recent
روايات مكتبة حواء

رواية اتعبتني ولكن (امل ويوسف ) الفصل الثامن 8 بقلم يوتة

رواية اتعبتني ولكن (امل ويوسف ) الفصل الثامن 8 بقلم يوتة

 حلقة (8)

"
"
امل ،، احكيلي .
محمد ،، ع شن ؟؟؟
امل ،، خيرك انت شن فيك ؟؟
محمد ،،شن فيا يعني؟ مافي شئ .
أمل ،، ع أمل ي محمد تي راهو خبزاتك وعجناتك كووويس سلم اوخي
لذلك بلاش جووو وإحكيلي شن في ؟؟
محمد ،، ووواك منك بكل أنتي عش مستحيل الواحد يقدر يهرب منك .
أمل ،، عليك نوور انا عش وأحرف من هكي وبلا نسمع فيك .
محمد ،، توا شن بنحكيلك هي عادي انا كويس غير إموري مش واضحه الفترة هاذي وخلاص .
أمل ،، توا الواحد كيف بيتفاهم معاك هي
انا عارفه ي محمد إنك مش كويس وع فكرة هالشئ واضح عليك .
إحكيلي تربح سلم اوخي بلكي نلاقي حل وممكن ترتاح وقت تحكيلي وين تعرف .
محمد ،، هكي رأيك أنتي ؟؟
أمل ،، اي هي نسمع فيك
محمد ،، بالله ي امل شن في غير موضوع أماني امضايقني
مش عارف ناخد قرار ولاحت قادر ننساها هي خلاص ملكت جميع افكاري .
وللاسف انا عاجز لاعارف كيف نتصرف ولا حت ناخد خطوة في هالموضوع .
أمل ،، شن خطر ع بالك هذا كله يعني أنت قابلت أماني ولا حاجة ؟؟
محمد ،، اي قابلتها وللأسف هيا ماعرفتني ولا حت متفكرتني .
أمل ،، كيف هكي ؟؟
محمد ،، هكي صار ومن يوم ما قابلتها وانا حايس وضايع .
أمل وجعها حال خوها وقرارة تبادر بشئ لحت تجمع بينهم من جديد ,, بس محمد من قلك أماني ماعرفاتك ؟؟
محمد ،، شن قصدك ؟؟
أمل ،، بلا جو علاش ماحكيتلي من الأول إني اماني حبيبتك هي نفسها أماني صديقتي .
محمد بحزن وفرح ،، كلامك هذا يذل ع إنه أماني عرفتني صح ؟؟
أمل ،، اي بس مش من الأول عرفاتك بعد ما انا حكيت عليك وع قصتك .
محمد ،، به كيف ما قتلي كيف ما وضحتلي رغم إني سألتها ؟؟ وانتي ي فالحه ليش ماقلتيلي وعارف إنه هالموضوع بذات مهم ب نسبالي ؟؟
أمل ،، ع اساس انت جيت وحكيتلي ماهو حت أنت نفس الشئ دسيت هالموضوع عليا .
محمد بحزن ،، دسيت لأنه مانبي تجي مني نبيها هي تعرفني وكنت عارف لو قتلك راح تمشي وتحكيلها وراح تعرفني عن طريقك .
وللأسف مشت ومشت وعرفتني عن طريقك .
أمل ،، تعرف إنك مجنون ؟؟
ع فكرة شوف منظرك توا وشوف منظرك قبل , طبيعي البنت مش راح تعرفك قبل كنت زي الورده وجنتل مان
بالله شوف شعرك وجسمك توا رايح لا منظر ولا سماحه .
محمد ،، هههه ي عنشكلك بكل تعرفيش تجاملي أنتي وله ؟؟
أمل ،، شن كذب يعني والبنت لولا صورك قبل مكانت راح تعرفك . وع فكرة هيا عرفاتك وقت جتنا يعني ما ليهاش فترة وغير هكي البنت إحساسها من إحساسك .
محمد بفرح ،، شن شن ؟؟
قولي والله تبصري أكيد وله ؟؟ يعني حت هيا تبيني ؟؟
غير إحكيلي بالله عليك بالتفاصيل الممل .
أمل وهي تضحك ع منظر خوها ،، ههههه ي نجيلي هالفرحه ياربي
تي ماشي ماشي ع خاطر أماني نفرحو وع خاطرنا مانعرفوش حت نضحكو .
محمد ،، هههه بلا جو عاد غير إحكيلي نبي نسمع ؟؟
