رواية ضحية العادات والتقاليد كاملة بقلم ميمي

رواية ضحية العادات والتقاليد كاملة بقلم ميمي 

 الحلقة_1

ﺍﺣﻴﺎﻧﺎ ﻳﺪﺧﻞ ﺍﻟﺤﺐ ﻗﻠﺒﻚ .. ﺑﺪﻭﻥ ﺍﻥ ﺗﻌﻠﻢ ﺑﻮﺟﻮﺩﻩ ..

ﻫﻜﺬﺍ ﻳﺪﺧﻞ ﺑﺪﻭﻥ ﺍﺳﺘﺄﺫﺍﻥ ﺍﻭ ﺗﻔﻜﻴﺮ ..

سهل ﺟﺪﺍ .. ان ﻳﺨﺘﺮﻕ ﻗﻠﺒﻚ .. ﻣﻦ نظرة .. ﻣﻦ كلمة .. ﻣﻦ ﻣﻮﻗﻒ ..

ﻓـ ﺗﻘﻒ ﺣﺎﺋﺮﺍ .. ﻣﺎﺫﺍ افعل .. ﻭﻫﻞ ﺍﻟﻤﻌﺸﻮﻕ ﺳﻴﺘﻘﺒﻞ ﻫﺬﺍ ﺍﻟﺤﺐ ﻭﻳﻘﺪﺭﻩ ..

ﺍﻥ ﻛﺎﻥ ﺗﻘﺒﻠﻨﻲ .. ف كان ﺧﻴﺮﺍ .. ﻭﺍﻥ ﻛﺎﻥ ﻻ ..

ﻭﺍﻱ ﻻ ﻓﻲ ﻗﺎﻣﻮﺳﻲ !!.. .. ﺍﻧــﺎ قيس .. "

اذا ﺍﺭﺩﺕ ﺷﻲﺀ ﻓﻤﺄﺧﺬﻩ ﺍﻛﻴﺪ ..

ﺍﻧﺎ ﺍﺑﻦ القبيلة والعشيرة ..

ﺍﻧﺎ ﺍﺑﻦ الخيمة والصحراء ..

ﺍﻧﺎ ﺍﺑﻦ الحسب والنسب ..

ﺍﻧﺎ ﺍﺑﻦ الشيخ عثمان ..

ﺍﻧﺎ ﺍﺑﻦ ﺗﻠﻚ ﺍﻻﺭﺽ ﺍﻟﻄﻴﺒﻪ ..

ﺍﻧﺎ ﺍﺑﻦ ليبيا ..

ﺍﻧﺎ قيس ..

اسمي هو قيس عثمان محمد .. ﻣﻦ ﻣﻮﺍﻟﻴﺪ .. 1980 ﻣﻦ قبيلة ال....... ( وسمي اسم المنطقة ) .. نشتغل ﺷﺮﻃﻲ .. ﻣﻼﺯﻡ ﺍﻭﻝ ..

ﻣﻼﺯﻡ ﺍﻭﻝ ﻓﻲ ﺯﻣﻦ ﺍﻟﻨﻈﺎﻡ ﺍﻟﺴﺎﺑﻖ .. ﻭﻗﺖ ﺍﻟﻠﻲ ﻛﺎﻥ ﺍﻟﺸﺮﻃﻲ ﻟﻮ تكلم .. ﺍﻟﻜﻞ ﺗﺎﺧﺬه ﺍﻟﺮﻫﺒﻪ .. ويديرله الف حساب ..

نحكيلكم علي روحي .. ﺍﻧﻲ ﺍﻟﻮﺣﻴﺪ لبوي .. ﻋﻨﺪﻱ 8 ﺧﻮﺍﺕ .. ﻣﺎ ﺷﺎﻟﻠﻪ ﻫﻬﻬﻪ .. 3 ﺧﻮﺍﺕ ﺍﻛﺒﺮ ﻣﻨﻲ .. ﻭﺍﻧﻲ ﺑﻌﺪهن .. والباقي اصغر مني

