رواية قصتي مع مصاص دماء كاملة
قصتي مع مصاص دماء 
الحلقة الاولى
دخلت الام ع بنتها عشان تشوفها لبست ولا لا عشان اتاخرت ع اول يوم ف جامعتها
الام : ياارا خلصتي لبس ولا لسه ....
اتفجئت الام بان يارا ملبستش ولا جهزت نفسها
كانت اعده ع السرير وبتبص لهدومها وهيه قلقانه
الام :مالك يا يارا ؟ مالبستيش ليه يا حببتي ؟
يارا : اصل اااصل ..
الام : ايه مش اتكملنا ف الموضووع ده قبل كده ووعدتيني انك ماتقلقيش من حاجه ..
***
ياارا بنوته رقيقه جدا ..بس طوول عمرها منبوذه من الناااس ، من اول ما دخلت الحضانه والنااس بيحسدوها ع جمالها ورقتهااا ، خافت مامتها عليها كتيير جدا
وحاولت بكل جهدها انها تخفي جمال بنتها
باي طريقه ، خووف من الحسد والغل الي ف قلووب الناس
وبعد ما دخلت يارا المدرسه ..
كانت بردوو بتتعامل معامله وحشه من زمايلها البناات
الكل حااسس بغيره منها ومن جمالها وخصوصا انها بتالفت الانظااار
من جهه الحياه الاجتماعيه فكانت معدومه عندهاا .. يعني عمرها ماكان عندها اصدقاء تثق فيهم ابدا ، وده طبعا بفضل والدتها لنها زرعت الخوف ف قلب بنتها من وهيه صغيره
وحسستها بان كل الناس عايزين ازيتهاا..
الوحيده الي كانت بتثق فيها يارا هيه اختها الكبيره .. رزان
وهيه اقل جمال من يارا بس احتماااعيه جدااا اكتر منهاا
كل النااس بتحبها وبتحب تتعامل معاها
وطبعا الفكره الي خدوها عن يارا من وهيه صغيره انها متكبره عشان مابتكلمش حد
وطبعا مايعرفووش الحقيقه ايه
وبعد ما كبرت يارا ودخلت الثانوي ، قدرت الام ف انها تخفي جمال بنتهاا
خالتها تلبس نظااره كبيره عشان تخفي جمال عنيها
لمت شعرها الطوويل ع طوول عشان مايبنش جماله
لبستها لبس اكبر من سنهاا عشان محدش يعرف مقدار جمالها ايه
وفضلت يارا البنت المنبوذه من طفولتها لحد ما خلصت الثانوي
ومع زياده الاشاعاات عن الجاامعه واد ايه ان حياه الجاامعه مخيفه
وان البنات بيفسدو بعض ..
خاافت الام جداا ع بنتهاا وحاولت تديهها نصايح تمنعها من انها تخطلت اختلاط كبير بالنااس
بس النصاايح دي كبرت الخوف ف قلب يارا اكتر وحست بقلق كبير وتوتر من انها تروح الجامعه
*********
الام :حببتي مش احنا اتفقنااا ماتخفيش من حااجه اهم حااجه انك ماتكلميش حد وخليكي ف حاالك ع طووول
يارا : حاضر يا ماما انا هلبس اهوو وهكون جاهزه بعد لحظات
ابتسمت الام وباست يارا ع راسها وخرجت من الاوضه
الام :رزاااان ياارزاان !!
