رواية طبيبتي المجنونة الفصل الثاني 2 بقلم ميرو عيد
(البارت الثانى
)"الصبح حازم يصحى من النوم ينزل يركب عربيته ويروح المطار يركب الطياره اول مايقعد يتفاجأ ويقول"
حازم : انتى!!!!!!!
"فلاش بااااك"
امبارح فى الشركه حازم قاعد وفجاه دخلت سالى عليه المكتب وبرعب وهى بتجرى لحد ما وقفت قدامه
سالى وهى مرعوبه: جنا بيه حازم هانم برا وعايزاك !؟
حازم وهو بيرفع حاجبه : نعم !!!؟
"سالى بعد ما لاحظت أن كلامها مش مفهوم"
سالى : اسفه يافندم قصدى جنا هانم برا وعايزاك ... ادخلها؟؟
حازم ببرود: خليها تستنى شويه وبعد... ولسه مكملش كلامه لان جنا قاطعته وبالفعل ضربت الباب ودخلت ..
"جنا وهى تمشى بثقه وفخر وبرود ناحيه مكتب حازم "
جنا : انا عارفه انك بتحب تطفشنى بس بلاش الهروب ونظام العيال الصغيره دى ... وكملت وهى بتقعد على الكرسى مقابل ل حازم وتحط رجل ع رجل
جنا :انا محدش يقدر يخلينى استنى تمام مسيو حازم الاسيوطى وهى بترفع حاجبها .
حازم بعدم اهتمام : تقدرى تطلعى ياسالى دلوقتى ..
سالى : تمام يافندم .. عن اذنكم
"وبعد ما تطلع سالى وتقفل الباب "
حازم ل جنا بعد ما قام من على مكتبه وراح وقف قدامها : ايه اللى فكرك بيا وانتى نزلتى مصر امتى انا كنت جاي بكرا اصلا عشان المشروع وبعدين انا مش ميت مره اقولك متجليش الشركه وأسلوبك ده تبطليه و...
"لسه هيكمل بس جنا مسابتوش يكمل لانه ببساطه جنا ضربته بوكس فى وشه ومسكته من دراعه وخلته يركع عشان هى ماسكه ايديه الاتنين ورا ضهره حازم اتصدم من سرعتها دى"
جنا بغرور : كل ده رغى مش تسبلى فرصه ارد على كلمه حتى ده اولا وبعدين انا من امتى بقول لحد على حاجه هعملها دى ثانيا اوك ياحازم بيه...
"وتضحك بخبث"
حازم بعد ما اتعصب بس مبينش ده : واووو اتحسنتى ياجنا ده انا اللى اللى كنت بدربك من واحنا صغيرين .
"جنا لسه هترد عليه بس هو قام من على الأرض بسرعه و مسك ايديها وحطها ورا ضهرها ومسكها بايد وبايده التانيه مسكها من رقبتها هى بدأت تزعق لانها مش قادره تتنفس وحاولت تضربه ف جنبه ب ايديها بس معرفتش فقالتلوا انا استسلمت "
"حازم وهو يضحك بسخريه عليها وخبث "
حازم : تانى مره ياقطه العبى مع إللى قدك .
"وسابها وراح قعد على مكتبه وحط رجل على رجل وسكت ورجع لشكله تانى إلعصبى فى ثوانى "
"جنا قعدت تتنفس بالعافيه لانه كان ماسك رقبتها وقابض عليها جامد وممكن كانت تموت"
"جنا بعد ما قعدت على الكرسى تانى وتبص للصوره الى على مكتبه وبدأت تتكلم وفي كلامها نبره حزن"
جنا : وحشوك صح ؟؟
حازم وهو بيحاول يتمالك نفسه : جداا
"بس بيحاول يغير الموضوع وبيهزر عشان مش هيقدر يمنع دموعه تنزل "
: هو أنتى هتقعدى هنا انا مش عايز اشوف خلقتك دى يابنتى فياريت تسافرى لان عندنا شغل هناك فى الفرع التانى وياريت النهارده بالليل عشان لو مسافرتيش هسفرك غصب وانتى عارفه كلمتى بتطلع مره واحده بس وحسابك معايا بعدين على انك تسيبى الشغل هناك وتيجى هنا من غير ما اعرف .
