رواية سأظل عذراء الفصل الثالث 3 بقلم احمد سيراج
روايه سأظل عذراء ..
بقلم / احمد سيراج
البارت الثالث ...
دعاء واسماء وهما خارجين من الكليه فجأه لقت حد بينده عليها بصت وراها لقت احمد العريس اللى متقدملها.
اسماء : مين ده يا دعاء .
دعاء : ده احمد العريس اللى متقدملى .
اسماء : طب مهو مز وقمر اهو يا بنتى امال مش موافقه ليه
دعاء : اسكتى بس هو جاى يسلم علينا .
احمد : اذيك يا دعاء .
دعاء : الحمد لله يا احمد صاحبتى اسماء .
احمد : اهلا يا اسماء .
دعاء : كنت عاوزنى فى حاجه يا احمد .
احمد : لا ابدا ده انا كنت مخلص شغل بدرى وقولت أعدى عليكى اوصلك بعربيتى .
دعاء : لا معلش اصل انا عندى محاضرات كتير النهارده .
احمد : عادى استناكى لما تخلصى اوصلك .
دعاء : لا معلش عندى محاضرات كتير ومش عاوزه اعطلك معايا .
احمد : اوك زى ما تحبى يا دعاء مع السلامه يا جماعه .
اسماء : ايه يا بنتى قله الذوق بتاعتك دى احنا خلصنا المحاضره ومعندناش محاضرات تانيه وهو كان هيوصلنا مفيهاش حاجه يعنى .
دعاء : لا فيها يا اسماء اركب ليه ما واحد معرفوش .
اسماء : صبرنى يارب على البت الهبله دى متعرفهوش ايه يا جزمه انتى هو مش جه اتقدملك امبارح ومعاه أهله ومفيهاش حاجه يعنى لما يوصلك يمكن عاوز يتكلم معاكى كلمتين ومعرفش يقولهم امبارح .
دعاء : خلاص يا اسماء لو سمحتى ولو مبطلتيش ذن هسيبك والله وأروح لوحدى .
اسماء : اهو ده اللى انتى فالحه فيه كل ما يحصل حاجه خلاص يا اسماء خلاص يا اسماء يلا ياختى نتبهدل فى المواصلات عيله غاويه فقر .
دعاء : وصلت البيت .
ليلى : الناس مستنين الرد يا دعاء وباباكى عاوز يديهم كلمه عشان يجيبوا الشبكه .
دعاء : ماما انا مش موافقه على العريس ده من فضلك متضغطيش عليا .
ليلى : ليه يا حبيبتي مش موافقه ده شاب كويس ومحترم ومن عيله وابن ناس ده غير أنه موظف ومعاه عربيه وباين عليه شاريكى عارفه هيجيبلك شبكه بكام
دعاء : لا مش عارفه يا ماما ومش عاوزه اعرف يا ستى .
ليلى : مالك يا حبيبتي انتى فيه حد فى حياتك او حد لاعب فى دماغك من شباب اليومين دول اللى عاوزين يتسلوا وخلاص ويلعبوا ببنات الناس .
دعاء : لا يا ماما لا حد ولا اتنين وانتى عارفه بنتك على ايه كويس ومش هسمح لحد يلعب بيا او اكون لعبه فى ايد حد.
ليلى : امال فيه ايه يا دعاء احمد شاب كويس واى بنت لو مكانك تتمناه .
دعاء : يا ناس افهمونى انا عاوزه اخلص دراستى وأثبت ذاتى ومش عاوزه ولا شقه ولا عربيه ولا شبكه كبيره مش عاوزه اتجوز جواز صالونات يا ماما عاوزه احب واتحب .
ليلى : يا حبيبتي مافيش احسن من الحب اللى بعد الجواز صدقينى اسمعى كلام مامتك حبيبتك وسيبك من جو الافلام القديمه ده اللى كلت دماغك .
دعاء : يعنى انتى من وجهه نظرك يا ماما أن الحب والجواز عن حب افلام قديمه امال ازاى كنتى بتحكيلى حبك لبابا وانكوا اتجوزتوا عن حب.
