recent
روايات مكتبة حواء

رواية الجميلة الفصل الثاني 2

الصفحة الرئيسية

رواية الجميلة الفصل الثاني 2

الجزء التاني جميله

بتستغفلينا وتخلي وحده زي دي تيجي تهزقنا ف بيتا وخلص كلامو بقلم ع وشها ب اقوي م عندو
جميله بدموع وخوف والله ي بابا هو كان جاي يخطبني منك صدقني
يوسف ابوها هجم عليها ومسكها من شعرها بقوه يخطبك ايه وزفت ايه انتي مش هتتجوزي غير ابن عمتك والواد ده انا مش عايز اشوف وشو انا تهزقيني كده منك لله يشيخه انا تيجي وحده لغايه بيتي وتقولي لم بنتك وخليها تبعد عن ابني وطلعتلي صورك معاه ليه عملتي كده وانتي عارفه انك مخطوبه لا وايه هو كمان خاطب
ناديه امها ادخلت وبعدتها عنو خلاص ي يوسف كفايه كده هيجرالك حاجه سيبها
جميله وهي واقفه بعيد وبتعيط وكلامها طالع بالعافيه ي بابا حرام عليك انا مش عايزه اتجوز علي ده زي اخويا وكمان سليم مش خاطب والله هو بيحبني انا وانا كمان بحبو ارجوك وافق عليه
يوسف بعصبيه انتي كمان بتردي عليا بكل بجاحه وتقوليلي بحبو وضربها مره تانيه بقلم وقعها ع الارض من قوتو ولسه هيكمل ضرب فيها امها منعتو وهي جريت ع اوضتها بسرعه وهو بيزعق انا معرفتش اربيكي انا هعلمك الادب انتي مش هتخرجي من الاوضه دي تاني و هتتجوزي علي غصب عنك
جميله واقفه ورا باب اوضتها ومرعوبه ومنهاره من العياط وهي سامعه كلام ابوها
وعند سليم قاعد ف مكانهم وبيفكر فيها وازاي هيقنع ابوها انو يوافق عليه ولسه ميعرفش حاجه من الي امو عملتو وافتكر ازاي هو تعب بس علشان يتكلم معاها ويخليها تحبو وابتسم
فلاش باك لقبل كده بسنه
ف محل كبير للملابس جميله واقفه بتزعق مع حد من الي شغالين ف المكان
جميله بعصبيه بقولك هترجعهالي انا مش عيزاها
عامل المحل ي انسه بقول لحضرتك مش بنرجع حاجه عندنا هنا ممكن تبدليها بس
سليم كان واقف بعيد وسمع الصوت وبيبص يتاكد انها هي الي بقالو سنين بيراقبها ف صمت وحس ان دي فرصتو انو يتكلم معاها قرب منهم ف حاجه ي محمد
جميله وانتا مالك انتا كمان ي استاذ بتدخل ليه
محمد عامل المحل ده صاحب المكان ي انسه واهو مع حضرتك وقليلو الي انتي عيزاه
جميله اه طب كويس علشان نخلص بص حضرتك كده انا عايزه ارجع البلوزه دي واخد فلوسي ونخلص فيها حاجه دي
سليم بهدوء لا مفيهاش حاجه بس هو مفيش ترجيع حاجه هنا بس انتي مختلفه انتي جراني واول مره تيجي عندي ف هقبل بكده
جميله كشرت حواجبها بستغراب جرانك الي هو ازاي يعني
سليم شاور ل محمد انو يمشي وابتسم ومد ايدو يسلم عليها انا سليم المنشاوي ساكن ف نفس الشارع الي حضرتك ساكنه فيه
جميله سلمت عليه اهلا بحضرتك انا اسفه بس انا معرفش حد من جيرانا اوي علشان مش بخرج كتير
سليم اه منا عارف
جميله استغربت منو ومن نظراتو ليه وحست انو مركز معاها اوي وحبت تمشي بسرعه احمم ممكن تاخد البلوزه بقا علشان انا عايزه امشي
سليم حاضر واخدها منها
وهي هتمشي
سليم حب يسال ع اسمها علشان يعرفو منها مع انو عارفو انا متعرفتش باسمك
جميله ابتسمت ب رسمه جميله اسمي جميله واستاذنت ومشيت بسرعه وهي مستغربه طريقه كلامو معاها وبصاتو
ف نفس اليوم بليل فونها رن برقم غريب الو مين
سليم بتوتر انا سليم
جميله بستغراب سليم مين
سليم انا جارك الي كلمتك الصبح
جميله اه اه افتكرت بس انتا جبت رقمي منين اصلا وبتكلمني ليه
سليم صاحبتك سلمي اختها متجوزه اخويا وانا اخدت الرقم منهم وكلمتك علشان عايز اتكلم معاكي من زمان ومش لاقي فرصه وعندي كلام كتير عايز اقولهولك
جميله بنرفزه انتا واحد مش محترم اصلا انتا تعرفني منين علشان تاخد رقمي او تكلمني اصلا وسلمي دي حسابها معايا ع الحركه دي
سليم طيب استني اسمعيني مفيش رد قفلت السكه ف وشو
بااك
سليم بيضحك ع ذكرياتو معاها واد ايه تعبتو علشان يوصلها ولسه هيعافر علشانها مره وحده فونو رن وخرجو من ذكرياتو الحلوه لواقع وحش بيهد كل احلامو فوقيه.

google-playkhamsatmostaqltradent