recent
روايات مكتبة حواء

رواية المنزل الغريب كاملة

الصفحة الرئيسية

رواية المنزل الغريب كاملة 





المنزل الغريب》
الجزء الأول
صرنا أكثر من 20سنه ونحنا نعيش بي بيت أجار ابي كان موظف بسيط على قد حالو ونحنا عائله عدده7اشخاص
وقبل فتره اجى ابي لعنا على البيت وهو مبسوط وطاير من الفرح وصار يئلنا مالح تصدقو الله كرمنا وبعتلنا رزقه من السما ..قلنا لأبي شو أبي حكيلنا شوهي الرزقه قلنا اشتريت بيت ملك نحنا هون طرنا من الفرح بس الغريب أنو أمي مبين عليها مصدومه ومستغربه شلون ابي اشتره بيت وهو على اد حالو والراتب التقاعدي تبعو يلا يكفي اكل وشرب قال أبي يلا جهزو حالكون خلينا نروح نشوف البيت الجديد وكل واحد بيختار غرفه ..امي استغربت من كلام أبي وقالت ليش شو انت شاري قصر ولا بيت؟؟
صار يضحك أبي وقلها يا ام محمود خلص خلينا نروح وبتشوفي كلشي هنيك خليها مفاجئه..
وبلفعل طلعنا ورحنا على بيت الأحلام..
بس ونحنا بطريق لاحظت شي غريب كان في سيارة لونها أسود واقفه قدام بيتنا يلي كنا مستأجرينو وفي واحد حاسو كأنو عم يراقبناشخص لابس نظاره وعم يتلفت بشكل غريب ومخيف للأمانه منظرو وحركاتو حسستني بلقلق والتوتر شوبدو هاد مننا ومين بكون!!!
وصلنا لبيتنا الجديد فتح ابي الباب وفتنا وللأمانه كلنا نصدمنا لبيت قديم كتيررر وريحت العفن طالعه من حيطانو بس قلت انو يلا لمهم خلصنا من وجع الراس و الأجار والشخص يلي مأجرنا وهون هدواء مافي حدا لاجيران ولا أي شخص .كان لبيت كبير متل ماحكالنا ابي لدرجة انو طابقين وفيو 15غرفه صرنا نتسابق انا واخواتي منشان نئي غرفه تكون احسن من غيرها
بس أمي لوحيده يلي خايفه ومتردده كتير ومالها مرتاحه
سئلتها ماما شبك ليش مالك مبسوطه قالت امي يامحمود ابوك قلي انو اشترى هاد البيت بمبلغ قليل وانا بعرف اديش كان معو قلتلها لأمي وين المشكله.
قالتلي يامحمود هاد بحجم قصر وسعرو غريب !!
كان كلام امي صحيح بيت بهل الحجم ينباع بهيك مبلغ قليل شلون وافق صاحبو للبيت؟؟
بس قلت يمكن لانو البيت قديم وهو معزول عن الناس والبشر..
خلصنا جولتنا بلبيت وطلعنا وقال ابي لي أمي ايمت حابه نجيب عفشنا ونتتقل قالت امي مستحيل لازم اول شي نجيب عالم تنظف البيت من الاثاث القديم والغبره يلي معبايه فيو.
قال ابي اي تمام هلا لح جيب عمال تنظف وبكرا منجيب سيارة كبيره ومننقل العفش كلو..
وفجأه ونحنا بطريق لمحت سيارة نفسها السوداه واقفه عند بيتنا ونفس الشخص عم يراقبنا..
قلت لابي وقف شوي بابا قلي ليش قلتلو وقف في شي بدي شوفو وقف ابي وركدت على سيارة بس لسا ماوصلت كان ماشيه وكان لح يدعسني امي صارت تصرخ وتقلي شبك جنيت شوبدك فيون لح يدعسك كان..
