رواية القدر والنصيب تحت سقف الحب الفصل الثالث 3 بقلم برنسس

رواية القدر والنصيب تحت سقف الحب الفصل الثالث 3 بقلم برنسس

 البارت الثالث

القدر و النصيب تحت سقف الحب بقلم #برنسسN

صباح يوم جديد غادرت عائلة احمد الأسيوطي إلى القريه مهره متوتره لا تعرف السبب و لكن تشعر بوجع في قلبها خوف لا تعرف سببه اما همسه تبتسم بمكر و تخطط كيف سوف تفشل تلك الزيجه بعد عدت ساعات وصل احمد و عائلته الي القريه بعد السير لوقت قليل و جدوا توفيق ينتظرهم بسيارته و معه سياره آخره بسائق ركبوا جميعاً و ذهبوا لمنزل توفيق

في القاهره و بتحديد شركة الألفي يجلس تيم خلف المكتب علي كرسيه و تجلس امامه فوق المكتب ميرا تلف يدها حول عنقه و تقبل خده

ميرا بدلع : خلاص بقي يا قلبي فك كده

تيم بانزعاج : ازاي بس يا ميرا جدتي مصره علي الجوازه دي و انا تعبت حتي مش عارف ليه مش بتحبك نفسي اقولها علي علاقتنا و اخلص و نتجوز

ميرا : انت عارف مش هتوافق

تيم : عارف بس الحل ايه

ميرا : تسمع كلامها لحد ما تطمنلك و تكتبلك نصيبك و بعد كده طلق و نتجوز

تيم : و الانسانه اللي هطلقها دي ذنبها ايه

ميرا : نصبها كده حد قالها توافق ترتبط بواحد متعرفوش ليه مفكرتش ان ممكن يكون في حياتك حد يعني اللي داخله داخله علي طمع تستاهل بقي و بعدين انت مش هتلمسها و بعد الطلاق هتديها قرشين حلوين دي ممكن تشكرك انت عارف جدتك بدور علي عروسه فقيره يعني دي هتكون فرصه لاي بنت

تيم : مش مقتنع انا هرفض و اللي يحصل يحصل مش عايز ورث و لا فلوس انا معايا اللي يكفيني

ميرا بغضب : معاك ايه يا تيم ممكن تقول عربيتك و مليون و لا مليون ونص في البنك دول يجوا ايه في اللي عند عائلتك دي بنسبه لجدتك فكه تجيب بيهم هديه ل تمارا و لا ناني دي اخر مره جايبه عقد الماظ ل ناني ب اتنين مليون و مغيره عربيه تمارا و دفعه فوق العربيه القديمه ٧٠٠ الف جنيه... فووق الشركه دي بقالك اكتر من ١٠ سنين تعبان فيها ليل نهار هتسيب كل ده ل نادر

#princessN

تيم : ايه الكلام ده اولاً زي ما انا تعبت نادر تعب و الشركه دي كبرت بادينا و تعبنا سوا ثم انا باخد حق تعبي كل شهر الفلوس اللي في البنك دي من مرتبي و مكفائتي يعني واخد حق تعبي و زياده و بعدين نادر ولا بيحب ولا مرتبط علشان كده معندوش مشكله في الجواز زي ما تاتا عايزه

ميرا : مين قالك انه معندوش مشكله طبعاً هو رفض الموضوع ده بس حطك انت في وش المدفع علشان عارف اننا بنحب بعض فووق بقي هضيع نفسك و حقك يا تيم

تيم وقف بانفعال : انتي اللي يهمك الفلوس و انا اولع بجاز

عادي

ميرا بذكاء تصنعت العصبيه : مين قال كده يلا نروح نكتب كتابنا فوراً بس لو جدتك تعبت او حصلها حاجه مترجعش تقول ميرا السبب يلا مستني ايه يلا فلوس ايه اللي اغلي منك يلا يا تيم هنتجوز فوراً انا مش عايزة فلوس انا عايزك انت

