقول ان نهى تبقى صبا مراتك
مؤيد بعيون متسعة......انت عرفت ازاى
رياض.......