رجعت لعندون وقلتلون هل الشخص كان عم يراقبنا
من اول ماطلعنا من لبيت لهلأ.
قلي ابي ليكون عم تتهيئ يامحمود قلتلو مستحيل لاني شفت وجهو قاطعني ابي وقلي خلص انسى الموضوع هل سيارة ولا تروح فرحتنا بلبيت،،
اليوم السبت أول يوم لنا في البيت الجديد نقلنا كل العفش ورتبنا الغرف وقرر أبي انو نسكن كلنا بل الطابق يلي تحت والطابق التاني نحاول نأجرو ونطلع منو مصاري ..
وبلفعل كل حدا اخد غرفه ومن كتر التعب نمنا..
بس الساعه 2بليل فقت على صوت غريب ..صوت متل تكسير وكأنو في اطفال عم تركد بلبيت الصوت كان جايه من فوق حسيت وكأنو عم يتكسر السقف..
قلت معقول يكون امي واخواتي حبو ينظفو الطابق التاني؟
قمت وصرت شوف غرف اخواتي لقيتهون نايميين كلون
مرقت جنب غرفة امي وابي لقيت ابي نايم لحالو بس غريبه وين راحت أمي!! وقت وصلت على صالون لقيت امي نايمه فيو قلت لها ماما ليش نايمه هون قالتلي انت بتعرف يامحمود انا مابحب المكيف وابوك مشغلو منشان هيك اجيت نام هون ..
قلتلها ماما ماسمعتي صوت تكسير وحركشه جايه من الطابق التاني قالتلي لا ابدآ قلتلها صوت كان قوي ..
قالتلي محمود شبك انت اليوم خلص روح نام .
قلت يمكن من التعب سمعت هيك رحت على الحمام
وانا جوا سمعت صوت حدا عم يدق عليي الباب كان صوت خفيف وفي صوت عم يقلي بسرعه طلاع من الحمام قلت يمكن اخواتي حدا فاق واجى على الحمام بس البيت فيو ٣حمامات ليش اجى لهون؟؟
صرت قول يلا هلا بطلع حاج تدق عليي فيك تروح على الحمامات التانيه..
طلعت من الحمام ومالقيت حدا غريبه مين يلي كان عم يدق ويحاكيني رحت على الصالون مالقيت أمي نايمه
رجعت شوف بغرفة ابي لقيتها نايمه بجنب أبي.
شكلها امي شوبت ورجعت نامت جنب ابي .
شفت غرف اخواتي لقيتهون كلون نايميين يالله مين كان عم يدق عليي باب الحمام حتى الحمامين كلون مسكره ومالها مبين انو في حدا استخدمون بسم الله شوهاد يلي عم يصير ..قلت يمكن حدا من اخواتي عم يمزح معي وعامل حالو نايم استنيت شوي مالقيت حدا عم يتحرك فيون مبين عليهون غرقانيين بلنوم..
رجعت رحت على غرفتي وقلت يالله من التعب يلي صاير معي خليني احسن شي حط راسي ونام..
ساعه10صبح فقت على صوت أمي وهي عم تقلي محمود قوم حاج نوم وتعا فطار معنا..
قمت ورحت غسلت واجيت افطر معون قلت لي محمد اخي انت مابتبطل حركات الولدنه تبعك قلي شبك محمود قلتلو مبارح اجيت دقيت الباب عليي وانا بلحمام وغيرت صوتك منشان تخوفني هي عاداتك بعرفك قلي انا؟؟؟
قلي قسمآ بلله مو انا كنت نايم متل القتيل مالي حاسس على شي شبك انت؟
سئلت اخواتي وانا خايف بربكون مين يلي عمل معي هيك
كل اخواتي حسيتهون خافو وقالولي نحنا ماتحركنا من فرشتنا شوبدنا نعمل بهيك وقت؟؟
قلي ابي حاج تخبص خوفت اخواتك نحنا جداد بلبيت لاتخوفن شبك مالك عاجنبي هل الفتره يامحمود ..
