recent
روايات مكتبة حواء

رواية اهدتني معاقا (لكنه القدر) الفصل الرابع 4 بقلم اسماء عبدالهادي

رواية اهدتني معاقا (لكنه القدر) الفصل الرابع 4 بقلم اسماء عبدالهادي


 -يامن،، خلاص مشى يا يامن ،يلا على السوق علشان منتاخرش

خطت خطوتين للامام ولكن يامن لم يبرح مكانه وظل على وضعه
فرح بالم- يامن احنا اتفقنا على ايه
يامن تخلى عن صمته اخيرا- انا اسف يافرح،بدل ما انا اكون اخوكى وسندك فى الحياه ،انتى اللى بتعملى العكس،بتتصدى لاى حد يتعرض لى ،انا فعلا يقدر بنفخه يطيرنى،انا عاجز يافرح ودى الحقيقه

فرح بتنهيده لتخرج ما بداخلها من ضيق-استغفر الله العظيم منه لله ،انت فعلا سندى يا يامن ،انا معاك بحس بالامان صدقنى ،سيبك من اى كلام ممكن يحطمك ، القوة الدنيه مش هيه القوة الحقيقه ،قوتنا الحقيقيه فى اخلاقنا وقوة ايمانا بربنا يا يامن ،العاجز فعلا هو اللى بامكانه الصلاه ومش بيصلى ،بإمكانه الصيام ومش بيصوم حتى قدامه المصحف ومش بيقدر يفتحه يقرأ ولو سطرين من كتاب الله

انت قوى جدا يا يامن ،مش بالقوة البدنيه،، قوتك هنا،واشارت الى قلبه ،انت قلبك ابيض اوى يا يامن ،متسمحش لحد يأثر عليه

ابتسم يامن الى اخته التى تستطيع دائما وبكل براعه اخارجه مما هو فيه -انا بحمد ربنا انه رزقنى باخت زيك يا فرح،ربنا يجعل حياتك كلها فرح يا حبيبتى
بادلته فرح الابتسامه-وانت معايا يا حبيب فرح

يامن-طيب يلا بسرعه علشان متاخرش اكتر من كده ،ورانا مذاكرة كتير ،انتى ناسيه اننا ثانويه عامه السنادى

دخلوا السوق وقالوا دعاء دخول السوق
(لا إله إلا الله وحده لا شريك له، له الملك، وله الحمد، يحيي ويميت، وهو حي لا يموت، بيده الخير، وهو على كل شيء قدير)
-----------------------

تعرفى يافرح انا نفسى ادخل هندسة جدا ،انتى عارفه انى كويس فى الرياضه وكمان متمكن فى الرسم ،تفتكرى هنجح

فرح_اكيد طبعا هتنجح ،قول يارب واعمل اللى عليك وذاكر
استرسل يامن فى خيالاته _بحلم انى يكون عندى شركه كبيرة،وانا قاعد فى مكتبى والموظف عندى يجى يقولى باشمهندس يامن الورق جاهر ومستنى امضتك يافندم ،يااااه حلم جميل اوى ،ساعتها هحققلك كل طلباتك واعوض ماما وبابا عن كل اللى عانوه بسببى
رته
كانت فرح تنظر له بابتسامة امل
يامن بمزاح _ممم ،طيب خلاص هبقى اخليكى السكرتيره بتاعتى
ظل يمرحان ويحلمان طوال الطريق

عادا الى المنزل وبداخل كل منهم امل وتفاؤل للمستقبل

تناولوا طعامهم وذهبوا الى مذاكرتهم كى يستطيعوا تحقيق حلمهم
****

امال_امجد انت رايح فين
امجد_خارج يا ماما عايزة حاجه يا قمر
امال_مش هتذاكر شويه يا ميدو الامتحانات ع الابواب
امجد _بعدين ،بعدين مش فاضي ،سلام يا قمر
امال _استنى بس يا امجد
كان امجد قد تركها واستقل سيارته ليلحق باصدقاءه الفاسدين مثله
امال بتعجب_الولد مشى وانا لسه مخلصتش كلامى
كارم وهو يزفر بضيق من الخلف _مفيش فايدة فيه،مش هتغير ابدا،كنت بقول لما هيكبر هيعقل ويعرف مصلحته لكن كل يوم بيزيد للاسوء