رزان :نعم يا ماما
الام :جهزتي ولا لسه ؟؟
رزاان :لسه بحط الميك اب
الام : مش قلنا تخففي الميك اب الي بتحطيه ده
رزاان : لسه بتعامليني زي الطفله الصغيره وانا بقيت ف 3 جامعه
الام : وهتفضلي صغيره طوووول عمرك
خلي بالك من ياارا النهرده ومتخليش حد يكلمها
قاطعت رزان كلام امها وكملته هيه
رزان : وماتخليش حد يكلمهاا ولا يقف معااهاا وشوفيها لو احتااجت حااجه وخليكي جمبها خطوه بخطوه انتي عارفه انها مابتعرفش تتصرف ولاااب لاااب لاااااا
كلام كل مره وحفظتووو وربناا
الام : يااريتك تبقي فاالحه ف حيااتك اد ماانتي فالحه ف تردييد الكلام
اخلصي يالله عشان يارا قربت تخلص لبس وروحي معاها
رزان :مارضعها بالمره يا ماما محسساني اني خلفتهاا ونستها
مسكت الام فرده شبشب وحدفتها ع رزاان ..
رزاان :هه مجاااتش
الام :انتي عارفه انا لو قمت لك هربيكي
رزاان : لا خلااص وع ايه يالله يا ياارا عشان اوديكي الحضاانه يووه اصدي الجامعه
....
وبعد مجئره بين رزاان ومامتها زي كل يووم
خرجت يارا باللبس الي اخارته لها مامتها
وطبعا مش هوصف لكم زووق الامهاات ف اختياار الملابس لبناتهم
احم خلينا نكمل احسن تجيلي فرده شبشب ف وشي من حيث لا ادري
****
وبعد ما خلصت يارا لبسها سلمت ع مامتها وخرجت مع رزاان
وبعد ما ركبت يارا ورزان العربيه ..
بصت رزان ف مرايا العربيه وظبطت الروج بتاعها
يارا : اانتي بتعملي ايه يا رزاان !!
رزان :هههه بظبط الروج بتاعي تجبي احطلك
لفت يارا وشهاا وهيه مبينه ع ملامحها الاعتراااض
رزاان : كنت عاارفه انك هتقولي لا
بس يارا مردتش ع رزاان لان بداخلها فضوول كبير انها تجرب الميك اب ولو بسيط
وبعد ما وصلت يارا الجامعه مسكت ايد رزاان والخووف كان مسيطر ع قلبها
رزان :هههههه ياارا مالك بتترعشي كده ليه
دي مجرد جاامعه مش حاجه تخوف يعني
يارا :ووووممين قال لك اااني خخايفه انا ككويسه اهوو
رزان :ااها ماهو واضح
ع العموم ماتخفيش انا هفضل معاكي ف كل لحظه
وقبل ما تكمل رزان كلامها سمعت صوت ميمي صحبتها بتنادي عليهاا
ميمي :رزاااااااااااااان رزاااان
جريت رزان ع ميمي وسابت اختهاا واقفه لوحدها
رزان :ميمي وحشتييييني اووووي
ميمي : وانتي كمااان
تعاالي الشله كلها متجمعه ف الكافيتريا
رزاان :طيب ياالاااا بينا
راحت رزان مع ميمي ونسيت ان اختهاا كانت واقفه ورااهاا
ياراا :رزااااااان رزاااااان رايحه فيين ؟؟
بس رزان مسمعتش صوت يارا
فضلت يارا واقفه ف مكانها ماتحركتش
بتبص ع كل الناااس ..
ياارا :يااااااااه الجامعه دي كبيرره اووووووووي
فيها الي محترم والي مش محترم والي بيصلي والي بيكذب والي بيخدع
فيها كل انواع البشر ..