انهت كلامها ببكاء جلست علي الارض مدعيه الانهيار

ميرا ببكاء مصتنع :انا تعبت حبيتك و مقدرش استغتي عنك و مش عايزة جدتك تكرهك بسببي اعمل ايه بس يا ربي

رقد اليه تيم و جلس بجورها و ضمها

تيم بحزن : اسف يا حببتي حقك عليا انا غلطان انتي عندك حق خلاص هنفذ كلام تاتا و اتجوز و بعد كم شهر هطلق و اكون اخدت حقي في ورث بابا و رضيت تاتا اهدي بقا

مسحت ميرا دموعها وابتسمت : خلاص يا حبيبي انا مش زعلانه و كمان هاجي معاك بكره

وقف تيم و ساعدها علي الوقوف : احنا هنسافر بعد الشغل النهارده

ميرا : ليه السرعه دي مش بكره الصبح احسن

تيم : تمارا بتتعب من سفر الصبح فاهنسافر النهارده بعد العصر يعني قبل العشاء هنكون في البلد

ميرا بابتسامة : طيب يا قلبي هروح احضر نفسي و استناك تعدي عليه

تيم : ماشي

حملت ميرا حقيبتها و قبلت خد تيم و رحلت و جلس هو يفكر فيم سوف يفعل هل هذا صحيح ام خطأ

في منزل توفيق الجميع يجلسون بابتسامة الجده ام توفيق تضم مهره و همسه و تلعب بشعر الجواد الذي يجلس علي الارض بجوار قدمها تكلمت زوجة توفيق توحه

توحه بسعادة : يا الف خطوه عزيزه يا الف مرحب نورتم بيتكم ونورتم بلدكم ليه الغيبه دي بس دي كلها يا استاذ احمد وانتى يا ست كوثر ما وحشناكيش ما تقوليش كده تعالي يا ابو مهره نروح نشوف توحه والبنات تصدقي زعلتيني منك

كوثر؛ ههه حقك عليا بس انتي عارفه الحياه شغل احمد و شغل مهره وكليه همسه والثانويه العامه اللي طالعه لنا بقالنا ثلاث سنين لا عارفين نروح يمين ولا شمال ثانويه عامه و حاجه ربنا هو اللي العالم بحالنا بسبب جواد و الثانويه العامه

توحه : انت هتقولي لي يا حبيبتي ما انا عندي فريال نفس الحوار ثانويه عامه و مذاكره وراحه الدرس و جايه من الدرس و اتاخرت في الدرس لا راجعه بدري من الدرس وانا قاعده على اعصابي كده اهو بس ربنا يطمنا عليهم و يجبر بخاطر هم و ما يضيعش تعبهم يا رب لا هم ولا اي حد يا رب وينجح كل طالب يا رب ويريح قلب كل ام من الثانويه العامه وقرفها

الجميع : اللهم امين يا رب

توفيق : امال فين البنات يا توحه

ردت ام توفيق : ليلى في المدرسه وفريال في الدرس

للتعريف ليلى توفيق الاسيوطي 25 سنه تعمل مدرسه في احد المدارس الابتدائيه بالقريه رقيقه ورومانسيه وعصبيه

#بقلم_برنسسN

مخطوبه لابراهيم الساعاتي ابن خال ميرا ويعمل ابراهيم في شركه الالفي شخص ماكر جدا مصلحجي جدا من الاخر دزمه يعني

للتعريف : فريال توفيق الاسيوطي : 17 سنه ثانويه عامه بنت جميله مرحه دمها خفيف

توفيق : طيب يلا يا بنات علي فوق ارتاحوا شويه علي ما البنات تيجي دول مستنينكم من إمبارح

توحه : اي والله حتى ليلي كان عندها الحصه السابعه بدلتها مع واحده صاحبتها عشان تخلص كل الحصص بتاعتها قبل الفسحه وتيجي عشان تقعد معكم براحتها

مهره : عارفه كلمتني امبارح وقالتلي اي نعم احنا بنتكلمش كثير بس هي الحق يتقال كل فتره والثانيه لازم انا القيها بتتصل عليا وتطمئن علينا

