أخر الاخبار

رواية فتيات الميتم الفصل الحادي عشر 11 بقلم شيماء طارق

رواية فتيات الميتم الفصل الحادي عشر 11 بقلم شيماء طارق

 لحادى عشر. من (فتيات الميتم)


فى سياره فهد

تجلس ريم وهى خائفه من سرعه فهد فهو يفرغ شحنه غضبه فى سرعه السياره

ريم بخوف : ...ل..لو ..لو سمحت......هدى السرعه

نظر لها فهد بغضب رأى خوفها وانكماشها فى الكرسى التى تجلس عليه
ابطء فهد من سرعه السياره حتى اوقفها على طريق

فهد وهو يشدد من قبضته على عجله القياده حتى لا يثور عليها : ممكن اعرف خايفه ليه

ريم : ان....انت ....انت بتسوق بسرعه قوى

فهد : خلاص وقفت العربيه خايفه ليه

نظرت له ريم ثم وجهت نظرها الى الاسفل

فهد : ريم متسكتيش كدا انا مش بحب الى ميجاوبش على اسئلتى عايزه افهم بتخافى ليه

ريم : انا ....انا ..عا..عايزه رررر...رغد

فهد : رغد رغد رغد مفيش عندك الا رغد اى مبتمشيش الا برغد

ريم بدمع : انت بتزعقلى ليه

نظر لها فهد وجدها تبكى فإقترب منها وضع يديه على وجهها ماحياً تلك الدموع التى تهبط منها

ريم : انت ديما بتزعقلى وبتتنرفز عليا وتضايقنى وكمان بتتريق عليا عشان بخاف طيب انا ذنبى اى ان محدش كان بيحبنى الا رغد ذنبى اى ان المديره كانت بتخلى العيال يضربونى ورغد هى الى بتحوش عنى تعرف المديره فى مره حرقتنى بالنار .....نظر لها فهد وهو فاتح عينيه على وسعهما بصدمه ....فأكملت هى ايوه بالنار عارف رغد عاملت اى وقفت وجابت النار ورميتها على المديره هى الى حاشت عنى رغد دى كل حياتى رغد هى الى وابويا واختى تعرف انا مكنتش بتعامل مع الاطفال الى معانا عارف ليه عشان هما كانو بيسمعو كلام المديره وبيبعدو عن رغد انما انا كنت بحبها هى كانت قوتى كنت بقوى بيها لما هى مشيت لما بقى عندها 18 سنه انا كنت عايز امشى معاها هى فكرت وقالت انى اقعد معاها بس المديره قالت مينفعش لازم يكون عندى 18 سنه عشان أخرج من هنا مكنتش بتعامل مع الناس واول اما خرجت بقيت بخاف من الناس وانت كمان بتخوفنى بتقعد تزعق ومش عاجبك انى بخاف من الناس عايز تزعقلى وانا ما اخفش منك حتى لما كنت بفكر فى جوازى منك انت مسبتليش فرصه افكر ودلوقتى جاى تقولى بطلى خوف شوفت اى انا فى حياتى ميخوفش انا حياتى كلها خوف .......

اخذها فهد فى احضانه وهو لم يفهم ما تفوهت به ولكن ألمه قلبه لها

فهد : خلاص اهدى ياريم انا أسف

ريم : انا عايزه اروح

فهد : اى دا والشبكه

ريم : انت بتزعق وبتزهق عليا

فهد : لا خلاص مش هزهق بس انتى متخافيش منى انا مش بخوف والله قال جملته الاخيره بمرح رافعه يديه لاعلى

ابتسمت هى له

فهد : خلاص مش زعلانه

ريم : لا مش زعلانه بس..

فهد : بس اى كملى

ريم : عايزه عصير

فهد : نعم !!!

ريم : عايزه عصير شيكولاته

فهد : انا بسمع عايزه ايس كريم بعد اما يصالحها عايزه اروح الملاهى عايزه ورد انما عصير دى جديده

ريم : مش مهم بس هاتلى عصير رغد ديما بعد اما تزعلنى تجبهولى

فهد فى سره : رغد تانى شكلى هقتل رغد واخلص

فهد : حاضر بس نجيب الشبكه زمان عز وصل هو ورغد

ريم : ماشى

انطلق فهد بالسياره فى طريقه الى وجهته ولكنه كان يفكر فى كلامها ماذا تقصد به ومن المديره التى تفعل هذا يريد ان يسئلها عما قالته ولكن عندما تهدأ
....