قلتلو لأبي والله مبارح شفت امي بلصالون نايمه وكنت قاطعتني امي انا نايمه بلصالون!!!!!!!!
انا كل الوقت نايمه جنب ابوك حتى صلاة الصبح راحت عليي قلتلون شوقصتكون ياجماعه بدكون تطلعوني مجنون
اقسم بلله كل هاد صار معي وانا فيقتك وحكيت معك
قلي أبي بسم الله عليك يامحمود شوعم تكوبس.
بصراحه نظرات الخوف على اخواتي صرت شوفها بعيونهم
ومنشان صلح الموقف قلتلون يمكن انا عم اتوهم
فجأه قامت اختي سمر وتخبت ورا أمي وصارت تبكي قلتلها حبيبتي سمر شبك خفتي انا كنت عم اتوهم مو اكثر قلي ابي شايف شلون خوفتها لاختك..
بس فجأه سمر قالتلي لامحمود انت ماكنت عم تتوهم
قلتلها ليش حبيبتي قالتلي لانو يلي دق عليك الباب هو اخي احمد وصارت تبكي بشكل فظيع وتتخبى ورا امي وترجف اجيت لعندها وحضنتها قلتلها حبيبتي حكيلي شبك
قالتلي وانا نايمه حسيت على حدا عم يفيقني فتحت عيوني لقيت اخي احمد واقف على باب الغرفه وكان عم يقلي تعالي بس انا كنت خايفه وغضيت وجهي بلحرام
ورجعت رفعت الحرام كان احمد مختفي يمكن راح بوقتها لعندك على الحمام وصار يدق عليك الباب..
كان كلام اختي صدمه لقلنا كلنا صرنا نصفن بي بعضنا والخوف تملكنا لانو اخي احمد يلي عم تقول عنو سمر ميت من 3سنين ....
والعصر بنفس ليوم قلتلها لامي ان شالله هديت اختي ونامت قالتلي والله خايفه عليها ومن كلامها اجى ابي وقال كلو من اخواتها دائمآ بشوفوها شغلات رعب وبينادولها تشوف معون افلام مرعبه قلت لابي صح عمر اختي 7سنين بس هي بتحب تشوف هل الأفلام غريبه صرلها سنه بتشوف هل الأفلام بس اول مره بصير معها هيك شي!!!!
بعدين قالتلي امي لعدتحكي شي جنب اختك من اوهامك ولعد تخلوها تشوف هيك افلام بعدين قالتلي يلا محمود روح جيب شوية اغراض جايه خالتك لعندنا تباركنا بلبيت
وبعد ساعه اجت خالتي ومتل عاداتها صارت تشوف البيت وتقول لامي هي عمليها هيك وهي ساويها هيك بتحب خالتي دائمآ تعمل متل مديره موبايدها..
كانت امي واخواتي عم يساوو عشا كان زوج خالتي معنا بلبيت ..
وفجأه سمعنا صوت من قلب الغرفه حدا عم يصرخ
رحنا كلنا بأتجاه الغرفه لقينا خالتي واقعه على الارض ومغمى عليها قالت امي فورآ خدوها للمشفى تنفس تبعها بطيئ اخدناها وصار زوج خالتي يقول لأمي شوصار شبها
قالتلو امي انها كانت معي بلمطبخ وراحت تصلي بلغرفه وبعدين سمعنا هاد الصوت مابعرف ماكنت معها..
وقت فوتناها على المشفى اخدوها فورآ على الطوارئ لانها عم تعاني من تسرع بلقلب قلت لزوج خالتي هي خالتي بتكشي من شي يعني مريضه قلي لاوالله من يوم يومها مافيها شي هي اول مره بصير معها هيك
طلع الدكتور وقال اتحسنت شوي بس شوهي الصدمه يلي صارت معها هي عانت من صدمه قويه ساوتلها اغماء وتسرع بلقلب مفاجأ وكأنو حدا عطاها خبر محزن كتيررر
قال على العموم هي هلأ صحيت فيكون تخرجوها بس انتبهو حدا يزعلها مره تانيه بهل الشكل لان لاسمح الله مالح تكون سليمه تاني مره...
