رواية الجميلة الفصل الرابع 4
(الجميله) الجزء الرابع
جنه فاقت لقت نفسها نايمه ف اوضه نوم ودماغها بتوجعها بتبص حواليها بستغراب وبتحاول تفتكر ايه الي حصل وهي فين دقيقه وافتكرت كل حاجه وان اخر حاجه خبطت ف حد واكيد خطفها وهو تبع الناس دي قامت بسرعه تحاول تخرج من هنا فتحت باب الاوضه لقت
واحد قاعد ف الصاله ومشغل التلفزيون وبيشرب من المج بتاعو وقاعد يتفرج بكل هدوء
جنه خافت وعايزه تتحرك من غير مياخد بالو لسه بتتحرك من مكانها وقفها صوتو القوي
استني عندك انتي رايحه فين
جنه ثبتت مكانها من الخوف انتا عايز مني ايه سبني ارجوك انا مش هقول اي حاجه من الي شوفتها
امير ابتسم بهدوء وقرب منها حمدالله ع سلامتك ي انسه انا اسف ع الطريقه الي جبتك بيها هنا بس ده كان علشان احميكي مش اكتر
جنه فتحت بوقها مش فاهمه هو بيقول ايه
امير مد ايدو يسلم عليها اعرفك بنفسي انا دكتور امير الهواري دكتور جراحه وشغال في المستشفي الي انتي كنتي فيها
جنه بصت علي ايدو الي ممدوده ليها ومستغربه من الهدوء الي هو فيه طيب انتا دلوقتي يعني شرير ولا ايه انا مش فاهمه
امير ضحك علي تلقائيتها لا انا مش شرير انا الي انقذتك من الاشرار
جنه بصتلو بشك لا انتا شكلك شرير
امير يستي صادقيني مش شرير
جنه لا وربنا شرير مش انتا دكتور سمير ده الي هما كانو مستنينو اكيد انتا
امير انا ازاي يعني وانا لسه قايلك اسمي امير
جنه اه يبقا انتا اكيد دكتور تاني شغال معاهم
امير لا علفكره انا مش شغال معاهم انا بس دكتور ف المستشفي
جنه بشك امال كنت هناك ليه وليه اخدتني بالطريقه دي
امير اسكتي شويه وانا هفهمك انا كنت هناك ليه وليه اخدتك كده
جنه اتفضل فهم
امير بصي يستي انا شغال هناك زي م قولتلك ودكتور سمير ده الي سمعتو اسمو دايما بحس انو بيعمل حاجه غلط هو والاتنين الي انتي شوفتيهم وف اليوم الي انتي كنتي فيه هناك انا سمعتهم بيتفقو معاه انهم هيتقابلو الساعه 5 ف اوضه العمليات القديمه ودي محدش بيدخلها اصلا والمفروض انها اتقفلت ف رحت هناك قبل منتي تروحي وعرفت هما بيعملو ايه وبعدين خرجت اشوف سمير ده فين وكنت هحاول اثبت عليهم الموضوع ده واوديهم ف داهيه بس لقيت حضرتك هناك وبوظتي الدنيا كلها وكان لازم اخدك كده قبل م حد فيهم يشوفك
جنه يعني انتا ملكش ف الشغل الي هما بيعملوه ده
امير قلتلك لا ولا كنت اعرف عنو حاجه بس انتي بقا ايه الي جابك هناك ودخلتي الاوضه دي ليه اصلا
جنه باحراج انا مريضه سكر ودخلت ف غيبوبه وجيت المستشفي الزفت دي وبالصدفه دخلت الاوضه دي وحكتلو ايه الي حصل وبنرفزه الناس دي احنا لازم نبلغ عنهم دول لازم يروحو ف داهيه
امير اكيد بس احنا مش عندنا دليل والي انا عرفتو بعد كده ان حتي مدير المستشفى شغال معاهم والحوار في ناس كبيره واحنا مش هنقدر عليهم غير لما نثبت كل ده
جنه يعني ايه هنسيبهم كده يقتلو ف الناس ف ايه اكتر من اني شوفتهم وانتا كمان تشهد بكده
امير احنا مش هنقدر نعمل اي حاجه والي حضرتك متعرفهوش انهم بيدور علينا احنا الاتنين ولو لاقونا هيقتلونا من غير كلام
جنه بصدمه وزعيق انتا بتقول ايه امال ايه اخدتك قبل محد يشوفك ايه كل الهري ده
امير هما طلعو حاطين كاميرات ف الاوضه الزفت بتاعتهم دي وشافوكي لما دخلتي وشافوني انا كمان وانا بهربك وطبعا لازم يلاقونا علشان منقولش عليهم
جنه يسلام وانتا عرفت الكلام ده كلو منين ان شاء الله
امير فهم ان هي لسه بتشك فيه مسك فونو وشغلها تسجيل صوت امير انتا فين انتا لازم تهرب ع اي مكان بيعد انتا والبت الي معاك دي سمير والي معاه قالبين الدنيا عليكم وعرفو انك عرفت عنهم كل حاجه ومش هيسيبوكم خلص التسجيل ده واحد صاحبي ف المستشفي وهو الي اتصل حظرني منهم وانا سجلت المكالمه لاني عارف انك من الطبيعي انك هتشكي فيا وهتسالي كل ده كمان
جنه اطمنت شويه تمام ماشي وهو أنتا يعني لما هتجبنا بيتك هما كده مش هيعرفو يوصلولنا ايه الذكاء ده
امير ومين قالك اصلا اننا ف بيتي
...............................عند سلمي صاحبتها في المستشفى
سلمي بزعيق يعني ايه متعرفوش هي فين انا سبتها في مستشفي ولا ف الشارع