ﺑﻮﻱ كبير ﺍﻫﻠﻪ والكبير الله .. وكان ﻳﺘﻤﻨﻰ انه يجيه ولد .. ﻭﻣﻦ لما جيت ﺑﻌﺪ ﺍﻝ 3 ﺑﻨﺎﺕ .. قعدت ﺍﻧﻲ ﺍﻻﻭﻝ والاخير ﻋﻨﺪﻩ .. ﻛﻠﻤﺘﻲ ﻣﺎ ﺗﻨﺰلش للارض .. ﻭﺍﻣﺮﻱ يمشي علي الكبير قبل اﻟﺼﻐﻴﺮ .. ﻣﻦ كثر ﻣﺎ كان ﻳﺤﺒﻨﻲ .. كان ﻳﺎﺧﺬﻧﻲ معاه في كل اجتماع للقبيلة .. او صلح ف كان مرات يقولي حلها انت ياولدي وخليك قدها .. ﻭﻳﺨﻴﺮﻧﻲ ﺧﻴﺎﺭﻳﻦ .. شنو ﺍﻻﺻﺢ .. وكنت اللي نختاره اني هو اللي ﻳﻤﺸﻲ .. ﻟﺬﻟﻚ القبايل ﻭﺍﻟﺸﻴﻮﺥ ﻛﻠﻬﺎ ﻋﺮﻓﺘﻨﻲ .. وبوي ﺯﺭعلي ﻫﻴﺒﻪ في عيون ﺍﻟﻨﺎﺱ ﻣﻦ لما كنت ﺻﻐﻴﺮ .. كنت نقرا وكان ﻣﻮﻓﺮﻟﻲ كل ما نحتاج ونبي .. ع عكس ﺧﻮﺍﺗﻲ ﺍﻟﻠﻲ كملن سادس وقعدن في الحوش .. ﻣﻤﻨﻮﻉ القراية عندنا للبنت .. ﻋﻴﺐ .. سادها ﺗﺘﻌﻠﻢ ﻗﺮﺍﻳﻪ ﻭﻛﺘﺎبة بيش تعلم صغارها ..

خلي توا نهدرزلكم ﻋﻠﻰ ﺟﺪﻱ ﻭﺍﻋﻤﺎمي بما انه حكيت ع اهلي ..

ﺟﺪﻱ كان مش هو ﺷﻴﺦ قبيلته لكن كان كبير ﻋﻤﺎﻣﻪ .. ﻛﻠﻤﺘﻪ ﻣﺴﻤﻮﻋﻪ .. ﻭﺍﻟﻨﺎﺱ تبي رضاه .. ﻭﻳﻦ مايمشي يعرضوا عليه في بناتهم طبعا كانت ليه هيبة ومركز كبير .. وكان اغني واحد في المنطقة ..

ﻣﺘﺰﻭﺝ 7 نساوين .. اكيد بتقولوا ﺣﺮﺍﻡ .. ﻻ .. 3 يقولولهن هدية او بالاصح زي الجارية يعقد عليها وبعدها يطلقها .. ﻭ 4 متزوجهن عقد دايم يعني شرعا وقانونا ومايطلقهاش هاذي ..

ﺍﺗﺰﻭﺝ ﺍﻻﻭﻟﻰ .. جاب منها 6 ﺑﻨﺎﺕ .. و ﺗﺰﻭﺝ ﺍﻟﺜﺎﻧﻴﻪ .. ﺍﻟﻠﻲ هيا حناي ﺍﻡ ﺑﻮﻱ .. جابت ﻟﺠﺪﻱ 4 اولاد .. ﺍﻛﺒﺮﻫﻢ ﺑﻮﻱ

ﻣﻦ ﺑﻌﺪﻫﺎ عطوه ﻣﺮاة ﻫﺪﻳﻪ .. ﺑﺲ ﻣﺎ ﻃﻮلتش ﻭﻣﺎﺗﺖ وهيا تولد .. وﺟﺎﺑﺖ ﺑﻨﻴﻪ .. ﺭﺑﺘﻬﺎ حناي ..

ﻣﻦ ﺑﻌﺪﻫﺎ .. عطوه مراة ثانية ﺍﺗﺰﻭﺟﻬﺎ .. وقعدت ﻋﻨﺪﻩ ﺑﺲ متخلفة ومريضة شوي وماطولتش عنده وماتت وهيا تمشي فوق السطح ..

ﻣﻦ ﺑﻌﺪﻫﺎ .. ﻧﺰﻝ للعاصمة (( طرابلس )) عندنا عمل غادي .. ﺍﻧﻌﺠﺐ بي مراة .. ﻣﺎت ﻋﻠﻴﻬﺎ .. يقولولي ﻋﻠﻴﻬﺎ .. انه جميلة وكأنها ملاك .. مر من جنبها وقعد يشبحلها وهيا تشبحله .. صار ﺍﻻﻋﺠﺎﺏ بينهم .. قعد في العاصمة ع خاطرها ﺷﻬﺮﻳﻦ ..

