رواية بناتي حياتي كاملة بقلم ولاء يجيي
رواية 
بناتي حياتي
بناتي حياتي البارت الاولي
في صباح يوم في دوله الكويت و في فيلا صغيره يسكنها رجل الاعمال المصري فؤاد مع اسرته المكونة من زوجته الدكتورة منى وابنته الكبيرة سيلا 23سنه وابنته الصغيرة لين 18سنه وابن اخيه امير
اخو سيلا بالرضاعة يعيش معاهم منذ وفاة أمه وزواج ابيه
منى : يلا يا لين اصحي هتتأخري علي امتحانك
لين: صباح الخير يا مامي هي الساعة كام
منى :صباح النور يا حبيبتي الساعة 6 يلا قومي اتوضي وصلي وتعالي الفطري معانا قبل ما تنزلي
لين :حاضر يا منمن حالا هحصلك
وتقوم لين وتروح للحمام وتأخذ دش وتتوضأ وتلبس هدمها وتصلي وتخرج
اعرفكم ب لين هي بنوته رقيقه جدا وجميله بيضه شعرها اسمر طويل اوي يصل لنص ضهرها عينها واسعه لونها عسلي مش طويله ولا قصيره وجسمها جميل جدا متناسق بس اجمل حاجه في لين روحها الحلوة وحضورها المتميز وضحكتها وحب الكل ليها واي مكان بتروحوا بتلفت النظر ليها وتكون محط الاعجاب من الكل هي في اخر ثانوي عامه ومستنيه تخلص امتحانات بسرعه علشان تنزل اجازه لمصر
خرجت لين لقيت بابها ومامتها علي السفرة بيفطروا
لين :صباح الخير علي اجمل اب في الدنيا وحشتني يا بابتي
( وباسته في خده وهي حضناه من ظهره وهو قعد علي الكرسي )
فؤاد :صباح النور يا ليتني اهو انا رجعت من السفر مخصوص علشان عارف اني وحشتك
لين تعقد جمبه على السفره وتبص ليه بابتسامه
لين بابتسامه :اممممم يعني حضرتك مش راجع علشان عندك اجتماع ضروري في الشركة الساعة 10 مع انكل حامد
فؤاد يرسم علي وشه علامه الاستغراب وعدم الفهم
فؤاد :ايه.... اجتماع ايه انا معرفش أن فيه اجتماع
منى :ايه دا يا فؤاد هو انت نازل الشغل انت مش قولتلي ان احنا هنخرج سوا نجيب الهدايا اللي هننزل بيها مصر
وقبل ما فؤاد يرد يدخل امير ابن اخوه. و دراعه اليمن في الشركة
امير :صباح الخير عليكم جميعا... (ويقرب من لين ويبوسها من خدها) وعلي القمر الصغنن بتاعي خصوصا
لين بابتسامه : صباح النور يا ميرو قلبي انا
امير يقعد ويبص لفؤاد :انا جهزت كل الاورق المطلوبة للصفقة ياعمي.... بس كنت عاوز حضرتك تشوفها قبل الاجتماع علشان لو حابب تزود أو تغير حاجه قبل ما نعرضها
فؤاد يغمز لأمير :اجتماع !اجتماع ايه دا يا امير هو فيه اجتماع النهارده
لين تكتم ضحكتها وتبص لفؤاد اللي بيهرب من الخروج لشراء الهدايا
منى بزعل :بقي كده يا فؤاد وانا اللي مستنيه ومرضيتش انزل لوحدي علشان انزل معاك ونشتري الهداية اللي هناخدها سوا
فؤاد باستسلام فلقد انكشف امره : معلش يا حبيبتي انتي عارفه انا لازم اخلص كل حاجه في الشغل قبل ما ننزل اجازة علشان اكون مرتاح ومنشغلش عنكم هناك وبعدين يا موني ما انتي اللي بتختاري كل حاجه علي زؤقك هو في احلي من زؤقك بردوا يا حبيبتي (ومسك يدها وباسها فمنى ابتسمت وحضنت ايده بايدها )
منى: خلاص يا حبيبي ولا يهمك... ربنا يقويك ويوفقك ويخليك لينا ومايحرمنيش منك ابدا
لين وامير سوا بصوت مثل الكمان : تيررررررار راررررر تيرررار
منى تتكسف وتبص للأكل وفؤاد يضحك
فؤاد : هو انتم لسه هنا يا مفرقين الأحبة
