أخر الاخبار

رواية ابن الجيران الفصل الثاني 2

رواية ابن الجيران الفصل الثاني 2


 العقل : توقف يا ذات العروق النبضة فحبك لهو ضعف ومزلة

القلب : ما بيدي حيلة فهو يسير في اوردتي كالدماء التي من دونها انتهي
العقل: هذا الحب ضد مبدأي وانت تعادني بحبك هذا
القلب: انت لن تصمد بدوني وانا لن اصمد بدنوة فأنا دوائك وهو دائي
وهل تظن يا عقلي المتعجرف ان قلبي سوف ينصاع لاوامرك ويكف عن النبض باسمة أطمئن فهذا ابعد من خيالك
صدااااااااااع في حد يصحا مصدع يا ناس اه مهو لازم منا كنت قلبها منحا امبارح انا اعيط وهما يرقصو علي يا دبلة الخطوبة
انا اسمع تامر عاشور ذكريات كدابة وهما مهيصين علي ابطال الجمهورية
امبارح كانت الخطوبة ماما وبابا راحو أصلهم بقو صحاب وانا طبعا اتحججت اني تعبانة ومرحتش وسارة فضلت معيا لانها كانت عارفة اني هفتح في العياط اول ما يمشو ودا الي حصل فضلت جنبي طول الليل تهدي فيا وتدني مناديل وانا الصوت الي جاي من تحت كان بيتعبني اكتر لحد ما نمت
☆ اه اه اه
_ ابطال الجمهورية عدو حدود العاليمة عملين فكره جهنمية هنغنلكم تحت الماية
لقيت اختي دخلة تغني كده من الباب
☆ انتي هبلة
_ اي مش بتقولي اه اه اه بكمل الأغنية
☆ هو اي حد قال اه يبقا بيغني مفيش اختراع اسمو وجع
_ اي الي بيوجعك
☆ صدااااااع
_ يا شيخة بقا قعدتي يجي تلت سعات امبارح تعيطي ومش عايزة تصحي مصدعة
☆ اوووووف هو انا بقولك عشان تستفزني انزلي هتلي حباية صداع من تحت اجري
_ كان علي عيني واللهي يا اوختشي بس وريا درس ومش هقدر هتاخر باااااي
وسبتي وجريت ابقو فكروني امنع البت دي من حضور فرحي طيب هعمل اي دلوقتي منا مش هروح الصيدلة دي تاني خلاص كده خلصت انا هحاول علي قد مقدر ابعد عنو الحمد لله ان مشاعري لسه في أولها دنا صرفت عليه منديل اكتر ما صرفت علي تعلمي خلاص اروح الصيدلة الي في اخر الشارع وامري لله
لبست ونزلت لحد باب شقتهم كنت خايفة اشوفو مش عارفة كنت هعمل اي وعمالة ادعي اني مشفهوش نزلت اتسحب زي حرامي الغسيل
● صباح الخير
هي الدعوة ملحقتش توصل ولا اي لفت لقيتو في وشي نفسي اعرف بياكل اي يخليه مبتسم اوي كده
☆ ص صباح النور
رديت منا لازم ارد عشان ميشكش فيا
● عملة اي دلوقتي
☆ ومين هون عليا الوقت
● مين
☆ ها
هو انا بقول اي
● ها انتي انتي لسه تعبانة ولا اية
☆ وانت مالك
يخربيتك انتي بتقولي اي متخدية قلمين احسن
● هو في اي مالك
☆ مفيش بعد اذنك
● استني بس مجتيش إمبارح ليه
☆ واجي لي
● عادي مش جيران
☆ كنت مشغولة معرفتش اجاي
● اممممم تمام طيب انتي رايحة فين
☆ هو تحقيق ولا اي
● لا بسأل عادي هو انتي مش طيقاني ولا انا بيتهيقلي
رديت بسرعة
☆ لا مش بيتهيقلك
رد بصدمة
● مين ماات
☆ قصدي يعني وانا مش هطيقك ليه يعني عادي بص انا دماغي مصدعة ولازم امشي سلام
● طيب استني
☆ اللهم ما طولك يا روح نعم
● بت انتي اتكلمي عدل انا غلطان كنت هجبلك حباية من الصيدلة
☆ اولا متقولش بت هو انا بلعب معاك في الشارع ثانيا شكرا مش عايزة حباية من الصيدلة بتعتك
● ليه بقا ان شاء الله مش قد المقام
☆ لا مبتشتغلش
● هي مين دي
☆ الحباية
● طيب جربي شد الفيشة وحطيها تاني
☆ مين !!!!!!!
