أخر الاخبار

رواية ابن الجيران كاملة

رواية ابن الجيران كاملة 



 قصه راوعه

☆اااااااااه ولقيت الطبطبة
واقوي لو منتش بعيد
ضحكتك فيها كهربا
ببقا زي واحد جديد
ااااااااااااااااه لقيت الطبطبة
_ لقيتي الطبطبة فين يا سعدية
كنت واقفة في المطبخ لا بيا ولا عليا بحلم بفارس احلامي وبغني اغنية الأستاذ الحساس حسين الجسمي لقيت اختي دخلة عليا بتسالني السوال الرزل زيها دا
☆ لقتها عند الجيران
_ انتي ارتبطي من وريا يا سعدية
☆ قولتلك ميت مره مبحبش الاسم الرزل زيك دا وبعدين ارتبط اي لسه موصلتيش للمرحلة دي انا لسه بكراش علي ابن الجيران
_ يخربيتك انت بتكرشي علي محمود ابن الجيران
☆ محمود مين ابو شنب إعدادي دا كمان
_ امال مفيش ابن جيران غيرو كلهم اصغر منك الي اذا كنتي فقدتي الامل انك ترتبطي فا بدوري علي الأطفال
ملقتش غير السكينة قدامي منا لازم افش غلي من كائن الرزلة الي قدامي دا مسكتها ورفعتها في وشها
☆ بت انتي غوري من وشي احسنلك
_ طيب خلاص خلاص قلبك كبير بس قوليلي بجد ابن الجيران مين
حطيت السكينة علي المطبخ لما افتكرته
☆ هيييييييييح يزن
_ مين
☆ الدكتور يزن سليمان جرنا الجديد
_ اي دا هي الشقة الي في الارضي سكنت
☆ ايوه
_ ودا عرفتية ازي وفين وامتي
☆ تعالي نقعد في الصالة وهحكيلك
نرجع بالزمن لأول امبارح كده .....
المفروض اني انا الكبيرة افضل معززة مكرمة في البيت والصغيرة هي الي تنزل تجيب الطلبات بس لااااااااا بتنا ماشي بالعكس هي تنام وانا انزل اجيب سكر وحلاوة وجبنة وااااااي؟ عين جمل وهما بيكلو عين الجمل ليه مش حرام هيخدو عين الجمل
وانا ماشية بكلم نفس كالعادة يعني هوب لقيتي خبط في حيطة سبعة متر والفلوس وقعت مني تحس امي بتاجر في الفكة مدياني ١٠ جنية فكة نزلت الم الي وقع مني ولقت الحيطة بتتكلم الشخص الي خبط فيه يعني
● انتي كويسة يا انسة
صوتة كان خشن بس فيه بحة حلوة اي الأفكار المرهقة دي
مبصتلوش ولا رفعت عيني فيه كنت متغاظة من الفلوس الي وقعت ومن امي واختي وممكن اطلع غيظي فيه وانا عارفة اني الي غلطانة لاني كنت سرحانة ولانو هو كمان كان شايل حاجة ووقعت منو
☆ ايوه كويسة اتكل بقا
لقيتو بيسقف علي ايدو بمعني يا حول الله يا رب هبلة دي ولا اي ومشي لميت الفلوس ومشيت علي السوبر ماركت وانا ماشية بصيت ورايا لمحت ضهرو كان لابس بنطول اسود وقميص ابيض وشعرو الله شعرو زي شعر أمير بتاع مسلسل الحب الاعمي بصي قدامك يا هبلة
وصلت وقلت لعم محمد صاحب السوبر ماركت انا عايزة اي ووقفت استناه بس نسيت اقولو علي عين الجمل جبلي الحاجة
☆ الا قولي يا عم محمد هي ليه الناس بتاكل عين الجمل هما سابو الجمل كلو وخدو عينو مش حرام عليهم يشوف ازي كده وازي اصلا بيكلوها مش بتتظفلت منهم
عم محمد تنحلي ومات علي نفسو ضحك بس الي لفت انتباهي الضحكة الي جاية من وريا في حد دخل السوبر ماركت وواقف وريا بيضحك جامد اوي بلف اشوف مين وخير الله اما اجعلة خير القي عمري ابلكجي واقف قدامي بيضحك اه نسيت اقولكم اني مجنونة مسلسلات تركي