جنا :حاضر هقوم ياعم دا انت بنى ادم رخم اعووذ بالله من دا واحد يجدع 
"جنا تقوم تمشى وحازم يكمل شغله وبعدين يقوم يمشى من الشركه على الساعه ٦ ويركب عربيته وهو فى الطريق مش واخد باله أن فى عربيه قدامه وهووب خبط فيها وقف فجاه تنزل من العربيه اللى خبطها واحده جميله جدا والضيق كان على وشها راحت وقفت قدام العربيه بتشاورله ينزل "
"حازم شافها ونزل بكل غرور وبرود"
يارا بعصبيه : مش تفتح يا غبى ولا عشان بابى جايبالك عربيه اخر موديل ومشهيصك مش شايف قدامك حد وماشى تدوس خلق الله
حازم بغضب : ماتلمى نفسك يابت انتى... انتى فاكرانى عيل فرفور ولا اى فوقى لنفسك بدل ما اسوى بوشك الاسفلت انا اه أبان هاى كلاس بس برضوا بعرف اتعامل مع الاشكال إللى زايك دى
وبعدين حازم يبصلها من فوق لتحت وببتسامه جانبيه
: ولا تكونيش بتعملى التمثيليه دى عشان تتعرفى عليا ماهو اكيد نفسك فى شويه فلوس قولى عادى وانا مش هعتر...ولسه هيكمل كلامه
"بس يارا ضربته بالروسيه فى دماغه ومسكته من لياقه قميصه وبعدين ضربته برجلها فى بطنه ولفته ومسكت رقبته زاى ما كان هو ماسك جنا فى المكتب هو اتفاجا من سرعتها اوى وعشان هى اكتر منه بمراحل"
يارا وهى بتقرب من جنب رأسه وبتقوله : انتوا كلكم صنف مريض وانا مش فاضيالك بس افتكر كلامى ده كويس انت انسان مريض ولازم تتعالج والضرب إللى خدته ده اعتبره درس ليك تمام...
" وسابته ولبست نضارتها وركبت العربيه "
"وهو كل ده ومذهول ازاى واحده جميله كدا وفى نفس الوقت متوحشه كدا وبعدين رجع لعقله واتعصب لان اول حد هو ميقدرش يقاومه ولا يعرف يعمل معاه حاجه ومين دى اللى تتجرأ تعمل كدا مع حازم الاسيوطي. وركب عربيته ورجع البيت "
" باااااك"
حازم : انتى !!!!!!!
يارا : انت تانى لا كدا كتير كتييير اوى كمان
يارا تنادى على المضيفه : لوسمحتى انا مستحيل اقعد جمب البنى ادم ده ممكن تشوفيلى كرسى تانى غير دا معلش ؟؟
المضيفه وكانت سرحانه فى عيون حازم ومش مركزه معاها وبتقول فى نفسها : يخربيت جمال امك يااخى انت امك كانت بتتوحم على عسل ولا ايه
"وتفوق من سرحانها على صوت يارا "
يارا : لو سمحتى ممكن اروح مكان غير ده اقعد فيه ؟
المضيفه : اسفه يافندم مفيش مكان غير ده مفيش فى الطياره مكان فاضى خالص
يارا وهى متعصبه : تمام شكرا هستحمل الكام ساعه دول وخلاص..... امرى لله
حازم بعد ماقعد حب يستفزها قرب من ودنها وقالها : مالك خايفه اكل منك حته ولا ايه
"يارا راحت ضربته بالروسيه اللى هتخليه يغمى عليه شويه وترتاح منه"
يارا وهى بتضحك بخبث : Have a nice time
حازم وهو بيتوجع: يابت المفتريه وربنا لوريكى
"وحس فجاه أنه داخ واغمى عليه "
"بعد ساعه حازم بدأ يفوق وماسك رأسه لان وجعته اوى وبيبص جمبه بيلاقيها قاعده بتكتب على اللاب توب"
حازم : هو انا حصلى ايه ؟!!
يارا ببرود وهى لسه بتبص للاب توب :ابدا ضربتك بالروسيه متقلقش اشرب بس العصير ده وانت هتفوق بعد ربع ساعه
حازم وهو متعصب اوى وبصوت عالى : اه يابت ال ولسه هيشتم راحت مسكته يارا من قميصه وايديها على شفايفه بمعنى اسكت خالص وعنيها فى عنيه وبغضب"
يارا : كلمه تانيه وهخليك تخرس خالص لحد ما نوصل ومسمحلكش تشتم باهلى ..فاهم
"حازم اصلا كان فى عالم تانى لان عنيها نفس لون عنيه بس لما اتعصبت عنيها مبقاش عارف يحدد لونها وهى بتبص بغضب وسرح فى عنيها ازاى واحده تبقى بمليون شخصيه وحاله وجميله كدا فى وقت واحد وبعدين اتعصب من نفسه وقال لا مينفعش ابص لواحده غيرها لا مينفعش لا انا ... انا ... انا مش خااين....."