أمل ،، شن بنقلك البنت من كلامها واضح إنها تبيك و وقت رفضاتك ع خاطر بوها كان ما ليشي شهر متوفي
وبعدها حاولت تتواصل معاك بس أنت معاش بنت في الكليه لذلك سكرة الموضوع وخلاص ..
محمد ،، اووووووه وحق ربي هذا وين إرتحت يعني خلاص وأخيرا كل شئ حيكون تمام الحمدلله يااارب .
أمل ــ ههههه كان تشوف منظرك توا تقول مش محمد يمه منك هذا كله حب ؟؟
محمد ،، ههههه بالله إسكتي خليني
وتوا اسمعي نبيك توصليني ليها نبي نحكي معاها ونفهم منها وبعون الله مش راح إنطول ف هالموضوع أكثر من هكي بنمشي نتقدملها رسمي ونريح نفسي ونريح البنت معاي ..
أمل ،، حاضر بعون الله نتواصل معاها ونرد عليك . بس قبلها تمشي تحلق هالشفشوفه وترد حموده لأولي ههههه شن قلت ؟؟
محمد ،، حاضر ي أحلي أخت ف الدنيا كلها .
أمل ،، هههه به به هي خلي نمشي ع حالي انا توا .
محمد ،، به وراك تنسي عاد .
أمل ،، تم وانت عاد زي ما قتلك .
محمد ،، هههه حاضر .
مشت أمل لدارها وأول ما مسكت الهاتف لقت مكالمات من أماني وع طول اتصلت بيها .
عند أماني
نا ضت من النوم مع المغرب ع طول صلت وجهزت العشاء وكسدت هي ويوسف
يوسف ،، اي حق أماني بكري كلماتك أمل ع الأرضي
أماني ،، خيرها ؟؟
يوسف ،، قالت تبيك تجي عندهم ع خاطر في عرب جاين ل أختها أو حاجه زي هكي .
أماني ،، اها اي حق والله إنسيت من بالي
يلا حصل خير خلي نتصل توا ونشوفها
وتصلت اماني ب أمل بس أمل مكانت لاهيا ب الهاتف .
يوسف ،، شن صار؟؟
أماني ،، ماردتش شكلها مش فاضيه , يلا توا وقت تلاقي المكالمات ترد عليا
يوسف ،، به أنا بندير قهوة إنديرلك معاي ؟؟
أماني ،، ياريت
يوسف ،، به
ودار يوسف القهوة وجي
يوسف ،، اي مش قلتي بنحكيلك ؟؟
أماني ،، ع شن ؟؟
يوسف ،، ع قصة سؤالك يومها .
أماني ،، اها توا مش وقته يوسف وقت يجي وقتها تأكد راح نحكيلك كل التفاصيل
يوسف ،، تمام ع راحتك
" وقت يكون الأخ بمثابة الصديق القريب ليك ,هنا تأكدي بأنه معظم مشاكلك ح تكون محلوله ، هذا إذا ما كانت ف الأصل معدومة "
أماني ،، شكرا يوسف
يوسف ،، ع شن ؟؟
أماني ،، هكي ع كل شئ ع صبرك معاي و وسعة بالك وطيبة قلبك وحنيتك الكبيرة وكل شئ ي أحلي أخ في الدنيا كلها
يوسف ،، ي مجنونة أنا خوك مش صديقة ليك لحت تشكريني .
أماني ،، هكي خطر ع بالي وين نعرف أنا
يوسف ،، به ي قمر .
اماني ،، لحظه اهو اموله تتصل
يوسف ،، به ردي
أماني ،، اهلا اهلا بأخت العروسة
أمل ،، هههه وقريب نولي أخت العريس حت .
أماني ،، شن قصدك ؟؟
أمل ،، ههههه محلاك وأنتي هكي .
أماني ،، بلا جوو شن صار
أمل ،، توتو مش راح نحكي شئ توا , بكره جايتك ونحكيلك بالتفاصيل الممل
أماني ،، ي عنشكلك شن بصبرني لغدوة أنا .
أمل ،، أشي مصح وجك حت الفرح ما فرحت بجيتي قتلك بنجيك غدوة ي بنت .
أماني ،، ترا خليني والله معاد عارفه شن نقول توا , للكن شن بنقلك أكيد فرحانه لأنك بتنورينا غدوة .
وهنا ع طول يوسف طبس رأسه لوطه وقعد يبتسم وخطر ع باله يفتح النت ويضيف أمل
