رواية اتعبتني ولكن (امل ويوسف ) الفصل التاسع 9 بقلم يوتة
حلقة (9)
""
يوسف ،، أماني تعالي شوفي مني ؟؟
أماني ،، انا مش فاضيه أفتح أنت
وناض يوسف لحت يفتح الباب
يوسف ،، هي هي دقيقة بس وفتح الباب ونبهر وقعد مصدوم وخلاص .
ههههه ي أهلين وسهلين قصدك بجديات جيتينا ؟؟
أمل ،، والله شن رايك أنت ؟؟
أنا قتلك راح نجي وراح تجيبلي أماني في اي وقت نبي .
يوسف ،، هههه تي ماشي ماشي غير هي تفضلي وانستينا بجد .
أمل ،، هههه بعد شنوو ؟؟
إلا وين أماني ؟؟
يوسف ،، هكي طول تبي أماني غير سلمي عليا وأسألي ع حالي قبل ؟
أمل ،، اي حق نسيت كيف حالك أكيد كويس وتوا وين أماني ؟؟
يوسف ،، ههه لا الحمدلله كويس
دقيقة بس توا تجيك .
أمل ،، به
يوسف ،، ي أماني تعالي أمل جت
أماني ،، هي هي أنا جيت
مرحبتين بنور العين كيف حالك بجد بجد نورتينا ؟
أمل ،، سلمهالي يارب كيف حالك أنتي وشن جوك ؟
أماني ،، كويسة بشوفتك
ي أمي تعالي سلمي ع أمل
الأم ،، أهلا أهلا ببنيتي كيف حالك وحال صحتك نورتينا .
أمل ،، سلمك ي عميمه الله يخليك .
كيف حالك أنتي ؟؟
الأم ،، كويسة بطلتك ي زينه
أمل ،، سلمها يارب .
الأم ،، هي خودي راحتك بنيتي وإعتبري الحوش حوشك
وأنتي أماني خليك معاها توا أنا نكمل الغداء .
أمل،، حاضر ي عميمه بس لو بناخد راحتي ماتجيش إحنا إمقعمزين وأنتي لاهيا ف المطبخ بروحك لالاه هي توا إنوض أنا وأماني إنكملو شن في وأنتي إرتاحي .
الأم ،، لكن ي بنتي ؟؟
أمل ،، لا عاد مش أنتي تقوليلي بنتي خلاص خليني ع راحتي .
الأم ،، به ي غالية لريحك
"يوسف حب كلام أمل ولو كان بسيط بس فرح كونها دخلت ف عيلته بكل حب "
أماني ،، هههه زي تسكير رأسها مافيش ي إمي لذلك ماتحاوليش
أمل ،، أنتي عاد إسكتي وهي نوضي نجهزو لقالت عليه عمتي .
أماني ،، هي
دخلو البنات للمطبخ ويوسف مشي لصلاة الجمعه والأم قعمزة تقرأ في قرأن
أمااني ،، هوا تقريبا كل شئ جاهز أنتي بس قعمزي وأنا نكمل شن في
أمل ،، تعرفي شن؟؟
كان ماتسكتيش نهارك لدوري فيه شن إنقعمز أهيا حت أنا بندير معاك
أماني ،، إممم به
أنتي جهزي الخضراء وحطيها ف الصحون ورتبي السفرة وأنا نقلي البطاطس وندير الباقي
أمل ،، به
أماني ،، أي حق نسمع فيك
أمل،، شن ؟؟
أماني ،، شن قلتي بنقلك إمبارح يلا قولي
أمل ،، أها اي فكرتيني
حق محمد يبي يكلمك ع نت او هاتف أو اي شئ المهم يبي يتواصل معاك ؟؟
أماني ،، شننننننننني ؟؟؟
أمل ،، بسم الله خيرك ؟؟
أماني ،، قصدك محمد طلع يعرفني وطلع عنده علم به كييف صار وانتي كيف عرفتي وهل فاتحتي انتي ف الموضوع قبل ولا هوا بالله قوليلي تي معاش فهمت شئ وعلا ش يبي يكلمني ؟؟؟
أمل،، غير بشوي عليك وما تتوتري القصه وما فيها محمد كان يعرفك بس كان متأمل إنك تعرفي و وقت أنتي إتجاهلتي إنهار ف أنا وقت جيت نحكي معاه ونسأل فيه
بشوي بشوي لين جاب سيرتك ف أنا شرحتله الوضع وهذا ليش هوا طالب يحكي معاك قال في أشياء لازم نتناقش فيها وبعدين باقي المشوار شوركم ي غزاله أنا بس وضحت الصوره ليك وليه وإن شاء الله خير .
