رواية سأظل عذراء الفصل الرابع 4 بقلم احمد سيراج
روايه سأظل عذراء .
بقلم / احمد سيراج
" البارت الرابع "
وبعد ما احمد خلص صلاه .
احمد : انا بجد اسعد راجل فى العالم انى معايا اجمل واطعم بنوته فى العالم كله ربنا يخليكى ليا وميحرمنيش منك ابدا يا دودو .
دعاء : ولا يحرمنى منك يا احمد .
فى الصباح أهل دعاء جايين يزورهم .
ليلى : اذيك يا احمد عامل ايه يا عريس .
احمد : الحمد لله يا طنط .
ليلى : امال دعاء فين يا احمد .
احمد : بتلبس وخارجه يا طنط .
ليلى : طيب انا هدخلها انا يا احمد .
احمد : اتفضلى يا طنط البيت بيتك .
ليلى : صباحيه مباركه يا عروسه .
دعاء : انتوا عاملين ايه يا ماما وبابا عامل ايه والواد وليد الرخم عامل ايه وحشتنى غلاسته ورخامته.
ليلى : ايه دودو اللى يشوفك كدا يقول انك متجوزه بقالك سنه وبعيده عننا .
دعاء : وحشتونى والله يا ماما .
ليلى : وانتى كمان يا حبيبتي المهم طمنينى عليكى يا ست العرايس .
دعاء : انا كويسه الحمد لله يا ماما .
ليلى : ماشى يا حبيبتى يارب دايما تبقى كويسه .
دعاء : امال بابا فين ووليد .
ليلى : قاعدين مع احمد برا يلا قومى غيرى وسلمى عليهم .
دعاء : اوك يا ماما دول وحشونى اوى .
ليلى : انا هقوم اققعد معاهم وانتى تعالى ورايا .
دعاء : اوك يا ماما .
ممدوح : عامله ايه دودو وحشتينى يا حبيبتي .
دعاء : وانتا كمان يا بابا وحشتنى جدا .
وليد : وحشتينى يا دودو .
دعاء : وانتى كمان يا لولو ووحشتنى غلاستك ورخامتك عليا هههههههههههه.
ممدوح : يلا بقى يا ليلى نسيب العرسان يرتاحوا .
احمد : لسه بدرى يا عمى اقعدوا اتغدوا معانا .
ممدوح : لا معلش يا حبيبي مره تانيه أن شاء الله عندى مشوار مهم وأم دعاء هوصلها فى طريقى عند اختها .
احمد : ما تتكلمى يا دعاء ينفع يجوا ويشموا على طول كدا .
دعاء : لا اكيد مش هيمشوا انا سيباهم بس يتكلموا دول هيباتوا معانا كمان النهارده .
احمد : هههههههههههه ينوروا طبعا البيت بيتهم .
ليلى : لا معلش هنقوم احنا بقى يا دعاء باباكى عنده مشوار مهم وانا راحه عند خالتك .
دعاء : والنبى خدينى معاكى اشوفها دى وحشتنى اوى .
ليلى : هههههههههههه لا هى اللى هتجيلك ياختى تسلم عليكى وتشوفك يلا هنقوم احنا بقى .
دعاء : اوك مع السلامه وسلميلى على خالتو كتير يا ماما .
احمد : انا هقوم اخد شاور يا دودو وهتوضى واصلى .
دعاء : اوك يا حبيبي .
تليفون احمد رن وهو كان عامله صامت ودعاء شافته بالصدفه وافتكرت أنه نفس الرقم اللى كان بيرن عليه وهو كان رايح يتقدم ليها .
دعاء : بتقول لنفسها طب ارد ولا اعمل ايه خايفه ارد احمد يزعقلى انا هصور الرقم بفونى وأشوف مين ده على التروكلر .
احمد بعد ما اخد الشاور واتوضى وصلى الضهر .
احمد : مالك يا دعاء قاعده ساكته كدا ليه .
دعاء : مافيش يا احمد انا كويسه صحيح فيه حد كان بيرن عليك من شويه .
احمد : والله طب هاتى الفون كدا اشوف مين اه ده واحد صاحبى اكيد كان عاوز يباركلى.
دعاء : واحد صاحبك ومش مسجله باسمه ليه .
احمد : عادى يا حبيبتي كنت مسجله ومسحته بالغلط ونسيت تانى اسجله .
دعاء : اوك يا احمد .
احمد : انا هقوم ارتاح شويه .
دعاء : اوك يا احمد .
دعاء لما احمد دخل غرفه النوم مسكت فونها ودخلت الرقم اللى كان بيرن على احمد ظهر ليها على التروكلر بأسم بنت اسمها ريهام .
دعاء اتصدمت وبتقول لنفسها لا اكيد دى واحده صاحبته عاوزه تبارك ليه طب لو واحده صاحبته ازاى مش جاب سيره عنها وبعدين هو قالى أنه ملتزم ومعندوش أصحاب بنات ولا يمكن يكون فعلا ده واحد صاحبه وبيرن من تليفون تانى أو متسجل على التروكلر بالاسم ده .