بيبصلي ايوة بيبصلي ويضحك شكلة بيضحك علي الي عم محمد بيضحك عليه الي هو كلامي بس مش فاهمة انا قولت اي يضحك كده
لحظة وحدة بنطلون اسمر وقميص ابيض دا الحيطة قصدي الشخص الي خبط فيه برا يا كسفتك يا قرمط بس هو حلو كده ليه وهو بيضحك بس يا جزمة بطلي
لقيت عم محمد مسك نفسو وبيقولي
+ عين الجمل دي مش عين الجمل نفسها يا بنتي هي اسمها كده بس اكيد مش عين الجمل بجد يعني
اوباااااااا دلوقتي عرفت بيضحكوا علي اي علي الحمار الي واقف قدامهم
+ اتفضل يبني
دا كان صوت عم محمد وهو بينادي عليه قرب مني وقف جنبي وهو مبتسم هو بيضحك حلو مبتسم حلو اي دا
● كنت عايز كيس سكر تاني يا عم محمد
صوته دا فيه حاجة غريبة
+ اي يبني انت مش لسه واخد واحد
● اه منا خبط في حد وانا ماشي وقع في الأرض اتقطع
رفعت عني فيه بسرعة لقيته بيبصلي ويبتسم يا عم اقفل بوقك دا بقا انا ايوه انا الي خبطك
دخل عم محمد يجيب كيس السكر وعين الجمل الي مطلعتش عين جمل
ووقفت انا وهو لوحدنا بيكح طيب اعمل اي اعتذر قبل ما يهزهقني اه اه لازم اعتذر منا غلطانة
☆ انا
● انا
يا حلاوة هو انت محبكش ليك تتكلم الي لما اجي اتكلم بس لا اكيد هيهزقني لازم اعتذر الاول
☆ انا كنت عايزة اعتذر من حضرتك علي الي حصل بره حقيقي مكنش قصدي
كنت بتكلم وانا بفرك في ايدي وبصة في الأرض زي العيل الي بيتهزق من المدرسة بتاعته
● محصلش حاجة
☆ طيب اي
● اي اي
☆ مش المفروض تعتذر انت كمان
● علي اي هو انا غلطت في حاجة
كنت بكلمو وانا لسه حاطة راسي في الأرض بس بعد الجملة دي مقدرتش بقا لازم اوجهه رفعت راسي وريتني ما رفعتها هو في كده لا لا لازم ابقي نشفة معاه شكلو مغرور
☆ لا غلط انت كمان خبطني ووقعت الفلوس مني صحيح انا غلطتي اكبر بس برضو غلط
● انتي اسمك اي
☆ ها
● اسمك اي مش عارفة اسمك
هو بيتكلم جد انا بقول اي هو بيقول اي الا صوته دا
☆ حاجة متخصكش
● طيب في ثانوي ولا اعدادي
مين؟! انا قصيرة اه وشكلي ميجبش سني خالص بس مش لدرجادي
☆ اعدادي مين وثانوي مين يا عم انت دنا لو اتجوزت اجيب قدك
● امممممم يعني مش متجوزة
☆ انت مجنون صح
جه عم محمد ينقزني من الموقف الي مش بيانو ملامح دا
+ اتفضل يا دكتور يزن كيس السكر اهو
يزن قال يزن بجد اسمو يزن الله اي الاسم دا
+ وادي يا ستي عين الجمل وجبتلك بالباقي مصاصة زي كل مره..
سمعين صوت ضحك اكيد عرفين جاي منين طبعا شحطة زي بتاكل مصاصة يبقا لازم يضحك بس مش قدامي دا ضحكتو بتخلي قلبي يطنطط
حرام عليك يا عم محمد كسفتني اوووووف
☆ شكرا يا عم محمد
دفعت الفلوس ومشيت وانا وشي زي الطماطمة
وصلت قدام بابا العمارة وببص وريا لقيته جاي وريا
☆ لا بقا دنتا ماشي وريا بقا
● لا انتي الي ماشية قدامي
☆ خفة
● علي فكرة انا ساكن هنا
☆ ساكن هنا فين دي عمارتي
● ايوه منا ساكن في الدور الاول
☆ اي دا هي الشقة دي سكنت
● بالظبط يعني انا جارك
احلا جيرة دي ولا اي
☆ احم تشرفنا بعد اذنك
● استني بس انا لسه جديد هنا معرفش حد غير عم محمد ودلوقتي انتي فى ممكن تعرفني بنفسك عشان لما اعوز اسال علي حاجة اسالك
☆ انا سكنة في الدور التاني الشقة الي فوقك
.