أمل ،، هههه به به ماطولش عليك توا وأصلا انا نعسانه وتعبانه نتلاقو غدوة .
أمني ،، تم وما تجيش غدوة نهارك لدوري فيه .
أمل ،، هههه تي وحق ربي عسل وهي سلمي ع مامتك وتصبح ع خير
أماني ،، تلاقي الخير حاضر يوصل وحت أنتي وأمال
أمل ،، إحم إحم وبلكي تبي سلام خاص ل محمد حت
أماني ،، ي عنشكلك هي طيري خيرلك
أمل ،، ههههه سلام
أماني ،، سلام
مجنونة
يوسف ،، خيركم ؟؟
أماني نست يوسف من بالها نهائيا هههه ،، اها ولا شئ تهدرز يوسف هي خلي ندخل نرقد أنا توا غدوة أمل يتجي عندنا .
يوسف وداير نفسه ما عنده علم ،، حاق به هي حت أنا بنرقد
مشت أماني لدارها وكلها تفكير ف محمد وشن صار وشن بيصير ؟؟
بينما يوسف دخل لداره ومسك هاتفه وع طول دخل للفيس
وشاف الطلب لسا معلق فكر إنه يدخل خاص ويبعث مسج ل أمل .
عند أمل
سكرت من أماني وجت لمكانها وكسدت ع الهاتف
وبمجرد ما فتحت الفيس جاها طلب صداقة وهي قعدة كيف إدير ف دورة ع الإيميل جاها مسج منه
يوسف ،، السلام عليكم أمل أنا يوسف أقبلي طلب الصداقة ولا لسا تفكري تقبلي او لا ؟؟
أمل تحشمت حست وكأنه يوسف كان عارف إنها كانت إدور ف إيميله،، اهلا وعليكم السلام إستاذ يوسف
لالاه مش هكي غير بس كنت نبي نتأكد هل أنت او واحد غيرك .
يوسف ،، ولو كان شخص غيري يا تري كنتي راح تقبلي او لا؟؟
أمل ،، طبعا راح نرفض ممنوع نقبل شخص مانعرفه وخصوصا الشباب .
يوسف ،، اممممم به كويس
ع سيرة الشباب من الولد لكنتي معاه اليوم ؟؟
أمل ،، عفواا مافهمت قصدك ؟؟
يوسف ،، قصدس خطيبك حبيبك صديقك من يكون الولد ؟؟
أمل ،، ولا واحد من هذا كله
يكون ولد خالتي عبدو
يوسف ،، عبدو هوا إسمه هكي عبدو يعني
أمل ،، هههه تي لا لكن انا نحب إنقله عبدو كونه قريب مني هلبه
يوسف ،، به ي أمل كويس
المهم شن الاسئله ل في بالك بخصوص المنهج ؟؟
أمل وهي مصدومة من ردة فعل يوسف ،، اها اي ف كذا من سؤال نبي جواب ليهم .
يوسف ،، تم غدوة وأنتي جايه عندنا نشرحلك شن تبي غير توا أنا نعست معليشي .
أمل ،، لا عادي حت أنا نعسانه هي تصبح ع خير
يوسف ،، تلاقي الخير .
سكر يوسف و في باله ليش هوا توتر هكي من لاشئ ؟؟
بينما أمل سكرة منه وفي بالها ليش هوا مزاااجي لهدرجة ؟؟
وهكي فات الليل وكل شخص يفكر في شئ معين يخصه .
• أماني كانت تقريبا شبه راقدة كانت تبي ترقد لحت ماتحس بطول الليل بس للأسف كان كل تفكيرها مع محمد وشن الموضوع ل بتحكي فيه أمل معاها
• أما محمد كان فرحان هلبه وممكن اليوم أول ليلة يرقد مرتاح ومبسوط هكي .
• أمال كانت مبسوطه ب علي ومن جهة ثانيه خايفه من هالخطوة.
• أمل كانت فرحانه عشان محمد وأماني ومن جهة حاسه بشئ غريب يصير معاها وحاسة بقرب يوسف ليها كل يوم يزيد بدون أي فعل منها .
• يوسف في كل تصرف يتصرف فيه مع أمل كان يحس بشئ غريب وهالشئ حاس إنه كل يوم يكبر في داخله بس مش متقبله نهائيا لأسباب راح تعرفوها قريبا .