" حول نقطة البدء نتدرج هنا وهناك سألين نفسنا هل سنعبر أم سنغرق في تلك النقطة إلي الأبد "
أماني ،، إن شاء الله خير وحق الله حاسه مستوي الأدرنالين فل عندي مش عارفه كيف راح نتصرف ؟
أمل ،، غير أسمعي أنتي مش قلتي نبي محمد وغنه عاجبك وهكي ؟؟ىوقلتي واثقة فيه وبحبه ليك؟؟
أماني ،، اكيد .
أمل،، به حلو خلاص ليش متوترة هكي وكوني واثقه خوي يحبك وشاريك .
أماني ،، به أنتي شن تنصحيني نحكي معاه ولا لا ؟؟
أمل ،،أنا من رأي جربي تعطي لنفسك فرصه ثانية وكيف ماقتلك بغض النظر إنه خوي بس أنا واثقة من حبه ليك وأنتي زيدي فكري هل تقدري تكملي ف هالموضوع ولا لا ؟؟
أماني ،، به أنا راح نرد عليك إن شاء الله ومرات إنفكر إنشاور يوسف ونشوف رده .
أمل ،، به حلو حت هذا رأي وهي خلينا نكملو إستاذ يوسف ع جيه .
أماني ،، اي هي وبالله سامحيني تعبتك معاي أمولتي
أمل ،، بنضربك ي بنت خلاص إسكتي أنتي أختي والله .
وكملو البنات الغداء وجي يوسف وقعمزو تغدو وبعدها دخلت أمل وأماني يشطبو ف المطبخ .
أماني ،، اوووف واخيرا تمينا
أمل ،، اي
أماني ،، أسمعي خلي إنديرو قهوة ومعاها كيكة ونغيرو جو البرا
أمل ،، هوا الحق أنا نبي إستاذ يوسف يشرحلي شوية حاجات مش واضحه خلي نمشي يشرحلي قبل مايجي محمد وأنتي ديري القهوة ولا نقلك تعالي معاي وخلي القهوة بعد شوي ,
أماني ،، لالاه أنا خلي إنجهز القهوة ونجيكم .
أمل ،، به لريحك .
ومشت أمل ل يوسف \
يوسف كان مقعمز ولاهي في الهاتف لين سمع صوت أمل
أمل،، معليشي إستاذ يوسف عادي لو شرحتلي الفقرات لقتلك عليها
يوسف ،، ا ياي تعالي ي أمل نشرحلك عادي بس بالله من توا بلاش كلمة أستاذ إعتبريني أي شئ إلا أستاذ .
أمل ،، بس فعلا أنتي أستاذي وما تجي نقول إسمك حاف هكي ؟؟
يوسف ،، والله صدقت فيها أماني زيت سكير رأسك مافيش
تي مافيشي ع راحتك بس ليكون عندك علم أنا مش متقبل كلمة استاذ منك وأهو قتلك .
أمل ،، إن شاء الله خير .
اي االمهم هذا مش فاهمه كيف جي وع أي اساس تركب هكي وفي شئ أخر مش فاهمه تركيبه ونبي نبدة مختصرة ع هالمركب ؟؟ وبس
يوسف ،، حاضر
شوفي وشرح يوسف ل أمل أول سؤال وصار بينهم إنسجام جميل ومره مره يتلاقو العيون وتزيد نبضات قلبهم تتسارع وخصوصا عند أمل لعند ما جي هاتف ل أمل
أمل ،، لحظه بس خلي نرد ع المكالمة
يوسف ،، به تفضلي
أمل ،، الوو اهلين عبدو كيف حالك ؟؟
عبدو،، الحمدلله تي وينك أنتي مش ع أساس بنطلعو اليوم معقوله شن إتفقنا إحنا مش قلنا بنديرو دورة في المنتزه ولا نسيتي ؟؟
أمل،، اوووف عبدو والله نسيت بكل راح عن بالي المنتزه وأنا جيت عند صاحبتي والمشكلة بابا خاطره عندي اليوم مش راح نقدر نمشي ي عبدو كان هذا خليها غدوة ولا اي يوم اخر ؟؟
عبدو ،، تي ماشي ي أمل به تقدري تروحي خلي نغيرو جو معاك لانه نسيبه زعلت منك راه ودوري شن برضيها توا ؟؟
أمل،، به عادي ع س 4 تعاله روح بيا تمام
عبدو ،، تمام
طبعا عبدو زي ماتعرفو ولد خالت أمل ونسيبه تكون إخت عبدو
هما الاقرب ل أمل من الاقارب وتفضلهم عن الكل نسيبه أصغر من أمل ب سنه أما عبدو م 90 .