ﻟﺤﺪ ﻣﺎ خذي ﻋﻤﺎﻣﻪ ﻭﺷﻴﻮﺥ ومشي ﺗﺰﻭﺟﻬﺎ .. ﺭﻏﻢ هيا مش من نفس القبيلة .. واب ﺟﺪﻱ كان ﺭﺍﻓﺾ ﻳﺘﺰﻭﺝ ﻣﻦ العاصمة او بالاحري من المدينة .. ﺑﺲ ﺟﺪﻱ حبها واصر انه ﻳﺎﺧﺬﻫﺎ .. قالوا لما ﺧﺬاﻫﺎ دار عرس سبع ايام وسبع ليالي .. وقعدن نساوينه يغارن ﻣﻨﻬﺎ .. هيا ﺑﻨﺖ مدينة ﻭﺗﻠﺒﺲ في قفاطين بس في هذاك ﺍﻟﻮقت

ﻭماتلبسش في (( الفراشية والردي )) ﺑﺲ تلبس في ﺍﻟﻌﺒﺎﻳﻪ .. قعدن النساوين ﻳﻐﺎﺭﻥ ﻣﻨﻬﺎ ﻭﺟﺪﻱ ﻣﺎ ﻳﺮﻓﻀﻠﻬﺎش في ﻃﻠﺐ .. حملت ﻣﻨﻪ ﻭﺟﺎﺑﺖ ﻋﻤﻲ ﻳﺎﺳﻴﻦ .. كان ﻫﺬﺍ ﺍﻟﻨﻔﺲ ﻋﻨﺪ ﺟﺪﻱ ﻻنه ﻳﺤﺐ ﺍﻣﻪ ..

ﻟﻜﻦ في ﻳﻮﻡ .. خش ﺟﺪﻱ .. ومعاه ﻣﺮاة تزوجها ك هدية حتي هيا .. ﻋﺎﺩ ﻣﺮﺗﻪ ﺍﻡ المدينة ماتحملتش فكرة انه يتزوج عليها ... قاتله لا ولازم ﺗﺮﺟﻌﻬﺎ واطلقها .. ﻭﻫﻮ ﺭﻓﺾ .. ﻻﻥ ﻋﻴﺐ ع الراجل ﻳﺮﺟﻊ ﺍﻟﻤﺮاﻩ ﺑﻌﺪ ﻣﺎ ﺧﺬاﻫﺎ .. ﻭﺟﺪﻱ كان كبير وعنده اسم وهيبة بين الناس عيب يرجع في كلمته ..

ﺣﺎﻭﻝ معاها .. قاللها مش راح نقربها وراح تقعد زي الشغالة بس .. سكرت راسها ﺍﻻ يطلقها .. ﺟﺪﻱ ﻋﺎﻧﺪ وقاللها المراة ﻣﺎ تمشيش كلمتها ع الراجل ﻭﺍﻧﻲ ﻗﺮﺭﺕ وخذيتها .. واكيد ﺑﻨﺖ المدينة مستحيل ﺗﻘﺒﻞ .. ﻟﻤﺖ حوايجها .. وقالتله ﺗﺤﺮﻡ عليا العيشة معاك .. ﺣﺎﻭﻝ معاها .. بس هيا شي سكرت راسها .. ﺭﺟﻌﺖ لي هلها .. ﻭﻃﻠﺒﺖ ﺍﻟﻄﻼﻕ .. دزولها ﺷﻴﻮﺥ بيش ﻳﺮﺟﻌﻮﻫﺎ بس رفضت وتبي تطلق .. ﺟﺪﻱ طلقها ﺑﺲ يبي ياخذ ولده ﻳﺎﺳﻴﻦ معاه هو اللي يربيه .. قالتله مافيش مش راح نعطيهولك .. ﻫﺬﺍ ولدي .. احني من عاداتنا مايقعدش العيل مع امه .. ﺧﺎصة ﺍﺫﺍ كان ﻭﻟﺪ مرجوعه ﻟﻌﻤﺎﻣﻪ .. قعد عراك فيما بينهم .. لعند ما ﺍﺩﺧﻞ فيها ﺍﻟﻘﺎﻧﻮﻥ وحكم للام .. ﺳﻜﺘﻨﺎ .. ﺑﻌﺪ ﻣﺎ ﻛﺘﺒﺖ ﺗﻌﻬﺪ انها ﻟﻮ ﺗﺰﻭﺟﺖ بياخذوا الولد ﻣﻨﻬﺎ .. هيا قعدت ﻛﻞ هاﻟﺴﻨﻴﻦ ماتزوجتش بيش ماتسيبش ولدها .. ﻣﻦ ﺑﻌﺪﻫﺎ ﺟﺪﻱ ﺍﺗﺰﻭﺝ الرابعة .. وقعد عندي هلبا اﻋﻤﺎﻡ ﺧﻴﺮ ﻣﻦ ﺍﻟﻠﻪ .. هما بروحهم قبيلة .. كبيرهم ﺑﻮﻱ ... ﻣﻦ لما كبرت .. ﻭﺑﻴﻨﺖ ﻣﻼﻣﺢ ﺭﺟﻮﻟﺘﻲ .. قعدت نمشي مع ﺑﻮﻱ في كل صلح او حكم او اجتماع قبايل .. ﺭﻏﻢ قرايتي ..