يضحك الجميع وتبص لين بفرحه لبابها ومامتها فحبهم وتفهمهم مستمر من سنين
فؤاد :امال فين سيلا هي لسه نايمه لحد دلوقتي
لين بضحك : قصدك يا بابا لسه نايمه دلوقتي... دي عماله ترغي مع احمد لحد الصبح وسمعاه عمال يقولها يا سيلا عاوزه انام مش هعرف اروح الشغل وهي نزله رغي
امير يضحك علي سيلا وخاطيبها وابن خالتها أحمد
امير : دي كل يوم تفضل تكلموا و تسهروا ويروح الشغل متأخر وتعبان..... بيكلمني امبارح بيقولي حطولها منوم في العشا... انا عاوز انام
منى تضحك وتبص لفؤاد :احمد ابن اختي بيحبها ومابيحبش يزعلها وبيفضل سهران طول اليل علشان ميزعلهاش.... وبنتك معندهاش لا رحمه ولا دم ومش كفايه بتسهروا... دي كل شويه تخليه يغير حاجه في الشقة لما طلعت روحه
فؤاد يتنهد ويفتكر انه في الإجازة دي هيزوج سيلا ويسيبها في مصر مع جوزها
فؤاد بحزن :ربنا يسعدها... ويتم فرحتها علي خير
لين تحس بزعل بابها فتقوم تبوسه وتحضنه
لين بابتسامه :احسن انها هتتجوز علشان افضل انا وبس اللي في حضنك يا فوفو يا حبيبي
فؤاد يضحك ويبوسها : لا يا اميرتي انا عاوزك انتي كمان تتجوزي (ويمسك ايد مني) وتفضل موني بس اللي في حضني
لين تبص ليه بنظره طفوليه وترسم علي وشها الحزن والغضب
لين :بقي كده يا بابا طيب انا بقى مش هتجوز وهيفضل قعده هنا على قلبكم ومش هسيبكم خالص مالص هاااا بس
الكل يضحك
امير يضحك : ياخلاصوا على الدلع اللي هيجنني (ويبص لمني) ام انا زعلان منك يا موني زعل يعني لازم ترضعيني مع البت الرخمة سيلا وتبقي لينو اختي... طيب اتجوز مين انا دلوقتي مش لاقي عروسه في طعمتها يا ناس ( أمير بيتكلم وهو بيقرص لين من خدودها ف لين مسكت ايده و راحت عضه )
الكل يضحك
لين تشهق وتنتبه للوقت :يا خبر الامتحان دا انا نسيتوه... سلام بقي
امير يقف معاها :استني يا حبيبتي هوصلك في طريقي
فؤاد يبص للين :يلا يا بشمهندسة شدي حيلك الشركة منتظراكي
لين بابتسامه :أن شاء الله يا بابا بس اعمل حسابك اقل من مدير عام في الشركة مش هقبل
امير يبرق عينه : ياسلام طب وانا اروح فين دا انتي ناويه تأخذي مكاني...
لين بابتسامة جميلة : هنطلعك معاش مبكر (الكل يضحك)
منى بابتسامه : يلا يا حبيبتي روحي احسن تتأخري و ربنا يوفقك ماتنسيش تطمينني اول ما تخلصي امتحان... اوعي تفضلي تتكلمي مع صحابك وتنسيني
لين تبوسها :انا اقدر انساكي بردوا يا منمن... سلام بقى اشوفكم بخير
منى وفؤاد :في رعاية الله
وخرجت لين مع أمير يوصلها للامتحان
وبعد ساعتين وانتهاء الامتحان لين كانت واقفه مع اصحابها الانتيم (شوشو وصافيه والماء) كويتيات الجنسية بس بقى يتكلموا مصري زي لين
لين بفرحه : انا مش مصدقه ان احنا خلاص خلصنا المدرسة والامتحانات وهندخل الجامعة
شوشو بضيق : بس الامتحان دا كان صعب اوي
الاء بغضب : كان مقرف دا انا لو جبت درجه النجاح فيه هحمد ربنا
صافيه بابتسامه : لا والله ماكنش صعب لدرجه بالعكس هو كان في المستوي الطالب المتفوق الهو انا ولين طبعا
تضحك لين وصافيه و تتغاظ شوشو و ألاء وكل واحده تضرب اللي واقف جمبها.... فشوشو تمسك لين وتعضها من دراعها بس هزار طبعا و الاء تقرص صافيه من ودانها