"ندعي النسيان دوما ولكن هناك شعور داخلي يطغي دوما علي كل ما هو غير مرغوب, ليجعله مرغوبا بدرجة أولي في كل حدث "
"
"
"
جي نهار جديد بكل شئ جديد

عند أمل
ناضت مع س 10 صلت وفطرت وكسدت مع العيله بما إنه اليوم كان جمعه
أمل ،، ماما اليوم نبي نمشي ل أماني عادي ؟؟
إمها ،، عادي لكن شاوري بوك وشوفي خوك لو قالو باهي إمشي .
أمل ،، شن قلت ي بابا عادي نمشي ولا شن ؟؟
بوها ،، والله شن بنقلك إمشي بس ماتعطليش عاد اليوم جمعه وماده بيا نشبع بشوفتك .
أأمل ،، نجك ليا ي ررروحي حاضر بعون الله مانطولش عليك
ومشت تجري ل محمد
أمل ،، محمد ترفعني ؟؟
محمد ،، وين ؟؟
أمل ،، عند أماني .
محمد ،، توا هذا سؤال أكيد نرفعك
أمل ،، هههه أصلا كنت عارفه
تعرف أحلا شئ ف الموضوع كله إنه بنشبع بشوفت أماني ,
محمد،، هههه مابردك ي بنت
إمته تبي نرفعك ؟؟
أمل ،، ساعه ثانيه نمشوو لانه نبي نروح بكري ع خاطر بابا
محمد ،، تم واصلا حت أنا وراي شوره نبي نسأل ع الولد لتقدم ل إختك باش نردو ع الناس
أمل ،، تم معاها اهو خلي اندور دوره ع الحوشش ونجهز نفسي فيما أنت جبتلي شئ نرفعه معاي ل أماني
محمد ،، تم أهو شوي ويكون كل شئ تمام .
أمل ،، حلووو
دوره وجي محمد وجهزت نفسها أمل وكانت جميلة جدا ومشو ل حوش أماني
وطبعا أمل خدت النعته من أماني وقت جتها وكونها تزبط في الشوارع ماتعبت لحت توصل
وصلت أمل ونزلت ورنت الجرس
عند أماني
نايضه نشاط وحيويه لفت ع الحو ش وجهزت حاجات بسيطه
وفطرة مع إإمها ويوسف
وكسدت مع العيله بعدها خطر ع بالها دير كيكه وتجهز نسكافي
وإمها تجهز في الغداء بجنبها
وبينما هما في المطبخ رن جرس الباب
يوسف ،، أماني تعالي شوفي مني
أماني ،، انا مش فاضيه أفتح أنت
وناض يوسف لحت يفتح الباب
يوسف ،، هي هي دقيقة بس وفتح الباب ونبهر وقعد مصدوم وخلاص ..
أمل ،، ............................. يتبع

google-playkhamsatmostaqltradent