نوصفلكم روحي : ﺍﻧﻲ ﻃﻮﻳﻞ .. ﻃﻮﻟﻲ ﻳﺘﺮﺍﻭﺡ بين 185-182.. ﻭﺻﺪﺭﻱ ﻋﺮﻳﺾ وجسمي رياضي ﻭﺻﻮﺗﻲ ﺧﺸﻦ .. زي مايقولوا ﺻﻮﺕ ﺟﻬﻮﺭﻱ .. ﺣﻨﺠﺮﺗﻲ ﻋﺎﻟﻴﻪ .. عيوني كبار ولونهم اسود بشرتي سمراء يعني قمحاوي .. وشعري اسود وناعم غالبا يشبهوني للخليج ع خاطر نقشي اسود واسمراني وبنات العيلة كلهن يموتن فيا ..

_____________________________

ﻣﻦ لما ﻣﺎﺕ ﺑﻮﻱ .. اقترحوا عليا اني ناخذ ﻣﻜﺎنه .. لانه ﻛﻠﻤﺘﻲ تمشي ﺑﻴﻦ اﻋﻤﺎﻣﻲ .. ﺭﻏﻢ ﺻﻐﺮ ﺳﻨﻲ .. يشاوروا فيا في كل حاجة .. ﺗﺨﺮﺟﺖ ﻣﻦ ﻛﻠﻴﺔ ﺍﻟﺸﺮﻃﻪ .. وقعدت ﻣﻼﺯﻡ ﺍﻭﻝ .. ﺯﺍﺩﺕ ﻫﻴﺒﺘﻲ .. كانوا حتي من النساوين يجوا لعندي والناس تعرض في بناتها عليا .. ﺑﺲ ﺍني ﻣﺎ نبيش .. نكره النساوين هلبا .. ﻣﻦ كثر ﻣﺎ عندنا نساوين في العيلة .. ﻭﻣﺸﺎﻛﻞ ﺧﻮﺍﺗﻲ .. يوميا مرة ﻭﺣﺪﻩ ﺯﻋﻼﻧﻪ لانه راجلها ضاربها .. ومرة مش عارف شني قصصهن ومشاكلهن هلبا اكثر من الهم ع القلب ... كرهت حاجة اسمها نساوين .. وكان نبي ﺣﺎﺟﺘﻲ ﻛﺮاﺟﻞ .. ﺍﻟﻒ ﻣﺮاة ﺗﺠﻲ تعرض في ﺭﻭﺣﻬﺎ قدﺍﻣﻲ .. ﻟﺬﻟﻚ مش محتاج المراة في حياتي

ﺭﻏﻢ ﺍﻟﺤﺎﺡ امي ع انه نتزوج .. تبي ﺗﺸﻮﻑ صغاري بس ﺍﻧﻲ ﺭﺍﻓﺾ .. كنت نشتغل في المركز .. ﻭﺍﻧﻲ ﺍﻵﻣﺮ فيه ..

كان عندي ﻭﺣﺪﻩ ﺻﺪﻳﻘﻪ .. هيا ﻋﺎﻫﺮﻩ (( اسفة ع اللفظ )) .. ﺑﺲ اني نحب هدرزتها .. كانت ﺗﺠﻲ وميتة عليا ﻭتتوسل فيا بيش نرضي عليها ..

وفي يوم الغفارة .. ﺗﺒﺎﺕ معاي .. ﻫﻬﻬﻬﻪ ﻃﺒﻌﺎ هدرزتها ﺣﻠﻮﻩ .. مش انحبها ﺑﺲ نحب نغير جوي ونرتاح معاها ..

ﺍﺳﻤﻬﺎ ﺣﻨﺎﻥ ..

قيس : ﻫﺎ ﺣﻨﺎﻥ .. ﺍﻟﻴﻮﻡ ﺑﻴﻨﺘﻲ وجيتي ..

ﺣﻨﺎﻥ : ليش نقدر مانجيش لقيوسي ..

قيس : بدينا في اﻟﺪﻟﻊ تعرفيني مانحباش ..

ﺣﻨﺎﻥ : ياراجل نحبك وتعرف اني بنموت ﻋﻠﻴﻚ .. ﻳﻌﻨﻲ ﺍﻟﺸﺮﻃﻪ متاعك ﻭﺣﺘﻲ ﺍﻟﻀﺒﺎﻁ ﺍﻟﻜﺒﺎﺭ ﻳﺠﻮا لعندنا للشقة ويغيروا في جو .. الا انت ماتجيش ﻟﻴﺶ يا قيس .. اقل شي تعالي ع خاطري ..