ضحك عليا بصوتو كلو مكدبش استاذ حسين الجسمي لما قال ضحكتك فيها كهربا اهربي يا غزل آهربي جيت الف وانزل بسرعة رجليا كانت هتفلت من علي السلم واقع علي بوزي بس مسكت نفسي في اخر لاحظة
● حسبي يا غزل
☆ الحمد لله اووووف كنت هتكسر
زعق فيا بصوت عالي
● مش تخدي بالك يا غزل لو وقعتي دلوقتي كنت
☆ كنت اي
● مفيش يا ست غزل وبرحتك متخديش من الصيدلية حاجة سلام
سابني ونزل بعصبية وانا متنحة مالو دا
نزلت روحت الصيدلية التانية جبت الحباية ورجعت شوفت محمود جرنا في العمارة الي قصدنا بيبصلي ويبتسم ابتسامة رزلة كده مش بحبها وقصادو واقف يزن مبوز كده وبيتكلم في التلفون اكيد بيكلمها
طلعت خت الحبابية وعملت المج بتاعي الي مرسوم عليه صورت لوحة الموناليزا نسكافيه وخت الاسكتش بتاعي واقلامي والواني وقعت في اوضتي نسيت اقولكم اني خريجة فنون جميلة رسمة صغيرة كده علي قدي لقيت نفسي من غير ما احس برسم صورتو بكل تفصيلة فيه عينو شعرو ضحكتو واااااه من ضحكتو بحسها بتكسفني كده
مره وحدة لقيت حاجة بتخبط في بابا البلكونة بتاعت اوضتي فتحتو وببص ملقتش حد بس لقيت ورقة مرمية في الارض ببص لقيت مكتوب فيها
(ليه مش حاسة بيا)
تلقائيا جه في بالي يزن بس رجعت ضحكت علي غبائي
☆ دا خاطب ياختي فوقي
بس افتكرت ان بلكونة اوضت محمود قصاد بلكونة اوضتي معقول هو ممكن مهو بقالو فترة بيلمح لحاجات انا اكيد مش عايزها
عدي اليوم وانا عملة افكر في الورقة ويزن
ومحمود
تاني يوم صحيت علي خبط تاني في البلكونة جريت لقت نفس الورقة ومفيش حد ظاهر
( يا صباح الغزل علي احلا غزل نفسي اتصبح بوشك )
بصيت حوليا بحيرة ودخلت
بعد نص ساعة
☆ مااااااما انا خارجة
* ريحة فين
☆ هروح اسلم اللوحة دي للمعرض
* طيب متتاخريش
☆ حاضر سلام
نزلت براحة وانا عيني علي بابا شقتو عديت من قدام الباب وحمدت ربنا انو مخرجش
● حررررررامي
☆ مين..... فين ....ليه ..ونبي
الصوت خضني وليقت نفسي مره وحدة بنط من مكاني بفزع واللوحة الي في ايدي خدت السلام كلو زحف
سمعت صوت ضحكتو الي بقيت بميزها بين مليون ضحكة ببص وريا لقيتو واقف ماسك بطنو من كتر الضحك
☆ انت مجنون يا بني ادم في حد يطلع زي القضي كده
بصلي وسيطر علي ضحكتو
● ههههه اعملك اي منتي الي نزلة تتسحبي زي الي عليها مرقبة
☆ تقوم تعمل كده شوف عملت اي
ونزلت وراي اللوحة الي اول ما مسكتها لقيت البرواذ بتعها اتكسر وبقت حلتها حالة
نزل ورايا
● انا مكنتش اعرف انك هتتخضي كده وبعدين هو اي دا
لقيتو بيمد ايدو نحية اللوحة شدتها بعيد عنو
☆ حاجة متخصكش ولو سمحت بقا ابعد عن وشي الساعة دي
ولسه هطلع مهو مبقاش لهو لازمة اروح المعرض اللوحة باظت لقيتو مسك في اللوحة وحاول يشدها
● لا بقا انا لازم اعرف اي دي مش لازم اعرف انا بوظت اي
مسكت فيها وشدتها انا كمان
☆ يا عم وانت مالك سيب البتاعة
شدها
● لا سيبي انتي
شدتها
☆ لا سيب انت
شدها
● لا سيبي انتي
شدتها
☆ سيب
شدها
● سيبي
وفضلنا كده هو يشد وانا أشد
ومرة وحدة لقيتو بص وريا وتنح
● حسبي يا غزل صورصاار
☆ هه هتعملي اي يعني
● بيطير
☆ اي بيطييييييييييير لا لا جه عليا هو في ابعدو عني فين عااااااااا