لين بألم : يا عضاضة سبيني.... وانا مالي يا رخمه هو حد قال لك متذاكر يش
صافيه بألم : اي اي وداني سيبني خلاص حرمت خلاص (وبعد ما الاء سابت ودانها) المهم سيبكم من الامتحان و قوليلي هنعمل ايه في الاجازة
شوشو :عاوزين ننظم الإجازة دي ونقضيها خروج وفسح
الاء :خروج وين يا شوشو هي الكويت فيها خروج دي كلها قد كده.... دي اوضة وصاله
صافيه :طب ايه رائيكم لما نقول لاهلينا ياخدونا ونطلع لبره الكويت
شوشو: والله فكره ايه رائيك يا لين هو انتي ساكته ليه
لين بابتسامه : انا عن نفسي مستنيه الاسبوع دا يخلص وهطير علي مصر
صافيه :يووووه دا انتي مسافره صحيح
الاء: ما تخليكي يا لين معانا الاجازه دا... احنا ما بنعرف ننبسط من غيرك
لين بابتسامه : اخليني فين.... لا طبعا دا انا ما صدقت أن الامتحانات خلصت و ارجع مصر علشان اشوف ( وانتهت لكلامها قبل ما تكمل فسكتت و بصت ليهم لقيتهم بيبصوا ليها اوي وبيبتسموا)
شوشو بابتسامه :ايوه كملي كملي عاوزه تشوفي مين بقى
الاء تمسك ايدها : اعترفي اعترفي... خلاص كله انكشف علشان لما نقول انك بتحبي متقوليش ت لا دا احنا جيران ومعارف وبس
صافيه بخوف : لين اوعي تسمعي كلاموه وتدخلي الجامعة في القاهرة احنا متفقين هندخل كلنا الجامعه سوا اوعي تسيبينا يا لين احنا من kg سوا مفترقناش
لين تبص لها بحب : ما تخافش يا صافي انا مقدرش ابعد عنكم... انا هرجع وكمل في الجامعة هنا ونفضل سوأ ومش هنفترق ابدا( ويحضنوا بعض كلهم بحب يقطعوا عليهم صوت تلفون لين وهو بيرن)
لين بابتسامه : دا مين اللي ابن الحلال اللي قطع علينا اللحظة النكد دي (يتضحكوا البنات)
لين تطلع تلفونها تلقي مامتها فتضرب راسها بأيدها
لين : يا خبر دي ماما دا انا نسيت اطمنها دي هتموتني
لين :الووا
منى بضيق :انا قولت برده انك هتفضلي تتكلمي معاهم وهتنسي تطمنيني
لين بابتسامه :سوري يا ماما انا لسه خارجه من شويه وكنت لسه هكلمك
منى : ايوه ما انتي كل مره بتقولي كده... المهم طمنيني عملتي ايه
لين بابتسامه : هو دا سؤال بردوا يا منمن قلتها طبعا وكله تمام
منى بابتسامه : الحمد الله يا حبيبتي.... طيب انتي هتعملي ايه دلوقتي هترجعي على هنا ولا هتروحي في حته
لين: لسه بنتفق انا والبنات يا مامي هنقرر وكلم حضرتك اقولك على طول انا هروح فين
منى :اوكي يا حبيبتي... عموما انا هخرج انا وسيلا نجيب الهداية.... عاوزني اجيب ليكي حاجه معانا
لين بابتسامه : ميرسي يا ماما انا هبقي اشتري الهداية بتاعتي قبل ما نسافر
تدخل سيلا علي مامتها
سيلا تقعد جمبها : بتكلمي مين يا مامي دي لين
منى: ايوه هي
سيلا :طيب هاتيها اقولها حاجه
منى: كلمي يا لين سيلا عاوزكي
سيلا بضيق : انتي فين يا صايعه (منى تضرب سيلا علي رجلها)
مني بغيظ : بنت ايه اللي بتقوليه لاختك دا
سيلا و تبعد وتهروب من منى :سوري يا مامي مش قصدي
لين تضحك لما سمعت صوت الضربة وكلام مامتها
لين بضحك : احسن تستهلي
سيلا بغيظ : اخرسي يا جزمه... وقوليلي حالا انتي فين وراجعه امتي وارجعي حالا... لأن انا مش هنزل مع امك لوحدي
منى بغيظ :امك يا محترمه.... اسمها امك يا خساره تربيتي فيكي
سيلا تعض شفيفها وتبص لمني :سوري يا مامي قصدي مامتك حلو كده