قيس : نجي من عيوني الف طلب زي هالطلب .. ﺑﺲ ﻟﻮ جيت راح نشوف ﻏﻴﺮك .. ﻭﻏﻤﺰﺗﻠﻬﺎ ..

ﺣﻨﺎﻥ : ﻻ ﻻ ياﻋﻴﻨﻲ ﻻ .. اقعد هنايا .. ﻫﺎذﻱ سارة ﻟﻮ ﺷﺎفاتك .. تقتلني ﻭﺗﺎﺧﺬﻙ ..

قيس : ﻫﻬﻬﻬﻬﻬﻬﻬﻪ .. خلاص توا نمشي بروحي ونجيك انتي طوول .. تمام

ﺣﻨﺎﻥ : ﺍﻱ ﺗﻌﺎﻝ ﺑﺲ مع شلتك بيش يلهوا في باقي البنات .. بيش اني وانت ﻧﺎﺧﺬوا دار بروحنا ونرقصلك حتي الرقص ..

قيس : ﻫﻬﻬﻬﻬﻪ ﺍﻧﺸﺎﻟﻠﻪ يا ام ﺍﻟﻌﻴﻮﻥ ﺍﻟﺤﻠﻮﻩ ..

ﺣﻨﺎﻥ : اني توا بنمشي نستناك مش ماتجيش راهو نزعل منك ..

قيس : مجنون لو زعلتك ...

ﺣﻨﺎﻥ : ﺑﺎﺍﺍﻱ ﺣﻴﺎﺗﻲ .. وبساته ع خده .. بتجيني والا لا

قيس : ﺍﻧﺸﺎﻟﻠﻪ ..

ﺣﻨﺎﻥ : ﻭﻋﺪ

قيس : امشي توا اني قلت ﺍﻧﺸﺎﻟﻠﻪ ..

وعدتها .. ﺑﺲ جاني ﺧﺒﺮ ﺍﻟﻴﻮﻡ انه عندي غفارة .. ومش راح نمشي ﻟﺬﻟﻚ قعدت .. ﺣﻨﺎﻥ تحسابني بنمشيلهم .. المكان ﻋﺒﺎﺭﻩ ﻋﻦ شقة دعارة (( اسفة ع اللفظ )) .. ﻳﻌﻨﻲ مشروب ورقص ﻭﻋﻬﺮ .. ﻭﺍﻧﻲ مش ديما نمشي لانهم ﻳﺸﺮﺑﻮا .. واني بوي ﻣﺮﻩ لقاني ﺳﻜﺮﺍﻥ ﻭﺯﻋﻞ مني هلبااا .. وقالي ﻟﻮ ﺳﻜﺮﺕ ﻣﺮﻩ ﺛﺎﻧﻴﻪ ﺍﻧﻲ بنتبرا ﻣﻨﻚ وبنغضب عليك ﺣﺘﻰ ﻟﻮ كنت في قبري .. سيبت ﺍﻟﺸﺮﺏ ومعاش قربته او لمسته .. بيش ما نزعلش بوي وهو في قبره ..

قعدت ﻟﻞ 10 ﻭﻧﺺ .. نشتغل .. جونا ﺍﻟﺮﻭﺍﺗﺐ .. خذيت ﺭﺍﺗﺒﻲ .. خشت عليا ﻭﺣﺪﻩ .. قالتلي ﻟﻮ ﺑﺘﺖ ﻋﻨﺪﻙ ناخذ ﺣﺼﻪ ﻣﻦ ﺭﺍﺗﺒﻚ .. ﺿﺤﻜﺖ قتلها ﺍﻱ ليش لا .. جت وقضت ﺍﻟﻠﻴﻠﻪ معاي .. ﺍﻟﺼﺒﺢ جتني ﺣﻨﺎﻥ و ﻋﻴﻮﻧﻬﺎ ﺩﻡ ..

حنان : كيف تبات معاها ..

قيس : وشن عرفك انتي ..

حنان : جتني ﺍﻟﻜﻠﺒﻪ وقالتلي ..

قيس : ﺍﻱ ﻭﺍﻟﻤﻄﻠﻮﺏ ..

حنان : انت ﺑﺲ ليا اني ..

قيس ضحكت : بجد ..

حنان تبكي : اني نحبك ما تسيبنيش ..

قيس : شن تبي ﻣﻨﻲ ﻣﺘﻮﻗﻌﻪ ﻣﻨﻲ انه نحبك او ﺷﻨﻮ .. حنان : ﻻ مش ﻣﺘﻮﻗﻌﻪ ﻣﻨﻚ ﺣﺐ ﺑﺲ ﺍﺫﺍ تبي ال....... ما ﺗﺨﺘﺎﺭش ﻏﻴﺮﻱ ..