ليلى : يا بنتى يا حبيبتي زمان حاجه ودلوقتى حاجه تانيه
دعاء : لا يا ماما ده مش كلامك الحب موجود فى كل وقت وفى كل زمان .
ليلى : يا حبيبتي رجاله وشباب زمان غير رجاله دلوقتى وكان الجواز سهل بملاليم ومكنش حد بيبص لحد أنما دلوقتى الجواز بقى مكلف جدا وكلوا بقى بيبص لبعضه وشباب اليومين دول مش بتوع جواز صدقينى بتوع تسليه وبس وده شاب كويس وليه مستقبل وداخل البيت من بابه ويكفى أنه شاريكى .
دعاء : وعرفتى منين بقى انه شارينى يا ست ماما .
ليلى : من مامته يا حبيبتي وبتقول لو حصل نصيب احمد هيجيب لدعاء شبكه ب 100 الف .
دعاء : وانا مش عاوزه كل ده يا ماما انا عاوزه راجل يحبنى وأحبه يخاف عليا واخاف عليه يكون فى ضهرى وامان ليا .
ليلى : ومين قالك أن احمد بقى مش كدا اسمعى كلامى وبكرا تقولى ماما قالت ومش هتلاقى احسن منه .
دعاء : اوك يا ماما ربنا يقدم اللى فيه الخير أن شاء الله وبرده هصلى صلاه استخاره وهشوف.
ليلى : ماشى يا حبيبتي صلى النهارده كدا وطمنينى علشان الناس مستنين من باباكى كلمه .
دعاء : حاضر يا ماما.
بعد صلاه العشاء دعاء صلت استخاره ونامت والصبح مامتها بتصحيها .
ليلى : دودو قومى يلا صحى النوم يا قمر .
دعاء : صباح الخير يا ماما .
ليلى : صباح النور يا حبيبتي ها طمنينى صليتى امبارح .
دعاء : ايوه يا ماما صليت .
ليلى : طب مستنيه ايه طمنينى .
دعاء : مش عارفه يا ماما بس حاسه انى مرتاحه وبس لما صحيت من النوم .
ليلى : يبقى طالما حسيتى انك مرتاحه يلقى ربنا كاتبلك احمد يكون من نصيبك أن شاء الله انا هقوم بقى أبلغ باباكى عشان يرد على الناس لأنهم مستنيين الرد .
دعاء : اوك يا ماما .
ليلى : الحمد لله يا ممدوح دعاء صلت امبارح وقايمه من النوم بتقولى حست براحه للموضوع .
ممدوح : يعنى اكلم الناس النهارده ارد عليهم اننا موافقين .
ليلى : اه يا حبيبى كلمهم وشوفوهم جاهزين امتى يجيبوا الشبكه .
ممدوح : انتى متاكده أن بنتك موافقه ده جواز يا ليلى مش لعب عيال ومينفعش نغصبها على الجواز .
ليلى : اه متأكده وهى موافقه كلمهم انتا بس .
ممدوح : خلاص انا هصلى مع والد الضهر النهارده وبعد الصلاه هقوله اننا موافقين .
بعد ما والد دعاء ووالد احمد صلوا الضهر مع بعض.
ممدوح : احنا مش هنلاقى زى احمد شاب كويس ومحترم وملتزم واحنا أن شاء الله موافقين .
بابا احمد : ربنا يقدم الخير أن شاء الله يا حاج ممدوح ولو جاهزين نجيب الشبكه الاسبوع الجاى أن شاء الله .
ممدوح : خلاص ماشى الاسبوع الجاى مناسب أن شاء الله .
ممدوح : انا اتفقت مع والد احمد يا ليلى أن الشبكه الاسبوع الجاى عرفى بقى دعاء عشان تلحق تجهز نفسها وتعزم صحباتها .
ليلى : حاضر هقوم اعرفها اهو واقولها .
ليلى : باباكى رد على الناس يا دودو وقالهم أننا موافقين والشبكه الاسبوع الجاى أن شاء الله الف مليون مبروك يا حبيبتي .