لين ميتة ضحك علي اختها :انا بقول تقفلي قبل ما تفضلي تغلطي ومامي تسمعك وبدل ما نبعتك لأحمد عروسه نبعتك جثه يدفنك
سيلا بغيظ :بعد الشر عليا ان شاء الله البت مرام زميلته الملزمة..... المهم يا لين تعالي حالا متسبنيش لوحدي انا عاوزه اشتري حاجات كتير علشان جوزي وبحتار لوحدي وانتي زؤقك بيعجبني فتعالي معايا
لين بصدمه :ياخبر يا سيلا كل اللي عندك دا ولسه هتشتري تاني.... دا انتي اشتريتي الكويت كلها(وتضحك) طب سيبي حاجه لأهل البلد يشترها يا بنتي
سيلا بغيظ :انتي مالك يا برده هو انتي دافعه حاجه من جيبك.... اتفضلي تعالى بسرعه هستناكي ووالله لو ماجتيش يا لين لتشوفي انا هعمل فيكي ايه انتي واصحابك
لين بابتسامه : لا وعلي ايه الطيب احسن خلاص
هاجي انزلوا انتم وأبعتي لي السواق بعربيتي وعرفيني انتم فين وانا هجليكم على هناك يلا سلام
الاء بضيق :ايه دا انتي هتروحي وتسبينا
لين :سوري يا بنات سيلا عاوزني معاها هتشتري حاجات لجوازها وانتم عارفين لو مرحتش ممكن تعمل فيا وفيكم ايه
صافيه بابتسامه :لا يا حبيبتي روحي لها احسن اختك ايدها تقيله اوي
شوشو بابتسامه :خلاص احنا نروح النهارده لأن انا هموت وانام.... ونتقابل بكرا من اول اليوم ونقضي سوأ
البنات : اوكي اتفقنا
وكل منهم تروح وتركب عربيتها وتمشي
لين تروح المول اللي فيه مامتها واختها و يقضوا اليوم بره ويرجعوا بالليل الساعة 11
لين تقعد بتعب : حرام عليكي يا سيلا ايه دا كله... دا انتي ماسبتيش مكان ولا حاجه ماشترتيهاش
سيلا بزعل : فين دا.... دا لسه في اماكن عاوزه اروحها
منى بصدمه : ليه يا بنتي.... هتودي دا كله فين دا انتي عاوزه شقه لوحدك للهدوم بس... كفايه كده
سيلا بترسم الزعل : يوه بقي يا مامي مش عروسه
يدخل امير وفؤاد ويسمعوا سيلا
امير بابتسامه :مين دي اللي عروسه(ويقعد ويقرصها في خدها) ايه يا بت الرقة دي ماعرفتكيش
سيلا بغيظ تزق ايده : انت مالك يا رخم... وبعدين طبعا عروسه واحلي عروسه كمان... بكرا نشوف مجيبك
منى :بنت أتكلمي كويس
سيلا بغيظ :سوري يا مامي
امير يحط ايده على كتف لين ويضحك هو وهي
امير : يعجبني فيكي شاجعتك
سيلا بغيظ : لما نطلع فوق هنشوف شجاعتك
فؤاد يفتح حضنه ليها : ماحدش له دعوي ب ياسو... دي ارق واجمل عروسه في الكون كله
سيلا بتقعد في بحضنه وتبتسم : حبيبي يا بابتي يامدلعني انت
فؤاد بابتسامه : ها يا ياسو خلصتي كل حاجه عاوزها يا عروسة ولا لسه ناقصك حاجه
سيلا : يعني ناقصني شويه حاجات كده
لين تضحك : ايوه يا بابي ناقص تشتري حيطان المولات وتأخذها معاها
سيلا بتريقه : هاهاهاها ضحكتينا يا لطيفه.... وبعدين انتي مالك بابي قالي اشتري كل النفسي فيه صح يا بابتي
فؤاد يضمها :.طبعا يا حبيبتي اشتري كل اللي عاوزه هو انا عندي اغلي منك انتي و ليني (ويفتح ذراعه تاني وتقوم لين لحضنه ويضم بناته الاثنين)
الصباح
تصحي لين على صوت تليفونها
لين بنوم :الووا
شوشو :انتي لسه نايمه اصحي يا بنتي... ورانا خروج
لين بتتمطع : اوكي هصحي اهو
شوشو : اوكي يا حبيبتي يلا اجهزي علي ما اجيلك بسيارة
لين: طيب ما نتفق هنتقابل فين واجي بعربيتي
