-->

رواية اتعبتني ولكن (امل ويوسف ) الفصل السابع 7 بقلم يوتة

رواية اتعبتني ولكن (امل ويوسف ) الفصل السابع 7 بقلم يوتة

    رواية اتعبتني ولكن (امل ويوسف ) الفصل السابع 7 بقلم يوتة

    حلقة (7)

    ’’
    ’’
    اماني ،، به كيف بنتأكد انا ؟؟
    امل ،، مش عارفه بس انا واثقه انه نفسه .
    اماني ،، لحظه لحظه عرفت كيف ,
    امل ،، كيف ؟؟؟
    اماني ...توا انتي قبل شوي قلتي أكيد متغير عليك علي خاطر طول شعره وهكي صح ولا لا ؟؟
    امل ،، اي صح بس شن قصدك ؟؟
    اماني ،، قصدي اكيد عندك ليه صوره وقت كان شعره قصير وله ؟؟
    لو عندك خليني إنشوفها ممكن نزبط الشكل ؟؟
    امل ،، صحه ليك معاك حق .
    لحظه بس ’
    اكيد عندي ليه صوره في الهاتف خلي انشوف ...
    اماني ،، اي دوري بسرعه قبل مايوصل يوسف .
    امل ،، اهو لقيتلك وحده شوفي .
    اماني وهي ماسكه الهاتف ومصدومه ،، مستحيل !!!!!!!!!!!
    امل ،، شن صاار ؟؟؟
    اماني ودموعها في عيونها ،، هوا ي امل هوا نفسه محمد خوك
    تعرفي مش مصدقه لصار , يعني شئ شابيه بالمعجزة !!

    امل وهي فرحانه وفي نفس الوقت متأثره مع أماني ,,, ي روحي عليكم يعني بعد هذا كله قدر ربي ان يجمع بينكم وبصدفه احلي واحلي فعلا الخيره فيما يختاره الله
    يعني من كان يصدق إن صدفه صغيره تجمع بيني وبينك بس لحت توصلك لماضي سيبتي .
    اماني ،، اي والله تعرفي
    لو جي حد وقالي إنك راح تتلاقي مع محمد بعد الوقت هذا كله ماكنت حنصدق بس اليوم
    ادركت ان الخيره في كل تأخيره .
    أمل ،، تعرفي
    محمد راااح يفرح هلبه وقت يعرف
    أماني ،، مااعتقد كان هذا راه كلمني أقل شئ وقت شافني
    به انا وكان متغير عليا وهوا شن ؟؟
    امل ،، بلا جووو شن كنت نحكيلك قبل شوي
    هوا لاغي كذا شئ بس ع خاطرك شن تحكي انتي ؟؟
    أماني ،، به قوليلي ليش ما كلمني أو حت جي وحكالك عني ؟؟
    أمل ،، مش عارفه ؟؟
    بس انا واثقه انه عرفك
    اما بخصوص ليش ما كلمك ممكن عشان حس إنك ماعرفتي ولا حاجه .
    أماني ،، ممكن
    بس بالله ماتقوليله عليا شئ
    قبل مايسأل هوا عليا .
    أمل ،، ليش بس هوا اكيد راح يفرح بيك ؟؟
    اماني ،، عارفه بس نبي نعرف هل عرفني ولا لا ؟؟
    امل ،، به حاضر
    اماني ،، اي
    تعرفي فرحت بشوفتك هلبه اليوم.
    امل ،، هههه قصدك ب محمد وله ؟؟
    اماني ،، هههه خزي عليك
    لكن الحق الحق فرحت من قلبي بيك وب محمد .
    امل ،، أطلع ي حق ربي ههههه
    اماني ،، عاد انتي ماتصدقي تلاقي حاجه تشديها ع الواحد ههههه
    امل ،، بكل وله هههه اصلا عارفه روحي

    وفات الوقت وجي يوسف وروح ب أماني
    ف الطريق
    يوسف ،، شن الاجواء ؟؟
    اماني،، ميه ميه
    يوسف ،، وااضح عليك اصلا
    لكن وله ؟؟
    اماني ،، شن ؟؟
    يوسف ،، قداش ليا ع شوفتك وانتي هكي ’ يعني جوك رايق وسمح ..
    اماني,, معاك حق اليوم فرحت هلبه من قلبي ب امل واهل امل
    تعرف اهلها ناااس طيبين بشكل.
    يوسف ،، اهاا حلووو
    وامل كيف حالها ؟؟
    اماني ،، به حسيتها افضل بشوي
    يوسف ،، به ان شاء الله كل يوم افضل من يوم
    أماني ،، ان شاء الله

    لحظة صمت ...........