صوط وقعدت اطنط في مكاني
هو استغل الفرصة وسحب مني اللوحة
● ههههههههه بس بس خلاص مفيش حاجة
☆ اي يا اخي هو انت مصمم تعصبني وخلاص اشبع بيها انا قرفت اوووووف
وسبتو وطلعت كنت عايزة اعيط ليه بيحصل معيا كده ليه كل لما احاول ابعد او انسي يطلعلي من أي حته
دخلت بلكونة اوضتي لقيت محمود واقف قصدي افتكرت الورقة دخلت تاني وانا هموت من التفكير والغيظ
بليل كنت قاعدة زهقانة قولت اطلع علي سطع العمارة انا بحب المكان دا جدا عقلي بيفصل فيه عملت شوب نسكافيه وخدت الفون وطلعت
كنت وقفة سندة علي السلم وسرحانة في صوت شرين وهي بتقول
(علي بالي ولا انت داري بالي جرالي واليالي سنين طويلة سبتهالي 🎻)
● يا بختو
صوت دخل ودني غطي علي صوت شرين وصوت النسيم وعبد الحليم واي صوت خلقو ربنا صوتو هو وبس
بصيت وريا لقيتو واقف مبتسم وحطط ايدو في جيبو
☆ انت
● انا
عينو ٣قبت عيني نظرتو اتغيرت مش عارفة اقرها قلبي وجعني
● سمعت صوت شرين قولت اطلع اشوفها اصلي بصراحة بحبها اوي
☆ هي مين
● شرين
اكيد يقصد خطبتو
☆ وهي بقا اسمها شرين
● هي مين
☆ لا متخدش في بالك
قرب مني وقف جنبي
● انا اسف
☆ علي اي ولا اي
● مش فاهم
☆ قصدي بتتكلم عن اي بظبط
● علي الصبح علي اللوحة
☆ اهاا لا عادي محصلش حاجة
● بس حلوة اوي مين رسمها
☆ انا
● بجد
☆ بجد
مع كل كلمة كل نفس كل همسة منو كنت حسة قلبي بيدق معاه وبحسو زعلان كئيب لما يبعد
● دنتي فنانة بقا
☆ علي قدي
● بس اتعلمتي فين
☆ بحب الرسم من وانا صغيرة فا قررت اخش فنون جميلة
● يعني انتي خريجة فنون جميلة
☆ بالظبط
● مالك
سؤال كان غريب كنت حساه بيقولي انا عملت فيكي اي لان بصراحة كل الي انا فيه دا بسببو هو هو وبس
☆ مالي
● حاسس ان جواكي كلام كتير كلام لو قلتيه هيريحك
☆ ويمكن يوجعني
● بمعني
☆ مش كل الكلام بيريح في كلام لازم نكتمو جونا لا ونمحية كمان من جونا عشان نرتاح بس للاسف دا مش كلام
● امال اي
☆ خناقة
● ازي
☆ زي السكر في النسكافية
انا بردت هنزل انام تصبح علي خير
سبتو ومشيت ازي افهمو اني جويا خناقة بين عقلي وقلبي عليه
قلبي عايز يقرب منو يفضل يشوفو يشبع منو وعقلي عايز يبطل المشاعر المتعبة دي ومعاه حق هو مش ليا ولا عمرو هيكون
* غزاااااال
☆ اي يا ماما عايزة اي
صحيت علي صوت ماما وهي شوية وهتقعد في ودني
* اصحي في حد عايزك بره
☆ حد.مين
* دكتور يزن
هل انا خلاص اتجننت بيه لدرجة اني بسمع اسمو بدل اي اسم في الدنيا ولا دا حقيقي مش أحلام يقظة
☆ مين
* دكتور يزن
☆ ميييين
* اي انترشطي بقولك دكتوررررر يزززززززن
☆ اي يا ماما ودني
* طب قومي يختي الراجل مستني برة
لبست الاسدال وخرجت وانا مش مصدقة لقتو قاعد فعلا مستنيني
☆ دكتور يزن
● صباح الخير
يا صباح المربا وبالكريم كرميل في حد حلو علي الصبح كده اخرسي يا غزل ما تبوسيه من بوقة بالمره
☆ احم صباح النور
● ممكن تجي معيا
☆ اجي معاك فين
● تعالي معاي بس انا استأذنت من مامتك
غيرت ونزلت معاه وانا مش فاهمة حاجة لقتو ماشي باتجاه عمرة محمود الي قصاد عمرتنا
اي رايح يجوزني محمود ولا اي
طلعنا الدور الثاني ولقتو راح نحية شقة وفتحها
شقة اي دا هيتجوزني ولا اي يتجوز مين يختي دا خاطب