● طيب اسمك اي
☆ احم غزل
● اي
☆ اي اي غزل اسمي غزل
.
● بجد
☆ اي وحش
● بالعكس دا احلا اسم اسمعوا في حياتي
طيب اقولو انت احلا ولا اقولو اي دا
☆ ربنا يجبر بخاطرك
مد ايدو يسلم عليا
● انا الدكتور يزن سليمان
☆ تشرفنا اسفة مبسلمش
سحب ايدو وهو بيبتسم ولا كأني لسه كسفاه دلوقتي
● في سنة كام بقا يا غزل
☆ اي في سنة كام دي انت بتكلم طفلة انا خريجة جامعة
● مين دي انتي
☆ اي مش عجبك
● لا بس اصلك مش باين عليكي
☆ متحكمش بالمظاهر يا دكتور
● طيب يا ستي خريجة اي بقا
☆ ملكش دعوة عن اذنك
سبتو ومشيت منا مش عارفة لو وقفت حبة كمان ممكن يحصلي اي
نرجع بقا لارض الواقع واختي الي قعدة متنحالي دي.........
☆ اي يا بنتي اقفلي بوقك دا
_ قولتي للرجل ملكش دعوة
☆ اه في اي
_ بتكراشي عليه وتقوليلو ملكش دعوة دنتي عار علي نقابة الكرشات
☆ اكراش اي انتي كمان انتي هبلة لا طبعا انا كنت بهزر معاكي انا مش بتاعت الكلام دا وبعدين اي نقابة الكرشات دي
_ خلاص اخدو انا
☆ تاخدي اي يا بت انتي هو كيس شبسي اهدي كده
جرس الباب انقذني من الرزلة دي قال تخدو قال اي دا هو طلع من دماغي رن جرس الباب بتاعنا لا مش هو اكيد مش هو الي واقف قدامي علي الباب دا
● السلام عليكم
☆ ها
● السلام عليكم
☆ اه اه وعليكم السلام ورحمة الله وبركاته
● انا بحب الملوخية
☆ افندم
● قصدي يعني انا بعشق حاجة اسمها ملوخية وبشم ريحتها من علي بعد ١٠٠ميل بس للاسف اتحرقت
هو بيقول اي انا مش فاهمة حاجة ثانية واحدة هو قال ملوخية واتحرقت
☆ يا لهوي الملوخلية
.
اترية طالع يقولي انو شامم ريحة ملوخية بتتحرق من بتنا دي الملوخية الي كنت بعملها وسبتها وقعت ارغي مع اختي جريت علي المطبخ ولقتها فعلا اتحرقت يا خسارة دنا كان نفسي فيها
خرجت تاني لقيتو مشي واختي بتقفل الباب
_ دا طلع حليوه بجد
☆ بقولك اي بلا حليوه ولا بتنجان الملوخية اتحرقت يختي عشان تقعدي ترغي معيا اوي
_ هو عرف منين انها اتحرقت
☆ انا إيش عرفني اكيد شمها من شباك المنور انا دخلة انام
_ غزززززززززززززززل
☆ اي يا بنت المروشة
_ اي انتي بقالك ٣ سعات نايمة يلا عشان تتغدي
☆ لا مش عايزة
_ يلا بس دا في مفاجأة
☆ مفاجأة اي دا
_ تعالي وانتي تشوفي
خرجت اشوف مفاجآت اي واذا بطبق ملوخية ريحتة جيبة آخر الشارع مستنيني علي السفرة انا مكدبتش خبر ونسفت الطبق من غير حتي ما اشغل بالي جه منين الطبق دا
بعد ما خلصت اسال بقا جه منين وخصوصا ان دا مش طعم ملوخية امي
☆ الا قوليلي يا ماما مين عمل المولخية دا
اختي الي ردت عليا وهي بتبصلي ببتسامة سخيفة كده
_ هه جاية تسألي بعد ما نسفتي الطبق جي من عند الجيران الجداد يا ستي
☆ بجد يا ماما
* بجد يا بنتي دول طلعو ناس طيبين اوي
يلا بقا يا غزل عشان تنزليلهم الطبق وخدلهم فيه حتتين كيكة من الي انا عملها
☆ مين انا لا يا ماما خلي سارة تنزل
_ لا يختي سارة وراها مذكرة مليش دعوة
* يلا يا غزل مينفعش ناخرو اكتر من كده يا بنتي..