يااارب اعدي ال4 سنين بتووعي ع خييير من غير ما تحصلي مشكله
حركت يارا جسمهاا وبدات تمشي بخووف وقلق وهيه بتبص ع كل الناااس
وشاايفه ف عيونهم نظراات غريبه ؟؟
دخلت يارا جوه الحرم الجامعي
وهيه مش عارفه ترووح فين ولاا هيه ف اي مدرج ؟؟
سمعت يارا صوت جي من وراااهاا
انتي اكيد جديده زيي وااضح عليكي التوتر
لفت يارا وشها بسرعه
شافت بنت وااضح عليها من هيئتها واسلوبها ف الكلام الرقه والهدوء
يارا : و حضرتك جديده بردوو
البنت :ههه حضرتك حلوهه اووي بس انا اسمي ياسمين بس تقدري تقوليلي سمسمه
ابتسمت يارا لياسمين والي حست من كلامها بطمئناان كبير
ياسمين :انتي بقي دخلتي كليه ايه
يارا :انا فنون جميله
ياسمين :وانا فنون تطبقيه هنتقااابل كتير ان شااء الله
يارا : ان شااء الله بس انا معرفش اي حااجه هنا
ياسمين : ومين قال لك اني هسيبك دلوقتي ، تعالي معايا نسال انتي ف مدرج
راحت ياسمين مع يارا وبدات تسال لها عن مواعيد محاضراتها وهيه ف اي مدرج
وبعد شويه ...
ياسمين : انتي كده عرفتي موعيد محاضراتك وانتي ف اي مدرج والدكتره الي هيدوكي اسمهم ايه محتاجه حاجه تانيه
يارا : لااا مرسيي ليكي بجد
ياسمين : ولا يهمك يا قمر انا هروح انا عشان اعرف مواعيدي انا كمان
يالا سلااام
وقبل ما تبعد ياسمين ، نادت عليها يارا
وقالت يارا لياسمين : ع فكره اسمي يااارا
ابتسمت ياسمين ل يارا مااشي ياياراا هجيلك بعد ما تخلصي محضرتك
يارا : بس هتلاقيني فيين ؟؟
ياسمين : لا ماتشغليش باالك انا هعرف اوصلك
سلااام ناااو ...
وبعد ما مشيت ياسمين ، حست ياراا بقلق تااني ..
دخلت يارا مدرجها والي لقته زحمه جدااا
والكل بيتكلمو مع بعض
والي بيضحك والي بيهرج مه الي جامبو ..
اعدت يارا لوحدها وهيه حسه بقلق وخووف
سمعت يارا صووت جي من وراها
ههههههه انتي ايه الي جاابك هنا يا حجه
لفت يارا وشها لقت شله بناات ع ولااد بصين عليها وبيضحكوو
قالت بنت من الشله ..
انتي ايه الي جاابك هنا يا ماما دي جاامعه مش مستشفي للمسنيين
ردت عليهاا البنت الي جمبهااا : لاا اخص عليكي وااضح انها صغنوونه
انتي ميين يا حلووه
لفت يارا وشها بعد ما حست باهاانه كبيره ..
بدات الشله تتطريق ع ياارا وع لبسهاا وشكلها الي يوحي للكل بانها لابسه لبس اكبر من سنها مع النظااره الكبيره الي لبسهااها واسلوبها ف لم شعرهاا
ميبن للكل انها وحشه جداااا
حطت يارا اديها ع ودنهاا والدمووع بدات تملي عنيهااا من الاهاناات الي سمعتها
وفجأه حست يارا بهدووء غريب جوا القاعه ..
بصت يارا لقت 3 شبااب داخلين المدرج !! والكل متنح لهم !!
وقف شاب منهم قدام المدرج وبدا يطلع ورقه ويقرا منها
الشاب : في رحله لتخيم هتطلع قريب
الي عايز يشترك يجي عشان يكتب اسمه
بس بسرعه لان العدد محدوود
حست يارا بفضوول كبير ف انها ترووح الرحله دي ..
بس ازاااي وهيه منطوويه جدااا وغير انها حسه من الناس انها منبوذه
بدا النااس يروحو يسجلو اسميهم .. معادا يارا فضلت اعده ف مكانها
لمح شاب من المسؤولين عن الرحله ياراا
بص لها بصه مرعبه !! حست ياارا برعشه ف جسمهاا
لفت يارا وشها بسرعه وهيه مش عارفه .؟
هوا بيبص لها كده ليه ..!!