يوسف اخو جنه بنرفزه ازاي يعني احنا من امبارح هنا وكل م نسال حد يقولنا مشفهاش ايه الارض انشقت وبالعتها
امن المستشفى حضرتك احنا بنقولك مشفناش حد وهي والممرضه بتقولكم فتحت اوضتها ملقتهاش من امبارح وملقتش اي حاجه ليها ف الاوضه وده معناه انها هي مشيت بنفسها واخدت حاجتها كمان
سلمي يعني ايه مشيت بنفسها ولو مشيت مروحتش ع البيت ليه
يوسف ي سلمي انتي ليه مشيتي اصلا وسبتيها لوحدها
سلمي الدكتور قالي انها مش هتفوق غير تاني يوم قولت اروح اقولك واقول لبابا ف البيت ورجع معاك ده كل الي حصل
يوسف بقلق طيب هتكون راحت فين بس احنا من امبارح هنا ومطلعناش بحاجة
سلمي بعياط طيب هنعمل ايه يرتني م سبتها ومشيت انا الي غلطانه
هو في ايه ي استاذ انتا والانسه شايفكم بتزعقو من الصبح
بصو ع مصدر الصوت
يوسف بنرفزه وانتا مالك انتا اصلا
ياسر معاك الرائد ياسر مهاران وكنت شايفكم بتزعقو مع الامن من الصبح قولت ممكن اساعد
سلمي بفرحه اهو الحمد لله ظابط انتا فعلا ممكن تساعدنا
ياسر طيب ممكن افهم ف ايه
يوسف استني بس ي سلمي احنا ان شاء الله هنلاقيها ومش هنحتاج لبوليس ولا اي حاجه
ياسر بصلو ببرود انا علفكره جيت هنا علشان الانسه مش علشانك علشان شيفها بتعيط ومفيهاش حاجه لما اساعدكم ودي ي استاذ من غير م امشيها رسمي لاني اصلا جاي هنا من علشان شغلي انا جاي المستشفى عادي زي اي حد بس من واجبي لما الاقي حد محتاج مساعده اسعدو
يوسف اتكسف وسكت
ياسر اتفضلي ي انسه قولي في ايه
سلمي حاكتلو كل حاجه وهي بتعيط وبس ده كل الي حصل واحنا لغايه دلوقتي مش لاقينها ارجوك ساعدنا
ياسر طيب اهدي بس وانا باذن الله مش هسكت غير لما الاقيها
يوسف يارب فعلا تدخلك يجيب نتيجه
ياسر بصلو وسكت وجه كلامو ل سملي هو مين الاخ خطيبك
سلمي لا لا ده اخو جنه
ياسر ابتسم طيب الحمد لله انو مش قريبك اصلا
يوسف نعم
ياسر ايه ف حاجه
سلمي طيب يعني حضرتك دلوقتي هتعمل ايه
ياسر انا باذن الله مش هسكت غير لما الاقيها متقلقيش انتي خالص بس ممكن رقم تيلفونك علشان اتابع معاكي
يوسف طيب خد رقمي انا
ياسر بقرف لا شكرا انا بساعدها هي
سلمي ادتو رقمها ومشيت هي ويوسف
..............................عند جنه
جنه يعني ايه احنا مش فبيتك امال احنا هنا فين يعني
امير احنا اصلا مش ف القاهره
جنه بزعيق يعني ايه انتا بتقول ايه امال احنا فين
امير بهدوء احنا ف سينا منا لما مهو انا مش غبي علشان اهرب ف بيتي ولا اصلا ف اي حتي داخل القاهره ممكن ساعتها يوصلولنا بكل سهوله
جنه بصدمه ايه ايه انتا جبتني هنا امتا وازاي اصلا كل ده حصل ف ساعتين نمتهم
امير ضحك ساعتين ايه ي حجه انتي بقالك يوم نايمه وانا اديتلك حقنه بنج علشان متحسيش بحاجة وكان لازم اعمل كده علشان متساليش
جنه بزعيق وانتا تعمل كده معايا ليه اصلا ازاي تخليني امشي كده من غير مقول لاهلي انتا مجنون دول تلاقيهم قالبين الدنيا عليا
امير اتعصب جدا من زعيقها بوقلك ايه متعليش صوتك عليا كده تاني انا من الصبح مستحملك وبقول من الي هي فيه بس كده كفايه اوي انتي مش عايزه تفهمي اننا ف خطر ليه انا لو كنت سبتك كان زمانك ميته ومش لوحدك انتي واهلك كمان انا غلطان علشان حاولت احميكي
جنه مبقتش قادره تفهم الي هي اتحطت فيه وتعبت من كتر الضغط قعدت ع الارض وفضلت تعيط انا ايه الي بقيت فيه ده انا ف يوم وليله حياتي بقت ف خطر انا مش عارفه هعمل ايه مش عارفه
امير صعبت عليه وحس انو غلط لما زعقلها قرب منها وقعد جنبها انا مقدر كل الي انتي فيه بس انا كمان زيك ولازم مقعد كده فتره لغايه م نشوف حل واهلك انا هتصرف واخليكي تكلميهم وتطمنيهم عليكي
جنه مسحت دموعها وشكلها كان زي الاطفال يعني هتخليني اكلمهم بجد ولا بتشتغلني
امير ابتسم لا مش بشتغلك هخليكي تكلميهم قريب
جنه فرحت واخدت بالها انو قريب منها اووي احمم طيب ابعد كده ومتقربش مني اوي كده تاني ماشي واحترم نفسك علشان شكلنا مطلوين ف القعده سوا
امير ضحك حاضر شكلك كده هتطلعي عيني ف قعدتنا دي بس هعمل ايه قدري رماكي ف طريقي
الخامس من هنا