ام توفيق : طبعا يا حبيبتي انتم اخوات ربنا يخليكم لبعض يلا خذي اختك يا حبيبتي وانتم عارفين الاوضه بتاعتكم لسه زي ما هي هي نفس الاوضه اللي بتيجيوا تقعدوا فيها ليلى وفريال مجهزينها من امبارح وانت يا جواد اوضتك جاهزه انت كمان يلا قومي يلا كل واحد ياخد شنطه على اوضة

ذهب الجميع لغرفهم حتي احمد و كوثر و ذهب توفيق ليحضر الحاجه نرجس كما قالت له تريد ان ترا زوجات احفادها لتتاكد منهم ف صور شتت افكارها في البداية صور قبيحه ثم صور في قمه الجمال بعد ساعه عاد توفيق مع الحاجه نرجس الجميع جالسون في الصاله الخاصه بمنزل توفيق داخلت نرجس وقف الجميع يرحبون بها باحترام مهره و همسه و جواد لا يعرفون من تكون و لكن القوا عليها التحيه بادب و احترام

نرجس بابتسامة : بسم الله ما شاء الله الله اكبر ايه الجمال ده يا احمد بناتك زي القمر

احمد بابتسامه : ربنا يخليكي يا حاجه ده من ذوقك يا ست يا ذوق

نرجس : تعالى يا حبيبتي انتي وهي اقعدوا جنبي

ذهبت مهره و همسه و جالسوا بجوارها

نرجس : مين فيكم بقى مهره ومين همسه

مهره بابتسامة : انا مهره

همسة بابتسامة : وانا اكيد همسه

نرجس بحب : بسم الله ما شاء الله عليكم ربنا يحفظكم يا حبايبي انتم بقى طبعا مش عارفين انا مين

ابتسمت الفتاتين بخجل

نرجس بابتسامة : انا هعرفكم بنفسي و هاعرفكم كل حاجه بس انا عايزه اقعد معكم على انفراد ممكن

كوثر : انتي تؤمري يا حاجه مش تستاذني

نرجس بابتسامه : ما يؤمرش عليكي عدو يا ست كوثر زين ما ربيتي بنات زي القمر واخلاق اخلاقهم باينه عليهم ادب واحترام وخجل

احمد بسعادة : شكراً يا حجه

توفيق: ا تفضلي يا حجه في الصالون انتي والبنات تتكلموا براحتكم

ذهبت نرجس وخلفها الفتاتين ينظرون لبعضهم بعدم فهم دخلت نرجس وجلست وجلست الفتاتين امامها

نرجس بجديه : انا هدخل في الموضوع على طول من غير لف ولا دوران بصي يا حبيبتي انتي وهي انا نرجس او زي الناس. مابتقولي الحاجه نرجس عشان انا حجيت بيت ربنا وست كبيره انا بقى جده عرسانكم تيم ونادر انا كنت عايز اتكلم معكم في موضوع الموضوع ده يخصكم و يخص احفادى طبعاً انتم مستغربين ازاي جوازه بالسرعه دي ومن عرسان انت ما تعرفوهمش انا ممكن اسيب ابوكم يفهمك بس انا عايزه اتكلم معكم بنفسي

مهره : ا تفضلي يا حجه قولي اللي انتي عايزاه

نرجس : تسلميلي يا حبيبتي دلوقتي انا طلعت من الدنيا دي كلها باربع احتفاد ولدين وبنتين تيم ونادر وتمارا وناديه او زي ما بيقولوا لها ناني هما كل حياتي ولادى الله يرحمهم عملوا حادثه وماتوا هما ومراتتهم في يوم واحد وقبلها بكام سنه كان جوزي ميت ما فضليش في الدنيا دي غير الاربع حبتهم و ربتهم كبرتهم علمتهم و بسم الله ما شاء الله تيم و نادر هم اللي مسؤولين عن شغل الشركه وتمارا لسه في الجامعه وناني مصممه ازياء ههه انا قاعدت سنين عشان اعرف اقول الكلمه دي كنت الاول باقول عليها خياطه و كانت بتزعل