دعاء ايه اللى انا بعمله ده اكيد فيه حاجه غلط انا هقوم اتصل بأسماء احسن.
دعاء : اذيك يا اسماء عامله ايه .
اسماء : انتى اللى عامله ايه يا دودو يا حبيبتي كنتى اجمل عروسه امبارح عقبالى يا بت يا دعاء .
دعاء : هههههههههههه مستعجله عليه ايه ياختى .
اسماء : لا مش مستعجله ياختى ادينى اهو قاعده مستنيه الفارس اللى هيجي يخطفنى على حصانه .
دعاء : هههههههههههه فارس ويخطفك وحصان الافلام القديمه لحست دماغك المهم عاوزاكى فى خدمه يا اسماء .
اسماء : خير يا حبيبتي .
دعاء : فيه رقم بيرن عليا وعاوزه اعرف مين ده ممكن ترنى عليه وتشوفى مين ده بس متتكلميش شوفى بس صوت راجل ولا بنت .
اسماء : حاضر بس انتى ليه ما تتصليش بيه من عندك وتعرفى مين .
دعاء : خلاص يا اسماء مش عاوزه منك حاجه .
اسماء : خلاص يا بنتى هاتى الرقم .
دعاء : بصى هبعتهولك على الواتس وانتى رنى وشوفى مين بس وابقى عرفينى .
اسماء : اوك يا حبيبتي .
دعاء : يلا سلام انا هقفل دلوقتى وهبعتلك الرقم .
اسماء : اوك يا قلبى .
بعد ما دعاء بعتت الرقم لاسماء اسماء بعتتلها على الواتس وقالتلها أن الرقم ده ردت عليها واحده بتقول أن اسمها ريهام نفس الاسم اللى ظهر لدعاء على التروكلر .
احمد صحى من النوم واخد شاور ولبس وقال لدعاء انا نازل
دعاء : رايح فين يا احمد .
احمد : مشوار صغير يا حبيبتي مش هتأخر .
دعاء : اوك يا احمد .
دعاء لما احمد نزل لبست عبايه عاديه بسرعه ولفت الطرحه كل ده فى اقل من دقيقه ونزلت جرى ورا احمد شاورت لتاكس
دعاء : من فضلك يا اسطى خليك ورا العربيه دى اوعى تغيب عنك وهديك اللى انتى عاوزه .
سواق التاكسي : حاضر يا مدام متقلقيش مش هيغيب عن عينى مش جوزك ده برده .
دعاء : مستغربه من رد فعل سواق التاكسي وانتا عرفت منين يا اسطى أنه جوزى .
سواق التاكسي : اصل النهارده ثالث مره تركب معايا واحده ست وتقولى ورا العربيه دى وفى الاخر يطلع جوزها وتكتشف أنه بيخونها معرفش الرجاله جرى ليها ايه الموضوع اتعكس دلوقتى الستات اللى بيراقبوا رجالتهم وبيدورا وراهم يلا ربنا يهدى .
دعاء : ايه اللى انتا بتقوله ده يا اسطى على فكره ده مش جوزى ده اخويا وخرج زعلان وانا نزلت اصالحه.
سواق التاكسى : ماشى يا مدام
عربيه احمد وقفت والتاكسى وقف ورا العربيه من بعيد .
احمد نزل من عربيته دخل العماره ودعاء قالت لسواق التاكسى استنانى لحظه واحده من فضلك دعاء طلعت جرى ورا احمد ودخلت العماره وراه من غير ما ياخد باله وطالعه على السلم واحده واحده . احمد طلع الدور الثالث ورن الجرس وفتحت واحده ست اول ما شافت احمد قالته وحشتنى يا احمد واخدته بالحضن ودخلوا الشقه . كل ده ودعاء واقفه مزهوله من الموقف ومش مصدقه اللى بيحصل اكيد انا فى حلم شويه ومسكت أعصابها ونزلت وركبت مع سواق التاكسي ورجعت البيت .
دعاء دخلت البيت وهى منهاره من العياط ومش قادره اتصلت بأسماء .
دعاء : الحقينى يا اسماء .
اسماء : مالك يا حبيبتي بتعيطى ليه
دعاء : احمد بيخونى يا اسماء .
اسماء : بيخونك ايه الهبل ده ده انتوا لسه مكملتوش اسبوع جواز .
دعاء : والله بيخونى يا بنتى ولو حد قالى مكنتش هصدق الكلام ده زى ما انتى كدا مش مصدقه دلوقتى .
اسماء : اه طبعا مش مصدقه اكيد فيه حاجه غلط .
دعاء : بصى انا هحكيلك اللى حصل وفعلا دعاء حكت من اول ما احمد نزل من البيت وهى نزلت وراه لحد ما شافته فى احضان الست دى .
اسماء : انا بجد مش مصدقه الكلام ده .
دعاء : خلاص متصدقيش يا اسماء.
