recent
روايات مكتبة حواء

رواية لماذا يا ابي الفصل العاشر 10 بقلم ام عائشة

الصفحة الرئيسية

رواية لماذا يا ابي الفصل العاشر 10 بقلم ام عائشة 

يوم جديد


لؤى: يعنى انت هتنزل مصر امتا
رعد : يومين ثلاثه ،لما تتحسن حاله جودى ،بابا طلب مننا ننزل ،عايزنى اشتغل ف شركه عمى طارق الصياد

لؤى : تيجى بالسلامه يارعد،والله كنت عايز اجيلك ،بس لما تيجى واحكيلك هتعذرنى
رعد: هتحكيلى عن ايه
لؤى :لما تيجى هفهمك كل حاجه

*٠***********
اصرت نور ان تذهب الى النادى فهى تريد ان يراها الجميع بسيارتها الجديده،
لؤى: اتفضلى ،ساعه واحده بس وهنرجع
نور: نعم ،ساعه واحده ايه،كده مش هلحق
لؤى: نور انتى ناسيه انك عندك مذاكرة ،والدك وصانى بكده ساعه وبس
نور بخبث: ماشى هشوف
مكثت ف النادى ما يزيد عن ساعتين
زفر لؤى فى ضيق: اتاخرت كده ليه اليوم كده راح ف الفاضى

اضطر للدخول والبحث عنها،فوجدها تجلس مع شله شباب وبنات يتمازحون ويضحكون باصوات عاليه
لؤى بغضب : نور لو سمحتى ،عايزك لحظه
نور : بعد اذنكم ياشباب

لؤى يكتم غيظه: نور انا مش قلت لك ساعه واحده بس

نور : ا نا ملحقتش اقعد مع اصحابى

لؤى : هما شويه الصيع دول يتقال عليهم اصحاب،امشى قدامى بدل ما اتصرف تصرف مش هيعجبك
فى السيارة

لؤى : نور لو سمحتى مش عايز اشوفك بتتكلمى مع شباب تانى

نور : ليه ؟ دول اصحابى

لؤى بغضب على هذه البنت المدلله: هيه كلمه مش عايز اشوفك مع شباب مفهوم،بعدين طريقه لبسك مش صح ،ياريت تغيريها لملابس واسعه ،،فى واسع وشيك بردو على فكرة

نور بحده: وانت كمان بتقولى البسى ايه ومتلبسيش ايه واكلم مين ومكلمش مين ،، انت مجرد السواق وبس ولا الظاهر نسيت نفسك

لؤى : انا فعلا نسيت نفسى ،بس طارق بيه وصانى عليكى وانا بعتبرك زى اختى
نور : وانا مش اختك ولا هكون .وبابا انا هتكلم معاه مش عايزة سواق، واتفضل سوق وانت ساكت

ضرب لؤى المقود بيده بشده محاولا كظم غيظه:فهو لا يريد ان يقسوا على اخته يريد ان يعيدها الى الطريق الصحيح ،ولكن كيف وهى تعده مجرد سواق غريب لا يحق له التدخل

___
نور كانت سعيده فلأول مرة يهتم بها احد
يقول لها لا ،كانت دائما طلباتها مجابة تاتى لها امها بكل ما تريده
لم تعرف معنى المنع،، امها لا تهتم سوى بالنادى والموضه وسيدات المجتمع الراقى كما يسمونه
ابيها ؛دائما مشغول بالعمل ويلبى كل ما تطلبه ،المرة الوحيده التى اجبرها على شىء هو دخول هندسه
نور تحب الفنون والرسم والاشغال اليدوية كثيرا ،كم كانت تتمنى دخول كليه الفنون حلم حياتها
كريم : الاخ الطيب الحنون ،يفتقد الصحبه الجيده فاصدقائه يستغلون طيبته وسذاجته ،يخرج معهم دائما ويلهون فى اشياء تافهه، لكنه ذو اخلاق جيده لا يفعل شىء محرم ،يحب نور كثيرا ولا يجبرها على شىء ،يرى ان ملابسها تحتاج تغيير لكنه لا يتدخل

لذا كانت سعيده بتدخل لؤى فى حياتها بمنعها من اشياء اعتادت عليه ولا تعرف انه غير صواب،اعجبت بشخصيته القوى واخلاقه العاليه

لكنها عنيده ،فهو مجرد سائق لا يحق له أمر ى ابدا ،لذا عزمت ع ان تخبر والدها بشانه
*************

رجعوا القصر وجدوا فتاة غريبه بصحبه كريم
عرفها لؤى على الفور فهى نفسها ريم زميلته ف الجامعه
لؤى لنفسه: انا كنت حاسس انى اعرفها قبل كده ، ياترى مين دى

كريم بيعرفها لنور : نور دى ريم بنت صاحب بابا ..اهلها سافروا وبابا جابها تعيش معانا هنا لحد ما يرجعوا
كريم موجها حديثه لريم: ودى بقا يا ستى اختى الصغيرة ،، برنسيسه الجامعه زى ما بيقولو