......فى سياره عز

كان الصمت هو سيد الموقف ....قطعته رغد

رغد : عز
.
...لم يجيبها عز

رغد : عزززززززززز زز

عز : فى اى ...عايزه اى ..بتزعقى ليه

رغد : انزل

عز : نعم

رغد : انزل

عز بإستغراب : ليه

رغد : عايزه اسوق

عز : تسوقى اى

رغد : انت غبى ليه عايزه اسوي العربيه

عز : انتى بتعرفى تسوقى

رغد بلامباله : لا

عز : امال عايزه تسوقى ليه

رغد : عادى انت بتحرك البتاعه دى ...اشارت الى عجله القياده ....والعربيه بتتحرك

عز : لا ياراجل

رغد : اقف بقى

عز : رغد انا مش فايق ليكى فا اهدى كدا عشان مطلعش جنانى عليكى

رغد : لا اتجنن يا عز اتجنن

عز : رررررررغد

سكتت رغد على أثر غضب عز ......ساد الصمت مره اخرى ..فقطعته رغد

رغد : عز ممكن اسئلك سؤال

عز : انا عارف هى عين ناهد الى راشقه فى الجوازه دى انا كنت اتعميت قبل ما احب...بتر كلمته واكمل ...عايزه اى يا رغد

رغد : هو انت بقيت بتتعصب ليه

عز : لا انا مش بتعصب الا عليكى

رغد : ليه يعنى

عز : عشان انا شرير بحب اخوف الاطفال الى زيك

رغد : عز

عز : هو يوم اسود اى رأيك اروحك لابوكى

رغد : لا انا عايزه اروح ل ريم

عز : رغد اخرسى

رغد : انت الى غلطان كنت بسليك

عز : مش عايز اتسلى

رغد : احسن

ساد الصمت مره ثالثه وكادت ان تخترقه رغد مره اخرى ولكن قال عز

عز : اقسم بالله لو فتحتى بوقك لحد اما نوصل لاكون راميكى من العربيه

صمتت رغد واكمل عز قيادته للسياره حتى وصل فى نفس الوقت الذى وصل به ريم وفهد

كانت ريم ذاهبه لتقف بجوار رغد ولكن امسك فهد يديها وقال لها

فهد : متتحركيش من جنبى يا ريم

ريم : بس...

فهد : ريييم

ريم : حاضر ..

رغد : يلا فهد اهو

عز : نعم

رغد : فهد هناك اهو

عز وهو يضغط على معصمها : انطقى اسم راجل تانى وانا اعرفك

رغد : طيب خلاص سيب ايدى بتوجعنى

عز : قدامى

فهد : يلا ياجماعه ندخل

دلفو الى المحل واختارو ما يناسبهم وذهبو الى سيارتهم وانطلقوا الى فيلا الدمنهورى

______________________________
فى فيلا الدمنهورى ...

معتز على الهاتف

معتز : الو ايوه يامصطفى

مصطفى : معتز باشا فى مشكله بخصوص الشغل

معتز : تعالى البيت انا مش قادر اجى الشركه

مصطفى : خير يا باشا

معتز : مفيش شويه تعب وهيروحو لحالهم بس تعالى انت بالورق الى محتاج امضى وعرفنى اى المشكله

مصطفى : حاضر ياباشا...

اغلق معتز الهاتف ووجد غاده خلفه

غاده : خير ياحبيبى

معتز : مفيش ياحببتى الشغل ما انتى عارفه

غاده : ربنا معاكى ياحبيبى

معتز : يارب ياقلبى

غاده : البنات اتأخرو قوى

نظر لها معتز بنصف عين : غاده خفى على فهد وعز وسيبى البنات على رحتهم

غاده : هو انا عملت حاجه يعنى انا بسأل على البنات مش من حقى

معتز : من حقك بس خفى هااا. .خفى بلاش شغل الحموات من دلوقتى

غاده بخفوت : هو انا لسه عملت حاجه....ماشى يا معتز ماشى

معتز : شاطره ياحببتى

ابتسمت له غاده .....

دلف فهد وريم وعز ورغد الى الداخل

عز : طيب اعملك اى يعنى

رغد : متعملش ياخويا مش عايزه منك حاجه

عز : طيب هعلمك الاول وبعد كدا سوقى

رغد : لا مستغنين عن خدماتك انا هتعلم لوحدى

معتز : فى اى ياولاد

عز : يا زيزو بنتك بتتخانق معايا قال اى عايزه تسوق العربيه وهى مش متعلمه السواقه

رغد : اى يعنى لما اسوق هيحصل حاجه

عز : لا ياختى مش هيحصل حاجه عربيتى انا الى هيحصلها

رغد : اى يعنى ...شايف يابابا خايف على العربيه منى دا شكله بخيل انا مش موافقه

عز : بخيل اى يا بنت الهبله انا لسه جايبلك طقم الماظ ب 2مليون جنيه

رغد : بخيل مجبتليش ابو 5 مليون

عز :رغد انتى اتجننتى

غاده : انا سكتلك لما قولت عليا هبله بس لما تقول على بنتى مجنونه مش هسكتلك

عز : يعنى ما اتكلمتيش لما شتمتك وجايه تتكلمى لما شتمت بنتك تصدقى انك هبله فعلا

رغد : هى مين دى الى هبله يلا

عز : تصدقو انا زهقت منكو بنتكو عندكو اهى انا ماشى

معتز : عز ..يا عز ..استنى يا عز

التفت له عز قائلا

عز : يا عم اسكت بقى والله لاروح انا اروح عند امى لاتقولى هبله ولا مجنونه ياعيله بنت مجانين .