وبعد لحظات دخل الدكتوور ..
وطلب من الكل انه يعد ف مكانه
دخلو الشبااب الي مسؤلين عن الرحله واعدو مع الدفعاا
بصت يارا لهم باستغرااب
سمعت يارا بنت كانت اعده جمبها ..
بتقول لها : ماالك بتبصي لهم كده ليه
يارا : هه !! لا ولا حااجه بس غريبه دخلو واعدو معانا ف المدرج
البنت : عشان هما معانا ف الدفعه
يارا :اهااا عشان كده
بس ليه الكل بيبص لهم كده ..!!
البنت : لييه هوا انتي مش واخده باالك .. مش حااسه انهم جذاابين جداا
يارا : فعلاا .. بطريقه غرييبه !!
وبعد ما انتهت المحااضره اتلم النااس ع الشبااب تاني عشان يسجلو اسميهم
سمعت يارا بنت من الي بيتريقو عليها بتقو لها
البنت : وااانتي بقي اسمك ايه يا ماما
لفت يارا وشهاا وكان باين عليها الاحرااج
قالت البنت : ايه انتي طرشه ، مش سمعااني
يارا : اااناا اانا اسمي يارا
البنت : يااارا ههه ايه الاسم الغريب ده
ردت صحبتها وقالت ..ههه عامل زي صحبته
نزلت يارا وشها لتحت وهيه حسه بذل واهاانه
سمعت يارا صوت من وراهاا بيقوول
ايه مش هتشتركو ف الرحله ..
ردت البنت الي بتضايق يارا ..
البنت :ااااكـــــــــــيد طبعاا ^__^
انا اسمي مريم
ردت صحبتها وانا اسمي ساره
قال الشااب ل يارا : وانتي يا انسه مش هتشتركي
بصت يارا للشااب ولفت وشهاا
قالت مريم : هههه وانت متوقع ان دي ترووح رحلاات اصلاا
اكيد هيه داخله الكليه بمنحه ولا حااجه
بااين عليها انها مش لااقيه تاكل اصلا
حست يارا بخنقه كبيره وقاامت بسرعه وجريت بره المدرج
نزلت الدموع من عيون يارا وهيه بتجري
مش عاارفه ترووح فيين
خرجت يارا ع جنينه الجامعه
سندت ع شجره واعدت تعيط
حسه بخنقه واالم
يارا : كاان عندك حق يا مااماا كنتي ع طوول بتقوليلي ان النااس مالهااش اماان
انا بجد كرهت الجاامعه دي من اول يوووم
سمعت يارا صوت جي من وراها
الشاب : وليه تقوولي كده
استغربت ياارا لما شاافت الشااب ورااها
ده كاان جوه مع البناات بياخد اسامي الرحله ..
ازااي لحق يجيلي !!
قال الشاب ليارا ..
ع العموم انا مش جي عشان ادخل ف حيااتك الشخصيه
انا جي اديكي دي
ادي الشاب دعوه لياارا .. بس شكلها غرييب اووووي
مسكت يارا الدعوه لقت مكتووب فيها
دعوه خاااصه ..لحفله عشااق القمر ..
شكل الدعوه يوحي بانها غريبه ومش طبيعيه !!
بصت يارا ع الشااب بس ملقتهوووش
اختفي ....!!
حست يااارا بفضووول كبيير اوووي وفرحه كبيره ف نفس اوقت
اول مره بحيااتها تاخد دعوه ..
متعرفش يارا ان الدعوه دي اصلها تجمع لكل من محبي دماء البشر
اذا كانو مصاصي دماء او مستذئبين
وان البشر الي هيكونو موجودين .. للتسليه فقط
ياترا هترووح يارا ولا لاا ولو راحت ايه الي هيحصل لها...........
يتبع................
متنساش تعمل لايك وكومنت وشير ....تعليقك يهمني
فضلا وليس امرا لمحبين