    اماني ،، يوسف نسألك سؤال ؟؟
    يوسف ،، اكيد
    اماني ،، لو مثلا مثلا
    كنت تبي شئ ولظروف معينه سيبته ، وبعد فترة طويله يرجع يطلع هالشئ ف حياتك من جديد
    ويكون اقرب ليك من قبل , كيف راح تتصرف معاه؟؟ يعني راح تسمحله يدخل لحياتك ولا لا؟
    يوسف،، امممم
    هوا اصلا بما إنه رجع لحياتي من جديد اكيد حيكون خير من ربي ليا .
    اماني ،, كيف يعني؟؟
    يوسف ،، توا مثلا لو سيبت شئ وانا نبيه بس سيبته لظروف معينه وشاء القدر ان يجمع بينا من جديد
    هذا الشئ لو ذله ع شئ اكيد راح يكون ي فرصه ثانيه ي خير ليك ..
    اماااني ،، امممم به كويس
    يوسف ،، به شن قصته هالسؤال ؟؟
    اماني ،، راح نحكيلك بس مش اليوم , وقت اخر ان شاء الله .
    يوسف ،، تمام

    عند امل
    بعد ما روحت اماني جت وكسدت مع اختها وامها
    وحكتلهم ع اماني ومن تكون
    امال وام امل فرحو كونه اماني هي نفس البنت وكونه محمد راح يرتاح معاها فعلا .
    وبعد شوي دخل عليهم محمد واحمد
    فالكل سكر الموضوع بطلب من امل .
    محمد ،، اي ي امي راه اليوم كلمني واحد وقال نخدم مع امال .
    وهنا عاد امال ولوو عيونها قلوب قلووب
    ام امل ،، خير ان شاء الله
    محمد ،، خير قال بنجيب اهلي غدوة
    ف شن رايكم ؟؟
    ام امل ،، قوله تفضل ي ولدي
    محمد ،، تم بعون الله
    معناها خلي انكلمه وبندخل نرقد انا .
    امل ،، من توا
    محمد،، اي نعساان
    وناض محمد كلم علي ودخل لداره , بعد شوي دخلت امل
    وقعدت تجبد منه ف الدوة بس محمد كان مضايق لدرجه مش قادر يحكي لذلك امل
    طلعت من الدار وخلاته ع راحته ، وفي خاطرها تحكيله ع اماني بس في نفس الوقت إعطت وعد للبنت لذلك رجعت ل اهلها وخلاص .

    عند يوسف واماني
    وصلو للحوش دخلو كسدو جنب امهم وغيرو جوهم
    بعدها تعشوو وصلوو العشاء ولهذا دخل لداره .

    فات النهار ع الكل وجي الليل
    وكان كل حد يفكر ف شئ
    محمد وقصته مع اماني وحاير بين انه يحكي او مايحكي وبين عرفاته او ماعرفاته وهلبه اسئله ادور ف راسه
    وبعد تفكير طويل حط المخده ع راسه ورقد ,
    يوسف وتفكيره ف اهله وفي حياته ولعند امته راح يقعد هكي ؟؟
    اماني والشئ لصار معاها اليوم ؟؟
    امال وقصة الخطوبه ؟؟
    امل وتفكيرها ف خوها وصديقتها ؟؟
    وفات الليل وجي نهار جديد .

    "" عندما يكون التفكير عقيم , لا تجاهد من أجل علاجه فقط ضع نقطة وأبدأ من جديد ""

    عند امل
    ناضت وكلها طاقة وحيويه توضت وصلت وفطرت وطلعت للكليه مع امال ومحمد .

    عند اماني
    ناضت توضت وصلت وفطرت وطلعت هي ويوسف للكليه .