قيس : ﺍﻧﺸﺎﻟﻠﻪ امشي توا .. اصلا ﺳﻤﻌﺘﻲ بتقعد زي الزﻓﺖ ﻣﻦ كثر ﻣﺎ تجيني واكيد بتفتحي الانظار علينا ..

مشت ﻭﺍﻧﻲ نضت نشتغل .. قعدت للظهر ﻛﻤﻠﺖ وروحت للحوش ..

______________________________

حوش ﺑﻮﻱ كبير هلبا وع دورين فيلا يعني ﺑﺲ ﻋﺒﺎﺭﻩ ﻋﻦ نساوين كله .. ﺍﻧﻲ الراجل الوحيد في الحوش .. و ولد ﺍﺧﺘﻲ ﺍﻻﺭﻣﻠﻪ .. ﺑﺲ قاعد صغير

ﺧﻮﺍﺗﻲ ثمانية تعالوا نحكيلكم عليهن : ﺭﺟﺎﺀ الكبيرة .. ﻣﺘﺰﻭﺟﻪ ونحبها ونحترمها ﻭﺍﻟﺮﺃﻱ ناخذه ﻣﻨﻬﺎ ..

ﺍﺑﺘﺴﺎﻡ .. ﺍﺧﺘﻲ ﺍﻻﺭﻣﻠﻪ .. راجلها قتلوه بسبب عركة صارت في الشارع (( قصة طويلة تبي رواية بروحها )) ﺍﺣﻼﻡ ﺍﺧﺘﻲ حتي هيا ﻣﺘﺰﻭﺟﻪ .. ولد جيرانا في نفس الشارع متاعنا .. وحوشها مقابل حوشنا .. ماكلتها ﻭﺷﺮاﺑﻬﺎ عندنا هيا وصغارها .. ﺑﺲ نومها في حوش ﺭاﺟﻠﻬﺎ .. ﻫﻬﻬﻬﻬﻪ ﻣﺼﻴﺒﻪ ..

ﺍﻧﻲ ﺑﻌﺪ ﺍﺣﻼﻡ .. اخلاص ﺍﺧﺘﻲ اللي بعدي ﻣﻄﻠﻘﻪ .. وعندها بنتين

ﻭﺧﻮﺍﺗﻲ القاعدات ﻫﻨﺎﺀ ﻭﺟﻤﻴﻠﻪ .. مش متزوجات .. ورغد ورهف هذيما توأم وقاعدات صغار ..

نحب ﺧﻮﺍﺗﻲ هلبا .. ونقلب الدنيا ﻟﻮ حد ﻣﺴﻬﻦ حتي ﺑﻜﻠﻤﻪ .. ﺭاﺟﻞ ﺍﺧﺘﻲ اخلاص .. كان يضرب فيها ﻭﺍﻧﻲ مانعلمش .. وفي يوم اللي علمت بيه ﺿﺎﺭﺑﻬﺎ .. خذيت ﺳﻼﺣﻲ ومشيتله .. وقفوا قدامي اهله بيش مانقتلاش .. ﺑﺲ ضربته رصاصتين في رجله .. وضربته بنهاية السلاح ﻋﻠﻰ ﺭﺍﺳﻪ ﺧﻠﻴﺖ ﺍﻟﺪﻡ يضخ منه .. و الفالح فيهم يقدر يجي ويواجهني .. القبايل ﻛﻠﻬﺎ معاي .. ﻭﺍﻟﻘﺎﻧﻮﻥ في ظهري .. ﻓﻤﺎ يقدر حد يقول معاي حتي كلمة ..

_______________#للكاتبة_ميمي______________

ﻣﺮة كان ﻋﻨﺪﻱ طلعة للعاصمة وعمل غادي .. وفي طرابلس ﻣﺎ عندناش ﺍﻗﺎﺭﺏ ﻏﻴﺮ حوش ﻋﻤﻲ ﻳﺎﺳﻴﻦ ..

راجل ماشاء الله عليه ﻭﺍﺳﺘﺎﺫ ﺟﺎﻣﻌﻲ .. ﻟﻜﻦ ﺑﻌﻴﺪ علينا وعلي ﻋﻤﺎﻣﻲ .. و ﻣﺎ فيش ﺍﺧﺘﻼﻁ ﺑﻴﻨﺎ ..

ﺑﺲ في اعراسنا .. ﺍﻭ عزواتنا نبلغوه .. ﻣﺮﺍﺕ ﻳﺠﻲ ﻭﻣﺮﺍﺕ ﻻ .. ﻭﺍﺧﺬ ع عيشة ﺍﻫﻞ طرابلس .. مش زينا احني قبايل وشيوخ ..

