رواية ما بين الحب والحرب كاملة
كنت ماسكة الفون وفتحت الفيس بوك لقيت ابن خالي يوسف بعتلي ادد اترددت شوية بعدها قلت عادي يعني ده ابن خالي فقبلته، تاني يوم لقيته باعتلي
يوسف:ازيك يا إسراء عاملة ايه
رديت:الحمدلله ازيك يا يوسف
يوسف:تمام الحمد لله، عمتو عاملة ايه
انا:كويسة الحمد لله، يوسف معلش انا هقفل ممكن متبعتليش تاني
يوسف:ليت يا يبنتي انا بسلم عليكي بس
انا:معلش مش هينفع عشان اخويا لو شافك عندي ممكن يفهم غلط وانا مش عايزة ده يحصل
يوسف:انا ابن خالك عادي يعني وبعدين احنا اخوات عادي يعني
انا:تمام يا يوسف، تصبح علي خير
يوسف :وانتي من اهله
(انا إسراء في اولي ثانوي وده يوسف ابن خالي في تالتة ثانوي هو عايش في السعودية وبينزل مضر في الإجازات بس)
**************************************
تاني يوم:-
يوسف:اسراء هي جامعة***فين بالظبط في مصر
اسراء:في ****، بتسأل ليه
يوسف:تمام شكرا يا اسراء، اصلي انا ان شاء الله هقدم فيها
اسراء:اممم، ربنا يوفقك
يوسف:يا رب ان شاء الله
، صحيح انتي في سنة كام؟
، صحيح انتي في سنة كام؟ انا:في اولي ثانوي
يوسف:امممم، ربنا يوفقك
انا:شكرا، انت في تالتة ثانوي تقريبا ليه بتسأل علي الجامعة من دلوقتي
يوسف:اصلي انا ناوي ادخل هندسة خاص وفي ناس قالولي ان الجامعة دي كويسة فا كنت بسأل عادي
انا:تمام
يوسف :انتي عارفة ان انا وانتي عمرنا ما سلمنا علي بعض
انا:انت اللي مش بتيجي تسلم وانا ببقي مكسوفة اروح اسلم عليك
يوسف :خلاص لما انزل مصر تاني ونتقابل عند بيت جدو هسلم عليكي
انا:خلصانة
*************************************
"طبعآ الكلام تتطور وبقينا عارفين كل حاجة عن بعض، يعني بنحب ايه وبكره ايه، صحابنا مين، يوميات حياتنا بنحكيها لبعض وبقيينا صحاب، وبعدها بشوية بقي البيست فريند، طبعا الفترة دي انا اتغيرت شوية يعني بقيت مبركزش في الصلاة عشان بخاف لو بعت مسدج وحد شافها، تركيزي في الزاكرة قل، حاجات كتير اتغيرت فيا"
في يوم رجعت من الدرس وكالعادة رميت الشنطة بأهمال غيرت لبسي، ومسكت الفون ولقيته بعتلي مسدج على الواتساب فتحتها :
يوسف:إسراء انا بقالي فترة من ساعة ما بقينا صحاب وانا حاسس بحاجة غريبة بس جميلة اوي ومكنتش حابب اقولهالك غير لما اتأكد منها، إسراء انا بحبك ومش قادر مقولكيش يا ريت تفهميني
"انا مكنتش مصدقة اللي كاتبه قولت ده اكيد مقلب، لاني كنت بكراش عليه ومعجبة بيه جدا بس قولت هو مش هيفكر فيا ولا يحبني عشان هو قالي اني زي اخته، بس فرحت اوي لما قالي كدة
كتبتله بجرأة عمرها ما كانت فيا قبل كدة:ونا كمان بحبك وكنت فاكرة انك بتعتبرني اختك بس فرحت انك بتحبني
شافها وردش استغربت، اتصل بيا، كنت متوترة اوي يعني هو مردش عشان يكلمني، فتحت
انا بترتباك:االو يا يوسف
يوسف:يا قلب يوسف، إسراء انتي متعرفيش انا فرحان قد ايه إنك بتحبيني زي ما بحبك، إسراء انا بعشقك
انا بكسوف:يوسف. ارجوك اقفل
ضحك ويعدها اتكلم بصوت مبحوح:مكسوفة، إسراء انا بجد بحبك
انا:وانا كمان بحبك اوي بس ممكن تقفل عشان انا متوترةو مكسوفة، ومش متعودة عليك انك حبيبي مش صاحبي
يوسف : ماشي يا حببتي انا هديكي وقتك سلام
انا :سلام(للحظة افتكرت ربنا وانو حرام اننا نقول لبعض بحبك، بس الشيطان سيطر عليا وفكرني بصحابي اللي مرتبطين فقولت هما مش احسن مني في حاجة وانا بحب يوسف وهو بيحبني والناس كلها بتعمل كدة)
*********************************
"بعد ما اعترفنا لبعض بحبنا لبعض، بقيت جريئة اكتر وبقيت بمنشنله علي الانستا وانزل صوروا علي الواتساب واكتب الكلام اللي بيكتبوه الناس المرتبطة، ربنا يخليك ليا، انا بحبك (وكمية محن وتلزيق مش طبيعية)،
عرفت ناس من صحابي اني مرتبطة وطبعا كنت مبسوطة، وطبعا كان فيه تاثيرآت سلبية كتير زي اني بقيت فاشلة دراسيا ومبقتش اصلي بقي وقتي كله اني اتكلم مع يوسف
********************************
عدت السنة وانا خلصت اولي ثانوي ونجحت بالعافية، ويوسف دخل هندسة خاص في جامعة في مصر وقالي انه نازل مصر قريب وهيجي عندنا يبات اسبوع عشان هيقدم في الجامعة والسكن بتاعها
