رواية عاشقة الشباب الفصل الثاني 2
عاشقة الشباب (قصة واقعية) الحلقة الثانية
رن موبيل عم محمود و كان المتصل ابنه الوسطاني احمد قرة عينه الوحيد من أولاده ال٦ اللي أصر يواصل تعليمه العالي و حصل السنة الماضية في الثانوية العامة على مجموع كلية الطب جامعة القاهرة رغم أنه كان بيشتغل في الزراعة بجانب دراسته و ممارسته لرياضة الكونغ فو كمان
عم محمود /الو ازيك يا احمد
احمد / ازيك يا أبا انا بطمن عليك بقالك كام يوم مكلمتنيش ولا كلمت حتى امي تطمنا عليك.......
عم محمود /والله يابني تعبان في الشغل ليل و نهار ويادوي بخلص بنام كام ساعة علشان ابتدي شقا اليوم الجديد
احمد / الله يكون في العون يا ابا ايه رايك اجيلك قبل الكلية مابتدي اطمن عليك و ادور على شغل جنب الدراسة.....؟؟؟؟؟
عم محمود بصوت مجهد /تعالي.... تعالي يابني وربنا يفرجها من عنده......
احمد / هجيلك يوم السبت الجاي يا ابا خد كلم امي قلقانة عليك اوي....
أنهى عم محمود المكالمة مع مراته و اطمن على ولاده و أحوالهم و انطلق يكمل تنضيف عربيات سكان العمارة و بسرعة جدا علشان يلحق يجيب طلبات هوانم العمارة...... و طبعا أهمها طلبات ست سحر علشان يفلت من لسانها الطويل....
الساعة ٣العصر كان عم محمود بيرن جرس شقة سحر زي ما امرته و هو شايل طلباتها كباب و حمام و ازايز البيرة وهو كعادته بيستغفر ربه من أنه شايل البيرة بأيديه وهو الراجل المتدين لكن........ لقمة العيش مرة زي مابيقولوا و كالعادة طبعا ساب الحاجة على ترابيزة السفرة و حاسبته سحر حسابها العسير مع كلمتين سخرية منه و من كسله..... و هو طبعا ساكت بلا أي رد فعل...... احتراما لنفسه و خوفا من لسانها والفاظها البذيئة.......
يوم السبت وصل احمد ابن عم محمود حاملا حقيبة صغيرة بها بعض أغراضه البسيطة و طقمين ملابس خروج هي كل ما استطاع الحصول عليه من توفيره لمبلغ بسيط ايام الاجازة بعد الامتحانات
عم محمود حضن ابنه احمد بشوق الأب المغترب عن أولاده و اعتزاز الأب بابنه اللي رفع رأسه في البلد و بقى الكل يقول عم محمود أبو الدكتور
احمد /واحشني يا ابا
عم محمود /انت و امك و اخواتك وحشتوني اكتر يا احمد
احمد / شكلك تعبان اوي يا ابا
عم محمود /الحمد لله يابني على الشقا..... ربنا يقويني و اقدر اكمل تعليمك و استر اخواتك البنات
احمد / انا هساعدك يا أبا لحد ما الاقي شغل جنب الدراسة
و بأذن الله خير......
لكن فجأة سمع عم محمود صوت.........
علقوا بملصقات كتيرة علشان توصلك الحلقة الثالثة
يتبع اذا اتممت القراءة علق 20 ملصق
حتي يصلك اشعار عند نشر الجزء الثالث ملحوظه
لن يصل الجزء الثالث الا بعد التعليق ب 20 ملصق