أمل ،، سامحني عطلت عليك لكن شن بندير ؟؟
يوسف ،، لا شن بديري عادي هدرزي ع راحتك مع عبدو شن المشكله؟؟
أمل،، نعم خيرك تحكي هكي ؟؟
يوسف ،، نحكي عادي ي أمل ومادوري شئ
المهم هذا التركيب ناتج من المركب التالي والنبدة المختصرة لتبيها راه نعاود نشرحها للكل ف المحاضرة الجايه وهي توا نعسان ونستأذنك .
أمل،، جوها تعكر من تصرف يوسف الغير مبرر في نظرها
بس يوسف فيك شئ يعني انا ضايقتك بشئ قبل المكالمة كنت كويس خيرك توا ؟؟
" في نظري أجمل تصرف هوا التصرف الغير مدرك لأنه العفوية ح تكون سيدة الموقف "
يوسف كان كيف ماشي وقت سمع إسمه من غير كلمة إستاذ من أمل إبتتسم للحظه وأدرك إنه لداره ماليشي أي مبرر غير الغباء او بمعني أخر شئ ناتج من دون وعي منه
يوسف ،، لا أمل انا كويس غير نعسان هي نتلاقو
ومشي يوسف واول مادخل لدار جي في باله تصرفه مع أمل وقعد يسأل في نفسه ليش هكي قاعد يصير معاه ؟؟
بينما أمل إنزعجت من تصرف يوسف وفي بالها ليش هكي تصرف وبعدها جت أماني
أماني ،، اموله انتي بروحك إملا وين إمي ويوسف ؟؟
أمل ،، عمتي نعرفش بس يوسف دخل لداره ؟؟
أماني ،، لداره وفي هالوقت ؟؟ غريبه مش من عوايده ؟؟
أمل ،، قال بنرقد.
أماني ،، اها خسارة حسبت بحسابه
يلا مش من نصيبه القهوة توا وقت ينوض إنديرله .
أماني ،،خيرك اموله فيك شئ حاستك مضايقةة ؟؟
أمل،، لالاه أنا كوويسه
أماني ،، به اشربي قهوتك خيرك ؟؟
أمل ،، اهو نشرب
وفات الوقت وجي موعد مرواح أمل وهذا كله ويوسف ما طلع من الدار بكل .
أمل ،، هي أمونتي نستأذنك انا توا ولد خالتي جي
اماني ،، اها مش ع اساس محمد
امل ،، لا ماهو محمد عنده شغل وفي نفس الوقت ولد خالتي واخته عندنا
اماني ،، اها به نتلاقو معناها
امل ،، اي ان شاء الله وسلميلي ع مامتك مع السلامه
اماني ،، يوصل سلام
وبمجرد ما طلعت امل روحت طلع يوسف من داره
وكسد مع اماني وبعدها طلع غير جو
فات الوقت وجي الليل
نسيبه ،، المره هاذي سلكتي والمره الجايه بنمشو دخليش فيك ؟
أمل ،، ههه حاضر عليك حصله وخلاص
نسيبه ،، ماشي هي ليلتك سعيدة توا
عبدو،، تصبحي ع خير وهي امشي ادخلي صقع عليك
امل ،، حاضر مع السلامة
عبدو ،، سلام
دخلت امل وعبدو واخته روحو وهما في الطريق
نسيبه ،، لي شانت ديما مهتم ل امر امل هكي ؟؟؟
عبدو ،، عادي شن فيها امل بنت خالتي ومن واجب عليا نهتم لانها قريبه عليا زي قربك انتي ليا وخوفي واهتمامي عليها من اهتمامك
نسيبه ،، متأكد ي عبدو ؟؟
عبدو ،، ااي وبالله اسكتي يكفي امي ديما شاده في هالموضوع يعني انا شن بندير لو امل تعتبر فيا حسبت خوها وعمرها مافكرت فيا ؟؟
نسيبه ،، هذا غلطك لانك ماعطيتها الفرصه انها تفكر فيك ؟؟