خرجناها وطلعنا بلسيارة كنت عم اسمع صوت بكه جايه من عند خالتي ...قالت أمي سلامتك اختي شبك ليش عم تبكي فجأه رفعت راسها خالتي وعم تتلفت وتسأل لوين اخديني قالتلها أمي لح نرجع على بيتنا صارت تصرخ خالتي وتقول لالا مابدي ارجع على بيتكون خليني ارجع على بيتي قال زوج خالتي خلص خلينا نرجع على بيتنا
وفعلآ رحنا نوصلهون على بيتهون وصلنا على بيت خالتي وصرنا ننزلها ونحنا طالعين فجأه ركدت خالتي لعند امي وهي عم تبكي وتقلها اختي سامحيني انا معد ارجع فوت على بيتكون بعد يلي شفتوو.
قالت امي لها حكيلي شوشفتي قالت خالتي وانا رايحه بدي فوت صلي بلغرفه تبعك لقيت وحده لابسه عبايه سوده وقاعده ودايره ظهرها لقلي فكرتها من بناتك كنت عم اسألها وين غضى الصلاة وفجأه لفتت راسها لعندي وقالتلي هون بلخزانه عم شوفها منيح ودقق النظر فيها فكرت حالي عم اتخيل و مالي بوعيي بس تأكدت وقت قربت عليي وصارت تبكي خالتي بشكل مخيف وقالت لأمي طلعت امك يا اختي امك يلي ماتت من عشرين سنه..
امي رتعبت وقالتلها كيف هاد الكلام مومعقول ياربي شوقصة هل البيت وقالت خالتي بيتكون بخوف معد اجي لعندك وفاتت خالتي على بيتها..
رجعنا بسيارة ونحنا مصدومين من يلي عم نسمعو شوهاد يلي عم يصير انا سمعت حركشه واختي شافت اخوها ميت وهلا خالتي شافت ستي يالله شوهاد...
صارت امي تقول بسيارة يا ابومحمود البيت غريب فيو شي من وقت ماقلتلي انك اشتريتو لهل البيت بسعر رخيص وانا مالي مرتاحه قالها ابي يا ام محمود حاج تتوهمي اكيد اختك كانت عم تتوهم يعني شوفيو لبيت جن مثلا ساكن معنا.قالت امي لأبي نحنا لازم نتروك هل البيت اليوم قلها ابي شو جنيتي وين بدنا نروح يعني نرجع نستأجر قالت امي خلينا ننام كم يوم عند اختي .وانت شوف حدا من الشيوخ وخلي يقرء على البيت صار يضحك ابي ويقلها لاتضحكي علينا العالم بهل التخبيص والكلام يلي مابفوت بلراس..
ووقت وصلنا على البيت الغريب...
رن موبايل امي وطلعت خالتي عم تقنع امي انو تجيب هل الولاد ونسكن عندها ..
راحت امي لعند ابي وقالتلو انا مالح ابقى يوم بهل البيت وهلأ لازم نرجع على بيت اختي قلها ابي انا مالي طالع من بيتنا ومالح اسكن مع عديلي وانا عندي بيت كبير بي سكن اربع عائلات وطالع نام وهي مفتاح سيارة خدي ولادك وروحي لعند اختك ..
قلتلها لامي مافي داعي تعملو مشكله خلص جهزو حالكون انا باخدك عند خالتي وبرجع بنام مع ابي مالح اتركو لحالو
وفعلآ اخدت امي واخواتي...
وانا بعرف انو القصه تبعنا مالح تنتهى هون....
google-playkhamsatmostaqltradent