    في الكلية
    وصل يوسف ومحمد مع بعض
    نزلت أمل وفي الوقت نفسه نزلت اماني وعيونها مع محمد ومحمد نفس الشئ
    وهنا محمد حس بنظرات اماني ليه وتوتر هلبه
    امل سلمت ع اماني وفاتت يوسف ,, اما يوسف سلم ع محمد ودخل للكليه

    عند البنات
    اول ما دخلو ع طول امشو للكشك خدو شيتات ودخلو للمحاضرة
    فات الوقت وطلعو البنات ع طول للكفترياء طلبو شن يبو وقعمزو يفطرو
    اماني ،، اي امل شن صار معاك بخصوص محمد ؟؟
    امل ،، والله هوا ماقال شئ وانا ما سألت ولكن امس كان مضايق هلبه
    اماني ،، ماعرفتيش علاش ؟؟
    امل ،، لالاه الحق
    بس ان شاء الله اليوم لو حصلت وقت بنهدرز معاه .
    اماني ،، تمام وقوليلي عاد شن يصير
    امل ،، حاضر
    اسمعي امونه انا بنوض انجيب قهوة نجيبلك معاي
    اماني ،، لالاه اعفيني منها انا
    امل ،، تمام
    وكيف بتنوض امل تخبط ف يوسف
    امل ،، اييييييييييي معليشي ماشوفت
    يوسف ،، مش مشكله انتي كويسه
    امل ،، اي كويسه شكرا
    اماني ،، خير يوسف تبي حاجه ؟؟
    يوسف ،، لا غير بس جي الخاطر ف قهوة قلت انجي ناخد طاسة.
    اماني ،، اها
    به وانت ماشي جيب حت ل امل معاك كانت حت هيا بتجيب قهوة
    امل ،، لا اهو توا نمشي نجيب انا ونجيبلك معاي
    يوسف ،، لالاه توا انا نجيبلك كيف تحبيها
    امل ،، وسط
    يوسف ،، تمام
    ومشي يوسف
    امل ،، خزي علاش خلتيه يجيب كنت جبتها بروحي
    اماني ،، بلا جو عادي شن فيها
    امل ،، به تمام
    اماني ،، غير اسمعي ف ولد جاي شورنا راه
    امل ،، شني ؟؟ ولد من ؟؟
    اماني ،، نعرفش
    امل ،، إتلفتت ع طول
    اهاااا هذا عبدوو
    اماني،، من عبدوو؟؟
    امل ،، غير خلي نمشيله ونجيك
    اماني ،، تمام
    ومشت امل ل عبدو بينما يوسف خدي القهوة وجي ل اماني
    وكيف بيسأل ع امل جت عينه عليها هيا والولد .
    يوسف ,, خيرك بروحك قعدة ومن الولد ل واقفه عليه امل ؟؟
    اماني بالجو،، اها هذا خطيبها شن رايك فيه ؟؟
    يوسف وهوا مصدوم ،، شن قصدك مخطوبه هيا ؟؟
    اماني ،، هههه وخيره وجك تغير هكي انبصر راه هههه
    يوسف ،، ملا انتي لاتغير لاشئ غير انصدمت يعني مش واضح عليها
    اماني ،، اها تي ماشي ماشي

    عند امل
    ناضت هدرزة ع عبدو وغيرة جو معاه ورجعت ل اماني
    طبعا عبدو يكون ولد خالتها وصديق قريب ليها هلبه
    المهم اول مارجعت امل ل اماني لقت يوسف مقعمز جبدت الكرسي وقعمزة معاهم وبدو عاد يهدرزو وينكتو مع بعض
    ولا ول مره يوسف و امل هدرزو بدون
    تلقيح دوه ع بعض .

    وفات الوقت وروحت امل واماني .