اسماء : طب قوليلى بس هتعملى ايه دلوقتى .
دعاء : مش هخليه يقرب منى ولا يلمسنى .
اسماء : يعنى هو لحد دلوقتى مش لمسك .
دعاء : ايوه يا اسماء .
اسماء : ايوه ايه يا بنتى ايه الهبل ده ده متجوزين بقالكوا اسبوع .
دعاء : انا كنت بتحجج بأى حاجه يا اسماء فهمانى .
اسماء : اه فهماكى بس اكيد مش هتفضلى تقوليله كدا على طول وبعدين هو محاولش يقرب منك ولا يلمسك طول الفتره اللى فاتت دى .
دعاء : مهو ده اللى انا كنت مستغرباه كل ما اققوله أو اتحجج بالحجه دى او اققوله تعبانه كان عادى بالنسبه ليه ومش بيضايق مش ملهوف عليا كدا انا اعرف ان اى راجل بيكون مستنى الليله دى بفارغ الصبر ده معناه أنه جرب حاجه زى كدا قبل كدا عشان كدا ده طبيعى بالنسبه ليه فهمانى يا اسماء مش هعرف أوضح اكتر من كدا .
اسماء : فهماكى وفاهمه تقصدى ايه فعلا عندك حق اى راجل بيكون مستنى اليوم ده حتى لو قولتى عندك حجه أو ظروف معينه كان حتى هيقرب منك او هيلمسك.
دعاء : ايوه هو ده بقى قصدى هو محاولش خالص ده ملوش غير معنى واحد أنه جرب قبل كدا يعنى مش فارق معاه .
اسماء : طب وهتعملى ايه دلوقتى يا دعاء يا حبيبتي .
دعاء : مش عارفه بس كل اللى انا عارفاه أنه مستحيل يلمسنى ولا هخليه يقرب منى حتى لو هموت نفسى .
اسماء : تموتنى نفسك ايه بطلى الهبل ده وقومى استغفرى ربنا واتوضى وصلى ركعتين .
دعاء : بس اللى انا مستغرباه أنه بيصلى وعارف ربنا مش ممكن ابدا حد يفكر أنه بيعمل كدا وكل الناس بتحترمه وبتشكر فيه .
اسماء : هما كدا الرجاله كدا يا حبيبتي عاملين بيعرفوا ربنا بس هما من جواهم اوساخ وبيحبوا الرمرمه وموضوع الصلاه والتدين ده والاحترام عشان يسبك الدور ومحدش يشك فيه .
دعاء : عندك حق فعلا الرجاله كلها كدا . معلش انا وجعت دماغك بمشاكلى يا اسماء .
اسماء : وجعتى دماغى ايه يا حيوانه انتى يا بنتى احنا مش أصحاب احنا اخوات ولو قولتى تانى كدا هزعل منك .
دعاء : ربنا مايحرمنى منك ابدا يا حبيبتي . انا هقفل دلوقتى بقى .
اسماء : ماشى يا حبيبتي وابقى طمنينى .
دعاء : حاضر.
احمد رجع البيت .
احمد : وحشتنى يا ست البنات .
دعاء : كنت فين يا احمد .
احمد : كنت بزور واحد صاحبى كان تعبان اوى وكنت بشوفله دكتور .
دعاء : ولما روحت لصاحبك ارتاح ولا لسه تعبان يا احمد .
احمد : ارتاح ازاى مش فاهم يا دعاء .
دعاء : مش بتقول انه تعبان وانك جبتله دكتور اكيد هيرتاح .
احمد : اه اه ارتاح وبقى كويس . حضرليى الحمام عشان مرهق جدا وعاوز اخد شاور وانام .
دعاء : اوك .
دعاء كلمت اسماء صاحبتها تانى وقالتلها على اللى حصل اول ما احمد رجع .
دعاء : اسماء انا عاوزاكى فى خدمه ممكن .
اسماء : طبعا يا قلبى خير .
دعاء : انا هديكى عنوان العماره ورقم الشقه اللى احمد كان فيها وعاوزاكى تعرفى مين الست دى .
اسماء : طب وانا هدخل عندها ازاى واققولها ايه .
دعاء : اتصرفى يا اسماء انا مش قادره افكر ولا هعرف انزل انا .
اسماء : اوك أهدى بس كدا وانا هتصرف .
دعاء : اوك اتصرفى بس مش عاوزه أسمى يجى فى الموضوع .
اسماء : فاهمه متخافيش .
دعاء : اوك يا حبيبتي ربنا ميحرمنيش منك يا قمر .
اسماء فعلا اخدت العنوان من دعاء وراحت وطلعت الشقه ورنت الجرس وفتحتلها المدام صاحبه الشقه .
بس قبل ما اسماء تروح فكرت فى فكره عشان تدخل الشقه وتقعد تتكلم مع المدام صاحبه الشقه .
يا ترى اسماء فكرت فى ايه....
اللى يعرف اسماء عملت ايه يقول .
اللى عاوز يكمل البارت الخامس يكتب تم .
