recent
روايات مكتبة حواء

رواية احبك يا بنت عمي الفصل الرابع 4

رواية احبك يا بنت عمي الفصل الرابع 4

🔸 الفصل الرابع 🔸
أم منار : صحت مي ومنار الصبح علشان يفطروا
مي : انا مليش نفس يا طنط
أم منار : لية بس يا بنتي
منار : كلى حاجة يا مي انتي مسافرة
مي : معلش مش قادرة بجد
أم منار : طارق رن علية وبيقولى السواق مستنيكي تحت
مي : ابتدت تعيط
أم منار : كفاياكي يا بنتي عياط
مي : مش مصدقة اني هفارق اسكندرية هتوحشوني أوي
منار : ابتدت تعيط وتحضن مي
مي ودعت شقتها وودعت منار وأمها وركبت مع عم أحمد و اتجهت للقاهرة
في بيت محمد القاضي
محمد : مي جاية النهاردة
مازن : مي مين ؟
محمد : مي بنت عمك
ليلى : هي اسمها مي
محمد : اه اسمها مى وفي 4 طب
مازن : طبيعي تبقي في طب
هبة بنت ليلى : طبيعي ازاى يعني
مازن : عشان عائلة القاضي مش يتخلف غير ناس متفوقة
محمد : كويس اديك اعترفت أنها من العيلة
مازن : سكت وحس بالندم على كلامة
محمد : هى هتوصل كمان ساعتين لازم نستقبلها
مازن : انا عندي شغل مش هستني حد
ليلى : وانا عندي ميعاد مع ميرفت هانم
هبة : وانا رايحة النادي
محمد : اه ابتدينا من اولها ماشي براحتكم انا هستقبلها و أبقوا اتعرفوا عليها بليل
كلة راح لمواعيدة وبعد ساعتين وصلت مي وكان عمها مستنيها
مي نزلت من العربية وكانت لابسة جينز اسود و فستان اسود نص كم طويل وعاملة شعرها ديل حصان وابتدت تنزل شنطها مع عم أحمد
محمد : أهلا أهلا أهلا حمد الله ع السلامة
مي : الله يسلمك
محمد : طبعا مش عرفاني
مي : لا بصراحة
محمد : انا عمك محمد يا مي شرفتي يا حبيبتي
مي : سلمت على عمها ، ازيك يا عمو
محمد : البقية فحياتك
مي : حياتك الباقية
محمد : انتي شبه ابوكي اوي
مي : الله يرحمه
محمد : انا مش عاوزك تحسي انك غريبة ابدا دة بيتك وانا ابوكي وأي حاجة تطلبيها أوامر
مى حست بالأمان شوية
مي : حاضر يا عمو
محمد : قال للخدامين يدخلوا شنط مي الفلة
محمد : انا خلتهم يجهزولك اوضة اطلعي ارتاحي يا حبيبتي عشان انا خارج عندي شغل
مي : هو انت عايش وحدك يا عمو؟
محمد : لا مش وحدي أم حسن هتقولك على كل حاجة عشان انا اتاخرت
مي : ماشي يا عمو سلام
محمد : سلام وركب العربية وراح على الشركة
أم حسن : ما شاء الله الخالق الناطق ابوكي
مي : انتي عارفة بابا
أم حسن : طبعا يا بنتى انا مربياهم على ايدية تعالى أما احكيلك عن الناس إلى عايشين في الفلة دى
مي : احكي
أم حسن : اول حاجة البشمهندس محمد عمك ومخلف مازن مهندس برضة وشغال معاة في الشركة
مي : هههههههه العيلة كلها مهندسين حتى بابا الله يرحمه مهندس
أم حسن : الله يرحمه
مي : ها كملى
أم حسن : وفي بقي ليلى هانم مرات محمد بية وبنتها هبة
مي : مش فاهمة يعني مرات عمي وبنت عمي
أم حسن : لالالالالا انتي مازن بس هو إلى ابن عمك إنما ليلى هانم دى مرات عمك وهبة دي بنتها من راجل تاني
مي : اه فهمتك
أم حسن : بس كدة
مي : طب احكيلى عن شخصيتهم وكدة
أم حسن : ليلى هانم وبنتها مغرورين اوي يا بنتي والاحسن انك تختصريهم دى ست شرانية كل همها تجوز بنتها لمازن عشان الفلوس
مي : يا ساتر ، طب ومازن
أم حسن : مازن حياتة كلها شغل فشغل بس ورث جبروت جدة وبيعامل الناس الفقراء وحش
مي : ياربي هعيش وسط الناس دى ازاى انا مش شبههم خالص
أم حسن : عمك محمد كويس
مي : اة في من حنية بابا
أم حسن : هسيبك ترتاحي
مي : ماشي
نامت مى والساعة 5 المغرب جت أم حسن تصحيها للغدا
أم حسن : ست مي قومي
مي : قامت اية يا دادة بلاش ست مي دى قوليلي مي بس
أم حسن : ربنا يخليكي يا بنتي نفس طيبة ابوكي ، محمد بية بيقولك انزلى عشان تتغدي وتسلمي على باقي العيلة
مي : غسلت وشها ولفت شعرها ونزلت وهي نازلة على السلم مشفتش على السفرة غير واحدة ست وبنتها ، اول ما قربت من السفرة
محمد : تعالى يا مي سلمي على ليلى مراتي وهبة بنتها ، مي سلمت على ليلى اهلا ازيك يا طنط
ليلى بقرف : الله يسلمك وبلاش طنط دى قوليلي يا ليلى بس
مي باستغراب : حاضر وبعدين سلمت على هبه أهلا ازيك يا هبه
هبه بتكبر وغيرة : أهلا
مي محستش بالراحة اول ما شافت ليلى وبنتها
محمد : اقعدى اتغدي يا مي معلش مازن عندة شغل وهيتاخر شوية
مي : مفيش مشكلة
محمد : انا حولتلك الورق بتاعك طب القاهرة
مي : شكرا يا عمو تعبتك
محمد : مش عاوز اسمع كلمة شكرا دى انا ابوكي فاهمة
مي براحة نفسية : ماشي يا عمو
ليلى وهبه منطقوش ولا كلمة من الغيظ

google-playkhamsatmostaqltradent