ضحكه الفتاتين

#برنسسN

نرجس تضحك : هههه ضحكتكم حلوه ربنا يجعل ايامكم كلها سعاده وفرح اللي انا عايزه اقوله لكم ان احفادي هم نور عيني وكل دنياتي وامنيتي في الدنيا دي ان انا اطمئن عليهم ومش هجوزهم لاي بنات والسلام لا انا بقالي سنين بادورلهم على بنات الحلال طبعا بتسالوا نفسكم شباب بالمواصفات دي واكيد والدكم حاكيلم عنهم ازاي ما شافوش لنفسهم عرائس اكيد طبعا هما عايزين يعملوا كده بس انا طبعا مش هسمح بكده انا ما كنتش عايزكم تعرفوا الموضوع ده وانا نبهت على توفيق ومراتوا بس قعدت مع نفسي وفكرت عرفت ان من حقكم تعرفوا انا ابني حسن ابو تيم زمان اتجوز واحده ربنا يسهلها بقى مطرح ما هي وريته و ورتنا المر لحد ما ربنا خلصوا منها على خير و اتجوز ام تيم بنت ناس و متعلمه هي كانت بنت ناس على قد حالهم وده مش عيب ولا حرام الفقر والغناء مش مقياس للبني ادم مقياس البني ادم اخلاقه ادبه وشخصيته كل اللي عايزه منكم تدوا لنفسك فرصه و تدوا لاحفادي فرصه

همسه : انا اسفه يا حاجه بس ندلهم فرصه ازاي احنا لا نعرفهم ولا يعرفونا

نرجس : ما انتم هنا عشان تتعرفوا علي بعض

مهره : عادي يا حاجه نعرفهم ما فيش مشاكل ويعرفونا مافيش مشاكل بس ده مش معناه ان احنا نرتبط

نرجس : لا هترتبطوا وهتجوزوا وهتعرفوا بعض

همسه بغضب : ده اللي هو ازاي يعني في حاجه اسمها كده يا حاجه انتي ترضى على حفيدتك كده

نرجس : احفادي مش اي كلام عشان تقولي ارضي على حفيداتي ولا مرضهوش مش تشكير في احفادى بس قسماً برب العزه لو القي واحد زي تيم و واحد زي نادر ل تمارا وناني اجوزهم الصبح

مهره : اهدي يا حاجه و حطي نفسك مكانا حضرتك جايا تطلبي ان احنا نتجوزهم وبعد كده افرضي حضرتك ان احنا ما تفهمناش معاهم وهم ما بتفهموش معانا و حصل طلاق طب بالنسبه لهم عادي عشان هما شباب انما احنا هيبقى حالنا ازاي يعني هنكمل حياتنا ازاي

نرجس بجديه : بصي يا بنتي الجواز و الطلاق دي حاجه بتاعه ربنا و قسمه ونصيب ما سمعتيش وما شفتيش اثنين اتجوزوا وخلفوا و اطلقوا بعد سنين عشره و ناس يوم الفرح بتطلق علي اتفه الاسباب و ناس كتبوا الكتاب واتخطبوا سنين حب ودلع وهزار وضحك وفي الاخر أطلقوا

همسه : طبعا سمعنا بس ده حاجه و ده حاجه يعني ما فيش مقارنه احنا لا نعرفهم ولا يعرفونا

نرجس : قولتلك يا حبيبتي هتعرفيهم مش هتعيشي مع واحد غصب عنك يا همسه يا حبيبتي وزي ما انتي قولتي اللي مرضهوش على تمارا و ناني مارضهوش عليكم والله العظيم انتم دخلتم قلبي و حبيتكم عشان كده هاخليكم انتم المسؤولين عن اهم حاجه في حياتي و هما عائلتي طبعاً هما هيبقوا اجوزكم و مسؤولين عنكم بس انا بقى الا هحملكم ومسئوليتهم انتم كمان انا يا بنات ست كبيره رجل بره و رجل جوه لو عشت النهارده مش هعيش بكره انتم هاتبقوا مكاني انتم اللي هتلموا العيله دي