شوشو : لا خلينا بعربيه واحده مع بعض احسن انا هفوت عليكم
لين : اوكي اتفقنا كلمي البنات صحيهم وانا هستناكم
شوشو :كلمتهم يا حبيبتي من بدري انا سيبك انتي اخر واحده علشان ترتاحي شويه
لين بابتسامه : حبيبتي يا شوشو... يلا باي هستناكي
تصحي لين تدخل تاخد شور وتلبس وتصلي وتخرج تلقي مامتها و سيلا قعدين
لين بابتسامه : صباح الخير (وتبوس مامتها)
منى بابتسامه :صباح النور يا حبيبتي ايه اللي مصحيكي بدري كده دا انا مرضيتش أصحيكي قولت اسيبك ترتاحي
سيلا بغيظ : ياسلام اشمعني انا مصحيني من بدري وبتزعلي لو نمت وارتحت
لين بضحك :طب انا لسه مخلصه امتحانات وكنت بسهر في المذاكرة..... لكن انتي بتصحي متأخر بسبب كتر كلامك في التلفون.. واحمد يا حبيبي بيفضل صاحي وهيموت علشان ينام ومش عارف بسبب راغيك
سيلا تحدفها بمخدة :متقوليش علي احمد حبيبك يا بت انت.... احمد حبيبي انا وبس
منى : ولم هو حبيبك ارحميه شويه...خالتك بتكلميني بتقولي خسس ومش بينام كويس مرضيتش تقولي بسبب بنتك.... ارحمي الولد شويه
سيلا بضيق : يووووه بقي هو كان اشتكي لحد فيكم احنا بنحب نسهر سوأ
لين بضحك : ربنا يصبرك يا ابن خالتي والله صعبان عليه جاب لنفسه مصيبه لما خطبك
سيلا تقوم ولين تجري تهرب منه وهي تجري وراها
سيلا بغيظ : بتهربي يا جبانه.. تعالي هنا والله لموتك
لين تفتح الباب وتهرب منها
لين بضحك : مامي انا خارجه هتصل بيكي اقولك انا فين
منى بضحك :طب مش هاتفطري
لين مرديتش وجريت قبل ما سيلا توصلها
البنات راحوا فطروا سوا في كافيه وبعد ما خلصوا فطار
صافيه بزهق : انا زهقانه مش عاوزه أفضل قعده كده... وعاوزه اعمل حاجه مجنونه اعملوا حسابكم
الاء : هنعمل ايه هنا.... احنا لو عملنا اي تصرف يوصل البيت لأهلنا قبل ما نوصل احنا
لين بابتسامه : طيب ايه رائيكم ما نطلع بره الكويت
البنات سوأ :هنروح فين
لين بابتسامه :نروح دبي
البنات بيبصوا لبعض
الاء بقلق:ازاي اهلنا مش هيوافقو يسبونا نروح لوحدنا
لين بابتسامه : ومين قال نقولهم... انتم مش بتقولوا حاجه مجنونه هو في اجن من كده
صافيه بخوف : لا لا دا اكتر من جنان مقدرش أعملها
شوشو تقوم تقف بابتسامه : انا موافقه يلا بينا
لين تقف معاها : يلا (وتبص لصافي و الاء) حد فيكم جي معانا
الاء بتبص لصافيه : ها يا صافي
صافيه تقوم تقف : يعني هو من امتي حد فينا بيروح في داهيه لوحده.... كلنا نروح سوأ
ويقفوا كلهم ويبصوا لبعض ويضحكوا ويروحوا لعربيه شوشو
شوشو وهي بتسوق : طيب هنعمل ايه دلوقتي
لين :هنروح المطار نعرف اول رحله ونحجز فيها ذهاب وعوده.... و نقضي اليوم و نرجع علي بيوتنا من غير لا حس ولا خبر.... زي ما نكون نتفسح هنا في الكويت
شوشو :طب والسيارة
لين : ها نسيبها في المطار طبعا عشان لما نرجع نروح بيها
وصلوا البنات المطار وحجزوا وطلعوا الطيارة وقلوبهم بدق من الخوف
صافيه : لا لا انا هنزل دا جنان زياده عن كل مره
لين تمسكها:. اقعدي بقي خالص احنا ركبنا وحجزنا رجوع الساعة 8 هنكون في الكويت اسكتي بقي
شوشو بقلق : يالهووووي لو طلال عرف هيطلقني ( طلال ابن عم شوشو وكاتب كتابه عليها من سنه )
الاء بارتباك : خلاص بقي اسكتي اهو يوم ويعدي
