رواية احبك يا بنت عمي الفصل الثالث 3
الفصل الثالث عدا شهر ومي منهارة وتعبانة ومنار كانت بتبات معاها وتخفف عنها شوية
في يوم
أم منار : مي يا بنتي مينفعش إلى بتعملية دة امتحاناتك قربت وأنتي مش بتروحي الكلية إلا كل فين وفين ولا نسيتي وصية أمك
مي : افتكرت كلام أمها وقعدت تعيط
أم منار : اهدي يا بنتي وقومي ذاكرى وانا هكلم عمك بكرة
مي : عمي مين
أم منار : عمك محمد يجي يخدك بعد الامتحانات
مي : للدرجة دي انا تقيلة عليكم يا طنط
أم منار : متقوليش كدة يا بنتي ربنا عالم بمعزتك عندي وإني بحبك زى منار بس دى كمان وصية أمك
مي : يارب رحمتك ، طيب ممكن تاجلى الاتصال دة بعد ما أخلص امتحانات
أم منار : حاضر زي ما تحبي
عدا شهر كمان وخلصت مي امتحانات فيوم أم منار قررت تتصل بأهل مي زى ما سعاد وصتها
أم منار : الو السلام عليكم ورحمة الله وبركاته
واحدة ردت : وعليكم السلام ورحمة الله
أم منار : ممكن أكلم الأستاذ محمد القاضي
الوحدة : نقولة مين
قوليلة واحدة عايزاة في حاجة مهمة
إلى ردت دى كانت الشغالة ومحمد دة يبقي عم مي إلى ورث كل حاجة بعد موت أبوه ومخلف ابنة مازن رئيس مجلس إدارة الشركة وهو ابنه الوحيد ومراتة ماتت ومتجوز ليلى إلى مخلفة بنت بس من واحد قبلة وكانوا على سفر
محمد : مين يا ام حسن
أم حسن : واحدة بتقول عاوزاك يا بية فحاجة مهمة قام محمد ومسك السماعة
محمد : الو مين
أم منار : انا جارة مرات أحمد اخوك الله يرحمه
محمد : الله يرحمه ، خير في حاجة
أم منار : الحقيقة مرات اخوك اتوفت من شهرين ووصتنا قبل ما تموت اني اتصل بحضرتك
محمد : وتتصلى بية لية
أم منار : اخوك مخلف بنت اسمها مى داخلة 4 طب وبعد أمها ما اتوفت ملهاش غيركم ، وعايشة لوحدها
محمد : اه فهمت هبعتلها السواق يجي يخدها
أم منار : بس
محمد : في اية تاني
أم منار : البنت في 4 طب وكليتها هنا
محمد : ماشي هبعت حد يحولها أوراقها جامعة القاهرة
أم منار : بس هي كانت بتقول مينفعش التحويل فى 4
محمد : مفيش حاجة اسمها مينفعش عند محمد القاضي
أم منار : سكتت
محمد : حاجة تاني
أم منار : لا خلو بالكم منها
محمد : طيب سلام وقفل السكة ، ورجع للسفرة
ليلي : مين إلى بيتكلم
محمد : دى جارة مرات اخويا الله يرحمه
ليلى : وعاوزة اية
محمد : بتقولى أن مرات اخويا ماتت وان اخويا عنده بنت وأنها هتيجي تعيش معانا
ليلى : نعم تعيش معانا ، اية وانت قولتلها اية ؟
محمد : قولتلها هبعتلها السواق يجيبها
ليلى : طب مش تاخد راينا
محمد : اخد رأيك في اية دى بنت اخويا وملهاش غيرنا
ليلي : وماتروح لأهل أمها
مازن : طنط معاها حق فعلا ماتروح لأهل أمها هو مش جدى اتبرا من عمي وحرمة من الورث عشان اتجوز واحدة أقل منة
محمد : إلى متعرفوش يا بشمهندس أن جدك وهو بيموت وصاني أسأل على مرات اخويا وبنتها وانا إلى قصرت واهي جت لغيت عندي وهنفز الوصية
مازن : ماشي نديها كام قرش وتخليها في اسكندرية
محمد : عاوز بنت عمك تعيش وحدها
مازن : انا مليش اعمام
محمد : إياك اسمع منك الكلمة دى تاني ، بنت اخويا هتيجي تعيش هنا يعني هتعيش هنا مهما كان دى شايلة اسم عيلة القاضى
ليلى : بس
محمد : مفيش بس ، انتهي النقاش
عند أم منار
منار : ها يا ماما قالك اية
أمها : قال هبعت السواق يجي يخدها بكرة
مي : مش هاين علية يجي ياخدني ، أهى بانت من أولها
أم منار : يا بنتي دة رجل أعمال مشهور اكيد مش فاضى
مي : اه طبعا مش فاضى ، وكليتي
أم منار : قال هينقلك جامعة القاهرة
مي : ازاى مينفعش
أم منار : هو قال مفيش حاجة صعبة عليهم
منار : طبعا يا بنتى واصلين
مي : يعني خلاص مش هرجع أسكندرية تاني
أم منار : لا طبعا الصيف كلة عندنا
مي : ما هو الصيف هيكون عندى تدريب في المستشفي
أم منار : هتلاقى وقت وهتيجي أن شاء الله
مي : أن شاءالله
أم منار : يلا يا منار ساعديها وجهزى شنطك عشان الصبح تتوكلى على الله
منار : حاضر يا ماما
جهزوا الشنط البنات ومي منمتش طول الليل .