نور وهى تنظر الى ملابس ريم المحتشمه : اهلا ريم نورتى القصر

ريم بحزن تحاول اخفاءه : اهلا نور ، سعيده انى اتعرف عيكى ،اتمنى تقبلينى صديقه ليكى
نور بفرح: اكيد طبعا ،موافقه لانى معديش اخوات بنات زى ماانتى شايفه ،مبسوطه اوى انى هلاقى حد ادردش معاه
ابتسمت لها ريم بارتياح

ريم وقد تنبهت بوجود لؤى : لؤى هوا انت اخو نور وكريم

نور مسرعه :لا طبعا ده السواق بتاعى
ريم : انت السواق ازاى، انت فى هندسه ،ايه اللى يضطرك تشتغل هنا
لؤى بهدوء: الظروف اللى اضطرتنى اشتغل ،واظن الشغل مش عيب
ريم بتأكيد: اه طبعا، انا مش قصدى والله

لؤى : ولا يهمك واستأذن وانصرف

كريم: ريم انتى تعرفى لؤى؟
ريم بايجاب: لؤى زميلى ف الجامعه
**************
فى الداخل ...اخبرت نور والدها بان لؤى يتجاوز كونه سائق يأمرنا تلبس ما يريد
اخبرها انه سيتصرف منه ويوبخه
**********
بقى الوضع كما هو عليه فى قصر طارق الصياد

ريم تخلو بنفسها كل يوم حتى لا يرى احد دموعها ...غريبه هى فى منزل والدها ووسط اخوتها

اما لؤى فقد اعتاد على الأمر ،لم يعد يبالى ،فى الحقيقه هو منهمك فى دراسته فلقد زاد الضغط عليه بمشاوير نور التى لا تنتهى
لكنه عزم على تغيير اخويه الى الافضل،فمن الواضح ان ابيه لا يبالى

***********
رعد: جيجى حبيبتى هتفضلى حابسه نفسك كده كتير
لا رد
رعد: جيجى مش هتحمل اشوفك ضعيفه كده ، اتفقنا تكونى قويه
جيجى : حاولت يارعد مقدرتش صدقنى
رعد : طيب يلا تعالى نخرج نتمشى شويه ،نغير جو
جيجى : لا مش عايزة
رعد بغضب مصطنع : من امتا رعد جيجى بتقوله لا، يلا ياانسه بسرعه جهزى نفسك عشان نخرج
جيجى بابتسامه باهته : ماشى ،
رعد : حبيبه قلبى ،هيه دى جودى القويه ،ربنا يباركلى فيكى
***********
فى احدى المرات التى ينتظر فيها لؤى اخته نور فى النادى تتأخر كعادتها

بحث عنها فوجدها كالعاده تجلس مع الشباب ولكن هذه المرة يتصافحون بالايدى ،وهذا الشاب ينظر لها بنظرات وقحه ،نظرات لا يفهمها سوى شاب مثله

جن جنون لؤى وقال اليها وسحبها من يدها بالقوة بعيدا

نور: انت اتجننت ،انت ازاى تعمل كده وازاى تمسك ايدى كدا ،سيبنى
لؤى بنظره غضب افزعتها: قسما بالله لو شفتك بس واقفه مع شاب لهتشوفى منى اللى عمرك ما شفتيه ،، انا صبرت عليكى كتير
،مفهوم ، هزت نور رأسها بمعنى نعم
خافت نور منه كثيرا ،قررت اخبار والدها،نعم احبت اهتمام لؤى
لكنه هذه المره ارعبها كثيرا
*****************
ف القصر

كانت ريم فى طريقها للمطبخ

فسمعت صوت مرتفع فذهبت تنظر ماذا هناك

طارق يصرخ فى لؤى: انت اتجننت انت ازاى تكلمها بالاسلوب ده ،انت نسيت انك السواق ولا تحب افكرك

لؤى بغضب: لا منستش يا طارق بيه ،بس الظاهر ان حضرتك نسيت انى اخوها ،ومستحيل اشوفها تقف مع شباب والوقح يبصلها بالشكل ده وافضل ساكت

ان كنت حضرتك ترضى بكده،انا بقا اخوها ومرضاش بده ابدا،ومش هسمحلها بتصرفات مش مقبوله

طارق بتحذير: اعمل اللى تعمله ،بس انا بحذرك حد يعرف حاجه فاهم ،وتركه ورحل

صدمت ريم بما سمعت : لؤى اخو نور ازاى ،،نور بتقول انه السواق بتاعها ...طيب ليه محدش يعرف ...ليه بيقول انه السواق

كلمت نفسها : طيب ما انتى زيه بالظبط ..اختهم وكلهم عارفين انك بنت صديق طارق الصياد

فرحت ريم كثيرا ،اذا فلؤى اخى ايضا ،ولكن سرعان ما حزنت فهو يتعرض لمثل ما تتعرض له ،،،،ترى هل يبكى كل يوم مثلها

google-playkhamsatmostaqltradent