رواية المنزل الغريب الفصل الثاني 2
الثاني
وصلنا لبيت خالتي وصارت امي تقلي محمود حاول تقنع ابوك قلتلها ماعليكي ماما انا هلا بحاول معو.
وانا بطريق وراجع على البيت صرت فكر كيف تغيرت احوالنا بيوم وليلة كنا ساكنين بشقة اجار وعنا راحت دنيا كلها وهلأ صار عندنا بيت كبير وشغلات غريبه عم تصير معنا وأنا واثق من انو يلي شافتو خالتي واختي صحيح والله هل البيت غامض..وفجأه تذكرت امام الجامع يلي كان قريب على بيتنا القديم الشيخ محمد خليني روح لعندو واحكيلو يلي عم يصير معنا على اقل ممكن يقنع ابي يترك البيت ..
وفعلآ غيرت طريقي ورحت لعندو لقيتو بلجامع فتت وسلمت عليه وصرت احكيلو كلشي عم يصير معنا بلبيت
صفن الشيخ وقلي يامحمود البيت يلي اشتريتو هو البيت الكبير يلي بشارع 94 قلتلو اي بزبط هاد..
وقف الشيخ وصار يقلي لك الله يهديكم هاد البيت مهجور من سنوات وسمعت انو الناس عم يقولو كلام كتير عنو والناس رافضه انها تشتريه اوحتى تسكن فيه قلتلو لمصيبه ياشيخ انو نضحك على ابي وشتراه وابي مفكر انو اخد بيت كبير ورخيص قلي الشيخ سبقني على البيت وانا هلا بلحئك ..
وفعلآ طلعت من الجامع وركبت سيارة ورجعت بتجاه البيت وكل تفكيري بي أبي يلي هو لحالو بلبيت لازم لحقو منشان مايصير معو شي وفجأه لاحظت انو في سيارة سوداه عم تمشي ورايي وتلحقني وفعلآ متل ماتوقعت هي نفس السيارة يلي كانت عم تراقبنا عند بيتنا!!!!
صرت اسأل حالي لك شوقصة هل السيارة يلي عم تلحقنا وشوبدو مننا.كملت طريقي ووصلت جنب البيت وانا نازل صفت السيارة جنبي ونزل منها شب وصاريقرب لعندي وقلي انت من سكان هاد البيت قلتلو مين حضرتك وليش عم تراقبنا قلي انا بدي ساعدكون ..قلتلو مافهمت تساعدنا بشو؟؟ قلي انا وجودي هون بسبب هاد البيت قلي انا اسمي مروان قلتلو وانا محمود حكيلي شوشي يلي بدك تساعدنا فيو ..قلي انا عندي تجربه مع هل البيت ولما سمعت انو حدا اشترى هاد البيت ماصدقت وصرت حاول اني اتبعكون ودور على فرصه احكي معكون فيها يامحمود هاد البيت فيو شغلات غامضه لا انا ولا انت بتقدر عليها واحسن شي عملتو انك اخدت اهلك ووديتون على بيت خالتك قلتلو سمعتك عم تقلي عن تجربه صارت معك بلبيت حكيلي شوهي التجربه؟ صار يقلي من 5سنين كنا انا ورفيقي عيماد بلسيارة تبعنا عم نتفتل وكنا متعودين دائمآ انو نطلع من المدينه ونمر بين المزارع ونكتشف اماكن غريبه وبيوم من الايام نسي رفيقي عيماد وما انتبه انو سيارة مافيها بنزين زياده وقفت السيارة عند هاد البيت
حاولنا ندور على حدا يساعدنا بس ماكان في حدا بهل المكان متل مالك شايف فجأه قربنا من هل البيت يلي انتو شتريتو كان عتمه كتيرر دقينا الباب لانو كنا نتوقع انو في ناس ساكنتو لانو شباك الغرفه يلي فوق كان في شخص عم يطلع علينا ويشعل ضو ويطفيه بس ماحدا كان عم يفتحلنا بعدين صرنا نتفتل حوالين البيت على أمل نلاقي باب تاني للبيت يمكن يكون اقرب للسكان وبلفعل لاقينا باب خلفي قلتلو صح في باب خلفي للبيت قلي تخيل لقينا الباب الخلفي مفتوح شوي صرنا ندق بس ماحدا رد علينا بوقتها قلي عيماد خلينا نفوت قلتلو لا مابصير نفوت بدون اذن أصحاب البيت بس أصر عيماد وفات لحالو استنيت برا شوي بعدين سمعت صوت عيماد عم يصرخ ويبكي قربت بدي فوت لقيت الباب مسكر صرت خبط على الباب بس مافي اي اجابه حتى صوت عيماد اختفى رجعت على السيارة لقيتها موموجوده اختفت يالله شوعم يصير شوهل