همسه : يا حاجه لو سمحتي افهمينا احنا بنات متعلمه من حقنا نعرف شريك حياتنا و نختار اللي هنعيش معهم

نرجس : ما انا قولتلك يا حبيبتى ممكن تختاري واحد وتقعدي سنين تحبي فيه وفي الاخر يطلع زي عدمه

مهره بحزن : عندك حق يا حاجه بس يعني

نرجس : مابسش يا حبيبتي اسمعي مني والله العظيم والله العظيم احفادي الشباب كويسه وشباب محترمه من ناحيه الجمال بقى والحاجات اللي البنات بتدور عليها دي موجوده من ناحيه الاخلاق والاصل والتربيه مش عشان هما احفادى لا موجوده وانتم هتشوفوا ده بعينيكم واكيد ابوكم حكالكم عنهم عمر ما في واحد فيهم شرب سجاره و لا شاب فيهم داخل قسم في مشكله و لا حتي واحد فيهم اتجرأ يمشي وراء بنت و الكلام الفارغ ده

مهره : فعلا بابا بيشكر فيهم جدا بس ما فيش حاجه اسمها كده ده اللي بيطلب ده عامل زي المسلسلات والافلام

همسه بجديه :واحنا مش ممثلين يا حاجه احنا بنات عاديه ما يغركيش الشكل و العنين الملونه احنا ابونا رجل بسيط مش هيتحمل ان واحده فينا ما تقدرش تعيش مع جوزها وترجع له احنا ايتام عاشنا من غير ام

نرجس بحزن : الله يرحم امك كانت ست محترمه انا عارفه امكم من عيله غنيه واخترت ابوكم رجل فقير وعاشت معه لحد ما ربنا افتكرها يعني اصيله وبنت اصول وانتم اكيد الاصل في دمكم عشان كده انا بطلب منكم تتجوزوا احفادي وانا اضمن لكم ان انتم مش هتندموا

همسه تحول منع دموعها و رسم القوه : لو سمحتي يا حاجه ما تضغطيش علينا احنا جايين هنا نشوفهم عجبونا عجبونا معجبونش كل شيء قسمه ونصيب زي ما بابا قال لنا

نرجس بابتسامه : تصدق انتى فعلا لايقه على الولد نادر دمة خفيف و بيحب الضحك والهزار و انتى جريئه و عناديه وهتبقوا حلوين قوي ما بعض نفسي اشوف عيالكم يا ترى هعايش لحد ما اشوف عيالكم

همسه تضحك : ههههه يا حاجه ربنا يديكي طوله العمر والصحه بس انا باكلمك في ايه و حضرتك بتتكلمي في ايه

نرجس : بصي يا بنتي انتي و اختك انا قلت اللي عندي و فكري في الكلام ده كويس انتم ممكن ترفضي حفيدي و تروحي تتجوزي شباب تاني ولا قدر الله بعد الشر عليكم ما تكملوش معه ساعتها هتندمي على الفرصه دي ومش قصدي فرصه من ناحيه الفلوس قصدي فرصه من انهم شباب متربيه على الاصول وعنيها مليانه فاكري يا حبيبتي انتي وهي

مهره : خلاص يا حاجه احنا هنفكر

#بقلم_برنسسN

نرجس بابتسامه : اتمنى ان انتم ما تاخذوش قرار تندموا عليه يلا بعد اذنكم بقى استاذن عشان احفادي كلها كم ساعه وجايين ولازم اكون في استقبالهم

وقفت نرجس وخرجت وخلفها الفتاتين على وجهه ابتسامه وعلى وجه الفتاتين الشرود والتفكير ذهبت الفتاتين الى غرفتهم وبعد عده ساعات عادة ليلى وفريال تناول الجميع الغداء وذهبت الفتاتين ومعهم بنات توفيق للحديث والكلام ارادت همسه ومهره ان يعرفه اكثر عن عائله الالفي وبالخصوص تيم و نادر من ليلى و نكمل البارت ت

الرابع من هنا

تعديل المقال