امال وهى تقترب من زوجها_ليه بس يا كارم ما الولد كويس اهو

كارم بغضب_فين اللى كويس،الولد تقريبا طول اليوم برا ومش بشوفه ولا مرة ماسك كتاب

امال_ ماهو بيجى فى مواعيد الدروس بتاعته ،الولد مش مقصر ،المستر بتاعه بيقول أن دماغه كويسه جدا وهيجى منه

كارم_ هيجى منه لو ذاكر ،لكن الاستاذ معتمد على المدرسين اللى بيجوا له الفيلا وبس

امال _يوه بقا يا كارم انا غلبت معاك ،لما يجى ابقى اتكلم معاه،بس بشويش ياكارم،انا مش عايزة امجد يزعل

زفر كارم بضيق وهز رأسه فى يأس_انا رايح الشركه ،محتاجه حاجه
امال_لا انا كمان رايحه النادى ،ابقى تعالى على هناك علشان نتعشى سوا،باى ياروحى

****

امجد فى النادى
بيتكلم فى الهاتف

امجد_ايه يابنى انت مش ناوى ترجع بقا

ادهم_صعب فى الفترة دى يا امجد ،بابا مش ناوى يرجع الا لما نخلص انا واختى دراستنا ،وهو كمان عنده شغله

امجد_بس انت وحشتنى ،وحشنى خروجاتنا زى زمان

ادهم_ يااه ده كان زمان،واحنا عيال لسه ،انت مش ناوى تعقل بقا وتذاكر شويه

امجد بغرور_يابنى واذاكر ليه،انا كده كده هدخل الكليه اللى أنا عايزها، بإشارة واحده بس

ادهم_ ياامجد ،لازم تحس بالمسؤوليه شويه ،امال مين اللى هيمسك شركات ابوك بعد كده

امجد _لااا شركات ايه ووجع دماغ ايه،انا كده فل ،بدخل وبخرج براحتى وعايش حياتى ،اجيب العكننه لنفسى ليه

ادهم _ربنا يهديك يا صاحبي،هقفل انا عشان عندى كورس ،ابقا سلملى على البت نودى وحشتنى

امجد_يوصل ياخويا،اهى جايه عليا اهى ،الظاهر بتيجى على السيرة
ضحك ادهم_الله معك يا كبير ،سلام
امجد _سلام

نودى وشلتها

سما_بنات بصوا كده مين اللى واقف يتكلم فى الموبايل ده
ليان_مش ده امجد كارم ،واو دى البنات كلها هتموت عليه وهو منفض لهم كلهم
ندى_ايه ده ميدو هنا انا رايحه اسلم عليه
البنات_خدينا معاكى يا نودى متبقيش ندله

نظى وهى تقترب من امجد_امجد حبيبى عامل ايه وحشتنى اوى

امجد بوجه عادى_هاى نودى ،اخبارك

نودى بدلع_وحشه مش غيرك طبعا ،ماما عامل عليا انا واسر حظر علشان المذاكرة ،والنهارده يوم البريك

امجد بضحك_هههه كفارة

نودى_يدوم الضحكه يا ميدو

امجد_ نودى انتى عرفتى الاسم ده منين

نودى بغرور_من انطى امال طبعا ،مش بتبطل كلام مع ماما عنك ،كل شويه ميدو ميدو

جاء امجد ليتحدث ولكن تدخلت فى حوارهم الفتيات

ليان_احم،ازيك يا امجد باشا انا ليان ،نورت النادى بجد

ابتسم لها امجد مجامله_ميرسى ليكى

ليان وهى تنظر لسما_وااو ده ابتسملى امجد بنفسه ابتسم لى يا سما

سما بلهفه هى الاخرى _وانا سما ،صديقه نودى الروح بالروح ،ومعجبة بيك جدا

ابتسم امجد فى غرور فهو معتاد على هذه الكلمات من فتيات النادى ويسر بها جدا فهى تزيده غرورا وتكبر_ميرسى لذوقك يا قمر