المكان بس فجأه بلاقي الباب الأمامي تبع البيت مفتوح بسم الله شوهاد قربت وفتت كان الظلام معبي المكان وانا عم امشي بستغرب بشي كبير جوات البيت عم لمس ايدي عليه طلعت السيارة تبعنا وقعت على الارض من الخوف شلون دخلت هي سيارة لهون وفجأه بشوف رفيقي عيماد اعد على جنب وشكلو بيخوف وعم يخرمش حيطان يلي جنبو ويهز براسو صرت صرخ وهو يكسر اظافرو بلحيطان وفجأه وقف واتوجه لعندي وانا صرت اقرء قرآن مبين من شكلو صار ملبوس بروح شيطانيه ضليت اقرء لحد ماوقع على الارض وسحبتو لبرات البيت واعدت متل المشلول جنب البيت لحد ماطلع عليي الصبح لقيت سيارة جايه اتجاهي اشرتلها ووقف طلع في واحد كبير بلسن قلي خير شبك قلتلو كرمال الله بدي اخود رفيقي على المشفى على السريع رفيقي مابعرف شو صرلو هون قلي العجوز شوجابك لهل المكان وليش انت هون عند بيت الشيطان قلتلو نعم بيت الشيطان!!!!!
قلي هاد بيت مسكون والله وحدو بيعرف شو في جوات هاد البيت اكثر اهل المنطقه تركو بيوتهم وراحو سكنو بغير هل المكان قلتلو رفيقي متل المجنون صار شوي بيضحك وشوي يبكي ويغمى عليه قلي ركاب لنروح على اقرب مشفى وقت اخدناه على مشفى حولوه لمشفى امراض عقليه وجبنا الشرطه وفاتو مالقو سيارة و لالقو اي شي غريب بلبيت..
قلتلو انا يازلمه شوهل التأليف شوفلم رعب ماقتنعت بهل القصه وشوعلقاتك انت فينا اذا سكنا نحنا بهل البيت..
قلي فيك تروح عند عيماد وتسألو هاد اسم المشفى وبلفعل اخدت اسم المشفى وقلي بعدين بترجاك يامحمود لازم نفوت هلا ونقنع ابوك يتروك هل البيت قلتلو انسى ابي مصر يضل هون ساكن قلي مراون انت اكيد ماصدقتني تعا لفرجيك الجريده القديمه قلي اقرء يلي مكتوب قلتلو حل عني بقا ناقصني انا شوبدي اقرء قلي اقرء الخبر الموجود على الجريده اخدتها وكانت مبينه انها قديمه تقريبآ قبل 50سنه والخبر مكتوب انو كان في عائله ساكنه بلبيت وكانت عم تشتكي من الحريق يلي كان عم يصير جوات البيت بدون سبب وانو افراد العائله منهم مات بمرض غريب ومنهم جن والباقي اختفى بظروف غامضه قلتلو وانا عم ارجف هاد كلام جرايد مستحيل قلي يامحمود والله هيك صار بلعائله يلي قبلكون وخايف يكون الدور هل المره عليكون..كان كلامو مخيف كتيررر..ومرعب وفجأه وقفت سيارة جنبنا ونزل واحد منها غريبه مين هاد وقت قرب جنبي ارتحت هاد الشيخ محمد قلي شو يا محمود صار معكون شي قلتلو لاوالله لسا مافتت على البيت كنت عم اتطلع على الشيخ حسيتو متوتر وصار يقلي سماع يامحمود انا تاكدت من معلومات هاد البيت قلتلو ياشيخ معلومات شو قلي بعد ماطلعت من عندي من الجامع رحت عند رجال كبير بلعمر وسألتو عن هاد البيت لانو معارفو كتيرة بلبيوت وللأمانه يامحمود القصه يلي حكالي ياها العجوز مخيفه كتير قلي الأرض يلي مبنيه عليها هاد البيت لرجل اعمال كبير بلبلد وقرر انو يبني عليها بيت واتفق مع شركة بناءوبلفعل وهنن عم يبنو لبيت رفض رجل الأعمال يعطيهون مصاري اجارون وراح زور كل الاوراق انو هو دافعلون كلشي و انوالشركة كذابه هون نفعلت الشركه وقررت تنتقم من صاحب البيت بيوم من الايام كان رجل الاعمال واقف وعم يشوف عمال كيف عم تشتغل مسكوه 4عمال وربطو وانتقمو منو بطريقه بشعه صبو عليه الأسمنت بين حيطان البيت وكملو بناء فوقو وهرب صاحب الشركه والشرطه دورت عليه لرجل اعمال بس للأسف ماكان حدا بيعرف انو مدفون بين حيطان البيت وسجلو انو اختفى بظروف غامضه..