لا لا هيخطفني يا سلاااام هيخطفك ويبلغ ممتك قلبها عشان تجبلك عيش وحلاة
دخلنا وقفنا في الصالة
● ها اي رايك
☆ حلوة اوي بس مش صغيرة علينا شوية
● اي
اي الي انتي بتقوليه دا يخربيتك
☆ ها لا ابدا بس انت جيبني هنا ليه
● مش انتي خريجة فنون جميلة
☆ حصل
● وبتفهمي في الالوان
☆ حصل
● وليكي في الديكور
☆ حصل
● يبقا ظبتي شقتي بقا
☆ اي الي حصل
● عايزك تظبطتلي ديكور الشقة دي
هو بجد عيزني اظبطلو شقتو هو والمحروصة دنا لو عليا اولع فيها وهما فيها إهيهيهيهيه
اي دور الساحرة الشريرة دا
☆ دا ازي يعني متعملها انتي او هي
● منا مليش في الحاجات دي وبعدين هي مين
☆ العروسة
● عروسة مين يا غزل بقولك اي ركزي معايا اوضة الكشف هتبقا هنا
☆ كشف اي
● غزل ابوس ايدك فوقي معيا
ابوس صرصور ودنك انا بطل تقولي اسمي كده عشان قلبي ضعيييف
● انا هعمل الشقة دي عيادة يا غزل
☆ عيادة مين
● عياتي
☆ what عياتك ازي يعني هتكشف علي الادوية يعني
● أدوية
☆ انت مش دكتور صيدلي
● مين قال كده
☆ مخي
● الف سلامة عليه انا دكتور نفسي يا غزل وهفتح الشقة دي عيادة
هو الهوي اتقطع من الجو ولا انا الي مش في وعي اي الي بيحصل
☆ لا ثانية واحدة انت مش دكتور صيدلي والصيدلية الي تحت البيت دي بتاعتك
● لا دي صيدلية اخويا وانا كنت واقف فيها عشان هو كان بيحضر لخطوبتو
حسيت كأن حد خبطني بشكوش علي دماغي وبيقولي فوقي واسمعي وشوفي
هو الي انا سمعتو دا صح
☆ يعني يعني الخطوبة الي كانت من اسبوع دي خطوبة اخوك وانت مش دددددكتور صيدلي ولا في شرين
● شرين مين
☆ اسبرين
● اي
☆ عايزة اسبرين دماغي هتنفجر الدنيا بضلم في زلازال في العمارة
● غزل انتي كويسة
كنت تايها لو فضلت ثانية كمان هترمية في حضنو واعيط واقولو غزل غبية غبية غبية قولها تاني انت مش خاطب قولها
جريت ايوا جريت محستش بنفس غير وهو بينادي عليا من بلكونة عياتو وانا بعدي الشارع بسرعة عايزة ابقا لوحدي افكر ارتاااااااح
الليل جه عليا وانا قاعدة في اوضتي بعيط وافتكر الي حصل واعيط تاني يعني انا فهمت غلط هو مش خاطب يزن يزن مش خاطب يعني قلبي متظلمش في حبو اه اه انا بحبو خلاص واللهي بعترف اني بحبو
قعدت افكر كتير واكلم نفسي لحد لما سمعت صوت جاي من البلكونة
فتحتها لقيت نفس الورقة
( هستناكي يا غزل )
كلمت نفسي
☆ محمود يا ابن عمو محمود فكك مني خلاص الواد طلع سنجل يعني تكير يا بيبي خلاص شطبنا
سمعت صوت جاي من السطح اغاني دا اكيد يزن
ومن غير ما افكر ثانية كنت بجري ناحية السطح كان مشغل اغنية حماقي(حاجة مستخيبة )
ومع كلامات
(في جوا قلبي حاجة مستخبية كل لما باجي اقولها فجاة مش بقدر🎻)
وصلت عند الباب ولسه هدخل كان بيتكلم في التلفون وبالصدفة سمعتو
سمعت الي مكنش مجرد كلام كانت سكينة بتغرز في قلبي
حسيت اني قبل كده كنت موهومة ودلوقتي انا ضيعة هي حكايتي معاه مش مكتوبلها تكمل ولا انا وهو مفيش بنا حكاية اصلا
(ليه كل مره يجري كده ليا)
يا تري غزل سمعت اي يا تري في حكاية بنهم بجد ولا دا وهم بجد الرسايل دي من مين اي هيحصل مع غزل ويزن ومحمود

تعليقات



حجم الخط
+
16
-
تباعد السطور
+
2
-
close