وتطير الطيارة لدبي وكل من البنات جوها خوف
وبعد ساعه وصلت الطائرة لمطار دبي ونزلوا البنات
الاء : ادينا وصلنا هنعمل ايه دلوقتي مش معقول هنفضل في المطار
لين :هناخد تاكسي لبرج خليفه نعمل شوبنج ونتغدا ونرجع للمطار
البنات :يلا بينا
ويخرجوا ويوصلوا البرج ويفضلوا يتفسحوا ويضحكوا ويبقي يوم حلو... مابطلوش ضحك وجنن واشتروا حاجات كتير ولين اشترت كل الهداية اللي عاوزها... واشترت فستان لفرح سيلا
وبعد فتره كانوا قعدين بيتغدوا
صافي بابتسامه : لينو هو انت ما اشترتيش هديه لسليم
لين بارتباك تهرب بعينها : لا وانا اشتري ليه هديه بمناسبة ايه
شوشو بريقه وضحك : يعني بمناسبة انكم جيران وأنه اخو صحبتك بس انتي مش معجبه بيه ولا بتحب بيه ابدا خالص
لين بارتباك :لا انا جيبت هديه بس لشروق اخته لكن اجيب ليه هو ليه يعني
الاء تميل عليها : اممممم طب والبرفان العود الرجالي التحفه اللي اشتريه من شويه لمين بقي
لين تذقها بغيظ : وانتي مالك يا غلسه
يرنين تلفون شوشو وينقذ لين من اسالتهم
شوشو بخوف : اوووف الحقني... دا طلال طلال اكيد عرف انا وين
صافيه وهي هتعيط من الخوف :مترديش عليه مترديش
لين تحاول تظهر شجاعة وهي من جوه مرعبه
لين : لاااا ردي طبعا... عليه ولو سالك احنا فين قوليله في مركز التجميل بتاع نفين.... وانا هكلم نفين اقولها لو حد سألها تقول ان احنا عندها
شوشو ترد وهي بداري خوفها : اهلين طلال
طلال : اهلا بحبيبتي وقلبي وزوجتي ونور عيوني
شوشو تتنهد مطمئنه... وكلهم يتنهدوا زايها
شوشو بابتسامه : يسلملي الغالي
طلال :وينك شوشو اشتقتلك عيوني
شوشو بارتباك : انا مع البنات في مركز التجميل حبيبي
طلال :خساره كنت عاوز نتغدا سوأ
شوشو : معلش حبيبي خلينا بكرا بتعرف لينو مسافره واحنا قولنا نقضي اليوم معاها
طلال : اوكي حبيبتي ابقي طمنيني عليك سلمي على لين والبنات
شوشو بابتسامه :الله يسلم لي عمرك يالغالي
وتقفل شوشو م بتتنهد بارتياح والبنات يضحكوا فهم كانوا سامعين المكلمة... وبعد ثواني توصل رساله لشوشو من طلال علي واتساب ب
طلال :(بحبك 
)
)شوشو تبتسم وتضحك وترسل له رساله بكلمه (بحبك) و مااخدتش بالها ان Gbs شغال.... وبعت لطلال مكانها
هي على طول مشغله اللي Gbsعلي تليفونها ودا بناء علي أمر من طلال انه يكون شغال على طول علشان دايما يبقي عارف مكانها ومطمن عليها
وفي الكويت في مكتب طلال
طلال يبص لتلفون لما استلم رساله شوشو وبعدين يبص لعدي اخوه اللي قعد قدامه
طلال بغيظ : هم اللي شوفتهم في المطار موجودين في دبي في برج خليفه
عدي يضحك اوي علي شوشو وصاحباتها اللي عارفهم كلهم من وهما صغيرين و عارف جنانهم
عدي بضحك : والله ووقعوا المجانين ...ناوي هتعمل ايه
طلال يقف بغيظ : هتعرف دلوقتي قوم معايا
والساعه 7 البنات رجعوا الكويت بعد ما قضى يوم حلو ومجنون وانبسطوا جدا ومابطلوش ضحك
ويخرجوا بره المطار علشان يركبوا عربيه شوشو ويروحوا بس مالقوش العربية مكان ما سبوها... ويفضلوا يدوروا عليها ويسألون الأمن... و مش لقينها خالص وكانوا واقفين هيتجننوا بيسالوا نفسهم العربية راحت فين.... و فضلوا واقفين يدوروا ويلفوا حاولين نفسهم