وبعد زمن كان اعامل مريض وقرر يعترف بلجريمه وقال للورثه انو رجل الاعمال مدفون بقلب حيطان البيت بس الورثه ماكانو حابين يهدو البيت وفعلآ ضلت الجثه تبعو بين حيطان البيت لوقتنا هاد. وباعو لبيت لعائله مات جزء منها والباقي مرض وعالم منها اختفت بظروف غامضه .قال مروان للشيخ فعلآ كلامك صح ياشيخ انا معي صوره من الجريده قديمه وورجيتها لمحمود شو مكتوب فيها..وقلي الشيخ يامحمود اذا بدها تنتهي هل القصه والمئسات مافي غير حل واحد انو هل البيت يتحول لقبر لرجل الاعمال يلي مدفون بين حيطانو .
قلتلو قبر شلون ياشيخ قلي لازم نهدم البيت كلو وتصير الارض قبر وقال مراون صح ياشيخ لكل قال لازم البيت ينهد وصار مروان يمسكني من ايدي ويقلي بترجاك يامحمود لازم نفوت ونقنع ابوك انو لبيت لازم ينهدم قلتلو ينهدم شومجنون لوسمع ابي هل الكلام لح يخبر عنك انك حدا مجنون شوهل كلام ياشيخ معقول يلي عم تحكو راسي صار يوجعني شوهاد يلي عم يصيرر يالله.
وفجأه سمعنا صوت صريخ قوي جايه من البيت كان صوت بعرفو هاد صوت أبي...
فتنا انا وشيخ ومروان على البيت وصرنا نفتش بلبيت على ابي ومالقينا اي اثر لابي بوقتها قلت اكيد بطابق التاني وفعلآ طلعنا على الطابق التاني كان مظلم وبيخوف نحنا هاجرين هاد الطابق وفجاه فتنا على غرفه لقينا ابي معلق على الحيط والحيط متشقق وعم يطلع منو دم كان المنظر مرعب كتيرر ابي رأسو لتحت ورجليه لفوق معلق متل الخفاش ومربط ودم عم يطلع من حيطان الغرفه..
صار شيخ يقرء قرآن بس كان عم يهز ويميل راسو ابي كل مايقرء الشيخ وفجأه ابي رجع يصرخ وينفض جسمو لحد ماوقع على الارض واختفى شي يلي كان مربطو ..
مسكنا لي ابي وصرنا نحاول نساعدو يمشي وصرت نادي مروان وين رحت تعا ساعدنا خلينا نطلع كان مروان مختفي من الغرفه تماما لاحتى مالو موجود بلبيت ابدآ
اخدنا ابي على المشفى وفوتو على الطورائ هون قلتلو لشيخ فعلآ صار لازم نهدم هل البيت قطع كلامنا الدكتور وهو عم يقول المريض صار منيح فيكون تشوفو..
فتنا انا والشيخ وقلو الشيخ خير شوصار معك ..
قال ابي بعد ماكنت بدي نام سمعت صوتك يامحمود عم تقلي بابا تعال لقيت صندوق بطابق التاني نفتحو او لا وطلعت وراك انا وفعلآ كان في صندوق بلغرفه انا عم امسك الصندوق لتفتت لقيتك اختفيت من جنبي استغربت انك اختفيت وتوقعت انك رحت تجيب شموع لانو كان عتمه وفجأه صرت اسمع اصوات عم تقول طلعو من بيتنا
وصار صندوق ينفتح وطلع منو ثعابين صغيره ووجماجم بقلبو واغمى عليي من منظر وهاد اخرشي تذكرتو قلي يامحمود ليش مستغرب مو انت كنت معي قاطعو الشيخ وقلو يا ابومحمود يلي انت شفتو مو محمود لانو محمود مافات البيت ابدآ...يا ابومحمود بيتكون فيو كان جريمة قتل والقتيل مدفون بحيطان البيت والله يعلم انو هل الروح سيطرت على هل البيت وعم تتشكل لناس تانيه وشكلو المكان صار مسكن للشياطين خاف ابي كتير من كلام الشيخ وصار يصفن ودمعه بعينو..قلو الشيخ نحنا لازم نهدم البيت يا ابومحمود.وبعد تفكير من أبي قال انو انا معك ياشيخ اهدمو للبيت ماقصر معنا الشيخ وساعدنا من اهل الخير وجمعنا شويت مصاري وجبنا شركة تبع الهد والحمدلله هدمنا البيت وتم تجميع كل قطع البيت المهدوم وحولوها لشكل بيشبه القبر وعملو سور كأنو مقبره بقلبها قبر كبيرر...
رجعنا نعيش حياتنا الطبيعيه استأجرنا انا وعيلتي بيت صغير ومر اسبوع على هدم بيتنا الغريب.
تذكرت مروان لانو من وقت الحادثه وهو اختفى ومعد ئلو اثر كان معي رقمو اتصلت فيو اكثر من مره بس كان الرقم مغلق غريبه وين راح هل الزلمه..
خطرت بي بالي روح زياره لعند عيماد بلمشفى يلي كان رفيقو لي مروان وصلت المشفى وقلتلون بدي زور واحد اسمو عيماد صرلو من فتره عندكون صار يكبس بلكمبيوتر ويقلي نحنا ماعنا حدا بهل الأسم انت غلطان قلتلو تأكد اكيد عندكون قلي يا اخي ماعنا حدا من عشرين سنه بهل الاسم وطلعت من المشفى وقلت معقول مروان كان عم يكذب عليي بس ليش رجعت دقيت على رقمو متل العاده مغلق وبلشت حس انو مراون وراه سر سر غامض....
رن جوالي وطلع اتصال من الشيخ وحسيت انو صوتو غريب ومخيف وطلب اني قابلو بسرعه وفعلآ رحت لعندو فورآ لاعرف شو صاير وصلت وقلتلو خير ياشيخ شوفي
قلي الشيخ كارثه يامحمود كارثه مابتتخيلها قلتلو خوفتني شوفي قلي يامحمود نحنا هدمنا البيت الخطئ نصدمت واعدت على الكرسي وقلتو لبيت الخطئ!!!!!!
وبلش الشيخ يحكيلي القصه قلي بعد ماهدمنا البيت لقيت شخص من اصحاب العقارات القديمه وقلتلو انو نحنا هدمنا البيت الغريب يلي كان صاحبو الرجل الأعمال يلي مدفون بين حيطانو و خلصنا من شرو قلي لا انت غلطان بمعلوماتك ياشيخنا البيت يلي انتو هديتوه بناه صاحبو قبل 50سنه وكتشف بوقتها انو لبيت مسكون بقبائل كبيره من الجن وبوقتها مات صاحبو جوات البيت ونباع لي عائله صار معون جنان و مرض و اختفو بظروف غامضه وكانو بيسموه بيت الشيطان
لانو يلي بقرب منو بكون نهايتو الموت واذا حدا هدو لح تحل عليه اللعنه هاد ملك الجن والشياطين رجع يقلي الشيخ انو البيت تبع رجل اعمال موبهي المنطقه بغير مكان وصح انو مهجور بس ماسجلت اي ملاحظه او امور غريبه عليه كان كلام شيخ مرعب ومخيف وسئلتو وشو العمل هلأ
ياشيخ يعني حلت علينا اللعنه .. وفجأه رن جوالي كان متصل ضابط من الشرطه وبلش يسألني انت محمود
قلت اي انا محمود قلي محتاجينك فورآ تجي بقسم الشرطه على السريع رحت فورآ انا والشيخ وقلت يالله شوبدون مني الشرطه وصلت للقسم وكانت الصدمه المرعبه
قالولي خبر خلاني انهار على الاخر عم يقول قبل ساعه انو ابي حرق شقتنا الجديده يلي مستأجرينها وماتت امي وماتو كل اخواتي بلحريق وقالولي انو ابي بعد ماحرقون طلع على الأسطوح ونتحر وقالولي انو خالتي شربت ماده سامه وهلأ بلعنايه مشدده بين الحياة والموت
انهرت على الارض وصرت ابكي متل طفل صغير كان الشيخ يحاول يهديني وهو ياخدني معو برات القسم تبع الشرطه كان الخبر عليي فاجع ماقدرت وقف على رجليي من هل الخبر يلي هز كل كياني معقول فقدت ابي وامي وكل اخواتي فجأه؟؟
يتبع...
الثالث من هنا
