رواية الجميلة الفصل الثالث 3
انا بحبك
علي ايه جاتك خيبه تخيبك اكتر منتا خايب
ايه الرد ده انا بقولك بحبك علفكره مش بشتمك
مهو ده اكبر دليل انك خايب لما تحبيني انا
انتي عبيطه يبت انتي ولا ايه انتي تحلمي اصلا ان واحد زيي يقولك بحبك
ولا ولا بقولك ايه ماتكولش دماغي ولا احلم ولا محلمش اتكل ع الله وشوف نفسك رايح فين ولا اقولك انا الي ماشيه وسيبالك المكان كلو اهو اشبع بيه
ومشيت بعيد عنو ودموعها بتلمع ف عنيها
سلمي صاحبتها شافتها جنه جنه استني
جنه: وقفت وبتداري دموعها
ايوه ي سلمي في حاجه
سلمي : ايه يبنتي الي قولتيه ل اسر ده انا كنت جيالك وسمعت كل الي حصل ليه عملتي كده مع انك معجبه بيه والمفروض تفرحي فعلا انو طلع بيحبك انتي متخيله ان الي كل البنات ف الجامعه هتموت عليه طلع بيحبك انتي وانتي ترفضيه كده
جنه ده اكبر سبب يخليني ارفضو مستحيل واحد زيو يكمل معايا وانتي عارفه كويس ايه السبب ومش المفروض اسمع الكلام ده منك انتي بذات
واتحركت علشان تمشي وهي زعلانه منها
سلمي مسكت ايدها وقفتها يبنتي استني انا اسفه مقصدش والله بس ي جنه انتي مكبره الموضوع اوي انتي مش عندك حاجه خطيره لدرجه دي علشان تبقي خايفه تقربي من اي حد وبتبعدي حتي من غير متعرفي الشخص ده الي عندك انتي حلوه واي حد يتمناكي
جنه جميله بجد عينها واسعه وسوده بلون الليل وعندها طابع الحسن الي زايدها جمال وغمازتين بيظهرو لما تضحك وبشرتها البرونزي وجسمها مظبوط وقصيره الي حد ما
جنه وعنيها كلها دموع لا الي عندي خطير بالنسبه لاي حد انا اي عريس بيتقدملي ويعرف الي عندي بيمشي ومش بيرجع تاني وده ليه علشان خايف لما اخلف ولادو يبقا عندهم السكر زيي بسبب انو وراثي ومش عايز يشيل مسؤاليه وحده مريضه واي حاجه هتاثر فيها والحقيقة عندهم حق
دموعها غلبتها ونزلت غصب عنها
واكيد واحد زي اسر ده عايز وحده كامله مش يشيل مسؤاليتها وانا مش هستحمل انو يسبني لنفس السبب يبقا ابعد انا من الاول احسن
سلمي حست بحزنها وقد ايه وجعتها بكلامها اخدتها ف حضنها انا اسفه ي جنه والله اسفه مكنتش اقصد اضايقك اوي كده يحبيتي ومش عندهم حق علفكره انتي الف واحد يتمناكي وباذن الله ربنا هيعوضك بكل خير
جنه حضنتها هي كمان وعيطت ومره وحده حست بهبوط جامد سلمي الحقيني انا مش قادره اقف
سلمي مسكتها كويس علشان متقعش واتخضت عليها ف ايه طيب مالك
جنه السكر اكيد علي عليا او مش مظبوط علشان انا لسه ماخدتش الحقنه وخلصانه وكنت رايحه اشتريها سلمي لو سمحتي واديني اقرب مستشفي بسرعه
وفعلا اخدتها وخرجو من الجامعه بسرعه واخدو تاكسي وراحو ع اقرب مستشفي
دخلو الستشفي وسلمي لسه بتتكلم مع الممرضه علشان تاخدهم لدكتور
جنه داخت ووقعت
سلمي جريت عليها جنه والناس الي موجوده اتلمت عليها وشالوها ودخلوها لدكتور
سلمي وهي بتعيط ارجوك يدكتور الحقها بسرعه هي عندها السكر ولسه ماخدتش الحقنه
الدكتور طيب طيب دي اكيد دخلت ف غيبوبه سكر اتفضلي انتي بره وانا هتصرف
بعد شويه جنه فاقت لقت نفسها ف اوضه لوحدها وف ايدها في محلول ومفيش اي حد جنبها حتي سلمي ومش عارفه هي بقالها اد ايه نايمه
فكت المحلول من ايدها وخرجت بره الأوضه علشان تشوف فين سلمي ويمشو ملقتش اي حد برضو والمكان كلو هدوء فهمت ان ده اكيد انتهي وقت الزياره والكشوفات ووقت راحه فضلت ماشيه بتدور ف اي حته ع حد تكلمو
وهي ماشيه سمعت صوت جاي من اوضه بعيد عن كل الاوض بتاعت المستشفي وفي صوت لحد بيتخانق جوه والباب مش مقفول كويس فضولها دافعها تدخل تشوف في ايه
زقت الباب شويه ودخلت لقتها اوضه كبيره جدا جوه الجزء الاول ده كلو ادوات طبيه وفي باب تاني وده مفتوح وفيه واحد ووحده هما دول الي بيتخانقو وجنبهم سرير عليه ست شكلها نايمه مش فوعيها ومغطينها بملايه كلها دم والمكان جوه كل شكلو يخوف وفي دم ف كل حته
جنه ارترعبت من المنظر وخافت يشفوها وقفت بعيد بحيث تسمعهم وميشفوهاش
زينات الممرضه الي جوه بتزعق بص كده ي صلاح لم نفسك واطلع انتا من الموضوع ده الست دي جارتي وانا الي جيباها وانا الي هاخد الفلوس كلها من دكتور سمير وهو هيجي ويشوف
صلاح بيتكلم بشر بقولك ايه ده انا اقتلك انتي شخصيا واخلي دكتور سمير بتاعك ده يشفيكي كده مكانها قال تاخدي الفلوس لوحدك قال وضحك ضحكه شيطانيه وبيقرب منها ولا ايه حتي انتي زي الفل واعضائك كلها هتبقا حلوه كده وسليمه زيك ولا انتي شايفه ايه
زينات بلعت ريقها بخوف خلاص جاتك مصيبه نبقا نقسم بالنص وبعدين هو فين سمير ده اتاخر كده ليا يالا خلينا نخلص
جنه بقت مرعوبه وجسمها كلو بيترعش من الخوف ومصدومه من الي سمعتو وعايزه تطلع من هنا بسرعه قبل محد يشوفها
ولسه هتتحرك من مكانها وتجري بسرعه
خبطت في حد وارها كانت هتسرخ حط ايدو علي بوقها بسرعه