    #عند امل
    ووصلت للحوش ع طول رقدة شوي وناضت جهزة مع اختها الضيافه ورتبت الحوش
    وكسدت وبعدهاا خطر ع بالها تتصل ب اماني
    بس للاسف اماني هاتفها كان مقفل ف فكرة تتصل ع ارضي
    حطت الرقم واتصلت .💛💙

    عند اماني
    اول ما وصلت تغدت ونظمت الحوسه وكسدت ع التلفاز وجت العشيه
    كسدت مع يوسف شوي وبعدها دخلت ترتاح شوي لانها نعست هلبه
    ومشت اماني لدارها وكسد يوسف بروحه وبعد شوي رن الهاتف الارضي وكان جنبه يوسف ف رد
    يوسف ،، الوو السلام عليكم
    امل وهي مخلوعه ،، وعليكم السلام
    اهلا استاذ يوسف كيف حالك
    يوسف ،، الحمد لله وانتي ي امل كيف حالك توا
    امل وهي مستغربه ،، الحمدلله بس كيف عرفت انا هي امل ؟؟
    يوسف ،، ههه وكيف عرفتي إني انا يوسف ؟؟
    امل ،، واضح من صوتك
    يوسف ،، وانتي واضح من كلمة استاذ
    قداش بنقلك مره يعني قللي منها خارج الكليه وانتي شئ ماتبي تسمعي الكلام .
    امل ،، مش عارفه هكي متعودة الحقق حسيتها تعكيف هههه لو قلت يوسف حاف
    يوسف ،، واللهي شني بالله اسكتي اسكتي
    امل ،، ههه حاضر
    اي بالله اعطيني اماني نبيها شوي
    يوسف ،، الحق اماني كيف رقدة مانقدر انوضها كلميها بعدين وخلاص ,
    امل،، اهاااا خساره
    يوسف ،، علاش؟؟
    امل ،، قبل نبيها تجي عندنا جاين عندنا ضيوف ونبيها تكون معاي .
    يوسف ،، امممم مش عارف ما اعتقد لأني مشغول الحق
    أمل ،، حاق به معليشي بس بجد قبل نبيها تجي
    يوسف ،، لهدرجة الضيوف مهمين ؟؟
    امل ،، اي
    يوسف ،، ومن هالضيوف ؟؟
    امل ،، خطابه
    يوسف ،، لمن ؟؟
    امل ،، ليا لمن يعني ل اختي هههه
    يوسف ،، خلعتيني هههه نحسابه ليك انتي
    أمل ،، نعم شن قلت وشن المشكله يعني ؟؟
    يوسف بعد قال هالكلام ارتبك هلبه وغير الموضوع ,, به ربي يكمل ع خير ان شاء الله
    اي وعلاش ما تجينا انتي ديما اماني تمشيلكم ؟؟
    امل ،، لا نمشي ان شاء الله
    يوسف ،، إمته ؟؟
    امل،، من غدوة عادي شن المشكله
    يوسف ،، تم تعالي غدوة ونرفعلك بعدها اماني امته ماتحبي
    امل ،، هههه مليحه هاذي خلي انجي من توا كان هذا ؟؟
    يوسف ،، ههههه به تعالي
    امل ،، به به
    اي حق بنقلك ف شئ مش فاهماته ف محاضرة معينه عادي لو شرحتلي ؟؟
    يوسف ،، عادي مش مشكله ابعثيلي شن ل مش فاهماته وانا نشرحلك
    امل ،، تم بس وين بنبعث؟؟
    يوسف ،، ع االفايبر
    امل ،، بس ماعنديش
    يوسف ،، به فيس شن ؟؟
    امل ،، اي به تمام عندي فيس
    يوسف ،، به اعطيني الإيميل
    امل ،، حاضر توا نبعثلك ف مسج
    يوسف ،، وليتي وحفظتي رقمي صار هههه به حلووو
    امل ،، اي حفظته وهي توا نتلاقو بعدين وراي شغل توا
    يوسف ،، تمام وربي يكمل ع خير
    امل ،، ان شاء الله وبالله قول ل اماني تكلمني
    يوسف ،، تمام
    امل ،، سلام
    يوسف ،، سلام

    سكر يوسف من اماني وطلع لخدمته بينما امل سكرة من يوسف وع طول كتب رسالة ل يوسف فيها اسم ايميها وبعثتها

    وفات الوقت وجو اهل علي وشافوا امال وعجبتهم واهل امال حبو اهل علي
    هلبه وبعد ساعه روحو الضيوف وكسدت امال مع امل
    وشوي ودخل محمد عليهم قعمز شوي وع طول امل خداته ع تركينه وبدأت تحكي معاه
    امل ،، احكيلي
    محمد ،، ع شن
    امل ،، خيرك انت شن فيك ؟؟
    محمد ،، ................. يتبع

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .