أخر الاخبار

رواية اهدتني معاقا (لكنه القدر) الفصل الخامس 5 بقلم اسماء عبدالهادي

رواية اهدتني معاقا (لكنه القدر) الفصل الخامس 5 بقلم اسماء عبدالهادي


بس اتعلمته،ياااارب ،يارب نجى فرح اختى يارب،استغفرك واتوب اليك

هنا علم يامن غلطته ،علم انه ما كان ينبغى له أن يفعل ولا يقول ما قاله،علم انه كان ينبغى أن يصبر كما كان يفعل دائما ،فنهايه الصبر حتما مرضيه ،علم انه اخطأ فى حق اخته التى تحملته وعانت معه وشاركته اعاقته ،تناست حياتها وأصبح اخيها جل همها ،وها هو يجازيها بكلامه السىء معها،علم أن عدم دخوله الكليه التى أرادها ليس نهاية العالم ،يمكنه فعل اى شىء طالما الامل فى الله موجود بكى وبكى خوفا وطمعا فى رحمة الله

محمود _قوم يا يامن متعملش فى نفسك كده ،قوم فرح عايزاك جوا

يامن بصدمه_فرح فاقت ،امسك والده من كتفه بسعاده_فرح كويسه بجد يابابا؟!

محمود بسعادة _ربنا يباركلكم فى بعض ياولادى،الحمد لله ثمرة تربيتى فيكم اثمرت ،ربنا يحببكم فى بعض دائما وتكونوا سند لبعض،ادخلها يا يامن

جرى يامن الى غرفه فرح بقدر ما يستطيع،وجدها تجلس على السرير تستند على الوساده،ورأسها ملفوف بضمادة طبيبه
يامن بسعاده _فرح حبيبتى حمدا لله على سلامتك،انا اسف،سامحينى

فرح _انا مش زعلانه منك يا يامن،وعمرى مهما عملت ما هزعل منك ابدا ،انا زعلانه عليك يا يامن،متخيلتش يحصلك كده،خفت حالتك تدهور وترجع تانى متقدرش تقف ع رجليك
يامن_اتعلمت يا فرح ،غلطت وبعتذر ،انا مكانش ينفع اعمل كده ،غلطت في حقك يافرح،صدقيتى مفيش ولا كلمة من اللى قلتها فى حقك حقيقه
فرح_متفهمه ومش زعلانه يايامن
يامن بحب اخوكى صادق_انتى جميله اوى يافرح،انا مشفتش حد كده،متحملانى ومتحملة غضبى وصابرة

فرح_لو مكنتش اتحمل اخويا وقد ضعفه ،مين هيتحمله ،يامن انت اخويا ،عارف يعنى ايه اخوات يا يامن
اخوات يعنى السند فى الحياه ،اخوات يعنى نكمل بعض نشجع بعض نساعد بعض

يامن_بحبك اوى يافرح،دايما بحمد ربنا انه رزقنى باخت زيك ،مش عارف من غيرك كنت هعمل ايه

محمود _اسف لمقاطعه الجو الشاعرى ده ،يلا اشربوا العصير ده علشان الخضه اللى اتخضيتوها

يامن_تسلم يا بابا واخذ عصيره واعطاه لفرح_خدى ده كمان يافروح ،

فرح _ لا طبعا ، اشربه انت انت مش شايف وشك مخطوف ازاى

احسان_اختك معاها حق،ده انت ياحبة عينى كنت هتموت من الخوف على اختك،ربنا يخليكم لبعض ياولادى ومتتفرقوش ابدا (هل فعلا لن يفترقا فى النهايه)
******

_امجد ،امجد قوم بقا بقالى ساعه بصحى فيك ،ايه ده قتيل نايم
امجد بنعاس_عايز ايه يازفت ،اخرج دلوقتى مش فايقلك

اسر_يا امجد قوم بقا النتيجه هتظهر خلال دقائق ومش بعيد تكون ظهرت اصلا ،وحضرتك نايملى فى العسل

امجد وما زال نائما ومغمض عينيه

طب وانا مالي،جاى تصحينى وتقلقنى ليه

اسر_انت ايه يا اخى البرود بتاعك ده،انا مشفتش كده بجد

امجد بنفاذ صبر _انا سايبك قاعد تغلط فيا وساكت لاحظ ده ،اخرج بقا متخلنيش ازعلك

اثر_لا كده كتير،امجد بطل بياخه بجد النتيجه ظهرت والكل عايز يطمن عليك

امجد _قولهم كويس وعايز يكمل نوم ارحمنى بقا

اسر_لا والله انت مجنون بجد انا مشفتش كده ،يابنى قوم شوف نجحت ولا لا

امجد وهو يعتدل فى جلسته على السرير_اللهم طولك يا روح ومموتش الزفت اللى واقف قدامي

اسر بلا مبالاه _الله يعزك يابن خالتى

امجد_ناولى الاب اللى عندك مع انى مش فارق معايا اعرف يعنى مش عارف عاملين كده ليه ،قال يعنى النتيجه دى هتغير حاجه من الواقع

اسر_اللى يشوفك كده يقول انك كنت مقطع الكتب مذاكرة ،وانت كنت مقضيها ،والله ابوك هيولع تحت وخايف لا تكون شايل مواد

امجد وهو يضع قدما فوق اخرى _مش امجد كارم اللى يشيل يا شاطر ،انا صحيح مش بذاكر بس بمزاجى مش معنى كده انى بليد لازم تفهم ده كويس

اسر _طب يلا ياعم اقسم بالله اعصابى باظت ،دى ولا كإنها نتيجتى

فتحت امجد حاسوبه وفتح موقع النتائج ومن ثم قام بادخال الرقم الخاص به ،فظهرت صفحته والنتائج بالتفصيل

نظر اليها امجد بلا مبالاه نظرة سريعه ومن ثم التوى صغره بابتسامة
لم يتحمل اثر وسحب منه الاب ونظر به

اسر بتنهيدة _الحمد لله مش شايل حاجه،بس جبت ٧٠℅

امجد_وانت كنت متوقع ايه

اسر_بصراحه كنت متوقع انك متوصلش ال٥٠ انت مكنتش بتذاكر من اصله

امجد وهو يدفشه بالمخده_ ليه يالا فاكرنى لسه بفك الخط ،انا جايب النتيجه دى بمزاجى وبدون مذاكرة وعارف انى لو كنت ذاكرت كنت قفلت كمان

اسر بسخريه_ياسلام ومعملتش ده ليه

امجد _واذاكر ليه واتعب نفسى ،وانا عارفه هدخل كليه ايه ما قبل ما ادخل الثانويه حتى

اسر _ياجبروتك ياخى ،انا نازل بدل ما يجرالى حاجه

امجد_اه. انزل لانى خلاص قفلت منك

اسر_انت ليه محسسنى انك انت الكبير مش انا

امجد بغرور _علشان انا كده فعلا،ولا عندك اعتراض
اسر_لا يا خويا هوا انا اقدر،ده انت ايدك زى ...ولا بلاش ،انا نازل
ابتسم امجد له فهو يحب اسر ويعتبره صديقه رغم اختلاف اعمارهم لكن على ما يبدو أن امجد مسيطر على الوضع
*****

نزل اسر الى اسفل
واخبرهم بنتيجة امجد ،سر الجميع بالخبر وخاصه كارم فهو لم يكن ليتحمل كون ابنه فاشلا

امال _الحمد لله يا كارم الولد نجح الحمد لله
كارم وهو يظهر الضيق _بس انا كنت عايز مجموع احسن من كده
امال_احمد ربنا انه نجح ،واكيد انت هتدخله الكليه اللى يحبها

كارم بغرور حالم _اكيد طبعا ،علشان يمسك الشركات معايا واتباهى بيه بين موظفين الشركه ابن كارم شرف الدين مدير شركات شرف الدين كلها ويكون سندى انا خلاص كبرت

فريدة_متقولش كده ربنا يعطيك الصحه يا كارم بيه
كارم_ميرسى يا فريده هانم
نودى_ده ظلم بقا انا محبوسه طول الوقت علشان اذاكر واجيب ٨٣ ،وامجد اللى مذاكرش خالص يجيب ٧٠ليييه

امجد وهو فى قمة شياكته واناقته قائلا بغرور_قدرات بقا يابنتى

امال وهى تحتضن ولدها_مبروووك يا ميدو ياحبيبى ،

امجد_فين هدية النجاح بقا ،مش هقبل باقل من عربيه جديده احدث موديل

كارم_ما انت لسه مغير عربيتك من كم شهر

امجد_زهقت منها،انت عارفنى بزهق بسرعه

امال وهى تنظر لكارم لكى يوافق على طلبه_احلى عربيه لاحلى ميدو فى الدنيا،وكمان هنعمل بارتى علشان نحتفل بنجاحك انت ونودى

نودى_ ياااا _هو ده الكلام تسلميلى يا انطى

******
_مامى ،ليه سيبتينى ومشيتى يا مامى ،ده انا كنت جايه افرحك بنجاحى بنتك خلاص كبرت وداخله الجامعه ،ليه تسيبينى كده يا مامى واغرورقت فى بكاء مرير

الفيومى بعدم تأثر_ كفايه بقا يا نغم بقالك اسبوع على الحال ده ،انتى ايه مزهقتيش؟!

نظرت له نغم بالم وظلت فى دوامة احزانها تبكى فقد رحلت عنها القلب الوحيد الحانى الذى كان يحنو عليها ويهتم باحوالها ،فوالدها واخوها لا يعتبرانها جزء من هذه الاسرة،لا يرونها من الاساس ،اخوها شاب طائش سىء الطباع ،يشبه اباه ف كثير من الصفات اهمها القسوة والشده
والدها الفيومى لا يهتم بها يهتم بابنه لانه يريده ان يشاركه اعماله ويشعر انه نسخه عنه ،اما نغم فهى فتاة ساذجه نسخه من امها البائسة
الفيومي-لااا كده كتير ،شهااااب

شهاب-نعم يا بابا
الفيومى-اسمع عقل اختك والا هتصرف تصرف مش هيعجبها ،وبعدين تعالى المكتب عايزك

اقترب شهاب من نغم -خلاص بقا ،بكاءك ده مش هيرجع حاجه هيه. راحت خلاص ،وابوكى على اخره لما تشوفيه حاولى متبكيش قدامه تمام ،يلا اطلعى على اوضتك تستريحى ولا تحبى تخرجى تروحى النادى ؟

حاولت نغم التماسك- انا هطلع اوضتى
شهاب -تمام يلا ،هخلى فاتن تطلع لك الاكل فوق

ثم ذهب الى مكتب والده دق الباب ثم دخل بعد ان اذن له والده،ليس احتراما وانما يخشى من والده وقسوته
الفيومى-تعالى ياشهاب عملت ايه مع اختك ،دى صداع اوى

شهاب-ولا حاجه كلمتها بهدوء وسكتت وطلعت اوضتها،البنات دول عبط اوى،عايز تخليهم يسمعوا كلامك ،اتكلم معاهم بهدوء ومسكنه

الفيومى-المهم سيبك بقا من كل ده ،اخبار بن كارم شرف الدين ايه

شهاب بضيق-اهو نجح فى الثانويه واكيد ابوه هيدخله خاص

الفيومى-اسمع عايزك ،متسيبوش لحظه ،كرهه فى شغل الشركه وفى الدراسه وفى نفسه لو حبيبت ،عايز حياته كلها فسخ وخروجات ومزاج وبس ،من الاخر كده عايزة حد لا يعتمد عليه ،علشان لما ابعت لكارم الضربه القاضيه ميلاقيش اللى يقف جنبه ويساعده

شهاب-لا من الناحيه دى اطمن،ده امجد ده صايع اساسا،لا بيذاكر ولا عايز يشتغل مع ابوه من الاساس واعتقد انه عايز يدخل الجامعه،علشان يقضى له يومين حلوين وخلاص ،يعنى من الاخر هوا مستوى لوحده

الفيومى بضحكه صفراء-حلو اوى ،والله وعرفت تربى يا .يا كارم ،حيث كده بقا ادخله فى الشرب والمخدرات ،عايزه يكون عيل من عيالنا

شهاب وهو يرفع عاجبه اعجابا بمكر والده-ده انت ناويله بقا
الفيومي- هاهاها كل خير ده كارم ده حبيبى

شهاب-انت هتقولى وضحكوا سويا

____
يامن_فروح ايه رايك نخرج نتمشى شويه

فرح_بجد يا يامن،انا فعلا محتاجه الخروجه دى
يامن_طب يلا ادخلى البسى وانا كمان هروح اغير هدومى

_بابا انا نازل شويه انا وفرح ،محتاجين حاجه نجيبها واحنا جايين
_تيجوا بالسلامه يابنى ،خد الفلوس دى علشان لو اختك احتاجت حاجه
_متحرمش منك يابابا،معايا مصروفى ومفيش دراسه فمتوفر معايا الحمد الله
_بردو خدهم معاك ،متحرمش اختك من حاجه يا يامن
_فرح فى عيونى يابابا ،انا خارج النهارده علشانها حسيتها زهقانه فقلت اغيرلها المود
_ربنا يباركلها فيك يارب
فرح _انا جاهزة يلا يا يامن

****
كان امجد يقود سيارته ومعه اصحابه بالداخل _ايه الملل ده ،المدرسه كان فى حاجه بنتسلى بيها
_ايه رايك يا كبير نروح نلعب بلياردو
_ممم وهوا كذلك ملعبتوش من زمان ،فرصه ارجع بطولات زمان ،وفجاءه غير رايه ووقف بالسيارة بصورة مفاجئة
_ايه وقفت ليه يا امجد
امجد بخبث_التسليه جت لحد عندى ،بينا نتسلى شويه
****
فرح_انا مبسوطه اوى يا يامن الجو هنا تحفه
يامن_ حبيبتى انا لو اعرف انك هتكونى سعيدة كدا كنت جبتك كل يوم خليكى هنا هروح اجيب عصير واجى علطول ،فرح متتحركيش من مكانك
فرح _حاضر
مشى يامن قاصدا اقرب ماركت ليبتاع منه العصير
شاهد امجد عرجته وسولت له نفسه المريضه التسلية به قليلا متناسيا انه بشر سواء مثله تماما

امجد_ايه ده ياشباب ،انا اول مرة اشوف سلحفه ماشيه فى الطريق كده عادى

فهم يامن انه يتحدث عنه فتجاهله واكمل طريقه وكأن الامر لا يعنيه،فالتف الشباب حوله ليمنعوه من المرور

امجد_مستعجل على ايه ،احنا لسه معملناش معاك الواجب ،ثم غمر لصاحبه

هم يامن باختراقهم لكى يعبر فهو لا يريد أن يسبب المشاكل
شاب_على فين يا كميلة ،لسه امجد باشا مسمحش بده
نظر يامن بتحدى الى امجد_ممكن اعدى يا ...امجد باشا

امجد باعجاب محاولا اخفاءه_ايه ده انت طلعت بتتكلم زينا عادى
يامن_اه تصدق غريبه وبسمع كمان شوفت بقا

امجد بغضب من استهزاء يامن بكلامه_لا وعندك لسان تتريق بيه كمان

يامن بهدوء_ ممكن تتفضلوا علشان اعرف امشى؟!

وقف امامه امجد_طب ما تمشى حد مانعك
هم يامن بالعبور الا أن امجد وضع قدمه امامه فتعرقل يامن وسقط على الارض

السادس من هنا
تعليقات



حجم الخط
+
16
-
تباعد السطور
+
2
-
close