غادر عز وكانت ريم تضحك بشده على ما يحدث وفهد يتابع ما يحدث بإبتسامه

ريم : لا لا دول مش طبعيين دول يجننو خليهم يكملو يا فهد

كان فهد شارد فى ضحكاتها وشعرها النازل على وجهها ابعد شعرها عن عينيها ونظر لها كثيرا ولم ينطق بحرف كان شارد فى عينيها

معتز : واحد مجنون والتانى شغال تسبيل ..ما تحترم وجودى يا فهد

انتبهه فهد وريم اليهم فقامت ريم مسرعه وعلى وجهها حمره الخجل وصعدت سريعا الى غرفتها

فهد : معتز باشا ....انا.....اه انا لازم اروح حالا عشان ....اه عشان ..

معتز : روح حصل ابن عمك

ذهب فهد سريعا ولم ينطق بأى كلمه

معتز : اى المجانين دول...ثم نظر الى غاده ورغد الذين كانو يتحدثو مع بعضهم

معتز : خفو على الواد والله هيطفش منكو

رغد : اى دا هو مطفش كدا

غاده : دا انا فكرته خلاص فركش

معتز : لا كدا كتير كتير قوى ...انا رايح المكتب لما مصطفى يجى دخلهولى
_______________________
فى فيلا أل سالم ....

يدلف فهد ويجد ناهد فذهب اليها

فهد : ماما ازيك

ناهد : وانت يهمك قوى

فهد : اكيد طبعا ...مالك يا ماما

ناهد : مفيش ابنى هيتجوز بمزاجه ومش مهم رأيى

فهد : ليه هو انتى مش موافقه على ريم

ناهد : ايوه مش موافقه انت مش شايف البنت دى عامله ازاى شكلها عامل ازاى طيب لما تيجى تقدمها للناس تقولهم اى سورى اصل مراتى بتخاف فمش هتنزل تتعرف عليكو

فهد بغضب : ماما من فضلك اتكلمى كويس عن ريم كل الموضوع ان ريم هى مش بتحب تختلط بالناس وانتى مش موافقه ليه عايزانى اتجوز مين قوليلى يا ناهد هانم عايزانى اتجوز جيسيكا

ناهد : ومالها جيسيكا بتحبك

فهد : مش بتحبنى بتحب فلوسى ولو عرفت ان كل حاجه مكتوبه بإسم بابا وعمى وان انا باخد مرتب زى زى اى موظف مش هتفكر فيا بس ممكن تفكر فى ابويا ما الناس دى بتحب الفلوس وبس كانت عايزه تحبسنى ولا نسيتى كانت عايزه تشوه سمعت ريم ورغد وانا وعز معاهم تحبى اتكلم عن بلاوى ابوها ولا انتى عارفاها

ناهد : بس....
فهد : مفيش بس يا ماما مفيش بس ...ريم لو حد ضايقها هيبقى بيضايقنى انا واظن انتى عارفه يعنى اى تضايقى فهد

كان كل من فى البيت تجمع على صوت فهد العالى

مروه بخفوت لعز :هو فى اى

عز : من واقع خبراتى ....قاطعته مروه

مروه : من واقع اى

عز : خبراتى

مروه : مش مهم كمل

عز : من واقع خبراتى العاليه احب اقولك ان انك سنة سككينها على ريم قوم اى بقى فهد مش هيسكت ..قوم اى بقى ....

مروه مقاطعه : خلاص

عز : هشرحلك

مروه : قلت خلاص

عز : لا ازاى لازم اشرحلك..........

قاطعته مروه : اى دا رغد

انتفض عز : فين فين انا لسه سايبها عند امها. واخذ،يلتفت حوله......
سمع ضحكات مروه ....

مروه : ياعينى دا انت بتخاف منها

عز : مسمهوش خوف ياهبله اسمو احترام

مروه : اه ما هو باين اهو

_________________________
جيسيكا فى الهاتف ....

الو ايوه ياحسام .........اى بتقول اى ......انت متأكد .........طيب مش عايزه حد يعرف حاجه الا لما اقولك .......تمام ....سلام

جيسيكا : شكلها هتحلو على الاخر
تعليقات



حجم الخط
+
16
-
تباعد السطور
+
2
-
close