دعاء : الله يبارك فيكى يا ماما .
ليلى : قومى يلا صلى الضهر وانا كمان هقوم اصلى عشان قربنا على العصر وأشوف اخوكى راح فين الموكوس ده .
دعاء : هههههههههههه هتلاقيه صايع فى اى مكان يا ماما وهيجى يقولك كنت فى الدرس .
ليلى : ماشى يلا نقوم نصلى الضهر العصر خلاص هيأذن .
دعاء كلمت صحابها وعزمتهم على الشبكه بتاعتها.
وبعد مرور أسبوع يوم الشبكه.
ليلى : قومى بقى يا عروسه كل ده نوم يلا عشان عشان تلبسى وتروحى الكوافير وتظبطى نفسك احمد وأهله جايين النهارده عشان تروحوا تختاروا الشبكه وتلبسيها النهارده.
دعاء : اوك يا ماما.
بعد ما دعاء راحت الكوافير ولبست وجهزت .
ممدوح : اتفضلوا يا جماعه دعاء جاهزه وهنزل مع بعض نجيب الشبكه .
وبعد ما نزلوا ولفوا على محلات الدهب اختاروا محل كويس عجبتهم فيه حاجات كويسه .
احمد : شوفى كدا دى يا دعاء عجباكى .
دعاء : اه حلوه يا احمد .
اختاروا الشبكه ورجعوا البيت يتفقوا على ميعاد الفرح .
بابا احمد : احنا جاهزين من كل حاجه وخير البر عاجله .
ممدوح : ايوه بس احنا لسه هنجهز يا دعاء .
بابا احمد : دعاء بنتنا ومش عاوزينها غير بشنطه هدومها .
ممدوح : بس دعاء فاضل ليها سنه فى الكليه وانا شايف اننا نخلى الفرح بعد سنه يكون خلصت الكليه بتاعتها .
بابا احمد : ومالوا لما تتجوز وتكمل السنه دى عند أحمد.
ممدوح : والله انا مقدرش احكم فى الحاجه دى بالذات انا هشاور دعاء وهبقى ارد عليكوا .
بابا احمد : طب تمام تستأذن احنا بقى وخير أن شاء الله .
ليلى : ايه رأيك يا دعاء نعمل الفرح وتتجوزوا وتكملى السنه دى عند أحمد .
دعاء : ازاى يا ماما اتجوز وبعدين اكمل انا كدا مش هعرف اذاكر .
ليلى : يا حبيبتي هو موظف وبيرجع متأخر من شغله وابقى ذاكرى لما يكون مش موجود وفين بنات كتير اتجوزت وهى لسه فى الكليه .
دعاء : اوك يا ماما .
ليلى : انا خلاص هخلى بابا يتفق معاهم على كل حاجه والأجهزة بتاعتك هننزل انا وانتى وخالتك امل نجبهالك انا كنت بحوش ليكى من زمان عشان اليوم ده والحمد لله معايا مبلغ كبير هجبلك بيه احلا جهاز يا حبيبتي .
دعاء : ماشى يا ماما اللى تشوفيه .
ليلى : باباكى كلمهم واتفقوا على كل حاجه والفرح الشهر الجاى يعنى يعد 25 يوم بالظبط يا حبيبتي الف مليون مبروك .
دعاء : الله يبارك فيكى يا ماما .
وتمر الايام بسرعه ويجى ميعاد الفرح اللى هو النهارده .
صحاب دعاء كلهم فى الفرح يا بختها ما شاء الله عريس زى القمر عقبالنا يا بنات .
والفرح خلص وأحمد اخد دعاء وطلعوا على البيت ودخلوا شقتهم وكانت دى اول ليله لدعاء بعيد عن مامتها واهلها .
اول ما احمد دخل الشقه ولع النور وكلم دعاء وقالها.
احمد : دعاء انا هاخد شاور وانتى كمان خدى شاور وتعالى نتوضى ونصلى ركعتين لله .
دعاء : لا صلى انتى عشان بس تعبانه شويه يا احمد .
احمد : اوك يا دعاء .