سما _يا نهار ابيض بيقولى يا قمر انا مش مصدقه انا هيغمى عليا

اغتاظت ندى من تصرفات الفتيات لجذب انتباه امجد اليهن _فى ايه يا بنات انا مش هعرف اتكلم شويه مع ابن خالتى ولا ايه
ليان _سورى نودى ،بس منقدرش نشوف امجد كارم فى النادى ومنسلمش عليه،كده ولا ايه يا سارة
سما بهيام وهى تنظر لامجد باعجاب_اه طبعا ،ده اليوم ده هيتسجل فى التاريخ

فى المساء

كان امجد عائدا من الخارج متأخرا كالمعتاد
كارم_ امجد
امجد بتعجب_بابا ايه اللى مصحيك لحد دلوقتي
كارم بضيق _كويس انك عارف انك جاى متاخر
امجد بلا مبالاه _ده العادى بتاعى

كارم_وهتفضل لحد امتا كدا

امجد _ عادى يا بابا وايه المشكله
كارم_انت ناسى انك ثانويه عامه السنادى ولازم تذاكر علشان تجيب مجموع كويس

امجد _ما انا بذاكر يا بابا

كارم بسخريه_ياسلام ،حلوة اوى مذاكرة ليلة الامتحان دى

امجد بغرور_والله يحمدوا ربنا انى بذاكرلهم ليله الامتحان

كارم _ يا امجد اسمع الكلام متغلبنيش معاك

امجد _بابا انا مش فاهم انت زعلان ليه، واذاكر ليه واتعب نفسى اصلا فى ثانويه عامه وانا عارف ومتأكد انى هدخل الكليه اللى هشاور عليها،يبقى ليه كل ده
كارم باستياء من هذا الولد المستهتر _ يعنى أن عايز تكون فاشل تيجى تمسك الشركات متقدرش عليها

امجد _ بابا اظن اتكلمنا فى الموضوع ده قبل كده وقلت لك انى مليش فى البيزنس ده ومش بحبه ،انا تعبت وطالع اوضتى انام

كارم وهو يحملق به مزهولا _ماهذه الامبالاه وما هذا الولد العجيب ،امجد استنى انا لسه مخلصتش كلامى
كان امجد يصعد الدرج فأشار له بظهر يده دون أن ينظر اليه كاد كارم أن يجن ولكنه صبر نفسه،انه مازال صغيرا وانه عندما يكبر قليلا سيعقل او هكذا ظن

*****

جاء موعد ظهور نتيجه الثانويه العامه و والكل يرتقب فى توجس فها هو بعبع الثانويه الذى يسمونه التنسيق،يقرر مصير الطلبة فيصعد باحدهما الى القمه ويخسف بالآخر لسابع ارض ،منظومه فاشلة ،ونتيجه تنسيق ظالمه ،قد تبعد طالبا من حلمه بسبب درجه واحده فقط فارقه اليس هذا قهرا ،قد يتمكن طالبا من الغش فتترتفع درجاته دون عناء ويترك الاخر الذى تعب وكد اقل منه لمجرد انه راقب الله ولم يغش ،
يامن بضغب فشل فى اخماده_ لاااا مش معقول حلمى راح بسبب درجه واحده بس ،معقول هندسه راحت منى ،انا هفضل طول عمرى اعانى كده ،مش هفرح ابدا فرح محاولة تهدئته وكما تفعل دائما

_اهدى يا يامن ،مراحتش ولا حاجه ،مش شرط هندسه القاهره،نبعد شويه،وممكن كمان نعمل تظلم
يامن وما زال على عصبيته _مفيش هندسه متاحة ليا غير فى الصعيد،وانتى عارفه انى مش حمل السفر او البعد بالشكل ده،وكمان أن قبلت كمان

