رواية اغتصاب مدبر الفصل الثاني 2 بقلم القلم الذهبي
( جري رشدي البواب ومعاه صلاح علي اوضة هدير وبيحاولوا يفوقوها لكن مفيش حس ولا خبر ومش بتنطق هدير وبسرعه شلها صلاح ونزلي بيها لتحت هو ورشدي وركبوا تاكسي رايحين علي اقرب مستشفي ؛؛)
== في المستشفي
( منار منهاره من العياط وحاضنه مامتها سميره واقفين في ممر المستشفي ، صلاح قاعد علي كرسي بالممر وحاطط راسه بين ايديه ورشدي واقف قدامه بيحاول يهدي فيه )
رشدي// متعصبش نفسك يا صلاح بيه ربنا يسترها علي ست هدير وترجع لينا بسلامه متزعلش نفسك انت !!!
( صلاح بيرفع راسه وبيبص علي رشدي )
صلاح // انا في مصيبه يا رشدي فاهم يعني اي مصيبه ،،
رشدي // فاهم يا بيه اهدي وكل حاجه ليها حل
صلاح // الا المصيبه دي ملهاش حل خالص ، حلها الوحيد اقتلها واشرب من دمها. ألا جبتلي العار دي
رشدي // اهدي يا صلاح بيه مش كدا .متخليش الغضب يسيطر عليك وتعمل حاجه تندم عليها العمر كله
صلاح // اندم ؟ انا عايش علشان اندم واصلح في غلط عملوا غيري ومفيش مره الدنيا عايزه تصفالي وتديني حقي. حتي الاخت اللي طلعت بيها من الدنيا ومفكرها سندي تكون سبب في تعاستي وتشريدي
رشدي// هيا مدام عايده حصل منها حاجه تاني يا صلاح بيه !!
صلاح // كتير ومش بعيد تكون السبب في اللي احنا في .
( قاطعهم خروج الدكتور من غرفة الانعاش )
= راحوا كلهم علي الدكتور وبصوت واحد
_ خير يا دكتور هدير عامله ايه
الدكتور// الهدوء لو سمحتوا ، هيا كويسه الحمد لله بس محتاجه للراحه والهدوء التام ، كويس لحقتوها بالمستشفي والا كان هتكون حالتها اصعب من كدا ودي نتيجه لتعرضها للعنف والضرب وحصل نزيف حاد . ودلوقتي تقدورا تروحوا والصبح تيجوا تزروها
= قاطعت سميره كلام الدكتور وفضلت تتوسل اليه
سميره// ارجوك يا دكتور انا امها ومقدرش اسيبها في الحاله دي واروح خلينا معاها ومش هتكلم معاها خالص
الدكتور // لا طبعا مفيش حد هيقعد معاها خالص غير الممرضه
صلاح // ازاي يا دكتور مينغعش كدا مش هنقدر كلنا نسيبها
الدكتور بضيق// انا الدكتور هنا وبقول مفيش حد هيفضل ويلا اتفضلوا بدل ما اجيب الشرطه تطلعكم بالعافيه
( صلاح راح يتكلم ويزعق مع الدكتور مسكه رشدي ومنعه من الكلام )
رشدي // اهدي يا صلاح بيه الكلام دلوقتي منوش فايده احنا نروح والصبح بدري نرجع نشوفها
( صلاح كاتم غضبه ومقهور وبيبص لمنار وسميره )
صلاح// يلا اتفضلوا قدامي لما نشوف اخرتها ايه. واضح الكلام مش جايب فايده مع الدكتور
( مشيوا من المستشفي وراحوا علي شقتهم ودخل الدكتور عند هدير )
هدير نايمه علي السرير ومفتحه عنيها وفي وعيها تماما ، الدكتور جاب كرسي وقعد قبالها وعطي اشاره براسه للمرضه للخروج وتركهم لوحدهم..
الدكتور // اهو يا ستي بقي مشيتهم كلهم وكمان الممرضه زي ما وعدتك ويلا بقي انتي احكيلي ووفي بوعدك ليا ، وعشان اطمنك اكثر انا اول مره اتخلي عن مبادي في مقابل حياة انسان وكدبت عليهم وقلتلهم انك تعرضتي لعنف قهري. اظن كدا انا عملت الا عليا باقي انتي تحكيلي ايه الا حصل بالظبط...