عبدوو ،، واااك بالله سكري ع الموضوع وخليها ع النصيب
نسيبه ،، تمام
عند اماني
بعد مانضمت حوسة العشاء جت جنب يوسف وقرارة تحكيله ع كل شئ
اماني ،، يوسف نبي نحكيلك وناخد رايك ف شئ ؟؟
يوسف ،، اكيد
اماني ،، القصه ومافيها تتفكر وقت سالتك يومها وقتلك راح انقلك ؟؟
يوسف ،، اي
اماني ،، اي الحق الموضوع يخصني
ويخص محمد اخ اماني
يوسف ،، محمد خيره ؟؟
اماني ،، وحكت اماني كل الموضوع ل يوسف
يوسف ،، به شن رايك انتي ؟؟
بصراحه انا شن بنقلك هوا محمد يبان شخص كويس لكن مش عارفه عليك انتي ؟؟
اماني ،، ماهو انا بروحي ما نقول عليه شئ الولد لكن قال يبي يكلمني اقل شئ يتفاهم معاي وبعدها بيتقدملي طول ف انت شن رايك ؟؟
يوسف ،، شوفي بنكون معاك صريح و واعي
انا حاس انها الشخص المناسب ليك جربي تتعرفي بس ماتخلي الفترة الطول اقل شئ شهر شهرين بعدها حطي النقاط ع الحروف هكي افضلك .
اماني ،،، وهوا هكي ربي يخليك ليا يوسف الحلووو \
يوسف ،، هههه قوية
اماني ،، به يوسف قولي شن رايك ف امل
يوسف ،، امل ؟؟
اماني ،، اي امل ؟؟
يوسف ،، خيرها من اي ناحيه ي عني؟؟
اماني ،، مش عارفه بس انا ل في خاطري بنقوله
تبي الحق انا نشوفها مناسبه ليك وحت امي حبتها وانت لازم تفكر في الموضوع ماليا يعني لعند امته حتقعد هكي معقد نفسك وحياتك معاك بغض النظر ع لصار معاك قبل بس هاذي مش نهاية بلعكس شوف حياتك وجرب تنسا عارفه لكان ف الماضي شئ كبير بس للاسف انكسر وكسرنا معاه خلاص فوته وجرب تفكر ف امل او اي بنت ثانيه بس انا بودي تكون امل لانها تستاهلك وانت تستاهلها ؟؟
يوسف ،، هذا رايك انتي ؟؟
اماني ،، هههه غير لحظه لحظه كأنك حبيت الموضوع نوعا ما
ي سلام و لاول مره يوسف يسمع موضوع زيه هكي وما يسكره تي لا وحق الله ف إنه في الموضوع يلا إحكي شن في؟؟
عند أمل
بعد ما روح عبدو واخته جت كسدت مع امال
امال ،، حق محمد رد ع علي وقله إتفضل تعرفي خايفه ؟؟
امل ،، بلا خوف زايد بكره تتزوجي وتكوني عيله وتعيشي احلي ايامك
امال ،، هذا رايك ؟؟
امل ،، اكيد
محمد،،، ي امل
امل ،، حي محمد ينادي عليا خلي نشوفه شن يبي ؟؟
امال ،، غير كان نعرف شن في بينكم بس ؟؟
امل ،، ههههه قريبا خبر الموسم غير هي توا نرجعلك
ومشت امل ل محمد
محمد ،، تي وينك من بكري انا ع اعصابي شن صار كلمتيها ؟؟
امل ،، اي ونوعا ما موافقة بس تبي تفكر ع اكيد غدوة حترد عليا
محمد ،، يلا ان شاء الله خير
امل ،، وحياتك كلوو حيكون خير ف خير
محمد،، يا ستي ان شاء الله وانا شن نبي اكثر من الخير .
عند اماني
اماني ،، يلا عااد احكيلي والله مافي مهرب ي يوسف إعترف ؟
يوسف،،، وووواك منك هوا بصراحه يعني ..................................... يتبع