كنت ﻃﺎﻟﻊ لطرابلس ﻭﺍﺟﺐ عندي 10 ﺍﻳﺎﻡ .. كان حوش ﻋﻤﻲ ﻳﺎﺳﻴﻦ قريب من المركز اللي اني عندي ﺍﻟﻮﺍﺟﺐ فيه ..

في منطقة ال........ (( وسمي اسم المنطقة )) .. ﻳﻌﻨﻲ مش راح نبات في المركز .. كملت ع ﺍﻟﻤﻐﺮﺏ ومشيت لحوش ﻋﻤﻲ .. خشيت و ﺍﺳﺘﻘﺒﻠﻨﻲ ﺍﺣﺴﻦ ﺍﺳﺘﻘﺒﺎﻝ ..

عشي وحلو مالذ وطاب موجود اﺧﺠﻠﻨﻲ ﺑﻀﻴﺎﻓﺘﻪ .. قعدت معاه لليل نهدرزوا .. كان يبي مني خدمة شوية اوراق نكملهوله .. قتله ساهلة ﺍﻧﺸﺎﻟﻠﻪ .. ﻻﻥ ﺍﻧﻲ ﺣﺘﻰ في شرطة طرابلس عندي معارف واصحاب .. لاني قريت ﻛﻠﻴﺔ ﺍﻟﺸﺮﻃﻪ في طرابلس ﻟﺬﻟﻚ ﻋﻨﺪﻱ ﻣﻌﺎﺭﻑ .. ﺑﺲ ﻣﺎ كنتش عايش مع ﻋﻤﻲ بس كنت مرة مرة نتلاقي معاه ..

واني راقد في الليل .. نسمع في صوت باﻟﻤﻄﺒﺦ ..

ﺍﻧﻲ ﻣﺘﻌﻮﺩ نرقد ونحط في ﺳﻼﺣﻲ تحت ﺭﺍﺳﻲ .. جيت بنوض خفت اني يكون واحد من اهل عمي .. رديت بنرقد .. ﺷﻮﻱ ﺣﺴﻴﺖ بباب ﺍﻟﻤﻄﺒﺦ ﺍﻟﺨﺎﺭﺟﻲ انفتح .. ﻭﺍﻧﻲ نعرف انه حوش ﻋﻤﻲ ديارهم فوق في الدور الثاني ﻭﺍﻧﻲ راقد لوطا في الصالة ﻭﻣﺎ شفتش حد ﻧﺰﻝ من الدروج .. خذيت ﺳﻼﺣﻲ ومشيت

وقفت ﻭﺭا ﺑﺎﺏ ﺍﻟﻤﻄﺒﺦ .. ﺷﺨﺺ ﻻﺑﺲ شال ﺍﺳﻮﺩ غليظ .. ﻭﻣﺨﻠﻲ البرنوص متاع التوتة ﻋﻠﻰ ﺭﺍﺳﻪ

ﻓﺘﺢ ﺍﻟﺒﺎﺏ بالشوي ويبي يتسلل .. ﺑﻤﺠﺮﺩ ﻣﺎ خش .. ﺍﻧﻲ طيحتهﻉ الارض وجيت فوق منه .. كتفته ﺑﺄﻳﺪ ﻭﺣﺪﻩ ﻭﺧﻠﻴﺖ ﺍﻟﻤﺴﺪﺱ ع راسه

قيس : ﻣﻨﻮ انت

منال : يا ﻣﺎﻣﺎ خنااااااااااااااب الحقوني ..

قيس بينه وبين نفسه شنووووو هذا ﺻﻮﺕ بنت .. ﺍﻧﻲ مكتفلها ايديها ومقعمز ﻋﻠﻰ ظهرها نضت ﺑﺴﺮﻋﻪ .. وسحبتها للحيط .. ﻭﺧﻠﻴﺖ ﺍﻟﻤﺴﺪﺱ في راسها ..

قيس : ﻣﻨﻮ ﺍﻧﺘﻲ

منال : ﻳﺎ ﻣﺘﻮﺣﺶ انت اللي منوووو يا ﻣﺎﻣﺎﺍﺍﺍﺍ يا ﺑﺎﺑﺎﺍﺍﺍﺍﺍﺍﺍ

قيس ﺧﻠﻴﺖ ﻳﺪﻱ ﻋﻠﻰ فمها : ﺍﺷﺸﺸﺸﺶ .. ﻣﻨﻮ ﺍﻧﺘﻲ

منال : ﺍني منال ..