فرح _ طيب بس هدى نفسك وان شاء الله هنلاقى حل

يامن وقد وصل الى قمة غضبه _ فين الحل ده،لحد امتا هتفضلى كده متبلدة المشاعر ،كل شويه اهدى ومتزعلش واخده الامور ببساطه انتى مش بتحسى ودفشها بقوة فوقت على الارض
،انا الظاهر مكتوب عليا مفرحش فى حياتى ،حتى الكليه اللى قلت هتنسينى معاناتى وتنسينى كونى معاق،راحت خلاص ،تقدرى تقوليلى انا عايش ليه ها ،انا بكرهك يا فرح وبكره نفسى

اغرورقت عيون فرح بالدموع ليس حزنا على نفسها وانما على الحالة التى وصل اليها اخيها من اليأس ،تحاملت على نفسها ونهضت بصعوبه بعد أن دفشها يامن بقوة اوجعتها اقتربت منه وهى تبكى
_يامن ارجوك متعملش فى نفسك كده ،مفيش حاجه مستاهله لكل ده وهمت لتمسك يده
يامن_ابعدى عنى انا مش طايقك فاهمه ،بكرهك يافرح ،ايوة بكرهك فضلتى تخلينى احلم فضلتنى تخلينى عندى امل وفى الاخر كله راااح ،واسند رأسه بالحائط بيأس ودموع

بكت فرح على ما قاله اخيها كثيرا ،كانت تشعر به بمعاناته بالمه فهى كانت معه ولم تفارقه ابدا، كانت معه عندما يتنمر احدهم به كانت ترى نظرات الخزى والبكاء الذى كان يجاهد فى اخفاءها،كانت تسمع سخريه الاخرين منه واحيانا تطاولهم بالايدى عليه ،وهو ضعيف لا قوة له لمجابهتهم ،كانت معه وهو يذاكر بكد وترى فى عينيه الامل الذى سوف يعوضه عن معاناته،كانت تشاركه حلمه وهو يتحدث معها عن مستقبله ويبنيان ويخططان له ،لم يدخر يامن جهدا ،كان يذاكر بكل طاقته ،لكنه القدر ابى أن يحقق له ما يريد
،حزنت لاجله وخافت أن ينتكس ويرجع الى حالته وهو صغير لا يستطيع المشى مرة اخرى،
دارت بها الارض ودارت الاشياء من حولها وبدأت تفقد الرؤيا شيئا فشيئا الى أن سقطت على الارض يحيطها الضباب
فاق يامن على صوت ارتطام قوى ادى الى خروج الدم من رأسها

جن جنون يامن واقترب منها محاولا افاقتها _فرح ،فوقى يا فرح ،ارجوكى ،انا اسف والله اسف،انا بحبك يافرح ،صدقينى مقصدش ولا كلمة من اللى قلتها فى حقك يااختى ،قومى وضع يده على راسها فوجده ينزف دما
صرخ باعلى صوته _فررررررح انتبه الجميع على صوت يامن حتى الجيران جاءوا لينظروا ما فى الامر
احسان _ فرح بنتى حبيبتى ،ايه اللى حصل يا يامن يامن وهو لا يكاد يرى من فرط الدموع_فجأءه وقعت على الارض وبنتزف

محمود وهو يحمل ابنته بسرعه _مش وقته بينا على المستشفى حالا

يامن _استنى يا بابا لازم نحط حاجه نوقف الدم الاول والا على ما نوصل للمستشفى تكون اتصفت لا قدر الله بحث يامن فى حاجيات اخته باحثا عن حجاب ليربط به رأسها حتى لا تنزف اكثر ثم قام بلف حجابها عليها باحكام وساعد امه فى وضع عباءه عليها لانها كانت ترتدي ملابس البيت

وصلوا الى المشفى ،دخلت فرح مع الطبيب والممرضات لم يتحمل يامن رؤيه اخته هكذا فخرج من خارج غرفه الكشف انهار باكيا ارضا
_يارب نجيها يارب،،سامحنى يارب،انا عارف أن حصلها كده بسببى ،علشان انا اعترضت على قضاءك وسخطت ،سامحنى يارب،انا راضى باللى كتبته ليا ،فلك الحمد ولك الشكر،درس النهارده قاسى اوى 


google-playkhamsatmostaqltradent