قامت ماما وسبتني مع سارة
☆ متروحي انتي يا سارة متبقيش رخمة
_ اعترفي مش عايزة تروحي ليه
☆ بصراحة مش عايزة اشوفو
_ ليه
☆ مش عارفة لما بشوفو بالغلط و معرفش مالي
_ ليه يعني كل دا بصي انا هقولك لو شوفتي تعملي اي
☆ اشجيني يختي
_ لو شوفتيه اكيد هيقولك ازيك
☆ ها
_ تقومي قيله له وانا كمان بحبك اقسم بالله
صدمتني بردها ملقتش غير المعلقة اضربها بيها وهي جريت
☆ غوري من وشي عبو شكلك
لبست الاسدال وخت الطبق ونزلت خبط فتحتي ست كبيرة شكلها كيوت اوي
☆ السلام عليكم
^ وعليكم السلام ورحمة الله وبركاته خير يا بنتي
☆ حضرتك انا غزل جرتكم في الدور التاني
^ يا اهلا يا اهلا اتفضلي
☆ لا معلش يا طنط انا بس كنت جاية ارجع لحضرتك الطبق دا
^ بس ميصحش يا بنتي تجي وتمشي من علي
الباب
☆ معلش يا طنط مره تانية اه وعلي فكرة المولخية بتاعت حضرتك طعمها حلو اوي تسلم ايدك
^ لا يا بنتي مش انا الي
● يا اهلا بالي حرقت المولخية
دل صوتو واللهي صوتو جاي من وريا جاي وراي وعلي وشو ابتسامة سخية بيتريق حضرتو
☆ أوووووووف عن اذنك يا طنط
^ اتفضلي يا بنتي..
^ ليه يبني كده زعلتها.
● مش عارف يا ماما بحب اعصبها
^ بس اسمها حلو اوي
● كلها حلوة اوي..
^ بتقول حاجة يا يزن
● لا يا ماما سلامتك يلا ندخل
طلعت وانا متعصبة منو ليه ديما بيحب يعصبني دنا لو قتلولو قتيل مش هيعمل كده بس عسل اوي يخربيتو بس يا هبلة
يومين عدو وانا مش عارفة ابطل تفكير فيه بابا كانت دماغو مصدعة بسبب الشغل وطلب مني انزل اجبلو حباية مسكن الحمد لله في صيدلية جديدة فتحت تحت البيت بدل مشورة آخر الشارع
نزلت ودخلت الصيدلية كان شكلها شيك وكبيرة لقيت بنت قعدة قدام كومبيوتر
☆ السلام عليكم
= وعليكم السلام ورحمة الله وبركاته افندم
هي ملها مش طيقة نفسها ليه
☆ كنت عايزة حباية مسكن
= نعم
☆ بقول لحضرتك عايزة حباية مسكن
= انتي جاية هنا عشان حباية مسكن
.
☆ اه مش دي صيدلية برضو ولا محل بقلة
= محل بقلة دنتي ظريفة بقا
☆ في اي يا حجة انتي مالك مش طيقة نفسك ليه انا جاية اشتري هو انا جاية اشحت منك
= حجة والله مش بعيد عليكي الشحاتة
لا بقا دي زودتها اوي لسه هرد لقيت يزن خارج من اوضة كده في الصيدلة
● غزل
اول مره اعرف ان اسمي حلو كده بس هو بيعمل اي هنا ااااه دا دكتور يبقا اكيد دكتور صيدلي والصيدلية دي بتعتو
● وانا اقول الصيدلية نورت ليه
يبني والله انت الي نورك غطي علي نور المبة
لقيت البنت الي وقفة هي الي ردت عليه
_ هو حضرتك تعرف البت دي
☆ اي البت دي كمان متتكلمي كويس
● اهدو بس وفهموني في اي
_ البنت دي قلت ادبها عليا يا دكتور يزن كل دا عشان بسألها جاي تاخد حابية مسكن بس
☆ اه يا كدااابه
_ شوفت يا دكتور
☆ والله انا
لقيتو مره وحدة بصلي وشخط فيا
● بس ولاا كلمة
اتفضلي يا اية جوه دلوقتي
دخلت جوه وهي بتصلي بشماته ولقيته بيبصلي نظره غريبة يا لهوي لا يفكرني قليت ادبي عليها بجد هيشوفني ازي دلوقتي مردتش بنفسي غير وعيني اتملت دموع وخوف لا يطردني من الصيدلية
☆ والله انا مش عملت حاجة هي الي كانت بتكلميني بقرف
كنت بعيط جامد اوي وبتشحتف زي الأطفال مهو دا عيب فيا عيوطة وخصوصا لما بخاف ولاني عمري ما اتحطيط في الموقف دا لقيتو اتخض وقرب مني
● طيب بس بس انتي بتعيطي ليه دلوقتي
☆ عشان عشان انا معملتش حاجة
● طيب اهدي اهدي ونبي طيب اعملك اي عشان تهدي طيب انا اسف يارب اتقلب قرد إفريقي لو مبطلتيش عياط
عياطي زاد معرفش ليه
☆ عاااااااا لا انت هتطردني دلوقتي وتهزقني
● يا بنتي هو انا جيت جنبك اهدي ابوس ايدك لو حد شافك كده هيفتكرني خطفك ولا حاجة
فضلت اعيط وهو بتحليل عليا اسكت وانا حقيقي مكنتش عارفة اسكت
● طيب ثانية
ومره وحدة لقيتو خارج يجري بره الصيدلية
شوية ولقتو رجع وفي ايدو كيس
● اتفضلي
رديت وانا بتشحتف
☆ اي دا
ختو وفتحتو لقتو مليان مصاصات كتير وشوكلاتة
ضحكت غصب عني لان فعلا الحاجات دي بتفرحني بهبل
● اوووووف اخيرا ضحكتي حرام عليكي يا شيخة خضتني
☆ واللهي ما علمت حاجة
● طب منا عارف
☆ عارف
● اه عارف ومتاكد كمان انك لايمكن تعملي كده
☆ واي الي مخليك متاكد
● احساسي بيقولي كده وانا احساس مبيكدبش
استني كده
يا اية
خرجت الحرباية
= افندم يا دكتور يزن
● انا عرفت كل حاجة
= انا
● انتي اي
_ يا فندم دي كانت عايزة حباية مسكن بس
● اقوم افتحلك دمغها يعني عشان تجي تاخد شاش ومكركروم ولا اغزلهلك مطوه عشان تشتري الصيدلة كلها
=انا اسفة يا دكتور
● ميخصنيش اسفك يخصها هي
= انا اسفة يا انسة
بصتلها بقرف وسكت دي ازي شغالة في صيدلية اصلا
● من نظرة الانسة شكلها مش مسمحاكي انتي كنتي في فترة تدريب وفشلتي اتفضلي اطلعي البيت خدي حساب اليومين الي اشتغلتيهم وشوفي شغل في حته تانية
انا اتصدمت هو طردها فعلا مشيت وهي بتبصلي بكره باين في عنيها
☆ ليه علمت كده
● عشان ضايقتك
☆ وانت اي وحدة بضيق الزباين بتطردها
● منتي مش اي زباين
☆ ها
● لا بكح بس
☆ لحظة وحدة اي اغزها بموطة دي
● هههههههه انتي لسه فكرة قلبك اسود اوي يا سعدية
☆ سعدية!!!!!!
● هي مش سارة بتقولك كده
☆ سارة!!!!!
● انتي هتفضلي مبلمة كده كتير اه سارة منا اتعرفت علي اختك وقالتلي انها بتقولك كده دي اختك دي دمها شربات
☆ مبحبش الاسم دا
● مبتحبيش اسم سعدية طيب يا سعدية يا سعدية يا سعدية يا سعدية يا سعدية يا سعدية يا سعدية يا سعدية يا سعدية يا سعدية يا سعدية
☆ انت علقت يا عم انت انا ماشية
● خدي بس كنتي عايزة مسكن استني هجبهولك بس علي فكرة لسانك طويل..
☆ معلش ابقي البسلو كعب
● ههههههههههههه يخرب عقلك انتي قولتي عندك كام سنة
☆ لا منا مقولتش
● من غير ما تقولي انا عرفت خلاص
☆ عرفت ازي
● من منظرك وانتي بتعيطي دلوقتي اظن ان عندك ١٢ سنه
☆ كاااااام!!!!
● خلاص ١٢ ونص
☆ لا يا شيخ متخليهم ١٣ الا ربع بالمره
● امممممم لا متجبهمش
☆ انت بتتكلم جد
● بصراحة شكلك وانتي بتعيطي ميقولش انك خريجة جامعة ابدا
☆ اصلي اول مره اتحط في الموكف دا
● اي موكف بالكاف انتي خريجة جامعة ولا خريجة بولاق ابو العلا
☆ بص انا مش هرد عليك
● اه قطوعة بقا بالصوبع الصغير دا
☆ انت مجنون؟؟؟
● دي معلومة ولا سوال ولا شتيمة
☆ لا معلومة
● وانتي عسل
☆ هااااااا !!!!!!!
● هاااااين عليكي
دا قالي عسل واللهي قال عسل
☆ انا ماشية مع السلامة
مشيت وانا وشي احمر زي الدم مش عارفة قدامو بيحصلي اي هو انا ممكن اكون حبيتو بجد
عدا اسبوع منزلتش من البيت كنت خايفة اشوفو اتلغبط تاني صوت زغريط سمع العمرة كلها اي دا فرح في عمرتنا
☆ هو صوت الزغريط دا عندنا في العمارة يا ماما
* ايوه يا بنتي دا ابن الست كوثر خطب
☆ الست كوثر مين
* جرتنا الجديدة الي في الدور الاول
جرتنا الجديدة لا لا اكيد مش هو اكيد سالت ماما وانا قلبي قرب يقف من الخوف
☆ ابنها مين يا ماما
* مش عارفة اسمو بس هو الدكتور صاحب الصيدلية الي تحت البيت
محستش بحاجة بعد الكلمة دي الدكتور الصيدلة هو يزن خطب يعني كان بيحب او كان بيفكر في الجواز من وحدة تانية نفسي تقل عيني مبقتش شايفة بيها حاجة سلمت للسواد الي هجم عليا ووقعت علي الارض آخر حاجة سمعتها صوت صويت ماما وزغروطة كمان من بيت الدكتور
فتحت عيني بصعوبة شوفتو واقف قدامي بيبتسم الابتسامة الي بتخطف قلبي كنت فكرة نفسي بتخيل او بحلم زي كل مره من سعات ما شوفته بس لا دي ماما بتكلموا يعني هو هنا حقيقي
● حمدلله على السلامة
* غزل حبيبتي يا بنتي مالك بس
ماما جت عليا حضنتني وانا عيني مش عارفة ارفعها من عليه نفسي يقول انو مش هيتجوز
☆ انا كويسة يا ماما متقلقيش
ماما بصت علي يزن
* شكرا يبني مش عارفة من غيرك كنت عملت اي
● لا يا طنط عادي ولا يهمك حمدلله علي سلمتها بعد اذنكم
☆ دكتور يزن
● ايوه
مش عارفة نديت عليه ليه يمكن عشان قبل كده كنت بشوف في عينو نظرة حلوة اوي كانت بتقولي اني في حاجة اتولدت جواه زي ما اتولدت جويا كان نفسي في اللحظة دي اشوف النظرة دي بس للاسف مشوفتهاش شوفت نظرة تانية غربية مش عارفة اميزها
☆ الف مبروك
استغرب وبعدين ابتسم ورد
●الله يبارك فيكي عقبالك مع السلامة
ااااااه عقبالي صح عقبالي انا اي الي كنت بفكر فيه دا هو جاري وبس وميفعش يكون اكتر من كده هي دي قصتي مع يزن الي كنت فكراه حب حياتي بس مبطلعش كده هي دي قصتي مع ابن الجيران
هل كده الحكاية خلصت يزن راح غزل حبته بجد في جديد اي الي ممكن يحصل في الحكاية دي لسه هنشوف استنو تكملة ابن الجيران ومتنسوش تقولو رايكم

تعليقات



حجم الخط
+
16
-
تباعد السطور
+
2
-
close