قيس بينه وبين نفسه كيييييف منال ﺑﻨﺖ ﻋﻤﻲ ﻳﺎﺳﻴﻦ .. بعدت ﺷﻮﻱ ونشبحلها .. ﻣﻌﻘﻮﻟﻪ ﻫﺎذﻱ كانت فرخة صغيرة كنت نقيم فيها ونلعب فيها لما كنت نقرا في الجامعة .. الله توا كيف كبرت ..

قيس : امتي لحقتي ﻛﺒﺮﺗﻲ هكي يافرخة ..

منال : وشن دخلك انت ..

قيس : تكلمي معاي كويس خير مايجيك كف يلفلك وجهك ..

منال : بعد من عليا ﻣﻠﻴﻖ ..

قيس دفتني تبي تمشي وقالتلي ﻣﻠﻴﻖ شديتها ﻣﻦ ﻳﺪﻫﺎ ورديتها ع الحيط : شن قلتي شن معناها اللي قلتيها توا ﻣﻠﻴﻖ ..

منال : مادخلكش ..

قيس : تكلمي مزبوط احسنلك .. شن معناها ﻣﻠﻴﻖ تكلمي ..

منال : ﻳﻌﻨﻲ ﻣﺰﻋﺞ ..

قيس : ﺍﻭﻭﻭﻱ فرخة مدلعة مزلتي تقوليها تشوفي شن يصيرلك تعلمي تحترمي الاكبر منك ..

منال : بعد من عليا ..

قيس : ﺍﻧﺘﻲ مش ﺑﻨﺖ ﻋﻤﻲ ﻳﺎﺳﻴﻦ ..

منال : ﻻ و بعد من عليا ..

قيس دفتني وجت بتطلع : تعالي اهني نكلم فيك .. سحبتها من ﻳﺪﻫﺎ وهيا تبي تمشي .. ديرلي شاهي ..

منال : ﺷﻨﻮ ياماما ﺷﻨﻮ ماسمعتكش كويس .. ﺍﻧﻲ نديرلك شاهي ..

قيس : ﺍﻱ ﻭﺑﺴﺮعة..

منال : ﻫﻬﻬﻬﻲ انت مصحصح والا تحلم .. امشي يا ﺑﺎﺑﺎ امشي اني مش شغالتك دير حاجتك بروحك .. حلوة حتي هاذي ديرلي شاهي ..

قيس ضغطت ع الزناد و ﻧﺰﻟﺖ المخزن ﺑﺨﻔﺔ ﻳﺪ ﻭﺳﺤﺒﺖ المسدس ﻭحطيته ع رﺍﺳﻬﺎ .. ﻓﺘﺤﺖ ﻋﻴﻮﻧﻬﺎ ﻣﻦ ﺍﻟﺨﻮﻑ .. قعدت نشبح لعيونها ياحليلي عليك عيوووون ذوبني .. ﻛﺒﺎﺭ ﻭﺍﻟﺮﻣﻮﺵ واصلات للحاجب .. واللون اللوزي اللي في عيونها قتلني ..

قيس : شنو بديري والا ندير دماغك شاهي ..

منال : ﻭﺍﻟﻠﻪ مانعرف نديره ..

قيس نزلت ﺍﻟﻤﺴﺪﺱ ولفيت من عليها : ﺷﻨﻮﻭﻭ .. شاهي راهو قتلك شاهي ماقتلكش نبي بازين .. كيف ماتعرفيشي ..

منال : لاني قاعدة صغيرة ونقرا .. وماما ماتخليش فيا نخش للمطبخ .. لذلك ﻣﺎ نعرفش نطيب ..

قيس : وهاذي ماتبيلهاش لا علم ولا ذرة حتي العيل الصغير يعرفها .. خوذي براد حطي اميه وشاهي وسكر .. فهمتي والا لا ياحمارة .. هاذي اخر تربية اهل المدينة هكي النتيجة ..

منال : هييي انت ماتغلطش في الكلام ع اهلي وتربيتهم .. ومعاش تقولي حمارة راهو ﺍﺳﻠﻮﺑﻚ ﻫﻤﺠﻲ ..

قيس هيا هكي قالت واني لفيتلها ﻭﺟﻬﻲ ﺑﺴﺮﻋﻪ وفنصت فيها : ﻣﻨﻮ ﺍﻟﻬﻤﺠﻲ .. قعدت ﻣﻨﺰﻟﻪ ﻋﻴﻮﻧﻬﺎ .. تكلمي مني الهمجي .. عيطت عليها ﺑﺼﻮﺕ ﻋﺎﻟﻲ .. انخلعت ونطت ...

#ﻳﺘﺒﻊ ..

________________________________

رايكم نكمل والا نوقف والتنزيل راح يكون يوم بعد يومين ع خاطر امتحاني ولو التفاعل حلو انزل يوم بعد يوم

الثاني من هنا

تعديل المقال